إعـــــــلان

**نورا المرشدى** **نورا المرشدى** · 11-15-2012, 07:37 AM

الطريقه
قصى قطعتين من السلك طول الواحده حوالى 50 سم
وادخلى فيهما عدد3 حبة كريستال

لفى السلك عليهم جيدا

لفى الخيط الدهبى على السلك

ثم لفى السلك على ابرة كروشيه
بهذا الشكل

هذا شكلها النهائى

والان عندك 8 فروع فى كل فرع 3كريستلات

**نورا المرشدى** **نورا المرشدى** · 11-15-2012, 08:02 AM

حنعمل قلب الورده انا هنا استعملت الكوره الكريستال فى البوكيه

بس فى الشرح هنا استعملت
الكريستله الطويله

وممكن تستخدمى اشكال اخرى زى ماتحبى

قلب الورده
بنقص 3 قطع من السلك بطول 40 سم
وندخل الكريستاله فيه التلاته
ليه 3؟
علشان الكريستاله دى بتبقى كبيره وتقيله
نقص قطعه من السلك السميك
بالطول المناسب للفرع
والمناسب للفازه اللى حتحطى فيها الورد

وطول السلك ده مش بيكون واحد
حتعملى ورده طويله ودى اللى فى نص البوكيه
وزى مانا عمله ثم 3 اقصرثم 8 اقصر
شكلى انتى حسب عدد الورد بتاعك
وممكن كلهم نفس الطول
لفى الخيط الدهبى على قلب الورده
على السلك السميك 4 اى5 لفات
ثم جمعى باقى الفروع ال8 واكملى اللف

**نورا المرشدى** **نورا المرشدى** · 11-15-2012, 08:25 AM

خلصنا الفروع كلها بالعدد المناسب
رتبتها مع بعض وجمعتها بقطعة سلك دهبى
لفيه على الفروع
واربطيها فوق السلك بشريط دهبى

حنلاحظ ان البوكيه تقيل وممكن يميل جوه الفازه
وشكله مش حيبقى حلو وكمان ممكن يقع بالفازه
حنعمل فرعين بالشكل ده
ودول حسب ماتحبى حطى فيهم اى كريستال يعجبك

دول حيبقو خارج الفازه على الجانبين
وده شكلهم اربطيهم مع البوكيه قبل لف الشريط

ده بوكيه تانى استعملت فيه اللون الاحمر

استعملت الكريستاله الطويله
الابيض والاحمر

يارب يعجبكم واكون قدرت اوصل الفكره
استعملى كريستال عصفور
بلاش الصينى
مع كريستال عصفور النتيجه رائعه
ومع انعكاس الضوء عليه
شكله تحفه
لاتنسونى من صالح الدعاء

**نااانو** **نااانو** · 11-15-2012, 09:10 AM

الله الله
ايه الجمال ده
ماشاء الله عليك ام اسراء
بوكيه ورد رائع جدا
تسلم ايدك وشرحك واضح جدا
ممكن تضيفى فى الفازة نفسها
حبات كرستالات شفافة لتثبيت البوكيه فيه
لان فعلا البوكيه بيكون تقيل
تسلم ايدك حبيبتى
انا منفذه فروع كرستال
ولكن بوكيهك رائع
ولمتابعة طريقة عمل فروعى من الكرستال
اضغط هنا

**نورا المرشدى** **نورا المرشدى** · 11-15-2012, 09:44 AM

الفضل لله
ثم لكِ يانانو
انا حبيت الشغل بالكريستال من اعمالك
واتعلمت عنقود العنب منك وعملته
وانتى اللى عرفتينى
منين اشترى السلك والكريستال و ورق العنقود
ودى بعض من اعمالى
يارب تعجبك
وفكره الكريستال اللى جوه الفازه
فكره حلوه

**safynaz** **safynaz** · 11-15-2012, 09:45 AM

ام اسراء
ماشاء الله نتيجة حلوة اوى وكل اعمالك حلوة
تسلمى لنا
وكل سنه وانت طيبة بمناسبة العام الهجرى وكل المسلمين

**منى سامى** **منى سامى** · 11-15-2012, 12:42 PM

ماشاء الله عليك ياقمر
تسلم ايدك وعينك
الفروع طالع شكلها يجنن
تلميذة جميلة طالعه لمدرستك الفنانه
والشرح واضح وجميل
شكرا حبيبة قلبى ام اسراء
فى انتظار كل جديد لك

**هالة** **هالة** · 11-15-2012, 04:54 PM

بسم الله ماشاء الله
تسلم الايادي والعيون
تنفيذ جميل ومتقن
فعلا شغل الكريستال تحفة
تسلم التلميذة النجيبة
والمعلمة الماهرة
ربنا يبارك فيكم
جميلات ألهندسة الصناعية

**امل نيازى** **امل نيازى** · 11-15-2012, 07:00 PM

ماشاء الله
بوكيه روعه
خطوات سهله وشرح رائع
تسلمى
ام اسراء
افاده جميله فى ميزان حسناتك حبيبتى
شكرا لك

**نورا المرشدى** **نورا المرشدى** · 11-16-2012, 08:16 AM

safynaz
ام اسراء
ماشاء الله نتيجة حلوة اوى وكل اعمالك حلوة
تسلمى لنا
وكل سنه وانت طيبة بمناسبة العام الهجرى وكل المسلمين

كل عام وانت وكل المسلمين بخير
شكرا على كلامك الجميل

**نورا المرشدى** **نورا المرشدى** · 11-16-2012, 08:19 AM

منى سامى
ماشاء الله عليك ياقمر
تسلم ايدك وعينك
الفروع طالع شكلها يجنن
تلميذة جميلة طالعه لمدرستك الفنانه
والشرح واضح وجميل
شكرا حبيبة قلبى ام اسراء
فى انتظار كل جديد لك

تسلمى يامنى
وانتم كلكم فنانين ماشاء الله عليكم
اتعلمت منكم الكثير
ومنك انتى
كيفية تغير شابوه الاباجوره
جزاكم لله كل خير

**نورا المرشدى** **نورا المرشدى** · 11-16-2012, 08:20 AM

هالة
بسم الله ماشاء الله
تسلم الايادي والعيون
تنفيذ جميل ومتقن
فعلا شغل الكريستال تحفة
تسلم التلميذة النجيبة
والمعلمة الماهرة
ربنا يبارك فيكم
جميلات ألهندسة الصناعية

الكلام الحلو ده
من فنانه زيك
شرف ليا

**سمو_الروح** **سمو_الروح** · 11-17-2012, 05:45 PM

ماشاء الله تبارك الله
الله يسلمك ويسعدك ويجزيك كل خير
عمل جدا رائع وخطوات واضحة
الفروع اللي عملتيها زيادة اعطت شكل كثير حلو
يارب دوم بالتوفيق

**نورا المرشدى** **نورا المرشدى** · 11-22-2012, 10:40 AM

سمو_الروح

ماشاء الله تبارك الله
الله يسلمك ويسعدك ويجزيك كل خير
عمل جدا راااائع وخطوات واضحة
الفروع اللي عملتيها زيادة اعطت شكل كثير حلوووووووووووو
يارب دوووم باللتوفيق

عندما يعجب عملى فنانو هذا المنتدى
فهذا شرف اعتز به
شكرا لك

سمو_الروح

اعمالك كلها رائعه
واتابع البوماتك على بيكاسا

إعـــــــلان

بوكيه ورد من كريستال النجف

بوكيه ورد من كريستال النجف

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك