تويت
ما تيجي يا مصر اغنيلك .. تنامي الليلة على كفي
ويِنْزِل دمعي يرويكي .. ينبِّت حِلم في عنيكي
تقومي الصبح تلاقيني .. بَحُط الحِلم في إيديكي
ماتيجي يا مصر ترتاحي .. وتِـرْخِـي الجِـفن على خـدّي
تنامي وابات انا صاحي .. نصيبي وقسمتي ووعدي
أضفّر همّي في ضفايرك .. واغسل بالدموع توبك
ويطلع فَجري على فَجرك .. يلاقي غيري محبوبِك؟
أقيد الشمع على بابك .. وانادي الخَلْق تتفرج
ولّا هتكْسِفِي ولادك .. تقولي عيال وبنهرَّج
أحَنِّي شَعْرِك المفرود على كتافي .. بلون دَمِّي
و الّا يا مصر بتخافي ؟ .. أداري جرحنا ب كمِّي
أحكيلك على القمرات .. و الّا يا مصر بتغِيري ؟
زهدوا الحب والسهرات .. وواقفين سَدّ لابو ميري
أحكيلك على الطلبة .. وع الفلاح ابو مشنّه
ولّاع اللي في الغربة .. وقلبه في الميدان غنّى؟
ماتيجي يا مصر أحكيِلك .. وانا بعْقُدلك الطَّرحَه
واشْبُكلِك ف منديلك .. حكاوي م الميدان صابحة
ماتيجي يا مصر اغنّيلِك .. تنامي الليلة على كَفِّي
وازوَّق في المَسَا نيلِك .. تقومي الصبح تتزفِّي ! !
1
الشاعرة مروة مأمون
اللوحة للفنان فريد فاضل
ويِنْزِل دمعي يرويكي .. ينبِّت حِلم في عنيكي
تقومي الصبح تلاقيني .. بَحُط الحِلم في إيديكي
ماتيجي يا مصر ترتاحي .. وتِـرْخِـي الجِـفن على خـدّي
تنامي وابات انا صاحي .. نصيبي وقسمتي ووعدي
أضفّر همّي في ضفايرك .. واغسل بالدموع توبك
ويطلع فَجري على فَجرك .. يلاقي غيري محبوبِك؟
أقيد الشمع على بابك .. وانادي الخَلْق تتفرج
ولّا هتكْسِفِي ولادك .. تقولي عيال وبنهرَّج
أحَنِّي شَعْرِك المفرود على كتافي .. بلون دَمِّي
و الّا يا مصر بتخافي ؟ .. أداري جرحنا ب كمِّي
أحكيلك على القمرات .. و الّا يا مصر بتغِيري ؟
زهدوا الحب والسهرات .. وواقفين سَدّ لابو ميري
أحكيلك على الطلبة .. وع الفلاح ابو مشنّه
ولّاع اللي في الغربة .. وقلبه في الميدان غنّى؟
ماتيجي يا مصر أحكيِلك .. وانا بعْقُدلك الطَّرحَه
واشْبُكلِك ف منديلك .. حكاوي م الميدان صابحة
ماتيجي يا مصر اغنّيلِك .. تنامي الليلة على كَفِّي
وازوَّق في المَسَا نيلِك .. تقومي الصبح تتزفِّي ! !
1
الشاعرة مروة مأمون
اللوحة للفنان فريد فاضل
تعليق