إعـــــــلان

**SaMaR_ BakR** **SaMaR_ BakR** · 06-03-2013, 11:26 AM

هدية هالة اهدتنى شجرة من اروع ما يكون
ابدعت في عمل وردات بطرق مختلفة
هى اقدر منى على شرحها و وصفها

رافقتنى هذه الهدية الرائعة على منصة المناقشة
ابدى الجميع اعجابه بها
حاولت احدى صديقاتى الحصول عليها
ظنا منها انى انا من قمت بعملها
الا انى رفضت لان هديه هالة حبيبتى لا تهدى

شكرا هالة على حضورك و
حنانك و حضنك الذى احتويتنى به
احتواء كنت أحتاجه
بارك الله لك في الأولاد و الأحباب
شكرا لك

**SaMaR_ BakR** **SaMaR_ BakR** · 06-03-2013, 11:29 AM

هدية منى يفضل مشاهدتها من الموضوع التالي

قاعده اباجوره من اعمالى مع شابوه هديه
أضغط هنا

شكرا منى على حضورك الجميل
كما أشكرك على حضور رحمة فنانتنا الواعدة
حضورها أسعدنى كما سيسعدنى أن شاء الله
حضوري يوم مثولها على منصة المناقشة
قريبا أن شاءلله بارك الله لك فيها
شكرا لك

**نااانو** **نااانو** · 06-03-2013, 11:41 AM

حبيبة قلبى سمورة
موضوعك احساسه جميل قوى
ووصفك حلو قوى
انا اللى اشكرك عليه
الفازة جميلة لانها عندك
وجملتيها اكتر بورداتك الحلوة
تسلم يدك يا اجمل سمر
بجد كنتى رائعة وقت المناقشة
وتستاهلى اجمل واحلى الهدايا
وعقبال الدكتوراه حبيبتى

**هالة** **هالة** · 06-03-2013, 12:05 PM

سمورتي امورتي
الهدية مش قد المقام
انتِ تستاهلي اجمل واكبر
لكن حبيت ان تكون هديتي
من عمل ايدي لتظل ذكرى مني
كل ما تشوفيها تفتكريني
وجودنا معاكِ في المناقشة
كنا قلب ام بيحضن بنوته الحلوة
وبيدق مع كل سؤال بيتوجه لها
ربنا يخليكِ حبيبة قلبي
ونسعد بحضور مناقشة
رسالة الدكتوراة
ان شاء الله

**SaMaR_ BakR** **SaMaR_ BakR** · 06-03-2013, 01:22 PM

ناانو
روحك الحلوة
هي اللى بتحلى كل اللى حواليكي
وبتشعرك بإحساس الآخرين

الموضوع أحساسه حلو
من إحساسي بالإمتنان لوجودكم المميز الجميل
شكرا لك على احساسك وعلى روحك
وبالتوفيق دائما

**SaMaR_ BakR** **SaMaR_ BakR** · 06-03-2013, 01:30 PM

هالة حبيبتى
أجمل ما في هديتك أنها من صنع ايديكي
وأوعى تقولى مش قد المقام
أنا أقيم هدايا عندي اللى حبيباتى عاملينها بإيديهن

واكتر حاجه بعتز انى أهديها لحد غالى
اللى بعملها بإيدي

هو انا من غير حاجه بفتكركم علطول
لكن لما بشوفها بنبسط
بلاقي الأبتسامه قهرا بتملى وشي

وخصوصا لما في ضيوف جولى وسألوني
أيه الحاجات الحلوة دي
بنبسط أوى

ربنا يخليكي ليا
ويسلم قلبك الغالي
شكرا لك يا حبيبتى
بارك الله لك في الأحباب

**نورا المرشدى** **نورا المرشدى** · 06-04-2013, 05:47 AM

مبروك عليك ياسمر
الماجستير
والهدايا
وقبل كل ده

الصحبه الطيبه
ودى اجمل ميزه فى المنتدى
اننا نعرف بعض
اننا بنتعامل بشخصيتنا الحقيقيه
احنا هنا مش مجرد اسماء
بتختفى وراء الكلمات
مبروك ياسموره

**منى سامى** **منى سامى** · 06-04-2013, 07:20 AM

الله عليك ياسمر وعلى ذوقك الجميل
تعرفى ياسموره اول ما دخلت النت
لم اتخيل ابدا انى اعرف اى شخصيه منه
ولا اتعامل معها كل واحد كان خايف من الاخر
لكن اقولك كلمه فى سرك وماتقوليش لحد
هذا الشعور زال اول ما دخلت ألهندسة الصناعية
لقيتنى بحب اتعرف على اهله ووجدتهم اقرب الناس لى
وعجبتنى كلمه الحبيبة ام اسراء

ودى اجمل ميزه فى المنتدى
اننا نعرف بعض
اننا بنتعامل بشخصيتنا الحقيقيه
احنا هنا مش مجرد اسماء
بتختفى وراء الكلمات

احساسى فعلا بيك كان نفس احساسى برحمه لو مكانك
والهدية دى قليلة عليك وعلى تميزك ورقتك وذوقك
شكرا ياقمرايه وفى انتظار دعوتنا على حفل الدكتوراه
بوسه ليوسف ويحيى

**sx1** **sx1** · 06-04-2013, 08:20 AM

بسم الله الرحمن الرحيم
تحفة رائعة
تسلم الايادي

**SaMaR_ BakR** **SaMaR_ BakR** · 06-04-2013, 08:20 AM

ام إسراء

الصحبه الطيبه
ودى اجمل ميزه فى المنتدى
اننا نعرف بعض
اننا بنتعامل بشخصيتنا الحقيقيه
احنا هنا مش مجرد اسماء
بتختفى وراء الكلمات
مبروك ياسموره

الله يبارك فيكي يا أم الغالية
شوفي كلامك صحيح جدا جدا
أحنا في ورد فعلا مش مجرد أسماء
بتختفي وراء كلمات
أحنا شخصيات واقعيه
أصحاب وحبايب
وعارفين بعض كويس
كأننا مع بعض من سنين طويلة
ده احساسي بيكوا كلكم
حتى اللى ماشوفتهومش وجها لوجهه

شكرا لك يا حبيبتى

**SaMaR_ BakR** **SaMaR_ BakR** · 06-04-2013, 08:25 AM

منى سامي

الله عليك ياسمر وعلى ذوقك الجميل
تعرفى ياسموره اول ما دخلت النت
لم اتخيل ابدا انى اعرف اى شخصيه منه
ولا اتعامل معها كل واحد كان خايف من الاخر
لكن اقولك كلمه فى سرك وماتقوليش لحد
هذا الشعور زال اول ما دخلت ألهندسة الصناعية
لقيتنى بحب اتعرف على اهله ووجدتهم اقرب الناس لى
وعجبتنى كلمه الحبيبة ام اسراء

شوفي بقه
أنا عكس كده تماما
هههههههههه
أنا فظيعة على راى زوجي العزيز
بحب أتعرف على ناس
رغم تحذيراته المستمرة من الأنترنت
إلا أن ربنا سبحانه وتعالى دايما بيرزقنى بناس كويسة جدا
بيبقوا أقرب أصحاب
وكمان سبحان الله ,, بيبقى عندك إحساس
اللى قدامك ده حد كويس ولا لأ
ده ميزة بصراحة ربنا وهبهالى
بحمد ربنا عليها
أن بيرزقنى بأصحاب كويسين وفي كل مراحل عمري

احساسى فعلا بيك كان نفس احساسى برحمه لو مكانك
والهدية دى قليلة عليك وعلى تميزك ورقتك وذوقك
شكرا ياقمرايه وفى انتظار دعوتنا على حفل الدكتوراه
بوسه ليوسف ويحيى

تسلميلي يا حبي
ربنا يفرحك بحبايبك
أكيد هاتبقو معايا في الدكتوراه
هاتروحو منى فين !!
هههههههههههه

توصل الأمانة أن شاءلله
شكرا لك

**SaMaR_ BakR** **SaMaR_ BakR** · 06-04-2013, 08:32 AM

sx1

شكرا على المرور الجميل
والكلمات الطيبة
بالتوفيق أن شاءلله

**ibrafassiya** **ibrafassiya** · 06-05-2013, 08:27 PM

شنو هاد الموضوع
منين بديت نقراه و انا كنبكي بكثرة التاثر و الله حرام عليكوم
الهدايا جميلة لكن طمنينا اخدت كام في المعدل العام؟

**SaMaR_ BakR** **SaMaR_ BakR** · 06-05-2013, 10:06 PM

عزيزتى الغالية إبرا فاسية

تسلميلى على مرورك
وعلى تأثرك
كلماتك أسعدتنى

بالنسبة للتقدير العام
شوفي يا ستى أنا كنت بحضر مناقشات
وانا في تمهيدى وكان فيها تقدير عام
إلا أنه على حظي فجأة حسوا أن مش المفروض يبقى في تقدير عام
هههههههههههه
حتى أنا استغربت يوم المناقشة
وسألت طيب التقدير ايه النظام
قالولى اتلغى من ساعة الساعات المعتمدة
وده نظام متبع في جامعة حلوان
بيكون مطلوب من كل دارس انجاز عدد ساعات معينة
من وقت ما طبقوا النظام ده وهما لغوا التقدير في الماجستير والدكتوراه
على اعتبار ان الحصول على الدرجة العلمية بيحقق عدد ساعات
اللى استغرقها في الدراسة كل أسبوع مع المشرف في إعداد الرسالة
وده المطلوب منه (( عدد ساعات )) مش تقدير
مع العلم ان المواد التانية بيكون مطلوب من الدارس عدد ساعات وتقدير

إعـــــــلان

هدايا الورد من أروع ما يكون

هدايا الورد من أروع ما يكون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك