إعـــــــلان

**هند** **هند** · 06-11-2014, 05:31 PM

صلاح جاهين شاعر عبقرى
لسه من يومين شايفه فيلم شفيقه ومتولى
ورغم انى مش بحب الافلام النكد
لكن استحملت النكد الكتير اللى فى الفيلم
عشان استمتع بالفواصل اللى بيحكيها
صلاح جاهين بصوته
واستمتع بالاغنيه رائعه بانوا بانوا

اختيار جميل يا امانى احييك عليه
واشكرك على المجموعه الجميله المختاره من رباعياته
دمت بكل خير

**Amany Ezzat** **Amany Ezzat** · 06-11-2014, 06:38 PM

الغالية SaMaR_ BakR
شكرا لمرورك الجميل
وربنا المستعان والقادم أفضل بإذن الله
قريبا موضوع شامل ان شاء الله يعجبك

**Amany Ezzat** **Amany Ezzat** · 06-11-2014, 06:59 PM

عزيزتى هند عشان عيونك

أغنية بانو بانو الرائع صلاح جاهين

بانو بانو بانو على أصلكو بانو
والساهى يبطل سهيانه

ولا غِنى ولا صيت دولا جنس غويط
وكتاب ما يبان من عِنوانه بانو أيوه بانو

جربنا الحلو المتعايق أبو دم خفيف
وبقينا معاه إخْوَه شقايق فاكرينه شريف

أتاريه مش كده على طول الخط
الطَبْع الردى من جواه نط

خلاص بقى مهما انشال وانحط
مافيش دمعة حزن عشانُه

بانو أيوه بانو
بانو بانو بانو
على أصلكو بانو

وعريسنا...سيد الرجاله
عريسنا... عين الأعيان

من بره شهامه وأصالة
تشوفه تقول أعظم انسان

انما من جوه يا عينى عليه
بيّاع ويبيع حتى والديه

واهو ده اللى اتعلمنا على ايديه
القهر وقوة هباينه

بانو بانو بانو
على أصلكو بانو

دوروا وشُّكُوا عنى شويه كفايانى وشوش
ده أكم من وش غدر بيه ولا ينكسفوش

وعصير العنب العنابى العنابى
نقطه ورا نقطه يا عذابى يا عذابى

يكشف لى حبايبى واصحابى
يوحدنى وانا ف عز شبابى

القلب على الحب يشابي
والحب بعيد عن أوطانه

بانو أيوه بانو
بانو بانو بانو
على أصلكو بانو

أهو كده بانو
على أصلكو بانو

بانو بانو - سعاد حسنى mp3
للتحميل على الرابط التالى

4shared - free file sharing and storage

http://www.4shared.com/mp3/sIp7Et9Uce/__-___.html

4shared is a perfect place to store your pictures, documents, videos and files, so you can share them with friends, family, and the world. Claim your free 15GB now!

**ام مود** **ام مود** · 12-30-2014, 09:42 PM

تسلم يدك وعيونك

**Amany Ezzat** **Amany Ezzat** · 01-03-2015, 03:21 PM

أم مود
تسلمى حبيبتى
نورتى موضوعى

**فايزة عشيبة** **فايزة عشيبة** · 05-20-2016, 10:12 PM

جميلة جدا بس عاوزة بال رايق ..للأسف مش متوفر النهاردة في ظل الظروف الراهنة

**Amany Ezzat** **Amany Ezzat** · 05-20-2016, 10:47 PM

نورتي المنتدى يا دكتورة فايزة
و نورتي موضوعي
سعيدة جدا جدا بوجودك
ربنا يخليك
و يسعدني جدا زيارتك
اكيد زيارة واحدة مش كفاية

إعـــــــلان

رباعيات صلاح جاهين مرتبه ابجديا

تعليق

تعليق

تعليق

تعليق

تعليق

تعليق

تعليق

مواضيع تهمك