تويت
كلمات : جمال بخيت
غناء : أحمد سعد
تمثيل : كل أطياف الشعب المصري
مش باقي منى غير شوية ضي في عنيا
أنا هاديهملك وأمشي بصبر في الملكوت
يمكن في نورهم تلمحي خطوة تفرق معاكي بين الحياة والموت
مش باقي منى غير شوية قوة في ارادتى
حسبي عليهم وانت بتخطي
مش باقي منى غير شوية ضي في عنيا
انا مش عاوزهم
لو كنت يوم هالمحك وانت بتوطي..
في معركة مافيهاش ولا طيارات ولا جيش
وأنت في طابور العيش
بتبوسي أيد الزمان ينولك لقمة
بتبوسي ايد الزمن ينولك لقمة ,,, من حقك المشروع
مش باقي منى غير شرقة بنفس مقطوع
وأنا صوتى مش مسموع
يا حلمنا الموجوع من المرور ممنوع
وأنا صوتى مش مسموع
يا حلمنا الموجوع
من المرور ممنوع
مستنى لما يمر . موكب سلاطينك
ومش باقي منى غير شوية كفر بشروقك
على شوية من طينك
على شوية صبر من دينك
مش باقي منى غير شوية لحم في كتافي
بلاش يتبعتروا في البحر
ومش باقي منى غير شوية لحم في كتافي
بلاش يتحرقوا في قطر الصعيد في العيد
بلاش لكلب الصيد تناوليهم
خدى اللى باقي من الأمل فيهم
وأبنيلي من عضمهم في كل حارة مقام
وزوريني مرة وحيدة لو كل ألفين عام
ألم الجراح يتلم
مش باقي منى غير شوية دم
متلوثين بالهم
مرين وفيهم سم
ومش باقي منى غير شوية دم ماقدرش اسقيكي مواجعهم
وبرد ماقدرش ارميكي وابيعهم
يمكن في مرة تطلبيني شهيد هاحتاج يوميها الدم .. يمضي على شهادتى
تعليق