إعـــــــلان

**احمد شريف** **احمد شريف** · 08-10-2014, 07:33 PM

لسه باقي الموضوع
الكاس ده قديم ومن طقم اتكسروموجود من زمان
قلت جه وقتك قلت احوله لشمعدان شيك
وسهل فعلا مخدش وقت خالص وطلع شيك
كنت حشتغل عليه بس قبل ما اشتغل
لقيت الكاس قاعدته صغيره
وانا محبش الكاسات اللي قاعدته صغيره
لقيت عندي سي دي قديم والسيديهات اكيد ماليه البيوت
دهنتهم اسود ولزقت الكاس في السي دي بالغرا
وبعد مانشف دهنته فلوت زينت باكسسوارات تتناسب معاه
وفيونكه دهبي في النص خلصت كده كتزيين فقط
لسه الشمع وقعت معايا مشكله معنديش بواقي شمع اسيحه
شغلت الفوكيره لقيت عندي بواقي ورد المجفف
اللي كنت عامل بيه الطقم من فتره
حطيت الورد في الكاس وجبت الشمع الصغيرالرخيص
حطته فوق الورد وسبب وضعي الورد المجفف
انه مش بيتاثر بالحراره نهائيا
ونورته كاني صابب شمع محدش يتخيل بقي

7

قبل ما خلص لقيت عندي مشترك قديم
ارميه قلت لا طبعا
دهنته بالوان الكاس وعملت ورد بالسراميك ورشيته فضي
وحطيته مع الكاس بقي طقم يعني

1

**احمد شريف** **احمد شريف** · 08-10-2014, 07:54 PM

جارى اعادة رفع صور الموضوع تابعونا لاحقا 1
زهقتكوا معايا بس دي اخر شمعه
واريحكوا مني
خلتها اخر حاجه عشان دي الشمعه المحببه الي قلبي
بس فيه حاجه مهمه حقلهالكوا بس اوريكوا الصوره الاولي
بس للاسف دي مصورتش خطواتها بس حشرحها
الصوره اهي الاول

1

اتمني تكون نالت اعجابكم
عملتها ازاي بقي
عارفين ازازه الفانتا الصغيره اوي دي المدوره
يارب تكونوا عرفينه انا عجبني شكلها
واستخسرتها في الرمي قلت حعمله شمعه شيك
اولا قصيت بق الازازه من فوق مكان الفتحه بقي
دي اهم خطوه تعتبر
حغطي المكان اللي قصيته
ببلاستيك قوي البلاستيك طبعا بيتاثر بالحراره
لكن القوي ما بيتاثرش البلاستيك القوي
اللي زي اغطيه الاسبراي الدهبي والفضي
ممكن نقصه ونخد الحته اللي فوق بس
ونلزقها فوق الازازه
ده حيكون مكان الشمعه في النهايه
جبت كرتونه قصيتها بشكل مزخرف
وبعد كده رشيت علي الازازه والكرتونه
جليتر وحطيت اكسسوارات علي الازازه
بعد كده لزقت الشمعه الصغيره من فوق
بس كده مفهاش ان شاء الله خطوره نهائيا
الخطوره بس لو البلاستيك خفيف وضعيف
الصور اهي
دي القاعده من كرتون سميك ممكن طبق قديم برضه

3

اخيرا خلصت الحمد لله حستني ارائكم
ونقدكم بصدر رحب

**السويدي** **السويدي** · 08-10-2014, 08:25 PM

الغالى احمد شريف
اشكرك لتقديم موضوع شموع بسيطه وسهله
مشاركة جميلة الاعمال جميلة و لكن الصور غير واضحه
ممكن التصوير بخلفيه غامقه او فتح او غلق الفلاش حسب الاضاءة
يمكنك مقارنة الفرق فى صور شمعة العريس و العروسه
مع صورة شمعة العريس و العروسه الموضوعه اما الاباجورة و الكاس
الفستان و الكاس واضح جدا
تسلم الايادى بارك الله فيك
فى انتظار جديد اعمالك

**احمد فنان** **احمد فنان** · 08-10-2014, 08:39 PM

تسلم ايديك دا انت فنان روعة

**Amany Ezzat** **Amany Ezzat** · 08-10-2014, 11:04 PM

تسلم ايدك استاذ احمد افكار رائعة
عجبنى الكأس و الشموع كمان
تحفة بجد و اكيد التصويرظالمهم
حلو التوقيع

**احمد شريف** **احمد شريف** · 08-10-2014, 11:41 PM

الاستاذ السويدي شرف لي
مرورك بموضوعي المتواضع
ان شاء الله من المره الجايه
حاخد بالي و انا بصور هزود الاضاءه
اسعدني مرورك العطر

**احمد شريف** **احمد شريف** · 08-10-2014, 11:46 PM

استاذ احمد نورت الموضوع و حضرتك فنان
و شموع حضرتك روعه شكرا لمرورك

**احمد شريف** **احمد شريف** · 08-10-2014, 11:50 PM

اهلا بك استاذه اماني
سعيد باعجابك بالكاس و الشموع
نورتي الموضوع و في انتظار تطبيقك
بالنسبه للتوقيع مش اجمل من توقيع حضرتك
الي اثار اعجايي من اول ماشفته احلي من توقيعك
الاول كمان شكرا لمرورك الكريم بموضوعي

**احمد شريف** **احمد شريف** · 08-10-2014, 11:56 PM

الاستاذ السويدي
شرف لي مرورك بموضوعي المتواضع
بالنسبه للمره الجايه
ان شلء الله من المره الجايه
حاخد بالي وانا بصور حزود الاضاءه
اسعدني مرورك العطر

**منى سامى** **منى سامى** · 08-11-2014, 06:41 AM

شموع جميلة جدا
طريقه سهله و بسيطه و رقيقة
تسلم يدك احمد شريف
انا فى انتظارك غدا الثلاثاء باذن الله
تنور كرسى الاعتراف
ارسلت لك رساله خاصة و لكنك لم تقرأها
انت ضيفى غدا فى كرسى الاعتراف
شكرا لك

**احمد شريف** **احمد شريف** · 08-11-2014, 08:30 AM

استاذتي الغاليه منى سامي
انا اسف جدا علي عدم قراءتي الرساله
و الله ما اخدت بالي بعتذر
نورتي موضوعي
و انا جاهز لاي سؤال
في كرسي الاعتراف
بعتذر مره اخرى لعدم
رؤبتي رساله حضرتك

**امل نيازى** **امل نيازى** · 08-15-2014, 06:30 AM

ما شاء الله تسلم ايدك استاذ احمد
شغلت الفوكيره لقيت عندي بواقي ورد المجفف
ممتاز انك بتلاقى حل لاى مشكله تقابلك بفوكيرات جميله
شكرا لاجتهادك

**نااانو** **نااانو** · 08-15-2014, 11:48 AM

تسلم ايدك على افكارك الحلوة
أعمال منوعه بأفكار مختلفة
شكرا لك أحمد

**احمد شريف** **احمد شريف** · 08-15-2014, 04:25 PM

استاذه امل اهلا بك منوره
مواضيعي كالعاده شكرا لك

إعـــــــلان

شموع بسيطة و سهله من اعمالي

شموع بسيطة و سهله من اعمالي

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك