إعـــــــلان

**SaMaR_ BakR** **SaMaR_ BakR** · 02-26-2014, 04:51 AM

**SaMaR_ BakR** **SaMaR_ BakR** · 02-26-2014, 04:54 AM

العمل الثاني
بوستر للفنانة سهير الجوهرى
كان مخطط دمجة مع بوستر فنان آخر
لعمل لوحه مختلفه عن اللوح الأصلية
إلا أن تعديلا اقتضى الأكتفاء بتقسيم البوستر وتجسيمه بعجينه السيراميك
واعادة لصقه مره آخرى,, من الآخر حماتى شافته وعجبها كده
هههههههههههههه

**SaMaR_ BakR** **SaMaR_ BakR** · 02-26-2014, 04:56 AM

**SaMaR_ BakR** **SaMaR_ BakR** · 02-26-2014, 04:59 AM

**SaMaR_ BakR** **SaMaR_ BakR** · 02-26-2014, 05:05 AM

العمل الثالث
له قصه ههههههههه
أنه بيحكي فى الأساطير تمكن القرصانة سمر
من الإستيلاء على صندوق نانو من النابكنز
وعمل مجموعة من الأعمال ومازال البحث جاري عنها

والجد أن ,, نانو حبيبتى أتحفتنى بمجموعة من النابكنز
الخاصة بها وبأعمالها الرائعة
والحقيقة ,, أنى صممت أذكر الموقف ده
لأنى حابه جدا جدا اسلوب التعاون والكرم فى العطاء الفنى
فى منتدى ورد ,, لذلك شكرا نانو
تعالى شوفى نابكنزاتك ههههههه حصل فيها ايه ؟

حبيت اعمل تابلوهين من الورود
استخدمت نوعين من المناديل ألوانهم قريبه
وعملت الخلفية بقماش لف الهدايا ونابكنز لون تانى

**SaMaR_ BakR** **SaMaR_ BakR** · 02-26-2014, 05:07 AM

يتبع

**SaMaR_ BakR** **SaMaR_ BakR** · 02-26-2014, 05:15 AM

جربت هنا اضيف كنار من وراق حائظ لكن غيرت رأى

هنا ضفت قشر بيض

وده التابلوه التانى

مصورتش الخطوات
لكن المفروض ان التابلوهين هيتعلقوا جنب بعض
علشان كده حافظت أن ألوانهم تكون متجانسة

العمل الرابع
الفكرة دى عجبتنى جدا
كنت بتصفح النت
ولاقيت اكتر من شكل
وده الشكل اللى كان متوفر عندى خاماته
عبارة عن لوح خشب صغير
أربع علب فارغه أناناس مثلا أو لبن اطفال
وبيتم تغطية الخشب والعلب بالمناديل
ودهنها جيدا بالورنيش
واستخدمها كحامل لورق التويلت فى الحمام
وممكن لأى حاجه تانية زى علب الشامبو أو أدوات الحمام

**SaMaR_ BakR** **SaMaR_ BakR** · 02-26-2014, 05:29 AM

العمل الخامس

بوله بلاستيك كانت بيتباع فيها لولى بوب
غطيتها بطبقه من السيراميك
واشتغلت عليها بدفرة خشب ملامس
وكمان شكلت حبال من السيراميك لتزيينها بالشكل ده
عتقتها بألوان زيت أسود ونحاسي أكوريل
ونسقت فيها مجموعة من الزهور

هنا ضيفت فوم داخل البوله علشان اثبت عليها فروع الزهور

**SaMaR_ BakR** **SaMaR_ BakR** · 02-26-2014, 05:30 AM

**SaMaR_ BakR** **SaMaR_ BakR** · 02-26-2014, 05:39 AM

العمل السادس
لوحه تعبر عن حيوانات المزرعه
طبعا أنا كان نفسي اعلقها عندى فى البيت
لكن القرصان دايما ربنا بيرزقه بقرصان
ابنى حبيبي اخدها المدرسة ,,, وطبعا ما رجعتش

انا حبيت اعمل شكل المزرعه من ورا لقدام
علشان اقدر اعمل سما وسحاب
وبعدين ما يشبه السور
وبعدين مجموعة من الأحصنه
اللى كانت متماثله طبعا حجما ولونا
لكن تمكنت من الإيحاء ببعد أحدها عن الأخر
والإختلاف فى الحجم واللون
عن طريق ,, وضعيه كل حصان وخلفيه كل حصان
ببساطة أن مش كل الأحصنه رجليها على نفس الخط
وأن مش كل الأحصنه خلفيتها ,, بيضا
علشان لون النابكنز بيتغير بلون خلفيته
ممكن الصور توضح ,,,

**SaMaR_ BakR** **SaMaR_ BakR** · 02-26-2014, 05:40 AM

**SaMaR_ BakR** **SaMaR_ BakR** · 02-26-2014, 05:42 AM

العمل الأخير
فنجان مكسور
لونته بالون البني والدهبي
وعملت زخارف بعجينة السيراميك عليها
ونسقت مجموعة من ورود السيراميك

طبعا اى استفسار ,, بيسعدنى جدا ارد عليه
وخصوصا لو استفسار عن صندوق النابكنز المسروق من نانو
ههههههههههه
دمتم فى امان الله

**نورا المرشدى** **نورا المرشدى** · 02-26-2014, 06:10 AM

ابقى افتكرى بلدياتك اللى مفيش عندهم نابكنز فى بورسعيد
بعد كده يبقى لنا نسبه من الغنيمه
ايه الجمال ده ياسمر
ماشاء الله
اعمال حلوه وافكار حلوه
عجبنى فكرة استخدام عجينة السيراميك فى عمل الديكوباج
العجينه اللى كل مااعملها بفشل فيها

واخرها من يومين ... ماعلينا

عمل ديكوباج مجسم من ورق النابكنز طبعا عاوز تمكن واحتراف
وطلع تحفه
التابلوهين فى غاية الروعه

البوله حلوه جدا والوانها خطيره
تابلوه الاحصنه رائع
وربنا مايحرم ابنك منك
ولا يحرمك من نانو
حبيبتنا وحبيبة المنتدى كله
وطبعاعجبتنى جدا فكره استخدام العلب الصفيح اللى متغطيه بالنا بكنز
بس شكل الصندوق كان مليان نابكنز

تسلم ايديكى
وربنا يديم الحب بينكم

**نااانو** **نااانو** · 02-26-2014, 11:05 AM

هههههههههههههه
انتى مشكلة ياسمورة
قرصانه زى العسل
وكنت سعيدة جدا
بالسطو المسلح الهادى اللى عملتيه عندى
نورتينى ياقمرى
وياريت تتكرر وصندوق النابكنز كله تحت امرك
طالما النتائج رائعه بهذا الشكل
ايه الافكار التحفة دى
بجد روعه وكل عمل اجمل من التانى
وخاصة دمج الحصان مع سور البيت تحفة
الله عليكِ يافانة
كل الافكار رائعه جدا
والبولة تحفة فنية اكثر من رائعه
تسلم ايدك يا سمورتى الحلوة
كلام فى سرك
اتى لى ورق نابكنز جديد
هههههههههههههه

إعـــــــلان

ديكوباج وعجينة سيراميك وحدات ديكور من اعمالي

ديكوباج وعجينة سيراميك وحدات ديكور من اعمالي

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك