إعـــــــلان

**الروميساء** **الروميساء** · 10-30-2013, 08:59 PM

هههههههههههههه
والله بحياتى ما ضحكت من قلبى مثل ما ضحكت اليوم
هذا قيس طلع حكايه وماندرى
ههههههههه
هاخذ علبه فروت كوكتيل بالشاليمو
وانتظر الحلقه القادمه

اضحك الله سنك اختى
الهى يسعدك ويعطيكى العافيه

**هند** **هند** · 11-03-2013, 05:54 PM

والله عفارم عليه
سي ورد افندي
اتجوز عبلة وخلاها هبلة

ههههههههههه
هاله الجميله
تسلملى خفه ظلك
ومتابعتك الجميله لورد بيه وقيس افندى
نورتينى حبيبتى

**هند** **هند** · 11-03-2013, 05:58 PM

اهلا بك روميساء
ضحكتك الحلوه نورت الموضوع
شكرا لك
اهديك الحلقه الجديده من القصه

**هند** **هند** · 11-03-2013, 06:04 PM

الحلقه الخامسه
خطة قيس للايقاع بورد

حام قيس حول خيمه مكتب ورد للاعمال الانشائيه
وقرر مراقبه ورد حتى يصل لاى معلومه تدينه
حتى يتمكن من حبسه وانقاذ ليلى
تعقب قيس خطى احد اتباع ورد ورآه يخرج من الخيمه محملا باكياس التمر المنتفخه
فحاصره قيس واسكره وجعله يوقع على اعتراف كامل بالنشاط الذى يمارسه مع ورد
والرشاوى التى يدفعها ورد
مما يدين ورد ادانه كامله
وقع الرجل على هذه المعلومات على جلد الغزال الذى ربطه قيس باستيك
وقرر ان يتوجه به الى المدعى العام القبلى
ثم عاد و قرر ان يتوجه بهذا الاعتراف لورد شخصيا و يهدده
ان لم يترك ليلى فإنه سيتوجه بهذا الاعتراف الى المدعى العام
انهى قيس كلمته المتحمسه ووقف ينتظر متحفزا اى نوع من الهجوم سوف يأتيه من ورد

نظر له ورد طويلا ثم مال الى الخلف فاتحا فمه فى بلاهه

ثم

سقط على قفاه من الضحك
نوبه ضحك تصاعدت حتى وصلت لحد الصراخ

احتقن وجهه وهو يضحك ويضحك
والدموع تسيل من جانبى عينيه
واشرأبت عروق رقبته وهو يضحك و
يضحك

وقيس يراقب فى ذهول
ولا يجد لهذا تفسيرا

لماذا يضحك ورد

الحلقه القادمه

**هالة** **هالة** · 11-05-2013, 05:20 AM

فيما يبدو يا
هنودتي الحلوة
ان ورد الغرام له دلال
على المدعي العام
وعليه قيس افندي
حيكون ضحية العام
منتظرين باقي مذكرات
قيس بن الملوووح
ههههههههههههه
تسلمي حبيبة قلبي
لرسم البسمة على وجوه
ارهقها تعب الحياة

**هند** **هند** · 11-09-2013, 07:06 PM

ههههههههههه
يا عينى علينا
كتر الاحداث حولينا خلت تفكيرنا يتجه على طول
ناحيه الفساد المالى والادارى
واحتمال وجود مصالح مشتركه بين ورد والمدعى العام
ههههههههههههه
لا يا هاله اطمنى
فى الحدوته بتاعتنا المدعى العام برئ
شكرا حبيبتى على متابعتك للموضوع
وتسلملى ضحكتك الحلوه

**هالة** **هالة** · 11-09-2013, 07:15 PM

صراحة انا ميهمنيش ان
المدعي العام يطلع برئ
انا عاوزة ورد هو اللي يطلع برئ
بعدين نصبح بلا مأوي
هههههههههههههههه

**هند** **هند** · 11-09-2013, 07:16 PM

الـحـلـقـه الـسـادسـه

صرخ قيس قائلا :

هتفضل تضحك كده كتير؟
بقولك هشكيك للقاضى و هبهدلك

اعتدل ورد فى جلسته وهو يسأل:

كل المجهود ده عشان تسترد ليلى؟
والله انت صعبان عليا
شوف يا قيس يا خويا انا بعد ما اتجوزتها
صعب عليا قصه الحب اللى بينكم
وسمعت انك قضيت العشرين سنه اللى فاتت
فى مصحه الدكتور شيرين تامر هيثم
وعشان كده يبقى نوع من الوحشيه واللإنسانيه
انى افضل واقف فى طريق
الحب العظيم ده تعالى معايا انا هخدك لليلى
و يادار ما دخلك شر

قام ورد وضم بيده فك قيس الذى سقط من الذهول
واصطحبه من يده وقيس يسير معه كالمنوم
ركبوا السياره واتجهوا للخيمه التى يسكن فيها ورد
مع حبيبه القلب ليلى
ادخله ورد الصالون المدهب واستأذن منه للحظات
جلس قيس وقد عصفت برأسه كل السنين الماضيه
و كل تفاصيل القصه
كل ملامح ليلى الحميله الرشيقه المنمقه
ازاح ورد الستار واشار باصبعه لقيس ان يتبعه فى صمت
قام قيس بانفاسه المتلاحقه وسار فى الكوريدور القماش حتى توقف ورد
امام ستار من المخمل وقال له ليلى بالداخل استعد
مد يده ليزيح الستار وكادت انفاس قيس تتوقف من الشوق واللهفه
ها هو الستار سيزاح عن سنين العمر الضائعه
وسيرى حبيبة قلبه ليلى

انتظروا لقاء الحبيبين
الحلقه القادمه

**هند** **هند** · 11-23-2013, 03:39 PM

الـحـلـقـه الـسـابـعـه

لـقـاء الـحـبـيـبـيـن

1
انزاح الستار وحملق قيس ليفهم تفاصيل ما يرى
فقد كان المنظر مزدحما بالشخوص
رفع قيس اصبعه ليعد

1 2 3 4 6 8

قالها وهو شبه غير مصدق

9 اطفال يتكومون فوق تبه
او دشمه او قبه لا هى مصطبه ياللغرابه انها لا هذا ولا ذاك

انها امرأه
كوم لحم متراكم يجلس مبروشا على الارض
حافيه القدمين فهذه الاقدام لا تستوعبها اى حذاء
ولا حتى مقاس 65

انها تجلس لا هى لا تجلس
هى مفروشه على الارض واعتلاها الاطفال
كما يعتلى القرود الجبلايه
وتضع فى حجرها حزمتين ملاته وكرات تأكلهم بنهم شديد
وهى تضحك وتصفق وتكرر لانها تتابع فيلم اسماعيل ياسين

نظر قيس الى ورد فى غباء
فصاح ورد : ليلى لولا ابو اللول
استدارت التبه ليصعق قيس وتخونه ركبتاه
فيتسبث بذراع ورد متسائلا : اهذه ليلى؟!!!!!!!!!!!!!

يصيح ورد :ابو اللول قيس اهو فاكراه ؟
قيس ابن الملوح ابن عمك يا وليه ركزى شويه

رفعت ليلى حاحبيها فى دهشه ثم قالت:
اه قيس يخرب بيت شيطانك
ازيك ياله مالك عجزت كده يا مدهول
تعالى تشرب عصير قصب؟
بت يا عفراء هاتى كوز عصير قصب لاسمه ايه ده

افاق قيس فى الصالون على هزات ورد له
وكان يشممه زجاجه نوشادر وهو يقول:
فوق يا قيس انا فى عرضك الهى ما ييتم لك عيل تفوق
انت مش كنت عايز ليلى اهيه خدها سايق عليك النبى تاخدها

حملق قيس فى ذهول
فإذا بورد ينهار على اقدامه مقبلا لها وقائلا:
يا بنى مش دى اللى ضيعت عمرك عشانها ما تشيل
انا بس عايز اسألك سؤال واحد
اثناء ما كنت بتحبها عمرك شفتها وهى بتاكل؟
عمرك خطر على بالك انها بتشخر وهى نايمه؟
وانها بتحكى حواديت النهار كله وهى نايمه
وانها تقوم بالليل تدوس بقدمها فى بطن اللى نايم جنبها
ارحمنى والنبى وخدها انا فى عرضك

قال قيس : لكن انت سرقت فلوس ابوها وبقيت مليونير
يمكن عشان كده هى اتهبلت

رد ورد : فلوس مين يابا دى اكلت بيهم فى اول شهر
اتارى ابوها كان حارمها من الاكل عشان
تفضل رفيعه ويلزقهالى الراجل الشرير
المفترى ادانى حتة بومبه الله يرحمه بقى

الحلقه الاخيره

رحيل قيس

**هالة** **هالة** · 11-23-2013, 09:36 PM

حلم ولا علم
ليلى العامرية اصبحت
ليلى المفترية
اتاري قيس يا قلب امه
حب خيال وضاع شبابه
في الاوهام
مسكين ورد
خلف اورطة
وجوازة اونطة
في انتظار الفصل الاخير
دمتِ بكل خير

**همسات الورد** **همسات الورد** · 11-24-2013, 03:53 PM

هذا حال محبين الايام
ولا انتقلت العدوا للي كانوا زمان
هههههههههه
الرؤيا رائعه وجميله وبأنتظار الحلقه الاخيره

**هند** **هند** · 11-26-2013, 10:57 PM

ههههههههههههههه
هاله الجميله
تعليقاتك احلى من اى كلام
شكرا لك حبيبتى
يسلملى مرورك الجميل

**هند** **هند** · 11-26-2013, 10:59 PM

اهلا بك همسات الورد
نورتينى
شكرا لمرورك الجميل

**هند** **هند** · 11-26-2013, 11:11 PM

الحلقه الاخيره

رحيل قيس

خرج قيس من باب الخيمه ليفك الجمل و يرحل
و لكنه فوجئ بيد ثقيله تهبط على كتفه

استدار ليجد ليلى واقفه تحملق فيه و قد حشرت فى فمها
حزمه فجل وه مست فى اذن قيس
فخرم صوتها صرصور ودنه :
انت مش كنت عاوز تتجوزنى زمان
ما تطلقنى من التلج ده و تتجوزنى

صاح قيس : لا ااااااا ابعدى عنى يا متوحشه

خرج ورد قائلا : انت هتتجوزها
و الا تجيب جلد الغزال اللى بتهددنى بيه

رمى قيس جلد الغزال و تخلص من قبضه ليلى على قفاه
ثم اطلق ساقيه للريح
بينما خرجت عفراء تنادى سيدتها :
الحقى يا ستى برنامج سر الارض ابتدى

**********************************

دخل التومرجى فجأه على اعضاء الكونسولتوا
معلنا عوده قيس الى المصحه
استقبلته اللجنه فى دهشه و استمعت الى قصته

و قال له الدكتور شيرين
: انت اللى غلطان ايه اللى وداك هناك اديك رجعت تانى بس
سبب جنانك بايخ هنقول ايه للتاريخ
هنقول اتجنن من منظر ليلى و هى شبه انثى الدرفيل ؟
ما كنت داخل بكرامتك و واحد تانى اتجوزها وطلعت انت شهيد الحب
دلوقتى خيبتك تقيله و منظرك يكسف

رد قيس :
انا فعلا غلطان كان لازم اتفلحس
ما كانت نهايه احمد شوقى اكرم لى

النهايه

ارجو ان تكون اعجبتكم
و السلام عليكم و رحمه الله و بركاته

**هالة** **هالة** · 11-29-2013, 06:55 PM

نار المصحة و المجانين
و لا نار انثى الدرفيل
و توتة فرغت الحدوتة
و انتهت اشهر قصة حب
في انتظار حدوتة جديدة
تسلمي هنودتي
حبيبة قلبي

إعـــــــلان

مذكرات قيس بعد زواج ليلى

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك