تويت
يارب تتهنى وتسعدى بحبايبك يامنى
سفرتك النهارده خفيفه وسهله
يعنى مش هاقف كتير فى المطبخ
تسلمى حبيبتى ودايما عامر
سفرتك النهارده خفيفه وسهله
يعنى مش هاقف كتير فى المطبخ
تسلمى حبيبتى ودايما عامر
-
-
حبيباتى ناانو واموله اسعدتونى بتدخولكم مطبخى
وتشريفكم سفرتى الرمضانيه
تسلمولى احبابى
النهارده هنعمل سمبوسه بالجبنه
وارز وفاصوليا خضراء بالطماطم
السبوسه ممكن نعملها فى البيت
على الرابط ده
ونحشيها جبنه بالبقدونس او بالزيتون
هنقدمها مع فاصوليا خضراء بالصلصه وزيت الزيتون
مع لحمه مشوحةتعليق
-
رمضان كريم يا اهل الدار الطيبين
تانه عامر بما لذ وطاب
وألف سلامة على الاحباب
سفرة خفيفة واكلة شهية
تسلم الايادي والعيون
اكيد رمضان شهر خير
ومش معقول نتعب نفسنا فيه
بأكل دسم يتعب المعدة
ربنا يبارك في صحتك
مون مونتي
حبيبة قلبي
وتسعدي حبايبك ومحبي مطبخك
بما لذ وطاب
تعليق
-
الله الله عليكي
مدام منى سامي
سفرتك مشاءالله كل يوم احلي من
اللي قبله سفرات خفيفه صحيه
جميله تسلم ايدك
وبالهنا والشفا
ليكي ولكل ضيوفك
الصراحه انا اول مره
من ساعه ما دخلت المنتدى
ادخل منتدى الطبخ
بس لما عرفت ان الموضوع
للشيف منى سامي دخلت علي طول
تسلم ايدك منى سامي وتسلم طبخاتكتعليق
-
جريتى ريقى يا منى
حلو قوى العرق خفيف وسهل
ونسبه الدهون فيه بسيطه
يعنى مناسب قوى للرجيم
تسلم ايدك حبيبتى
سفره دايمه
تعليق
-
احبابى وعشاق مطبخ ألهندسة الصناعية
النهارده هنعمل وصفه جميلة شرف فى العزومات
بط ببلارز والخضروات وسلطه خضراء مشكله
وشوربه ماشروم
لاننا عائلة متعاونه والحمد لله
عملت انا الطبق الرئيسى
وبنوتى الفنانه رحمه عملت السلطه والشوربه
وكانت عوزة تنزلهم فى المنتدى
بعنوان مطبخى ينافس مطبخ منى سامى
ههههههههههههه
اولا نقوم بسلق البط بعد غسله يدا
ونشويه فى الفرن
ونعمل ارز بالبسله والجزر والفلفل لالوان ونسقيه بشوربه البط
السلطه من تنسيق رحومه طبعا الفرق واضح ان دى من يدين فنانه
وشوربه الماشروم بالذرة واكريمه اللبانى
الف هنا وشفاتعليق
-
كان المفروض السلطه تبقى على بابا
لكن كده نص العيله متعاون والنص التانى لا
او حتى ادومه يعمل السلطه
المهم حد يمثل الجانب الرجالى فى العائله
هههههههه
تسلم ايدك يا منمن وتسلم ايد رحمه
وربنا يديم عليكم التعاون والمحبه
تعليق
-
اجمل مافى السلطه الطماطم شيرى
تسلم ايد رحمه وحبايبها
وتعيشى وتُمتعينا بما لذ وطاب يامنى
وجبه جميله بالف هنا لحبايبك وضيوفكتعليق
-
حبيبات اجمل واغلى قلوب عرفتها
هنوده الغاليه واموله الحبيبة
نورتو مطبخى
عوزة احكى لكم حكايتى مع الكبده
بناتى الحبيبات كانو مش بيحبو اكل الكبدة
رغم انها مفيدة وطبيب التغذيه الخاص بهم بيؤمرهم باكلها
الا انهم مش بيحبوها
ليه يابنات مش بتحبو الكبده
الاجابه لانه زفرة يا ماما حد ياكل دم مجمد
ده كلام بناتى طبعا يسد النفس هههههههه
اخذت افكر وافكر حتى طرأت لى فكرة
بتغير التتبيله الخاصة بالكبدة وطريقه الطهى كمان
ابتكرت تتبيلة جديده اعطت للكبده طعم جميل ومنعت الشعور بزفارتها
التتبيله
اولا نغسل شرائح الكبدة بالماء والخل
ونتركها تتصفى جيدا
ونحضر برطمان نضع فيه ثوم مفروم
ومعلقتين كمون ومعلقه بصل بودر
وملعقه مسترده وعصير 2 ليمونه على كيلو الكبده
ونرج البرطمان جيدا ونصبه على الكبده
ونتركها ساعه فى التتبيلة على الاقل
الطريقه
نقوم بتشويحها على الجريل
على الوجهين ونقدمها مع بطاطس محمرة او مكرونه بالصلصه
من ساعه التتبيلة دى والطريقه
بناتى بدءو ياكلو الكبده ومعجبين بيها جداتعليق
-
اما الحلو النهارده
هيكون كنافه بس بطريقه تقديم جديده
كنافه بكمبوت الخوختعليق
-
شوفى يا منمن انا النهارده جعانه
دخلت من باب المنتدى عدل على باب مطبخك
وياسلام على الحظ لقيت كبده وانا بموت فيها
ريحتها بالنسبه لى مغريه جدا بأى طريقه بحبها
لكن المشكله ان عندى كريم مش بياكل البصل
فالكبده العاديه بيفضل ينقيها من البصل
فالطريقه دى مثاليه بالنسبه ليه
اجربها ان شاء الله
والكنافه بالكمبوت اكيد ظريفه وخفيفه
تسلم ايدك يا جميل
سفره دايمه
تعليق
-
ما شاء الله
سفرة جميلة
بالهنا والشفاتعليق
-
هنوده حبيبتى ودعاء الرحمه نورتو مطبخى باجمل طلة
النهارده عزماكو على بيتزا مثلثات
وسلطه حمص والحلو كنافه بالمانجو
تعالو مايا نستمتع باجمل وصفه
يحبها كبار وصغيرين
البيتزا النهارده هعملها من بقايا الطعام
من عزومات رمضان يتبقى بواقى لحمه وفراخ
بخليهم من العظم واحتفظ بيهم فى الفريزر
عملت العجينه المعتادة
كيلو دقيق عليه نص كوب زيت ورشه ملح و2 باكو خميرة
وعلبه زبادى ونعجنهم بماء دافئ
الحشوة
نضع فى وعاء على النار معلقتين زيت
وبصله كبيرة مقطعه شرايح رفيعه
ثم نضع بواقى اللحوم والفراخ ونقلبهم لمدة دقيقتين
ثم نضع ربع كيلو بسطرمه مقطعه وشرائح سوسيس
ونقلبهم دقيقتين ثم نرفع الاناء من على النار
ونضيف الزيتون الشرائح والفلفل الالوان والطماطم
نضعها على العجينه بعد ماتخمر ونفردها فى الصنيه
ندخلها الفرن ثم نقطعها مثلثات لذيذهتعليق
-
سلطه الحمص
حمص مسلوق مع عصير 2 ليمونه
ومعلقتين خل ومعلقه ثوم مفروم
ربع ملعقه شطه وبقدونس وفلفل الوان
تعالو نحلى مع كنافه بالمانجو
نحمر نصف كيلو كنافه مقطعه صغير فى 5 ملاعق سمن بلدى
لما نحصل على لون دهبى جميل نصفى الكنافه من السمن
ونسقيها بالسيرب(شربات الكنافه)
نتركها تبرد ثم نفردها فى طبق زجاج طبقه رفيعه
ونضع كريم شانتيه وقطع المانجو
ثم نغطيها بطبقه اخرى من الكنافه ونزين الوجه بالكريه والمانجو
الف هنا وشفا
وكنافه بالعجوة
كان عندى بلح كتير من المدينه المنورة بعد العمرة
حبيت استخدمه على الكنافه
حمرت الكنافه فى السفن وصفيتها من السمن
وعجنتها باللبن المحلى المكثف
ووضعتها فى قالب التارت
ووضعت عليها البلح بعد ما سخنته بمعلقه سمن
على النار ووضعت له مكسرات
تقيل جدا بس جميل جدا
قطعه صغيرة تعطى طاقه وحيويه
الف هنا وشفاتعليق
-
كنت لسه هقول كده تقيله قوى
لقيتك اعترفتى لوحدك
هههههههه
هى اكيد طعمها تحفه بس سعراتها
هتضرب الرجيم فى مقتل ههههههه
سفره جميله
تسلم ايدك يا منمن
وبالهنا والشفاتعليق
تعليق