إعـــــــلان

**SaMaR_ BakR** **SaMaR_ BakR** · 06-03-2013, 08:50 AM

بدأت أغطي العبوة البلاستيك كلها بقماش خفيف
قماش لف الهدايا
ممكن تشتروه من مكتبة كاميرا 9 في بين السرايات
أو أى محل هدايا ,, المتر ب 3 جنيه

استخدمت قماش الشابوه نفسه في انى أعمل تنايات
على جسم القاعدة كالتالى

**SaMaR_ BakR** **SaMaR_ BakR** · 06-03-2013, 08:52 AM

بحبال المكرمية الرفيعه
ممكن نغطي نقط ألتقاء القماشتين
ونثبت بشكل أقوة القماش المضاف
وكمان شكل جمالى
كالتالي :

**SaMaR_ BakR** **SaMaR_ BakR** · 06-03-2013, 09:14 AM

حبيت أضيفلها ورد ستان
لكن بصراحة بعد ما جربت لاقيت
أنها من غيره أحلى كتير

ودى شكل الكوليكشن الجميلة في بيتى المتواضع

أرجو أن تنال اعجابكم
شكرا منمن على هديتك الجميلة
إلى لقاء مع باقي هدايا وردات ورد حبيباتى

**منى سامى** **منى سامى** · 06-03-2013, 09:23 AM

ايه الجمال و الروعه دى كلها
افكارك الجميلة اضافت للشابوه جمال
و القاعدة مش ممكن ابدا تقدرى تفكرى انها زجاجة فارغة
تسلم ايدك و عينك و افكارك التحفة يا سموره
و ربنا يهنيك و يوفقك دايما حبيبة قلبى
و طلعتى اروبه لما اخدتى جوانب
علبة المناديل فكرة جميلة جدا جدا
انا بحب الافكار الجميلة و الاجمل
انك تستفيدى من كل الاشياء لتوظيفها بطريقة جيدة
و باذن الله اعملك هدية اسبيشيال فى الدكتوراه
و تكون من اختيارك انت
ميرسى يا قمر على المفاجأة الحلوة
الف شكر

**نااانو** **نااانو** · 06-03-2013, 09:24 AM

الله الله الله
ايه الجمال والروعه دى
ما شاء الله عليكِ سمورة
الفكرة تحفة و استخدامك للعلب البلاستك رائع جدا
فنانة طبعا لازم تنفذ هذه الروائع بخامات بسيطة
بجد برافوا عليكِ تحفة تحفة تحفة
كولكشن و لا اروع من كده
تسلم ايدك يا اجمل سمورة

**sx1** **sx1** · 06-03-2013, 09:25 AM

ايه الجمال ده كله تسلم الايادي

**SaMaR_ BakR** **SaMaR_ BakR** · 06-03-2013, 12:52 PM

منمن يا حبيبتى أنا قلت
منى أكيد هاتفكرنى قطعت القماش و هاتعبطنى ههههههههه

و الله كنت خايفة انزل الموضوع علشان كده
بس قلت ما بدهاش أنا هانزله و منمن
يمكن ماتخدش بالها ههههههههههههه

طبعا أحلام كل واحد بيبقى حافظ شغله حته حته

انا أقولك على القصة غلاف علبة المناديل
كان كبير على كل علب المناديل اللى عندي
قلت اصغره و بعدين و انا بشتغل
قلت الله ده أنا محتاجه قطعة قماش زي دى
علشان قاعدة الشابوه قلت طيب
طالما كده كده هاصغره اخد دي بقى
علشان اعرض الشابوه على قاعدة في أوضتى
بدل ما أنا مخزناها

وحياتى ما تزعلى أنا من اعتزازى بحاجتك
كنت عاوزاها تبقى في بيتي مش في الدولاب

الحل التانى بقى أنى كنت اقولك
انا عاوزة حته قماش من دي
و كنت هابقى غلسه أوى أوى
كنت هاتقولى اخدتى الهدية
و عاوزة كمان قماش عليها هههههههههه

أوعى تكوني زعلتى يا منمن

**SaMaR_ BakR** **SaMaR_ BakR** · 06-03-2013, 01:03 PM

ناانو حبيبتى عارفه لما زوجي شاف قاعدة الشابوه
على غير العادة قالى آه جميلة
ربنا يخلى لنا علب الداوني هههههههههههه

و الله في كتير مستهلكات كنت أنا شخصيا برميها
لكن انطلاقا من مبدأ الحاجة ام الإختراع
ممكن تستعمليها و تبدعي و تنوعي في استخدامها

الكولكشن جميل علشان منمن حبيبتنا عملته
أنا بس عملت قاعدة للشابوه
أعمالها جميلة و تفيد بنات و سيدات كتير
في تزيين بيوتهن ربنا يجعله في ميزان حسناتها
شكرا يا نونه حبيبتى ربنا يخليكي ليا
كلامك الطيب اسعدني

**SaMaR_ BakR** **SaMaR_ BakR** · 06-03-2013, 01:08 PM

sx1 شكرا لك مرورك أسعدنى
اتمنى لك كل التوفيق

**هالة** **هالة** · 06-03-2013, 03:14 PM

الله الفن له ناسه برضو يا جماعة
فكرة اكثر من رائعة
لعمل كاشبو للاباجورة
استغلال جميل وتوظيف راقي
لخامات مختلفة و لكن النتيجة كل التميز
تسلمي سمورتي امورتي حبيبة قلبي
و تسلم الايادي و العيون

**SaMaR_ BakR** **SaMaR_ BakR** · 06-03-2013, 06:00 PM

هالة حبيبتى تسلميلي على مرورك
الأكثر من رائع وعلى كلماتك الطيبة الحنونة
كل الأمنيات الطيبة

**نورا المرشدى** **نورا المرشدى** · 06-04-2013, 05:41 AM

ايه الجمال ده يا سمر
الافكار دى لازم تكون خارجه من فنانه بجد
عملتى اعادة تدوير
فعلا عين الفنان بتعرف
توظف كل حاجه حواليه
الاباجوره تحفه عمل فنى رائع
وعاجبنى انه

اشترك فيه اتنين من كبار فنانى ورد
و خرج بالتناسق و الجمال ده
مبروك عليكى الهديه الجميله
بتوقيع منى و سمر

**SaMaR_ BakR** **SaMaR_ BakR** · 06-04-2013, 08:31 AM

حبيبتى ام اسراء أنا من كبار فنانى ورد !! بجد !
ههههههههه الله يخليكي احنا تلامذة حبيبتى
ربنا يخليكي ليا ويبارك فى الأحباب
شكرا على كلامك الطيب
تسلميلي ودايما منورة موضوعاتى

**beba** **beba** · 06-08-2013, 09:34 AM

رائعه بجد فكره جميله

إعـــــــلان

قاعده اباجوره من اعمالى مع شابوه هديه

قاعده اباجوره من اعمالى مع شابوه هديه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك