تويت
حلوه اوي فكرة جزع الشجره دي بجد
و تسلم افكارك المبتكره و دائما تفاجئينا بابداعاتك
و تسلم افكارك المبتكره و دائما تفاجئينا بابداعاتك
-
-
الفنانه العزيزه منى سامي عندي
سؤالين بس
اول سؤال خاص بالديكوباج على القماش
حضرتك قولتي بتحطي الكتاب المغلف بالبلاستيك
حضرتك بتحطي الكتاب بين القماشتين
و لا الكتاب تحت و القماشتين فوق بعض
الشؤال التاني بقي
عندي شابوه اباجوره كبير اوي
مش انا اللي شاريه
قماشه باظ و شكله اتدهور علي الاخر
فكيته و عندي قماش عايز احطه له
بس صعب اوي انه كبير و غير كده الشابوه راكبه
في حته من فوق لازقه معرفش اشيلها
فاحط القماش ازاي و يبقي جزاكي الله كل خير
انا اسف اني تاعب حضرتك معايا
واتمنى مكنش ضيف تقيل على موضوعكتعليق
-
اهلا اهلا احمد شريف
نورت الموضوع للمرة الثانيه
بكون سعيدة جدا باستفسراتكم
وتطبيقاتكم على شغلى فهذا ما اتمناه
لن تكمل سعادتى الا عندما اعرف
ان فى حد استفاد من شغلى
بخصوص سؤالك الاول
فانا وضعت الصورة على تيشيرت
والتيشيرت مكون من طبقتين الصدر والظهر
لو لزقتها على الطبقتين مش هنعرف نلبسه
لازم نضع حائل بين الطبقتين
وهو الكتاب المكسى بكيس بلاستيك
والكتاب مستوى فتظهر الرسمه بعد الكوى مستويه
والكيس البلاستيك عشان نحمى الكيس من الغراء
السؤال التانى
وده باذن الله هخصصله موضوع خاص
ورشه لعمل شابوه اباجورة بالخطوات المصورة
هنعمل فيه مع بعض وخطوة خطوة الشابوه بتاعك
لانه من حظك محتاج شغل وانت لسه مبتدئ
بس ما تخافشى انت فى ألهندسة الصناعية يعنى مافيش مستحيل هههه
اول خطوة هطلبها منك انك تصورلى القماش اللى هتعمله
الخطوة الثانيه --هتجيب ورق شفاف ابيض بتاع باترونات
او ورق جرائد عشان مانكلفشى الموضوع كتير
تضع الورقه على الشابوه وتعمل باترون
تمشى زى ما انا محددة لك فى الصورة بالازرق
وبعدين تقص الباترون هتلاقى عندك شكل لاول وحدة
لان الشابوه فيه 8 شرائح غير ال8 شرائح اللى فوق
لما تعمل الخطوة دى صورلى الباترون
وبعدين هقولك احنا هنعمل ايه
منتظرة الصورة الى فيها الباترون
عشان نعمل موضوع الورشه
وهعمل انا كمان شابوه يشبه الشابوه بتاعك
وياااريت اى حد عنده شابوه
مشابه يشتغل معانا او اى شابوه
هنمشى خطوة خطوة يمكن موضوعنا ده
يفيد ناس كتير ويكون فى ميزان حسناتنا
شكرا يا احمد منتظرة التنفيذتعليق
-
مبدئيا فنانه منى سامي
انا اسف لتعب حضرتك معايا
ثانيا شكرا جدا لاجابتك لسؤالي الاول
و عايز اقول لحضرتك ان فعلا بتمنى
ياريت حضرتك تعملي ورشه
لعمل الشابوهات و يكون موضوع مثبت
انا اول ما دخلت المنتدى
بصيت في المواضيع المثبته
مصدقتش ان مفيش ورشه
او كورس لحضرتك لعمل الشابوهات
اما ثانيا بقي فشكرا لاجابتك
و انا اخدت الباترون علي ورق الزبده
و قصيت عليه القماش
و ادي الصورتين اهم يارب مكنش ضيف تقيل برضه
على موضوعك الرائعتعليق
-
تسلم ايدك بجد فكرة رائعةتعليق
-
اسف على التاخير
فنانه المنتدى منى سامي
بس كنت كل شويه بغير في الشابوه
لحد ما وصلت للشكل ده
ممكن يكون مش حلو اوي بس بالنسبه
لشكلها قبل ففيه تغيير مختلف تماما
انا قصيت القماش علي الباترون
ولزقت وزبط لحد ما خلصت
طبعا انا عارف انها مش حتعجب حضرتك
بس اهي ارحم من الاول
لو في اي حاجه ناقصه قوليلي
اسف علي تعب حضرتك معاياتعليق
-
مراقب عام ألهندسة الصناعية الغاليه منى سامى
كولكشن جميل وافكار ابتكاريه منوعه
مع اسخدام خامات البيئه المحيطه
وتقديمها في اشكال جديده وجميله
ذات قيمه نفعيه الى جانب قيمتها الجماليه
تسلم يدك وعيونك
شكرا لكِتعليق
-
اهلا بيك مرة ثانيه احمد شريف
احنا فى ألهندسة الصناعية اسرة واحدة
نعلم الفن على اصوله
عندما اقوم بعمل فنى اخد راى حبيباتى ناهد وهالة
وبمنتهى الصراحة يقولو رايهم حتى لو هيضايقنى
لانهم عوزينى اكون افضل ودى حاجة بتسعدنى مش بتزعلنى ابدا
وانا بمنتهى الصراحه كنت عوزة الشابوه يطلع احسن من كدا
انت استعجلت يا احمد لانى مش بحب لصق القماش على الشابوه
عشان مايبقاش زى السوقى
انت ذوقك جميل بس
كنت عوزاك تنتظر لما اعمل الورشه وناخد الخطوات مع بعض واحدة واحدة
بالصور عشان يطلع شابوه متقن وجميل ويعيش معاك اكتر
لان فى حبيبات هينفذو معانا شابوهات ليهم
لو ممكن تقدر تفك الشابوه وتتابع معى الخطوات فى الورشه؟
لو مش ممكن خلاص انا هعمل الورشه وتابع معايا
عشان لما تحب تعمل شابوه تانى
تسلم يدك وربنا يبارك فيك
وانا بكون سعيدة باستفسار اى حد
لان ده هدفى انى اعلم حاجة تكون فى ميزان حسناتى
وتعجب كل اهلى فى ألهندسة الصناعية
ويسعدنى اهتمامك وشغلك الجميل
وحبك للفن واهل ألهندسة الصناعية
شكرا لكتعليق
-
انا سعيد جدا برد حضرتك الجميل
وانا اتقبل النقد الايجابي
وحضرتك ردك كله جميل ورائع وبعدين انا عايز اتعلم اكتر
عشان يبقي عملي الفني نضيف وجميل
وحضرتك قولتي كل حق لاني فعلا مش عاجبني
خالص شكله مش حلو فعلا وانا في انتظار الورشه بفارغ الصبر
واعتبريني اول واحد موجود فيها وانا عادي حعرف افك الشابوه
واعمله تاني عادي في سبيل يطلع شكله رائع زي شابوهات حضرتك
اما في حاجه واحده بس عايز اعلق عليها حضرتك
قولتي مبتحبيش لزق القماش بس حضرتك انا ماليش في الخياطه نهائيا
فيريت تخصصي جزء في الورشه من غير خياطه
بس انا حسيب الشابوه بتاعي دلوقتي لحد ما الورشه تبتدي
عايز اشكر حضرتك لمساعدتي وتحسين اعمالي الفنيه
اسف جدا لتعب حضرتكتعليق
-
شكرا استاذ محمد ورد
ربناا يبارك فى حضرتك
نورت موضوعى
ولولا ألهندسة الصناعية
ماكنا ابتكرنا ولا ابدعناتعليق
-
تسلمي يا اجمل فنانهتعليق
تعليق