إعـــــــلان

**امل نيازى** **امل نيازى** · 03-05-2013, 07:47 PM

موضح بالباترون
السطر السابق شرحه لعمل الاقواس
واللى عليها هانمكل باقى شغل الطاقيه
وده السطر الاول بعد الدائره

السطر الثانى
نشتغل فى القوس 9 اعمده(العمود بلفتين-دوبل)
ونقفل فى القوس الى بعده
ونستمر الى ما قبل نهايه الدائره باربعه اعمده كما موضح بالصوره

السطرالثالث بعده نشتغل فوق ال9 اعمده
نترك اول عمود ونشتغل فى اللى بعده عمود وسلسال
ونستمر لتكوين 7 اعمده بينهم سلسال

السطر الرابع
فوق ال7 اعمده نترك اول عمود
ونشتغل منزلقه فى السلساله اللى بين العمودين
وبعدها 3 سلسال طايره ونقفلهم فى السلسال
اللى بين العمودين اللى بعدها ونكمل لباقى السطر

السطر الخامس نشتغل اقواس على السطر الرابع
والواضح فى الصوره السابقه
نشتغل منزلقه فى اول 3 سلساله طايره ومنها
نشتغل 5 سلسال طايره نترك ال 3 سلسال الطايره
اللى بعدهم ونثبتهم بمنزلقه فى ال3 سلسال التاليه
وهكذا نكمل السطر لتكوين الاقواس اللى هانشتغل
عليها باقى الطاقيه وهى تكرار نفس الخطوات االسابقه

**امل نيازى** **امل نيازى** · 03-05-2013, 07:55 PM

على حرف الدائره
نشتغل سطر واحد للتحديد وتزيين الدائره

ممكن اضافه لون للتحديد وتجميل الطاقيه
اشتغلنا الدائره غير كامله وعلى الحرف الموضح بالصوره

نشتغل سطر واحد فقط اعمده
لتمام تثبين شريط الساتان واللى طبعا هانربطه
لثبيت الطاقيه عند ارتدائها
الشكل النهائى للطاقيه

عاشت الايادى وتسلم العيون
تنفيذ سهل ومنتج جميل ان شاء الله
معكم احبتى لاى استفسار
..الى لقاء جميل ..
دمتم بخير

**هالة** **هالة** · 03-05-2013, 09:59 PM

الله الله ايه الجمال ده
سهلة في التنفيذ قوي
حبيبة قلبي
امولتي المبدعة
يارب يبارك فيكِ
وتعملي لاحفادك ان شاء الله
دمتِ بكل خير

**امل نيازى** **امل نيازى** · 03-12-2013, 01:46 PM

ويبارك فى احبابك ونعملوا لاحفادك كل جميل
تسلمى
هاله ورد الجميله
شكرا لذوقك حبيبتى

**دينا** **دينا** · 03-19-2015, 08:21 AM

جميله يامبدعة
انا اعرف ان اسمها القبعة الانجليزى
شرح جميل وصور واضحه
تسلمى

**نااانو** **نااانو** · 03-19-2015, 02:50 PM

تسلم ايدك امولة
حلوة قوى
شرح جميل وتنفيذ رائع

**ام مود** **ام مود** · 03-20-2015, 12:18 AM

الله عليكى مبدعة و انتى مبدعة فعلا رائع تسلم ايديكى

**امل نيازى** **امل نيازى** · 08-12-2015, 08:06 PM

جميله يامبدعة
انا اعرف ان اسمها القبعة الانجليزى
شرح جميل وصور واضحه
تسلمى
تمام يادينا فعلا اسمها القبعه النجليزيه
نورتى حبيبتى
شكرا لذوقك

**روضة** **روضة** · 08-13-2015, 01:10 PM

طاقيه جميله وخصوصا للمواليد البنات
تسلمى اموله
شكرا لكِ

**الملكه** **الملكه** · 12-18-2016, 08:37 PM

تحفه ما شاء الله
لو جبيت اعملها لطفله عمرها سنتين
يكون عدد الغرز ايه لو سمحتي ؟؟
مع الشكر

**امل نيازى** **امل نيازى** · 12-19-2016, 08:22 AM

اهلا بالغالية الملكة
نورتى ألهندسة الصناعية
حبيبتى الموديل ده مناسب للمولود
اما عن مقاس طفل او طفلة سنتين فى موديلات تناسب السن
عن نفسى اتبعت الجداول التالية فى شغل اى طاقيه
بتبداى شغل الدائرة اللى بتبدأيها ب5 سلسال وتقفليها وتشتغلى فيها اعمده 12
وتقفليها والسطر اللى بعده تزودى مع كل عمود عمود لنهاية السطر
والسطر الثالث تزودى كل عمودين عمود
والسطر الرابع كل 3 اعمده تزودى عمود
الى الحجم المناسب للدائرة
زى ما بيوضح لك الجدول التالى

وبعدها تكملى شغل عادى بدون زياده
الى ان توصلى للطول المناسب للسن زى ما بيوضح لك الجدول التالى

بقدر ما اعرف
يسعدنى الاجابه على اى استفسار
بالتوفيق ان شاء الله

إعـــــــلان

طاقيه كروشيه للبيبى بالباترون وخطوات بالصور

طاقيه كروشيه للبيبى بالباترون وخطوات بالصور

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك