إعـــــــلان

**زهرة الكاميليا** · 01-12-2014, 12:44 PM

هى محنة يا مصر ..وإبتلاء كبير
والأصعب هو سيرهم فى غيهم
حتى باتوا اليوم
يواجهون وطنا وشعبا بأكمله
يطاردهم ..ويرجو منهم الخلاص
ولا يسمح لهم
بقطع عيشه وقتله بلا جريرة أو ذنب
شعب أفزعته القنابل المزروعة فى كل مكان
وعلم القاعدة والسلاح
فى قلب الميادين بلا مداراة
وإستهداف جامعة الأزهر
منارة العلماء ونورالإسلام
بغلّ .. بغباء
وحرائرمن نوع خاص
ميليشيات نسائية شرسة بالشوم والعصي
لو شاهدت هجومهن المخيف على أستاذة الأزهر
ونزع حجابها فى غوغائية وصراخ
لأنتابك العجب مما إنتابهن وهل له من علاج ؟
ومسيرات لا تتوقف
تستهدف المارة فى حياتهم إلى حد الذبح بلا نقاش
وحرق سياراتهم الخاصة
وبيوتهم إن طالها المولوتوف حرقا
وتحطيم محالهم مصدر رزقهم الحلال
وتفجيرات تمزق الأبرياء لأشلاء
أشدها كانت تفجير مديرية أمن الدقهلية
بقنبلة تعمل على تفريغ الهواء بالمحيط
واستعملت بلا قلب لأول مرة فى مصر !

2

كراهية مجنونة عمياء
اوقعت العديد
من ضباط وجنود جيش مصر والشرطة شهداء
وهذا واحد يتباهى بخلع سترة عقيد
فأى حظ عاثر أوقعه فى براثن الغيلان
وماذا يا ترى حاق به من تنكيل ربما حتى الممات ؟

1

والغريب أنهم على صفحاتهم
يعترفون بما صنعت أيديهم
ويتباهون بكم حرقوا للشرطة والجيش من معدات

1

ثم إن صادفتهم على أرض الواقع ..
هم فى حالة برمجة على قول واحد :
هلؤلاء ليسوا منا ..هم مندسين ..
نحن منهم براء !

**زهرة الكاميليا** · 01-12-2014, 12:50 PM

هل هانت مصر ؟
هل ضاع الإنتماء ؟

لا والله ..ما هانت مصرنا الغالية إلا على قلة
لن تستكمل أبدا طريق المؤامرة الدولية الكبرى
لتفتيت الدولة العظيمة لدويلات
والتى بدأن متخفيىة مع ثورة الشعب
فى 25 يناير 2011
ثم إتضحت ملامحها الكريهة
فى أثناء حكم المتأسلمين
لكن مصر.. وقدرها دوما
ان توقف الغزاة
وتدفنهم فى أرضها مدحورين
تمكن شعبها المناضل العظيم
بحسه العميق ..وفطرته السليمة
مستشعرا خطرا داهما على مستقبل مصر وهويتها
حين تنازلوا عن حدودها
تخابروامع الأعداء
سرقوا مواردها الأساسية
وسيارات مواطنيها عبر الانفاق
حاربوا جيشها وشرطتها
أقروا قوانين جائرة
لهدم سلطات الدولة الرئسية
المحكمة الدستورية العليا وأسس دولة القانون .
بالإضافة لأفول السياحة ..وإنهيار ركائز الإقتصاد .
لا شئ يهم سوى إقنتاص السلطة ..
والإتكاء على الخارج
الداعم الهادف لتفتيت الدول العربية
بكل اساليب الدهاء
فمضوا قدما وبلا هوادة فى مشروع التمكين
فى كل مفاصل الدولة الحيوية
التمكين ..هدف واحد وحيد
فلا برنامج بملامح محددة لمستقبل البلد
ولا أدنى إهتمام بإصلاح أو تنمية
ناهيك عن تبذير صفيق
فى المواكب والسفريات والمأكولات
وأكاذيب سافرة لا تنتهى
كمسكنات لشعب أرهقه الفقر
تمكين أريد له وعلى حد قولهم
البقاء فى الحكم ل 500 سنة قادمة ؟؟؟؟؟؟؟

ولمن يتشدقون بكلمة الإنقلاب
لماذا لا يتذكرون معاناة الشعب خلال عام كئيب
وكيف وصل بمعاناته لحد العتب الشديد
على مؤسسته العسكرية
وقد تمنى فيها ملاذه الوحيد
ظنا منه وإرتيابا
أنها قد تكون موالية للطغمة الحاكمة
متلهفا على الخلاص وتطهير ثورته العظيمة
فكانت اللحظة الفارقة
حين تقدم الصفوف وزير الدفاع
إبن النيل
الفريق أول عبد الرحمن السيسى
ممثلا عن المؤسسة العسكرية حامية البلاد
بحنكة وذكاء

متصديا ليس فقط للجماعة السادرة فى غيها
إنما أيضا لأساس الإرهاب ..أمريكا وأوروبا
ولم يهتم بالتهديدات وقطع المعونات
وخلاصة القول
جيش مصر القوي حمى مصر من الانهيار
ومن خطر مؤامرة عالمية بأيادى مأجورة
ومن مصير العراق وسوريا وليبيا
حيث ماتت ملايين
وحيث المرتزقة يستعذبون التنكيل بالشهداء !
فخرج الشعب من خلف الفريق البطل بالملايين ..
ليصحح بإرادته الحرة مسار ثورته
فى الكفور والنجوع والقرى فى محافظات مصر قاطبة
مصحوبين هذه المرة بما يسمى بحزب الكنبة ..
أى جموع الشعب بلا إستثناء
فى مشهد ..وبشهادة العالم
لم يحدث فى تاريخ البشرية

2

ومما يثير الدهشة قبل السخرية
بمنطق مغلوط ..وبثقة يحسدون عليها
تجدهم يؤكدون أن هذه الملايين الهائلة
ليست إلا فوتوشوب !!

**زهرة الكاميليا** · 01-12-2014, 12:59 PM

جانب من تجمع شعبي
شاركت فيه
يوم تفويض الجيش ضد الإرهاب
كهول وشباب من الجنسين

2

وأمهات تحتضن فلذات الأكباد فى وعى وإصرار

2

من الصباح وحتى غروب الشمس

1

وبنات وأولاد من كل الأعمار

شقت اصواتهم عنان السماء
وبحت الحناجر فى نداء متواصل :
إنزل يا سيسى إنت رئيسئ !

**زهرة الكاميليا** · 01-12-2014, 01:11 PM

بروح وثابة .. وإحساس بالواجب والمسؤلية
وفى الوقت المناسب تماما
حملت المخرجة ساندرا نشأت
الكاميرا للتنقل فى معظم مدن وقرى
المحافظات المصرية
من الإسكندرية حتى اسوان

1

فى فيلم قصير مدهش
شارك - خليك فاكر 14- و15- يناير
وهاتقول إيه للدستور ؟
فتجولت فى المحافظات
مستخدمة اغنيات المشاهير
من مواليد تلك المحافظات ومقاطع صوتية
ليوسف وهبى وهدى سلطان ونجيب محفوظ
لكن تبقى نعم والسيسى اكثر الكلمات تداولا
للتأكيد على الأمل ومحبة ال***** الكبيرة ..المتنامية .

هكذا عبر البسطاء من الناس
بعيدا عن النخب فى مكاتبهم أو فى الفضائيات
أجواء طبيعية فيها أمل وبهجة لأهل مصر الحقيقيين
وجوه سمحة بشوشة ..
تذكرنا بمصر الحقيقية وأهالينا الطيبين
ودون أى تدخل من المخرجة وطاقم العمل
وفيما عدا أصواتاً قليلة مترددة
وأخرى خائفة من الخوض فى السياسة،
وثالثة تعيش فى وهم ما تسميه عودة الشرعية،
فقد أجاب معظم المشاركين
عن سؤال الفيلم الرئيسى، كل بطريقته
حيث أجمع المواطنون على أن «نعم»
سوف تجلب الاستقرار
وتقضى على الفوضى التى أشاعها حكم الإخوان،
وعلى الإرهاب الذى يخربون به البلد
وتفتح الطريق أمام عمل العاطلين
وتعيد الوئام والمحبة إلى قلوب الناس،
ولأنها حث للفريق «السيسي» الى يثقون به
كى يلبى نداء المواطنين
الذين قالوا إنهم يصوتون بنعم
لأجل خاطره أولا وأخيرا !

«هناك أشخاص رفضوا التصوير معنا،
لشكهم أننا تابعون لقناة الجزيرة،
وفوجئت بحالة غضب شديدة تجاه قطر،
لدرجة أننى حذفت جملة لشخص قال لنا
كنا حنقتلكم لو كنتم تبع قناة الجزيرة
ساندرا نشأت

7

**زهرة الكاميليا** · 01-12-2014, 01:14 PM

جارى اعادة رفع صور الموضوع تابعونا لاحقا 7

**زهرة الكاميليا** · 01-12-2014, 01:23 PM

إحتاج الشعب خاصة الفقراء منه لدرس عملي
للتأكيد على أن الزيت والسكر والمنح الغذائية المخفضة
خاصة قبيل كل استفتاء لصالح الجماعة
ليست خالصة لوجه الله
ولاحلا جذريا لمعاناتهم ..وصيانة حقوقهم وكرامتهم

1

هؤلاءهم من قصدتهم المخرجة ساندرا نشأت
فى فيلمها الوثائقي البديع السابق ذكره
شارك - خليك فاكر 14-و15- يناير -
فى أماكنهم فى المحافظات والحقول
للدعوة للدستور
وإحقاقا للحق ..
هم بالطبع لم يقرأوا الدستور حتى يصوتوا بنعم
لكن زحف 30 يونية الهائل هو دافعهم
وظهور البطل والزعيم القومى الذى طال انتظاره
وكشف الإخوان لنفسهم ..بنفسهم
ووقوع الشهداء فى عرض متواصل
من أبناء هؤلاء البسطاء
حراس الحدود ..جنودنا الأبرار

وقد طالتهم يد الإرهاب مرات ومرات
وصورتهم لا تغيب عن أى ضمير حي
حتى وإن إرتأيت عدم عرضها
مقيدىن من الخلف
متمرغة وجوههم فى تراب مصر
نازفة دمائهم الزكية
مقتولين بلا رحمة ولا وازع من دين !

وما أبشع ما تردده الجماعة ..
والمصيبة أنهم بيقين يقولون
الجيش والشرطة والمخابرات
لإلصاق التهم بنا
هم من يقتلون !!!

1

إنهيار أم الشهيد مجند عبد الرحمن
لدى عرض صورة زفاف إبنها الشاب
"ليه يتم الغدر به كده
وهو كان يحمي 90 مليون مصري
هو وزملاؤه ؟"

أمامنا الكثير يا مصر
( فلا يزال التنظيم الإرهابي المحظور
يترصد للدستور فيجمع الرقم القومى من البسطاء
مستغلا حسن نيتهم للحصول على بطاطين وخلافه )
لابد من التحرر من الجهل
وثورة في التعليم وموارده
التحرر من الفقر
بالبناء والٍإستقرار الأمنى القادم بإذن الله
مما سيعنى إطلاق حرية التفكير
وسيعنى التحرر
من هؤلاء الذين يمنحون ويمنعون لقمة العيش.

إلى حيث القت
دستور 2012
دستور طائفة بعينها
تم والناس نيام
على عجل وباستخفاف
والشكر هنا واجب للجنة الخمسين
على رأسها
السيد عمرو موسى
رجل الدولة القدير
التى عملت فى ظروف صعبة إستثناية
يحاصرها الإرهاب الأسود
ومحاولات العرقلة والإعتراضات
لم يمنعها ذلك
من توافق سليم على مبادئ دستور 2014
اللبنة والأساس
وعلى مبادئه سيتم البناء
دستور أدركت أهميته طوائف الشعب
كأولى خطوات خارطة طريق المستقبل
وديموقراطية الصندوق الحقيقية
بلا أى تزوير أو التفاف

مصر الجديدة تولد ..ولن تعود أبدا للوراء
ببناء دولة قانون ..
والإيمان بأن الدستور هو بداية لطريق كفاح طويل
وأن الضمانة الحقيقية هى وعى الشعب وجهده
أيا كان الرئيس القادم .

أكتب والجمعة الأخيرة قبيل الإستفتاء على الدستور
قد شهدت نفس مسيراتهم الأسبوعية
وتقريبا فى جميع المحافظات
صحيح بقدرة أقل على الحشد
ولكن بعنف متزايد من الجماعة وأنصارها
بإحراق السيارات الخاصة ..وسيارات الشرطة

وإطلاق نار عشوائي على الأهالى
فحصدت أربع حالات وفاة فى الإسكندرية والسويس
وإصابات عديدة
فحق أن تعنون بالجمعة الدامية

**زهرة الكاميليا** · 01-12-2014, 01:49 PM

وفى ذات الوقت
بدأت وحدات القوات الخاصة بالجيش
فى إستعراض
الإستعدادات لتأمين لجان الإستفتاء وحدود البلاد
لحماية المواطنين، والتصدى لجميع التهديدات
والمواقف الطارئة فى اللجان والمراكز الانتخابية
وتوفير المناخ الآمن للناخبين
فى مشهد نادر فريد
يملأ النفوس فخرا وإطمئنانا

2

من خلال خطة تنظيمية يشارك فيها
أكثر من 160 ألف ضابط ومجند بالجيوش الميدانية
والمناطق العسكرية على مستوى الجمهورية
بالتنسيق مع وزارة الداخلية واللجنة العليا للإنتخابات
وباقي الأجهزة المعنية بالدولة،

كما تشارك لأول مرة
قوات المفرقعات التابعة للقوات المسلحة
من خلال دوريات التأمين الثابتة والمتحركة.

2

زي خاص يستخدمه عدد من القوات في دول أجنبية عديدة
مثل القوات الأمريكية والبريطانية والروسية
ويتم استخدامها لتأمين الفرد فى حالة فض الشغب
وإحتمال وجود مفرقعات وتفجيرات
ويتم تجهيز هذه القوات بأحدث التجهيزات العالمية

وسيسقط بإذن الله حلف الشر
أمريكا وأعوانها
قطر ..تركيا .. السودان ..إيران
بالإرادة الشعبية المصرية
التى انفجرت فى 25 يناير 2011
ثم فى 30 -6 -2013
وللمرة الاولى
محدثة زلزالا عنيفا وتصدعا لا يستهان به
فى مخططات الغرب

فلنأخذ بيد مصر ..ونلم الشمل
ونأمل فى القادم ..وهو خير بإذن الله .

1

غرد "الأبنودي" قائلًا :
"حَضّن عليها بِجْنَاحَكْ
وِاحْلَم لَها بأعزّ صَباح ..
ونامْ إيديك حَاضْنَة سْلاَحَك
لِلْفَتح.. يا (عبدِ الفتّاح)!!".
والبشارة آتية
ذكرى مولد نبينا الهادى سيد الخلق أجمعين
رحمة الله المهداة .. متمم مكارم الاخلاق .
محمد عليه أزكى الصلوات والسلام
الإثنين اول ربيع أول
الموافق 13يناير 2014
فكل عام والأمة الإسلامية بكل خير

ثم خليكم فاكرين 14-و15- يناير
وشعب مصر العظيم
مؤكد يتهيأ لعرس الديموقراطية
وتعيشى يا ضحكة مصر
لأحفادنا وجيل قادم متحرر
وشكرا مؤسستنا العسكرية
حامية مصر والمنطقة العربية
جالبة الخير بإذن الله

1

وإليكم فى الختام قصيدة
السلام على من اتّبع الهُدى
للشاعر الجميل عبد الله حسن

السلام على من اتّبع الهُدى
السلام على عيون متأكدّة
انه برغم الحزن لسّاه الأمل
باقية مصر بشعبها مُتَفَرّدة
باقية مصر بجُندها و عُلما و أطّبّا
باقية يا مصر بناسها و بلَمّ الاحِبّة
باقية مصر في قلب حارس على الحدود
باقية مصر حكاية يحكوها الجدود
عن فراعنة و عن و عن
عن حضارة و ذوق و فن
عن طموح ماعرِفش حاجز
عن قاموس مافيهوش ثلاث كلمات
" مستحيل .. مهزوم .. و عاجز "
عن ايدين سمرة لعيال حالفة تبني
عنّي شخصيا يا خال لمّا بقرا الشِعر لابني
عن نجيب محفوظ و دُنقل
عن فؤاد نجم
و هكمّل عن بشر مش مشهورين
كل واحد حط بلده في العينين
كل جُندي و كل حارس
كل طالب في المدارس
في الجوامع في الكنائس
كل شعبي الحُر كل الحالمين
السلامُ عليكِ يا مِصرُ السلامةُ
رُغمَ أنفِ المُعتدين و الحاقدين !

فكرت كثيرا فى عرض مثال لأبناء مصر
من شبابها المخلصين
وكيف يعضون بالنواجذ
على هويتهم المصرية الاصيلة
ويمثلون أروع قدوة للجيل
مصر فى نبض قلبه
فى روحه ..فى نظراته ..
فى صوته المتهدج الصادق النبيل
فكان الشاعر الشاب
عبد الله حسن

1

أروع وأفضل مثال فإسمعوه
وإستمتعوا بإلقاء فريد أعدكم لن تنسوه !
والى حين حل مشكلة تقنية فى عرض الفيديو
إليكم القصيدة مكتوبة
لا انا كافر ولا ملحد
بقول لآ انا وبرفض لكل معانى الاستبداد
ولو ع النار انا همشى وللحريه همشى بلاد
وشيئ مرفوض انا لاغى
يحط السم فى دماغى
يقولى اهتف اقوم اهتف
قول سقف اقوم اسقف
يحولنى لمسخ بليد
اكون ايده اللى بتكسر
واكون وشه اللى بيكشر
وممنوع ان انا افكر
ومظبوط بس ع التأييد

لا انا كافر ولا ملحد
وبتقولوا انا كافر ؟!
انا كافر بدستوركم بقواننكم بأحكامكم بحكامكم
انا كافربأحلامكم بأفكاركم بسلطتكم بسلاطتكم

بدنيتكم انا كافر
بكل تعصب الجهله
ومين قال انها سهله
ومين قال انى مش قادر
ده غصب عن عنين بكره هوصل صوتى للعالى
ميدان الثوره يا فكره يا اطهر ارض
خروجنا فرض
هناك كنتوا هنا كنا
هناك خنتوا هنا صونا
هنا بتنا هنا لونا هنا موتنا وهنا الجنه
هنا التاريخ هنا السنّه هنا محمد هنا حنّا
هنا مصر اللى بقيالنا
ويلعن مين يقسمنا ويلعن ربنا الفتنه
هيفضل صفنا واحد انا وبقية الشله
على المواعيد
وعمر الحق ما يضرك ولو واقف فى صف وحيد

طلع ناس مش شبه ناسنا ومن غير قلب
لا بيحبوا ولا يحسوا
طلع ناس للاسف فالصو
وقال النهضه ارادة شعب
طلع مطلعش فيه نهضه
ويا عالم ايه مصير الشعب !

يوماتى بصطبح على غم
ياا فاقدين الشعور والدم
يا نايمين فى العسل نومه
دا دم ولادى مبردشى
عليكى اللعنه يا حكومه
وخافوا دا التاريخ قاسى ولا بيرحم
ولما الثوره تتكلم تقعد ساكت وتتعلم
يا مصر يا بلدى يا كبيره
دى ناس الزيف ملا قلوبها
ووشها ودقنها عيره

يا مصر يا بلدى يا كبيره
تعالوا نغنى لبلدنا دى بلدنا بتيجى ع السيره
ولا تخافى ولا يهمك
محدش راح يعيش فيكى سوا الغلبان
سوا المتربى من خيرك وداق ويلك
شرب سمك كفر بيكى
وصل من عشقه لعنيكى
لابعد حد من الادمان

فاقسم انى امام بلادى
بأن لا اعادى وان لا اخون
واعرف ان الثورة نور
وهم فى الظلام ولا يشعرون
وان الحكم بأيدى اناس
يقولون دوما ولا يفعلون
فصمُ فبكمُ فعمىُ فكرهُ ضلالُ ولا يفقهون
واعلن شرفا بأنى برئُ
فلا لست منكم ولاكنت اعبد ما تعبدون
قصيده لا انا كافر ولا ملحد
للشاعر عبد الله حسن

دمتم بكل خير .

**هالة** **هالة** · 01-12-2014, 03:24 PM

قليلة هي
دمتِ بكل خير
كما عهدناكِ دوما
قلب يكتب
بمداد الحب للبلد
لا يوجد بيت ليس له
زوج او ابن او قريب
مجند او ضابط في
جيش مصر العظيم
سنة مضت من سنوات
مصر العجاف
كانت لابد من ان تمضي
تحمل خيرها وشرها
حتى وإن رويَ ثرى مصر
بدماء ذكية لفلذات اكباد
نحتسبهم عند الله شهداء
نقول نعم لدستور مصر
لقد قرأته " وعلى اد فهمي "
لم اجد فيه ما يُضيع الحقوق
ولكن في الاول والاخر
لنا الله وعلى يقين
ان من اراد بنا مكرا
فسيهتك الله ستره
ويحفظ مصر واهلها بحفظه

أسألكم الدعاء لابني
كريم
ولكل جندي وضابط
ممن خرجوا لتأمين الاستئناف
ادعوا لهم أن يعودوا لثكناتهم سالمين
هم وكل جندي وشرطي
يقف حاملا روحه على كفه
فداءا لوطنه

سيدتي الجميلة
زهرة الكاميليا
كل مولد نبوي
وانتِ ومصر وكل اهلها بخير
مودتي وحبي

**زهرة الكاميليا** · 01-12-2014, 07:40 PM

حبيبتى الغالية
هالة
أسألكم الدعاء لابني
كريم
ولكل جندي وضابط
ممن خرجوا لتأمين الاستفتاء
ادعوا لهم أن يعودوا لثكناتهم سالمين
هم وكل جندي وشرطي
يقف حاملا روحه على كفه
فداءا لوطنه

بإذن الله تعالى يعود الغالى
كريم
بسلامة الله الى ثكنته
وتخرج مصر غانمة سالمة
وتكون نصرتها الضربة القاضية للإرهاب
لك منى أطيب تهنئة بالمولد النبوى الشريف
وكل الشكر هالة لمرورك الغالى

**زهرة الكاميليا** · 01-12-2014, 07:53 PM

مقاطع من قصيدة
عيش وحلاوة
للشاعر عبد الله حسن

1

اطفال في عمر الزهور في مسيرة بالأكفان
شيخنا محب الظهور .. مشروع شهيد يا جبان !
و الضرب لما ابتدى اقم الصلاه يا بعيد
ارجع لاخر الصف يلا و صدروا النسوان
لم العيال الغلابة و شحاتين السكك
اقنعهم انك ولي جاك النبي في منام
قال لك شفيع البشر
اقتل .. و عذب .. خون
ادبح فلان الفلاني نصرة للاسلام

واتوضى بالدم وأدن وافترش قبري
صلي وقول الدعا والناس ترد امين
اهلك بني مصر النصارى الملحدين
وعليك بالجيش اللي خان المسلمين
ارنا عجائب قدرتك في الظالمين
ثم التفت وألقي السلام الى اليمين
والقي السلام الى اليسار

وانهض بدمعك منتحب فضوا المسيرة !
واهمس في اذن الحارس الشخصي
هل هاهنا قناة الجزيرة
هل كنت ابدو مقنعاً هل بح صوتي في الدعاء
هل يبدو على وجهي العناء
هل لحيتي طالت بذاك القدر
حتى استطيع به خداع الجهلاء

هل ذلك الحلاق حف شاربي
هل فاح مني عطر مسك في العباءة
هذا انا رمز الجراءة سيداً دونى العبيد
اتُرى هل هذا شخصٌ آدميٌ
حين يجري النفط مجرى الدم في قلب الوريد

ديني ماهواش مظاهر مشي بالاعلام ..
مش حرب عالاسلام ..
ديني اللي عُمره يساوي ضعف عُمر الشمس ..
لا اهتز ولا اختفى لما نبينا مات ..
باقي لحد اما ربك يورث السموات .

1

انا ديني هو البلد ..
وانا بلدي ماتموتشي ..
عاجبك كلامي اسمعه ..
مش فاهمه قوم امشي ..

بلدي المحبة تسعنا كلنا وتفيض ..
فرحة لقايا باخويا ضعف فرح العيد ..

1

كانت سنة نقطة سودة عذاب بيتكرر ..
كنا رهاين في بيوتنا بندفعه اتاواه ..
والدرس يلا انتهى ..
نفهم بقى نفكر ..
اللي بدأها زيت وسكر ..
آخره عيش وحلاوة ..

أرجو لكم مشاهدة طيبة

**زهرة الكاميليا** · 01-13-2014, 09:07 AM

قصيدة
موتوا ..أو إتحدوا
عبد الله حسن .

هند
ماباقاش بيجي مع الحمام فوقوا
و اللي طبخ بالسم بيأكّل ولا يدوقه
و فوق في السما
فيه ناس بتبص علي اهليها ليل و نهار
بيكلموهم عنّهم .. بيطمنوهوم عنّهم
من بعد ما نسيوا يقولوا اسمهم
في نشره الاخبار
فى جنّة تجري في عرضها الأنهار
قاعدين هناك شايفين
كل اللي تاجروا بدمهم جايين
كل اللي خاضوا في عرضهم جايين
يوم الحساب ولا حد راح يفلت ثواني من العذاب

بس الأهم و احنا هنا في الدنيا
ماله شكلنا في ايدينا دم ؟

يا رب انا ماقتلتهوش لكن سكتت
يارب انا ماقتلتهوش يمكن غلطت
يمكن في وسط كلامي قولت ايه يعني عادي
يمكن عشان موت البشر في بلدنا عادي
يمكن عشان اما هموت هيقولوا عادي

هو احنا ليه في ايدينا دم
هو احنا ليه دايسين في دم
هو احنا ليه أشكالنا أشبه بالغيلان

هو احنا ليه سكتنا
علي غزو العراق و علي الجولان
و علي السودان و علي الشيشان
و علي الصومال
باسم النضال
كفنّنا ميت مليون شهيد
و صرخنا قولنا مكملين
رغم العذاب رغم الجراح
و قعدنا في بيوتنا نألّف ميت كتاب
و حفظنا احكام النكاح !

و الدين بقي بالنسبه لينا كلنا
وفّق ولاة أمورنا
فطبيعي جدا انهم برّة يغاروا مننا
ده احنا العرب
ده احنا بلاد الشرق مهد المعجزات
احنا التاريخ لكن بلا حاضر
علشان بناكل بعضنا
و دة اللي عاملينه هناك
و دة اللي عايزينه هنا

زمن الحروب يا ابني انتهي
ماهوش بحاجه انه يحرك جيش
مادام سيادتك بالشياكة و بالأدب بتضُر بلدك
بالهتاف ياللعجب
بتموت قصادي الف مرة عايزني اعيش

بتقوللي حرية و كرامة ليه مافيش
علشان سيادتك لما بترخص بلد
انت كمان بتكون رخيص

علشان هتفنا الشعب أسقط النظام
اشرب بقي وماتقولش لا
ادي النظام لما سقط
ماسقطش وحده انما واخدك معاه

قُصر الكلام انت النظام
و انت اللي سقّطته و انت بتنشئه
و انت اللي غميت في عينيك جنبك و هما بيحرقوا
و انت اللي بجهل ساعدتهم يتحاموا فيك او يسرقوا
ماتقولش سرقوا الثورة مني و كنت جاهل
ده انت المناضل اللي نافش ريش
عم النشيط المتفائل
قالوا الجعان يحلم بسوق العيش
عمرك لاقيت واحد مع بقال
بيقول له نص دييمقراطيّة
و رُبع عدل و بجنيه كرامة
بتقول لمين قبل اما تلبس في الكوفية
و تاخد حبّاية الشجاعة
اسأل ابوك المحترم رباك منين و عمللك ايه
اسأل ابوك و امك تحاملوا قد ايه علي نفسهم
علشان تدوق طعم الهنا
اتغربوا كدة كام سنة
علشان سيادتك لما تكبر بكل كِبر و عنجهة
رافض تعيش جوا البلد رافض البلد
و تقوللي بكرة هتبقي احسن
ازاي وانا شايف ولد عمال يهد
عمال يشد و يتفرد علي اقرب الناس ليه

حق الشهيد
عمره ما يرجع بالكلام ولا الاعتصام
ولا اني ازود في عداد الميتين
و اقفل بيبان ..الحق بان وانت حافظلك كلمتين
نكتة و بقت ماسخه و مابتضحكش

عارف عدوي مهما يتدارى و يلبس ألف وش
عارف هيتدارى معانا في وسط لمّة
عارف هيقنعني بموتي و عنده ألف مُسمى
حق الشهيد حق الجهاد
كتروا العبيد احنا في مزاد
و الكل مربوط من رقبته في الجثث

و الكل نصّب نفسه للثوره حرس
و الكل ماشي بالجرس

الائونا .. الاديو .. الاتريه ..
عم النشيط انا مش هقولك خدت كام او ايه

الائونا .. الاديو .. الاتريه
البيت بيولع و انت ماسك اخوك
النار بتمسك فيك و تمسك فيه

الائونا .. الاديو .. الاتريه
مين يشتري بلدي و تسوي قد ايه
لتر دم و بالتعود عَشَرة لتر و مين يزود

اقدم بلد في الدنيا تسوي كتير
مية .. ألف .. اتنين .. تلاتة
و احنا خيال الماتة نخوّف العصافير
وحوش يا دوب علي نفسنا
و فيران بقالنا كام سنة بنتزق علي طوابير

وقف انتحاري تاني و قصاده كاميرا ياباني
و سلاحه روسي الصنع
وقف يقول الشهادة
هقتل عبيد البيادة

ماتفوق بقي اسمع
الشيخ فلان الفلاني عربيته الماني
و الساعة Made In Switzerland
و موباليه فنلندى
حواليه خدم هندي أشبه خدم كسرى
و سبحته صيني
و حذائه ارميني و العطر باريسي
يقعد علي السفرة ويقول
بلاد كافرة بتساعد السيسي !!

و الزهد و الزاهد و الكل بيزايد
و انا روحت في الهوجة
منهي و انا ببدأ
حتّى وانا بغرق ملعون من الموجة
سجّل انا عربي
و كأنني قاتل قتيل وكانها سبّة
سجّل انا عربي
و اسمي للنسيان و حياتي للغربة
سجّل انا عربي
انا من بلاد الضاد
انا من بلاد التضاد و كأننا غُربا
سجل انا عربي
دستورنا هو العناد
صرخ الولد في البلاد لما اتنبح صوته
سجل انا عربي
و الاحتلال اهو عاد بمساعدة الاوغاد
اتّحدوا أو موتوا !

**زهرة الكاميليا** · 01-13-2014, 08:17 PM

صباح غد
14 يناير 2014
عيون العالم على مصر
وهى تستعيد نفسها .. ثورتها
مكانتها ..هويتها الأصيلة
تسقط حكما فاشيا ..
تخطو بكل ثبات على طريق بناء دولتها الحديثة
وتعلن أن القرار هنا
والجيش ..حارسها وحاميها
من بعد الله سبحانه وتعالى ..هنا
والشعب الذى بنى السد العالى
وآلاف المصانع والمدارس والمستشفيات
هو نفسه الذى يخوض غدا معركته
ويرفع راية الإستقلال ليقول للعالم أجمع
مصر صانعة المستحيل والأمل..هنا !

لن تثنينا تهديدات ..ولا وعيد
ولا تربص الأعداء
ولن نزرع فى أرضنا إلا الأمل
تتردد جملة القائد العام
للقوات المسلحة
الفريق أول عبد الرحمن
فى هذه اللحظة الفارقة لشعب مصر
مصر فى رقبتنا كلنا !
مع كلمات الخال
عبد الرحمن الأبنودى
مش كل ورقة بتتمضى[/b]
[b]ننتظر الغد القريب ..بلهفة ..بشوق

1

خلاص فهمنا من اللي فات
حكمونا حبة أغوات
دا بعد ماراح اللي راح
وبعد ما‏..‏ مات اللي مات‏!!‏

بحر الدقون
إللي غرقنا فيه وخان
ومازال يخون
وباعنا م الاربع جهات
لحيزبونة.. وحيزبون

كل اللي كوّع واللي بات
دلوقت وبيملوا السجون
يوم غيبونا في الكلام
يوم ما اشترونا في الحرام
بقزازة الزيت والسخام

تاجروا في فقرنا الرضى
ولاد الرضى
مش حلو كل من رضي
ولا كل ورقة.. تتمضي

إمضا.. خدتنا للغرق
كاس الهموم عبيّ وفضي
لازم نفتش في الورق
مش كل ورقة تتمضي

وقالولي: فيه دستور جديد
سرح دماغي في اللي فات
سرح دماغي بعيد.. بعيد
فسألت عن عدة حاجات
وقلت:' يا صحابي العزاز

حيستر البت اللي علي باب الجواز..؟
حيعالج الست اللي مرمية سنين
من غير علاج
عايشة.. لوان الروح يابوي
كام مره هربت م الجسد
حيجيب وظيفة للولد..
حيزود الكام لقمة لقمه
راح يحارب اللي فسد!..؟
ولا ميت سؤال طوال كإنهم أبد

'حيجيب لنا زعيم أسد
يرد حق الغلبانين
اللي ظلمهم الزمن
ويسد ريحة العفن
اللي بقالنا نشمها مدة ومدد..؟
ويفك حبل الظلم عن
رقبة أبوكم عب صمد

ما بدناش م العركة غير دستور كريم
شمس وهدي
يعوض الزمن اللئيم
اللي ابتدا
من ميتة البطل العظيم
ييجي استجابة للندا
وتزيح كفوفه المغسولين
الفاسدين والكدابين والظالمين
والمفجوعين
إللي كلوا لقمة عيالنا في جمعتين.. ؟

واللي بيتربص بحلم الملايين
واللي فتح دكانة بيبيع فيها دين
ولحي.. تداري.. عيون مريبة لراسبوتين

دستور أمين
حيجيب لنا حاكم كما شعبه يعيش.. ؟
ساعات معاه.. وساعات مافيش..؟
لو حتّمت ليام ينام علي فرش خيش..؟
ويبات.. ما يملاش بطنه عيش.. ؟
يحميها أرض.. وناس.. وجيش.. ؟
يفهم كلام عمك عليش

وليه ورا عيونه عين.. ؟
يكره هتاف' يعيش.. يعيش
ونيته مش نيتين
يردنا تاني نصدق حلمنا
وقصاد أعادي الأمة نفتح صدرنا
ويحس بينا لما يزهق صبرنا

إن كان كده حاحل بسناني الحبال
واخد( زبيده) والعيال
ونفك صوتنا اللي اتكتم
ونقول نعم
لكن( نعم) غير الـ.. نعم

نعم) اللي طالعة من هنا.. من قلبنا
ضد الوحوش الرابطة في سكك الصباح
ضد الحروب بالأجرة ضد الشعب
ضد الشماتة في المماته.. والجراح
وقزازة النار في إيدين الكلب

ضد اللي بيبيعوا الوطن
وهم فاكرينه كفاح
ضد اتفاق الأجنبي مع اللي خان
ضد اللي ما عرفوش مكانة المكان.
ضد اللي مش منا ولا نعرف له أصل.
ضد اللي بادلوا عصرنا بأغبي عصر

ضد اللي كارهين اسم مصر
ووش مصر.. وحس مصر
وفن مصر.. وعلم مصر!!
لملم فلولك واندفن تاني يا عم
ياللي مليتها نار.. ودم!!

نعم بصوت أجدادنا صاعد
م الثري
ثورتنا ما تعرفش تتقهقر ورا
إحنا صحيح بنحب لا
ياما علي صوتنا بـ لا
ياما علي صوتنا بـ لا
ودفعنا حق الـ( لا) سجون وقطع عيش
لكنما( نعم) النوبادي بألف لا
لم اللي عاوزين يوصلولها
بالكتاف
واجمع بناتك اللطاف..
عمي عيونكم الغرور..
ثرنا.. وكان لازم نثور
ما عادش في قلوبنا العجاف..
حتة تخاف.

حنقول( نعم) تفكر الدنيا..
بلحظة العبور
نعم تخلي الدنيا نور.. وخير عميم
غير انها حتجيب لنا رئيس عظيم
رئيس يفكرنا برئيس مصر القديم

1

نعم تزلزل البلد
نعمكو إنتو..
غير نعم
عبدالصمد!!

دمتم أعزائي بخير ..
وأصبحتم على أغلى وطن .

**زهرة الكاميليا** · 01-14-2014, 10:38 AM

مصر جميلة ..مصر جميلة

ولا يمكن لأى كلام
أن يصف بداية اليوم الموعود المنتظر
14 بناير 2014
مبكرا ..وقبل الموعد بأكثر من بساعة
فى لجنتى للإستفتاء على الدستور
طابور من نساء مصر العظيمات ..المبهرات
من كل الأعمار
من إمبارح ما جالناش نوم
لأ مش خايفين ..
كانت نظراتهن الحانية
أمهات ..وبنات ..وأخوات
تدور على وجوه المجندين البسطاء
وهم يؤمنون المكان
وجوه مصرية سمراء .. أيديهم على السلاح
ونظرات ثابتة كلها إصرار
ربنا يحفظكم يا ولاد ..يرجعكم سالمين
منهم لله اللى قتلوا إخواتك ..منهم لله !

وتهرول سيدة مسنة فى إتجاه الجمع
لا أظننى أنسى أبدا ملامحها الجميلة
ضاحكة بشوشة تلوح بعلم مصر
هاتفة
مصر ..مصر ..تحيا مصر
الجيش والشعب إيد واحدة
وتدب حرارة محبة مصر فى القلوب
وترتفع الزغاريد
وتسلم يا جيش بلادى ....
وتتزايد الأعلام ..والأغنيات ..
وتضحك فى العيون
بهجة الخلاص ..وحلاوة الأمل

ويظهر أثر الفيلم التسجيلى
للمخرجة الرائعة
ساندرا نشأت
فى موال محمد طه
أبو المواويل التلقائية الجميلة

خليك فاكر ..مصر جميلة ..مصر جميلة ...
ترددها سيدات مصر بأجمل الأصوات

ولا يزال اليوم فى أوله
الإقبال مبشر ..مبشر ..
رجال ..ونساء ..
ويرتفع مؤشر البورصة الرئيسى
لأعلى معدل منذ 2010
الفرحة آتية بإذن الله

وبعد أيام قليلة
سيكتمل عرس الأعراس

وقريبا نبدأ البناء
إنتخابات رئاسية ..وبرلمان
وأمان يجلب عشاق الأهرامات ..والإستثمارات

1

أبويا نصحني وقالي امشي علي قدك
وفصّل التوب يكون مسبوك علي قدك
وأن شايلوك حمل شيل الحمل علي قدك

أوصيك يا ولدي وصية والوصية حساب
أمشي كمشي التجارة وللتجاره حساب
واللي ما يعمل حسابة ما يتعمله حساب

كنت في قلب الميدان …. تحت السماء الزرقا
جابت عنيا الغيطان …… والترعة والزرعه

أنتي الأصيلة يا مصر …. وكلنا عارفين
أنتي الأصيلة يا مصر …. وكلنا شاهدين
بحق محمد نبينا وعيسي نبي اللة

النور ويانا والعمال العاملين المخلصين
والأحباب ويانا
دي مصر أم العَلم

مصر جميلة وأصيلة
فيها ولدي وفيها بلدي
انا أبن المنوفية وصعيدي يا سيدي
وسيدي كان فلاح
وأصلي فلاح وحى على الفلاح
وأبو زرع طيب يقول حى لي الأصلاح
وعمال عاملين عملوا الخزف والصيني
موصيني أبويا بكل فَلاح
وقالي :
مصر جميلة .. مصر جميلة
خليك فاكر .. مصر جميلة
تحياتى

**منى سامى** **منى سامى** · 01-15-2014, 09:33 AM

ايوة كدا
هى دى اجمل زهرات الكاميليا
عندما تتفتح اوراقها تنتشى عبير الحرية
هى دى ست الكل وقت المحن ترفع شعار يجمع الكل
مصر جميلة وهتفضل جميلة
مش بنظافة شوارعها ولا بلمعان مبانيها
هتفضل مصر جميلة بحاجة حلوة تميزها عن غيرها
ومش هتلاقيها غير هننا عندنا
القلب الصافى والطيبه والخير والرضا
مصر ام الدنيا هتبقى اد الدنيا
بدعاء نسائها وسجود شيوخها وعمل ايد اولادها
باذن الله هتبقى اد الدنيا
مافيش ارهاب قدر عليها على مر الزمن
ولا عدو كسرها هاتو كتاب التاريخ يشهد ويقوللكم عنها
موضوع جميل حبيبتى اميرة القلوب فى ألهندسة الصناعية
وانا على اعتاب موضوعك اشم رائحة تبعث فى النفس الامل
ضوء مشع يعطيك طاقة خلاقة ايجابية
تسلميلنا يارب ويخليكى لكل عشاق الورد
فى انتظار موضوعاتك الجميلة دائما
امسيه رائعه وتأريخ صادق للحظة صادقة تعيشها مصر
لك حبى وودى وامنياتى بالخير كله

إعـــــــلان

هل حقا هان الوطن هل هوية مصر الى زوال

هل حقا هان الوطن هل هوية مصر الى زوال

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك