إعـــــــلان

**SaMaR_ BakR** **SaMaR_ BakR** · 07-23-2013, 01:05 PM

أضفت ضفيرة من الخوص بشكل حلزونى غير منتظم
على طول رول الكرتون
بعد تغطيته باوراق المناديل

لم أثبت قمة الطاولة في هذه المرحلة
تسهيلا لتلوينها في مرحلة تالية
إلا أنى رغبت في روئيتها مجمعة للحكم على تناسق القاعدة والقمة

بداية العمل في جذرالشجرة

**SaMaR_ BakR** **SaMaR_ BakR** · 07-23-2013, 01:06 PM

مرحلة التلوين
يسبق هذه المرحلة مرحلة هامة جدا
تؤثر على نقاء وقوة اللون
تعلمتها من استاذي محمد ورد
وذكرتنى بها نانو
إلا أنى في خضم العمل تخطيتها سهوا

عمل طبقة من الدريتون والغراء الأبيض لسد مسام
عجينة الورق
حتى يظهر اللون بعد هذه المرحلة بقوة
ولا يتأثر بمرور الزمن
فيتغير اللون او يقل نقاءه

التلوين بالدهبي

**SaMaR_ BakR** **SaMaR_ BakR** · 07-23-2013, 01:07 PM

أضافة اللون الجنزارى
ثم مسحة بقطعة من القماش الكبيرة

أضفت اللون الفضي في مرحلة إضافة الضوء

باستخدام فرشة صغيرة
نضيف ظلال في الأماكن التى تحتاج ذلك
لإبراز أوراق وحبات العنب

**SaMaR_ BakR** **SaMaR_ BakR** · 07-23-2013, 01:10 PM

قمة الطاولة
وتجارب أنهائها
جربت أكتر من طريقة وتوصلت في النهاية لما نال أعجابي
وأعرضها كلها عليكم لعموم الفائدة
قد يوافق أى فكر منها أذواقكم

التلوين على هيئة فروع شجرة

إضافة نابكينز بلون يتوافق مع الطاولة

إضافة مجموعة من الصور المناسبة لقمة طاولة

الجمع بين إضافة النابكينز و الملامس لإظهارها بشكل يقارب الرخام

**SaMaR_ BakR** **SaMaR_ BakR** · 07-23-2013, 01:11 PM

العمل بعد أنتهاءه
ولأن المبدعات في ورد ماشاءلله كثيرات
ابى موضوعنا المشترك الجميل الخروج لرحبكم الواسع
دون مشاركة حبيبتنا المبدعة هالة
بشجرتها العزيزة على قلبي
لتضيف لمستها المميزة لعملى المتواضع

مع تمنياتى للجميع بتجربة هذا العمل
فهو ممتع على قدر جمال روح التعاون التى ظهرت خلال تنفيذه
هذه خلاصة تجاربنا نهديها إليكم

**ibrafassiya** **ibrafassiya** · 07-23-2013, 02:44 PM

واو على الابداع في انتقاء المواد
و في دقة التطبيق
اعمال تحفة تستاهل الشابوه.
برافو

**شوشو جمال** **شوشو جمال** · 07-23-2013, 02:55 PM

استاذه نانو
اول عمل حضرتك اجيب منين رول الكرتون

تانى حاجه ينفع نثبت الرول فى القاعده بالجبس
بدل عجينه الورق

تالت حاجه لما حضرتك حطيتى الحجر فى الطبق
وغطيتى عليه بعجينه ورق ينفع استبداله بجبس برضه
بحيت انه يكون متين اكتر

رابع حاجه هو عجينه الورق لما كنت بشتغل بيها
كانت بتتشقق بعد ما تنشف هو ده عيب
فى طريقه عمل عجينه الورق

خامس حاجه ورق المناديل حضرتك بتضيفى عليه حاجه
علشان يبقى شبه الجذور كده ويمكن نستبدل المناديل
بعجينه سيراميك

سادس حاجه الالوان المستخدمه نوعها ايه
وياترى ليها اسم معين

اسفه لاسئلتى الكتير بس عجبنى اوى عمل حضرتك
مع انهم كل الا عمال روعه وعلى طول
بنستفيد من حضرتكم جدا
اسفه تانى مره على اسئلتى الكتيره

**شوشو جمال** **شوشو جمال** · 07-23-2013, 03:06 PM

اعمال حضرتكم روعه بجد
تسلم ايديكم على اعمالكم
وتسلمو لاننا بنستفيد

استاذه سمر

لما اغطى عجينه الورق على الصينيه
اسيبها تنشف بعدين اقص منها علشان ابين العنب
اقصها وهى لسه طريه ولا لما تنشف

تانى حاجه لما تنشف هى سهل فى خروجها من الصينيه
ولا بدهن الصينيه حاجه علشان بعد ما تنشف العجينه
اقدر اخرجها منها

ثالت حاجه لما دخلتى الرول فى القاعده
هنثبته من جوه ولا الثبيت هيبقى بالجذور
اللى عملتيها حضرتك

رابع حاجه ممكن تفهمينا حضرتك تاثيرات الالوان دى اكتر
اسفه لاسئلتى الكتير ولانزعاجكم منى
بس عايزه اتعلم منكم
وشكرا ليكم جدا

**هالة** **هالة** · 07-23-2013, 03:16 PM

من حب لحب
ومن ابداع لابداع
هو ده قلب
مبدعات ألهندسة الصناعية
حبات قلبي القريبات من القلب
نااانو - منى - سمر
فن وجمال وثقة في التنفيذ
وقبل ده كله حب لنشر الفن الجميل
تجربة اكثر من رائعة
تمنيت خوضها ولكن لظروف خاصة
جلست في مقاعد المشاهدين
وانا على يقين انني لم اكن لاشارك
بأفضل مما جادت به اياديكم السخية
كما قالت الحبيبة ابرافاسيا
شابو للحلوات كلهن
ولا اروع ولا ابدع من افكاركن
تسلمن ويسلم الفكر المشترك
ربنا يخليكم ليا حبيباتي
ويدوم الحب وصافي الود
سمورتي الجميلة
شجرتي زادت ألقا
في مكانها في بيتك السعيد

**admin** **admin** · 07-23-2013, 03:16 PM

مبدعات ألهندسة الصناعية الغاليات
نااانو - منى سامى - سمر

تابعت موضوعكن باستمتاع كبير جدا
بدءا من تنفيذ فكره عمل مشتركه
متعدده الاساليب تهدف الى الاستفاده
من الخامات المتاحه على ابسط صورها
لتقديمها فى تحفه فنيه تجمع بين القيمه
الوظيفيه النفعيه كمنضده ركن والقيمه الجماليه
كقطعه ديكور من عمل ايدينا تحمل بصمه تجربتنا الفنيه
وهنا ينبغى ان نؤكد ان من جماليات التشكيل الفنى
هو الوصول لمنتج نفيس من خامات بيئيه بسيطه
تكون تحت بصر ومتناول يد الجميع فيثير فضول
محبي وعشاق الاشغال الفنيه للاستفاده من الخامات
المتوفره لديهم وتنفيذ اشغال فنيه رائعه
اما وان يكون التقديم باكثر من رؤيه فان لكل رؤيه
ذوقها وخبرتها التى اثارت اعجابي باستخدام
ادوات منزليه بسيطه من صوانى واطباق
وبلاطات سيراميك وطواجن مستهلكه
كأدوات مساعده لبناء الشكل الاساسي
للمنضده ثم شرح مراحل التشكيل بالعجائن
والمعالجه اللونيه الثريه والجميله
حتى مشاركتنا فيما توارد فى اذهان مبدعات ألهندسة الصناعية
في كيفيه اخراج شكل قاعده المنضده العلوى
رغم ان كل جزء فيها حظى بنفس القدر من العمل والاهتمام
للوصول للشكل النهائى الرائع الذى حمل الينا
بصمات فكر وابداع وروح فريق عمل مشترك
على الرغم من ان كل عمل كان منفردا
تحيه من القلب للمبدعات الغاليات المشاركات فى العمل
وتمنياتى بان يزداد عدد مبدعات ورد المنفذات للاعمال الفنيه
الجميله التى تتميز بالقيمه النفعيه
شكرا لكن

**نااانو** **نااانو** · 07-23-2013, 07:39 PM

المبدعات الغاليات
سمر & منى سامى
صراحة العمل فى قمة الروعه
كل تربيزة لها طابع مميز وشكل مختلف
لكنهم رائعتين جدا
تسلم الايادى والعيون
وجميل جدا فكرة الموضوع الجماعى
بارك الله لكما حبيباتى

**امل نيازى** **امل نيازى** · 07-23-2013, 07:55 PM

ابداع غير مسبوق
فنانات ورد الغاليات
نااانو - منى سامى - سمر

اسعدنى متابعه اعمالكن الاكثر من رائعه
لكل عمل فكرته وطريقه تطبيقه
فكر مبتكر متجدد ومنفذ باتقان وتميز
ارق تحيه واجمل تقدير لذوقكم وفنكم الجميل

**نااانو** **نااانو** · 07-23-2013, 07:56 PM

ibrafassiya الفنانة الجميلة
شكرا لكِ حبيبتى
والشابوه يترفع لك ولاعمالك الجميلة
اسعدنى مرورك
شكرا حبوبة

**نااانو** **نااانو** · 07-23-2013, 08:48 PM

استاذه نانو
اول عمل حضرتك اجيب منين رول الكرتون

ممكن رول ورق المطبخ تلصقى اتنين مع بعض
او رول اكياس الزبالة وكمان رول القصدير
يعنى متوفر
او ممكن تستخدمى فرع شجر طبيعى
مثلما فعلت منى سامى

تانى حاجه ينفع نثبت الرول فى القاعده بالجبس
بدل عجينه الورق

ايوة ينفع
فى حالة اضافه الرول داخل الطبق يمكن اضافه الجبس
وليس على الوجه كما انا عملت

تالت حاجه لما حضرتك حطيتى الحجر فى الطبق
وغطيتى عليه بعجينه ورق ينفع استبداله بجبس برضه
بحيت انه يكون متين اكتر

ينفع طبعا
انا كان متوفر عندى الحجر لذلك استخدمته
يعنى ممكن تنفذى بالمتوفر عندك

رابع حاجه هو عجينه الورق لما كنت بشتغل بيها
كانت بتتشقق بعد ما تنشف هو ده عيب
فى طريقه عمل عجينه الورق

معنى كده انها جافة يعنى كانت تحتاج لغراء اكثر
لتكون لينة ولا تتشقق بعد جفافها

خامس حاجه ورق المناديل حضرتك بتضيفى عليه حاجه
علشان يبقى شبه الجذور كده ويمكن نستبدل المناديل
بعجينه سيراميك

يمكن استبدال اى خامة بالمتوفر عندك
وطبعا نضيف الغراء عند استخدام ورق المناديل
بجذع الشكل اثناء لصقه

سادس حاجه الالوان المستخدمه نوعها ايه
وياترى ليها اسم معين

اى الوان متوفره لديكِ
ممكن اكريلك
او بويات عادية من عند الموان

اسفه لاسئلتى الكتير بس عجبنى اوى عمل حضرتك
مع انهم كل الا عمال روعه وعلى طول
بنستفيد من حضرتكم جدا
اسفه تانى مره على اسئلتى الكتيره

لذلك نفذنا هذا الموضوع
لتوضيح ان العمل يمكن تنفيذه بعدة خامات
وافكار متنوعه
المتوفرة لديكِ

**نااانو** **نااانو** · 07-23-2013, 08:51 PM

حبيبة قلوبنا الغالية
هالة
اشكرك حبيبتى على حلو كلماتك
وروحك الحلوة
نورتى ياقلبى مقاعد المشاهدين
بأجمل طله
شكرا لكِ

إعـــــــلان

تربيزه من عجينة الورق تنفيذ مبدعات ورد طرق مختلفة شرح بالصور

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك