إعـــــــلان

**SaMaR_ BakR** **SaMaR_ BakR** · 12-14-2012, 11:22 PM

أهلا بيك ملاك
معلش ,,, السؤال غير مفهوم
يعنى ايه (( بدى معلومات عن الآلوان الشمعيه حتى أتمكن من أنى اعمل خطه للعمل الفني ..))

المقصود تحضير درس وكتابة معلومات عن الألوان الشمعية ؟؟
ولا معلومات عن الألوان الشمعية علشان عمل لوحة ,, أو اللوحة حصل فيها مشكلة ؟؟

ولو في مشكلة في العمل الفني .. أيه هي المشكلة ؟؟
أرجو توضيح السؤال ,, حتى نتمكن من الرد

**ملآك** **ملآك** · 12-16-2012, 06:12 PM

هلأ أنا مطلوب منى أعمل عمل فنى وأشرح فى المحاضره عن الألوان الشمعيه .. هو حصل مشكله فى اللوحه الفنيه انى ما كنت بدى أياها بالألوان الشمعيه انما كنت بدى أيآها بالألوان الخشبيه فأنعملت اللوجه بالألوان الشمعيه فهلأ عايزه حد يساعدنى بمعلومات عن الألوان الشمعيه . هلأ كل درس بنشرح لآزم يكون الو خطه بأهداف سلوكيه ومعرفيه ووسائل تعليميه وتقويم وغير هيك بدى أوضح كل هاد بالخطه فعايزه حد متخصص يساعدنى لأنى حشرح ئدام الأستاذه بالمحاضره

اللوحه عباره عن عمل فنى ( القريه البدويه بالألوان الشمعيه ممكن مثلأ يكون تدرج الألوان الشمعيه أو تناسقها اشى زي هيك

لو اللوحه عن الألوان الخشبيه كان ما تغلبت بس اتورطت باللوحه هاى ولازم اشرح عنها ..

يعنى المطلوب حد يساعدنى بخطه درس فنى للألوان الشمعيه ومعلومات ..

شكرا كتتير ع تواصلك ويعطيك الف عافيه ...

ان شاءالله تئدر تفيدنى وأكون متشكره الك كتتير

**SaMaR_ BakR** **SaMaR_ BakR** · 12-17-2012, 07:59 AM

طيب جميل
طالما ,,, انت بالفعل عندك معلومات عن الألوان ,,
تغيير خامة اللون مش هتكون مشكلة ,, الفرق بسيط جدا
يعنى لو حضرت الموضوع عن الألوان الخشبية
أكيد هيكون عندك معلومات عن اللون بشكل عام
يعنى انا هاديك أمثلة عن التعريفات ,,
واكيد طالما حضرت درس قبل كده
عن ألوان خشبية هتكون سهعل تحصل على باقي التعريفات

والتعرفات المطلوب الحصول عليها هي كالتالي :
ماهو اللون ؟

دائرة الألوان - بيكون في وسيلة تعليمية لتوضيح دائرة اللون
(( هي أداة أساسية للجمع بين الألوان
وقد صمم أول مخطط لدائرة اللون
السير اسحق نيوتن عام 1666 ))

الألوان الأساسية ، الثانوية
الأساسية هي تلك الألوان التى لا يمكن استنباطها
من جمع لونين وهي ( الأحمر ، الأصفر، الأزرق ))

الثانوية (( هي تلك الألوان الناتجة عن خلط لونين بنسبة معينة ،
مثلا ينتج اللون البرتقالى من خلط اللون (الأحمر والأصفر )
وتتحدد الدرجة بتحديد نسبة اللون للون الآخر .

الألوان المتجانسة - وضع وسيلة لتجانس الألوان

الألوان المتقابلة ( المتكاملة)- وضع وسيلة للألوان المتقابلة في دائرة الألوان
(( هي تلك الألوان التى تقابل بعضها البعض في دائرة اللون))
على سبيل المثال ( الأحمر ، الأخضر))

الألوان الحارة
يط لق عليها الألوان الحارة أو الدافئة أو الساخنة
لأنها تميل إلى الضوء وألوان النار مصدر الحرارة.
ترتيب الألوان الحارة في الدائرة اللونية كما يلي:
البنفسجي المحمر - الأحمر - البرتقالي المحمر
البرتقالي - البرتقالي المصفر
الأصفر - الأخضر المصفر

الألوان الباردة
هذه الألوان تميل إلى العتامة أو الدكانة وسميت بالباردة
نظرا لارتباطها بالفضاء العاتم وعمق مياه البحر
وانتشار الليل (غياب الضوء).
ترتيب هذه الألوان هو كما يلي: الأخضر المعتدل - ا
لأخضر المزرق - الأزرق - البنفسجي المزرق - البنفسجي المعتدل.

التدريج اللوني
وهكذا
ممكن لو في إمكانية ,, أستخدام الوسائل دى على presentation
وشاشة عرض هايكون أقوى كتير طبعا
كل دى معلومات عامة
بتوضع في أى درس مستخدم فيه أى نوع من الألوان
تعريفات المصطلحات دي كلها لو مش عندك
ممكن تحصل عليها من ويكيبديا أو أى كتاب عن الألوان
بعد ما بتعمل مقدمة عن الألوان
بتبدأ تختار قيمة لونية واحدة منها مثلا ((التدريج اللوني ))
دى اللى يتعمل عليها بيان عملى امام الطلاب
بأستخدام نفس نوع الألوان ( الشمعية) المطلوب أنجاز العمل بيها

في كمان ممكن تستخدم ,, مصطلحات اللون مثل

كنه اللون ، قيمة اللون، صفاء اللون، لون مكمل
إضاءة اللون ، لون محايد، لون أولى، لون ثانوي ....

بالنسبة للأهداف برضه ده مثال وعلى أساسه تكمل :

أهداف معرفية
1- يتعرف الطالب على الألوان الأساسية أو الثانوية....
2- يذكر الطالب الألوان المتكاملة في دائرة الألوان....
أهداف مهارية :
1- يستخدم الطالب الألوان الشمعية لتحقيق قيمة التدرج اللوني ....

الأهداف الوجدانية :
1- يشعر الطالب بقيمة التجانس اللوني أو التكامل اللوني ...

أرجو أكون فهمت صح ,,, ولو في أسئلة تانية ...
لو قدرت أجاوب أكيد مش هتأخر
أو باقي الأعضاء معانا إن شاء الله

**safynaz** **safynaz** · 12-17-2012, 08:41 AM

سمر ياجميلة
ياصاحبة القلب الكبير
شكرا لك ياقمر
هو انت محتاجة حد من الاعضاء معاكى
انت استاذة

**ملآك** **ملآك** · 12-17-2012, 08:43 AM

بناءا على المعلومات الى اخدتها من حضرتك .. حضرت خطه وزبطت معى ..

لكن هلأ لو بدى أشرح بامعلومات عن الباديه وأجواءها بالألوان شو فينى أجيب أهداف للطالب . وأنو مستوى بالزبط ممكن يتناسب الأول ولا الروضه . أنا من رأي أنو بيناسب المراحل الأبتدائيه يعنى ممكن ال 3 ابتدائى أو الرابع صح؟

وهلأ بدى أتكلم الحياه البدائيه فيها النار والخيام والجمال طبيعه العيشه هناك وأشياء متل هيك أزا فيك تساعدنى فيه

انا عندى معلومات عن الأشياء هاى بس بحب أخد أراء لأنو الأستاذه بدها شغل مرتب ولأنى بدى علامه تكون حلوه

معلش غلبتك .. يعطيك الف عافيه يارب

**SaMaR_ BakR** **SaMaR_ BakR** · 12-17-2012, 12:32 PM

ممكن تدريس الموضوع لأى صف
حسب المطلوب منك
وعلى أساس تحديد الصف ممكن تحدد طريقة التدريس يعنى لو سن صغير
ممكن تستعمل طريقة الحدوته (( القصة ))
تحضر مجموعة من الصور عن البادية ويكون فيها العناصر المميزة للبادية زى الجمال والخيام والبدو بملابسهم المميزة ,, وتقص حكاية ,, اى حكاية خيالية
ويبدأوا يعبروا عن هذه القصة

لو السن أكبر ممكن تبدأ تذكر خصائص الحياة البدوية
السيدة البدوية بتقوم بعمل أيه (( رعي الأغنام، عمل الجبنه ,,,,))
البدوي وخصائص مميزة له (( الملابس ، ركوبة الجمال ,,, )
شكل الخيام المميزة لحياة البادية ,, وهكذا الجمال ، الأغنام
شكل الصحراء والرمال ، السماء ، ,, وهكذا
طبعا لو في وسائل تعليمية كتير هيكون أحسن

الاهداف من المعلومات المتاحة عندك مثلا :

أهداف معرفية
يتعرف الطالب على الخصائص المميزة لحياة البادية
يميز الطالب بين ملابس البدو ، وملابس الصيادين مثلا

أهداف مهارية
يتقن الطالب التعبير عن حياة البادية بصورها المختلفة

أهداف وجدانية
يهتم الطالب بحياة البدو
يقدر الطالب الأعمال اليومية التى يقوم بها البدو
يهتم الطالب بزيارة المعارض التى تحوى معروضات بدوية

ده مثال ,, وعلى أساسه ممكن يتعمل صياغة أفضل طبعا ويبقى أكتر من كده

بالتوفيق
ننتظر تفاعلك في منتداك

**almonalyza** **almonalyza** · 12-17-2012, 02:58 PM

ما شاء الله عليكي يا سمورة
منقذة المواقف
وعلى رأي صافي
استاذة بس انا رايي
انك استاذة ورئيسة قسم كمان
ههههههههههههه
تلسمي حبيبتي

**SaMaR_ BakR** **SaMaR_ BakR** · 12-17-2012, 03:45 PM

صافي، موناليزا
يخليكو ليا يا حبايبي
بارك الله فيكم ,, ويرفع من معنوياتكم ليلا ونهارا
هههههههههههههههه

**ملآك** **ملآك** · 12-17-2012, 04:57 PM

والله ماشاء الله عليها أستاذه من الدرجه الأولى
وأعطتنى كتتير معلومات ساعدتنى فيها ..
بتمنالك كل التوفيق بس أنتى متخصصه بالتربيه الفنيه ,,

سؤال هلا القريه البدويه والمواضيع والاقتراحات
اللى قبل شوى طرحتيها ألها علآقه بالفن وهيك شى .,؟؟!!

أنا رح أبلش فيها أن شاء الله ولو أحتجت أى شى
أو اى استفسار حرجع الك أن شاء الله ..

شكرا الك كتتير .. يعطيك ألف عافيه

كل التوفيق والنجاح لحضرتك

**SaMaR_ BakR** **SaMaR_ BakR** · 12-19-2012, 02:33 PM

بس أنتى متخصصه بالتربيه الفنيه ,,

تفتكر أيه ؟؟؟؟؟

سؤال هلا القريه البدويه والمواضيع والاقتراحات
اللى قبل شوى طرحتيها ألها علآقه بالفن وهيك شى .,؟؟!!

والله لو أنت متخصص في الفن هاتعرف أن لما بتيجي تشرح موضوع
سواء تعبير فني أو تصميم أبتكاري
بتتكلم على شكل وخصائص البيئة اللى عاوز تعبر عنها فنيا
وبتتكلم على مواقف حياتية للناس اللى بينتموا للبيئة دي
والطلاب بيختاروا من الشرح اللى شرحتو ده

يعنى من الإقتراحات ,,, اللى مش عارف إذا كانت تنفع لموضوع فنى ولا لأ
ممكن الطالب يرسملك السيدة البدوية وهي بترعي الغنم أو البدوي وهو بيركب الجمل
شكل الجمل بأغطية مزينه بزخارف بدوية ,,,,,
والخلفية خيام وسماء ونخيل ,,, وهكذا ,,,, ده لو موضوع تعبير

لو تصميم ابتكاري ,,, شكل الملابس البدوية اللى جبت عنها وسيلة تعليمية
هاتساعده في وضع تصميم للفتاه اليدوية قد يتقصر التصميم
على رسم وجهه الفتاة وخمارها المميز بزخارف بدوية
وممكن يستخدم معاها عنصر تاني مثلا النخيل أو السيوف.

في النهاية ,,,
أرجو ,,,, لما تسأل سؤال زى تخصصك تربية فنية ولا لأ ,,
لشخص بالفعل بيساعدك في مجال التربية الفنية
السؤال يكون بشكل أرقي من كده ,,, ويفضل ما تسألش سؤال واضح جدا أجابته
خصوصا أن واضح في السؤال تهكم وسخرية ,,,, غير معروفة الأسباب
بالتوفيق

**ملآك** **ملآك** · 12-19-2012, 04:44 PM

samar

أرجو ,,,, لما تسأل سؤال زى تخصصك تربية فنية ولا لأ ,,
لشخص بالفعل بيساعدك في مجال التربية الفنية
السؤال يكون بشكل أرقي من كده ,,, ويفضل ما تسألش سؤال واضح جدا أجابته
خصوصا أن واضح في السؤال تهكم وسخرية ,,,, غير معروفة الأسباب
بالتوفيق

عفوآ بس سؤالى ما كان فيه لا تهكم ولا سخريه
ولأنى فتت منتديات كتتيره
بدى اعرف المعلومات الى عندك من تخصص التربيه الفنيه ولا ثقافيه
وموجوده عند حضرتك ..
وأنآ هلأ مجرد طالبه بحاول أحصل على معلومات
لأنو الأستاذه بالجامعه ما بترضى تساعدنى في شى فلجأت للمنتدى ..
سؤالى ما كان الأ أنى بدى أعرف هل أنتى فعلآ متخصصه
لآنه كلآمك فيه منه اتعارض مع الأستاذه بالجامعه
هى اللى بدى أوضحلك أيآه

ع العموم أنآ أسفه لو فهمتينى خطأ ..
وشكرا على المعلومات اللى ساعدتينى فيها ..
كنت حابه وناويه أسأل كم سؤال
بعد ردك ما بظن تيجى الى الجرآه أسأل تانى

استفدت من حضرتك كتتير

شكرا الك ويعطيك العافيه

**admin** **admin** · 12-19-2012, 05:08 PM

هذا هو السر فى اننا نتجاهل طلبات من يسجل عضويه
ليطرح سؤالا ينتظر اجابته ولا يتفاعل مع المنتديات
ليتفهم انه في منتديات متخصصه يقوم عليها متخصصون
وينبغى على من يسجل في ألهندسة الصناعية ان يتفاعل
مع المنتديات بتسجيل ردود على الموضوعات المتميزه
ويضيف موضوعات جديده حتى يقدر قيمه العطاء
الذى يأتيه بسخاء وحتى يثبت لنا جديه عضويته
فيستحق ان نستجيب له ونتفاعل مع طلباته

**SaMaR_ BakR** **SaMaR_ BakR** · 12-20-2012, 08:42 AM

شوفي يا ست البنات

يمكن يكون أختلاف اللهجة هي اللى خليتنى أفهم كلامك غلط
وكمان السؤال كان غريب ..
أن بعد ما أكتبلك معلومات فنية ,,
تسأليني أنت تخصص تربية فنية والا لأ

بالنسبة لموضوع التعارض بيني وبين أستاذتك الجامعية ...
وهي اللى في أيدها تقييمك
عن خبرة ,,, اسمعى كلامها هى طبعا
انت محتاجه التقيم ,, وعاوزة درجة عالية ,,
فلو عارضتى طريقتها في اعداد الدرس
واستخدمتى طريقة غير اللى هي تعرفها
حتى لو كانت الطريقة دى صح
تقييمك هايبقى اقل

شوفي يا حبيبتى ,,,
من مدرس لمدرس طرق الشرح بتختلف
مابالك من دولة لدولة ... ومن ثقافة لثقافة
طرق الشرح في مصر مختلفة عنها في دول عربية كتيرة

حاولى تستفيدي من المعلومات
وتستخدميها بالطريقة اللى استاذتك متبعاها ...
وبالتوفيق ,,,
وعاوزة اقولك ,, ماتزعليش من الرد السابق
زى ما قلتلك اللهجة مختلفة
وخلفية التعارض بيني وبين استاذتك
كانت غير مذكورة فسؤالك كان غريب عليا..

عاوزة اقولك كمان ,,,
التفاعل في المنتدى هنا عن طريق انك تعملى موضوعات
تحطى نماذج من شغلك ... تردى على موضوعات قرتيها
تعملى موضوعات ,,, تطبيق على اللى تعلمتية من المنتدى
هايعرف الناس كلها بيكِ ,, وهاتبقى بالنسبه لنا كلنا فرد من الأسرة
لو طلب حاجه ,, بعد التفاعل الايجابي ده
مش انا بس اللى هارد لأ اللى اشطر منى بكتير
ويقدروا يفيدوكِ اكتر منى بكتير جدا
بالتوفيق إن شاء الله

**ملآك** **ملآك** · 12-21-2012, 09:21 AM

اممم والله مش قصدى شى
وصح كلامك من لهجه للهجه بتختلف ..

انا هاى الفتره مشغوله شوى
لأنو عندى تقييم وامتحانات وتدريب
ان شاءالله حتلاقى تفاعلى بالمنتدى عن قريب جدآ

أنآ بتشكرك كتتير .. وان شاء الله حكون فرد
من هالأسره والعالم المبدع الرائع ..

تحياتى وأحترامى لك ..

إعـــــــلان

عمل فنى أحتاج للمساعده

عمل فنى أحتاج للمساعده

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك