إعـــــــلان

**Amany Ezzat** **Amany Ezzat** · 05-11-2014, 07:16 PM

انا بعد ما جمعت الفروع قابلتنى مشكلة
الكريستال ثقيل على السلك
جبت سلك نحاس لكن تخانة 1,8 واستعملته كدعامة للفرورع
ولفيت عليهم سلك بالشكل دا

جهزت كوب زجاج و بعض احجار ملونة من حوض السمك

ودا الشكل النهائى

**Amany Ezzat** **Amany Ezzat** · 05-11-2014, 07:46 PM

باستخدام نفس الفروع وحجارة حوض السمك
عملت شكل مختلف
صممت شكل للقاعدة من البلاستك الشفاف
موجود عند محلات الزجاج والمرايا يباع بالمتر
دا شكله بالاستيكر
والمقاسات واضحة على cutting mat

شكلته باستخدام hot air ممكن أى مصدر حرارى

كمان عملت وردة من الورق الملون
حاولت اعملها شبه عباد الشمس
جهزت شريطين من الورق البنى بعرض 1,5 سم
و الاصفر بعرض 2,5 لزقتهم بغراء ابيض
وعملت الوردة و بنفس الطريقة دى

دا الشكل التانى بعد ما خلص

**Amany Ezzat** **Amany Ezzat** · 05-11-2014, 08:18 PM

عجبنى الشكل كررته لكن بوردة من ورق الكوريشه

عملت الوردة بالطريقة دى

محدش يزهق لسه بدرى
لسه فى حاجات أجمل على الاقل من وجهة نظرى
تابعونى

**Amany Ezzat** **Amany Ezzat** · 05-11-2014, 08:33 PM

حاولت اكبر الموضوع شوية وأعمل شجرة
بنفس الاسلوب السابق
ودى كانت النتيجة

بالنسبة للقاعدة
عبارة عن جبس صبيته بالشكل دا

قبل ما يجف وبسرعة جدا قلبت القاعدة
وثبت فيها الشجرة وزدت جبس وغراء ابيض

وضعت بعض الزلط قبل جفاف الغراء

لسه ناقصة حاجة

**Amany Ezzat** **Amany Ezzat** · 05-11-2014, 08:47 PM

اضفت قليل من الاوراق الخضراء
وطبق زجاج لحماية القاعدة الجبس

و دى الشجرة التانية
عملتها بكسر الاحجار وبعض الاضافات بالورق

استنوا بس الموضوع هيختلف تماما ان شاء الله
ربنا المستعان

**Amany Ezzat** **Amany Ezzat** · 05-11-2014, 09:12 PM

حبيت اعمل شكل بحيرة
القاعدة المرة دى من الاسمنت
لانى هثبت الشجرة على جنب
كنت محتاجة قاعدة ثقيلة وثابتة
اسمنت و رمل و زلط و عشت حياتى
طبعا الغراء الابيض اساسى فى كل حاجة
وبدأت انفذ قولوا يارب

الحمد لله كدا خلصت ايه رأيكم

**دعاء الرحمة** **دعاء الرحمة** · 05-11-2014, 11:41 PM

ما شاء الله على الجمال
سلمت يداكى

**نااانو** **نااانو** · 05-11-2014, 11:57 PM

مجموعه رائعه من الاشجار
تسلم ايدك امانى
نوعتى بشكل جميل
وعجبتنى جدا فكرة المياه والبجعه
روعه
تسلم ايدك افكارك جميلة

**نورا المرشدى** **نورا المرشدى** · 05-12-2014, 06:22 AM

مجموعه جميله من الاشجار
تسلم ايدك يا امانى
انتى بس محتاجه للتمرين على لف السلك حول الساق
بطريقه مرتبه اكتر
وبالنسبه للساق يوجد سلك مجلفن فى محل بيع البويات والمسامير
الكيلو بحوالى 20 جنيه الربع كيلو بيعمل لك شغل كتير

**هالة** **هالة** · 05-12-2014, 06:39 AM

ما شاء الله تبارك الله
فن وهندسة
تسلم ايديكي
حبيبة قلبي
افكار حلوة جدا
لاضافة سُمك للساق
ممكن تقصي قطع من السلك
المجلفن اللي قالت عنه الغالية
ام اسراء
وتضيفيها وسط السلك
اللي بتشتغلي به
لكن لازم يتغطى تماما
بالسلك بعد كده
لانه بيصدي مع الوقت لانه حديد
او اي سلك ثاني اكثر سُمك
انا باستعمل سلك سُمكه 1.2
في انتظار جديد اعمالك
دمتِ بكل خير

**sx1** **sx1** · 05-12-2014, 08:22 AM

بسم الله الرحمن الرحيم
ما شاء الله
جميل جدا
والشرح رائع

**احمد شريف** **احمد شريف** · 05-12-2014, 09:33 AM

ايه الحلاوه دي كلها
شغلك رائع وجميل وشرحك رائع
وشغلك كله احلى من بعضه
بس من وجهه نظري الشجره اللي عملالها قاعده من الجبس
الجذع مش حلو شكله كده يعني حاطيله
جبس او مناديل يعني بينيه على قد ما تقدري
انه جذع شجره طبيعي مش حلو شكل السلك كده
اما اكتر شجره عجبتني هو طبعا كله احلى من بعضه
بس اللي هي البحيره بالبجعه
فكرتها متطوره وجميله جدا والبجعه شكلها يعني تحفه فنيه
وتسلم ايدك اماني وفي انتظار اعمالك القادمه

**Amany Ezzat** **Amany Ezzat** · 05-12-2014, 08:42 PM

دعاء الرحمة
تسلمى مرورك اﻻروع

**Amany Ezzat** **Amany Ezzat** · 05-12-2014, 08:46 PM

نااانو الغالية تسلمى يارب
متحرمش من تشجيعك

إعـــــــلان

أشجار سلك وخرز من أعمالى

أشجار سلك وخرز من أعمالى

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك