إعـــــــلان

**almonalyza** **almonalyza** · 02-20-2013, 03:47 AM

منمن حبيبة قلبي
اسعدتني كلماتك ودعواتك
واسعدني اكثر انضمامك الينا
ربنا ما يحرمني كلماتكم الجميلة
وتشجيعكم الرائع عملتوني ميس
وانا تلميذة في مدرسة اخلاقكم قبل فنكم
انا بس اعرض عليكم خطواط عمل احببته
وتعلمته من النت وطبقته كثيرا
والحمد لله ربنا اسعد قلبي بصحبتكم قبل تطبيقاتكم
وانا على ثقة بمشيئة الله انكم ستنفذوا احلى شغل
على لقاء صباح الخميس بمشيئة الله
دمتم جميعا بكل خير

**almonalyza** **almonalyza** · 02-20-2013, 04:03 AM

صفصف

-انا جبت الكربون اللى لونه ازرق فى الصورة
والا هو مش مظبوط علشان كده ماختيش بالك منه

لا يا حبيبتي انا ماختش بالي علشان نظري ضعيف
هههههههههههههههه
بس علشان هو غامق وتقريبا في بلاستيك
المهم انه يكون خاص بالقماش

حصلت على الاطار عمله لى مقاس
50*50 الحقيقة كان لازم اسالك ياترى
هاينفع والا الحق بسرعة اتصرف فى مقاس اصغر

حلو قوي يا صافي بالعكس هو حينفعك لما تحبي تعملي
رسمة اكبر من اللي حنعملها ان شاء الله

مشكلتى الوحيدة الان هى الريليف مش
عارفه اعمل فيه ايه ولو سافرت اجيبة مش
هالحق الدورة يوم الخميس ....مافيش بديل

والله يا صافي انا مش عارفة له بديل
وهوفايدته انه اولا بيحدد المساحة الي حشتغل فيها
وخاصة لو انا لسه مبتدأة
وثانيا لما اخلص شغل واقص المفرش بتاعي القماش لا ينسل اطرافه
ثالثا يعطي للعمل رونق وبريق شيك
انا معنديش مشكلة في اني انتظر
بس علشان باقي المجموعة المنتظرين
دا حل مؤقت
انتي ممكن تبدأي معانا بدونه يعني تشتغلي بالالوان مع الحرص
علشان متخرجيش عن حدود الرسمة وبعدين لما تحصلي
الريليف تبقي تحددي الجزء الملون

**RaMy.NoUr** **RaMy.NoUr** · 02-20-2013, 06:53 AM

Almonalyza
تسلم ايدك بجد على ورشة العمل الجميلة بناسها

متابعك

**almonalyza** **almonalyza** · 02-21-2013, 04:45 AM

شكرا رامي على مرورك
وكلماتك الطيبة
دمت بكل خير

**almonalyza** **almonalyza** · 02-21-2013, 04:58 AM

احبتي في الله اليوم نبدأ على بركة الله
اول تطبيق لنا في الرسم على الاورجانزا
اول شيئ نضع القماش والوجه لاسفل
ثم نضع كربون القماش ثم الرسمة المراد تنفيذها
ونثبتها بالدبابيس حتى لاتتحرك الرسمة اثناء طبعها
انتبهوا ان الرسمة لا تكون على الاطراف
يعني اترك مسافة حوالي 4 سم تقريبا
علشان لما ابدأ في التحديد
لا يكون جزء من الرسمة فوق الخشب

ثم نشد القماش على الاطار
من الاربع اطراف ووجه القماش للاعلى
والرسمة تكون من اسفل

ثم نضع دبوس مع شد القماش
في منتصف المسافة بين كل دبوسين
على ان يوضع دبوس وفي مقابله الدبوس الاخر
ثم المسافة التانية وفي مقابلها الدبوس الاخر وهكذا

بنفس الطريقة بين كل دبوسين نضع دبوس
وفي مقابله الدبوس الاخر
مع الشد في كل مرة

**almonalyza** **almonalyza** · 02-21-2013, 05:06 AM

خلصنا بكدا شد القماش نبدأ في التحديد فوق الرسمة باستخدام الريليف
اثبت الساعد على سطح الشغل وسن انبوبة الريليف مرتفع عن القماش حوالي 1 سم تقريبا
وامشي على الرسمة هكذا

ونكمل حتى تنتهي تفاصيل الرسمة كلها بهذا الشكل

في هذا التطبيق علشان صغير انا بدأت بالتفاصيل الخارجية لكن لما تكون الرسمة كبيرة
باحدد من الداخل الاول حتى لا يخرب الجزء المحدد بايدي
ثم نترك الاطار بالقماش حتى تجف الرسمة تماما وبنعرف هذا من لون الريليف
بعد ان يجف يصبح لونه فضي او ذهبي على حسب اللون المستخدم هنا انا استخدمت الفضي

يعني هنا بدأ يجف شوية

وهنا بعد ان جف تماما لما بتبقى الرسمة ليس بها تفاصيل كتير بيجف بسرعة وطبعا على حسب الجو

وبكدا انتهينا من اول واهم جزء لان التحديد هو اللي بيظهر الرسمة
ويارب اكون قدرت اوصل المعلومة بطريقة صحيحة وانا حاضرة لاي استفسار
والقاكم على خير صباح الاحد بمشيئة الله
دمتم في طاعة الرحمن

**RaMy.NoUr** **RaMy.NoUr** · 02-21-2013, 06:52 AM

شرح مبسط وعمل جميل
almonalyza
تسلم ايدك

**almonalyza** **almonalyza** · 02-21-2013, 06:59 AM

معذرةً احبتي صورت لكم كيفية الامساك بانبوب التحديد وكذلك المسافة
بينه وبين القماش حتى تكون الخطواط والطريقة واضحة
منتظرة اشوف تطبيقاتكم
وانا على يقين باذن الله انكم سوف تنفذون احلى مني بكتير ان شاء الله

**almonalyza** **almonalyza** · 02-21-2013, 07:01 AM

تسلم رامي
وبارك الله فيك
وانتظر تكرار مرورك
الطيب

**منى سامى** **منى سامى** · 02-21-2013, 11:31 AM

ما شاء الله منمن شرح جميل ومفهوم
ربنا يديك الصحة يا قلبى
ويجعله فى ميزان حسناتك
تسلم عيونك حبيبتى
متابعه معاكى ياقمراية

**safynaz** **safynaz** · 02-21-2013, 07:48 PM

مونمن
الشرح ساهل اوى بس ساعة التطبيق هايبان
حاجات كتير يارب اعرف
هاننفذ طبعا ومستنيينك ياقمر يوم الاحد ان شاء الله
(مونمن انا قاعده مبرطعة جنب منى سامى
وحدى من غير شريك زى كرس ناانو)
والريليف وصل وكله تمام
شكرا لك مونمنه

**almonalyza** **almonalyza** · 02-24-2013, 04:00 AM

منى سامي

صافي

احبتي في الله ارحب بكم اجمل ترحيب

اتمنى انكم تكونوا حاولتم التطبيق
واستمتعتم بعمل شيئ جميل تزيون به بيوتكم
ويلا بينا نكمل النهاردة حنلون الرسمة
اللي حددناها المرة السابقة
وطبعا يكون الريليف جف تماما
كل واحدة تلون باللون المفضل لديها
اناا هنا لونت بالبنفسجي والابيض الميتاليك
واثناء التلوين بيكون جنبي عيدان الاذن القطن
علشان لو اللون زاد مني اخففه بعيدان القطن

باكمل التلون حتى الانتهاء من الرسمة كلها

بعد ان انهينا الرسمة كلها تلوين اتركها بالاطار تجف تماما

**almonalyza** **almonalyza** · 02-24-2013, 04:04 AM

بعد ان جفت الالوان انزع الدبابيس
اكوي القماش على الظهر بحرارة متوسطة
ويجب الانتباه لان القماش خفيف ممكن يتحرق بسهولة
ممكن نجرب حرارة المكواه
في طرف القماش بعيد عن الرسمة
وامرر المكواه عدة مرات

بعد ان كوينا الرسمة جيدا ابدأ في قص المفرش
مع الحرص الشديد حتى لا يتلف شغلنا

وبكدا نكون انتهينا من عملنا
واصبح عندنا مفرش جميل وبسيط
ومن عمل ايدينا ممكن نضعه على الطاولة
او على صواني التقديم تحت الاكواب

اي سؤال او استفسار انا حاضرة

**almonalyza** **almonalyza** · 02-24-2013, 04:08 AM

ودي باترونات ممكن تصلح لعدة انواع من الفنون اختاروا الرسمة التي تحبون ان ننفذها مع بعض

لي عودة تانية باذن الله انزل باترونات اخرى
انا في انتظاركم

**نااانو** **نااانو** · 02-24-2013, 06:20 AM

الله يامنمن
تسلم ايدك حبيبتى
حلو قوى المفرش والوانه جميلة
صغير وجميل
ماشاء الله
تسلم ايدك
متابعه معك ياقمر

إعـــــــلان

ورشة عمل الموناليزا للرسم على القماش حصريا على منتدى ألهندسة الصناعية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك