إعـــــــلان

**علا الاسلام** **علا الاسلام** · 10-19-2014, 11:17 AM

2-المنبه اللى بيطير

المنبه ده مزود بمروحة على الجزء العلوي منه ..
ولما يرن المنبه يطير الجزء العلوي مع إصدار صوت عالى ..
وعلشان تقفل المنبه ...
لازم تقوم و تصطاد الجزء العلوي ..
وتحطه مكانه علشان تقفله .

3- منبه التركيب

هذا المنبه مزود بأربعة قطع متركبين مع بعض ..
ولما المنبه يرن لازم تركب التركيبة صح عشان تطفيه ..
يعنى يجب تركيب الـ Puzzle بطريقة صحيحة
كي يتوقّف الجرس عن الرّنين،
وطبعاً ماتقدرش تركبها صح إلا إذا قمت من النوم
وفتحت النور وفتحت عينك وقعدت ترتبها
وأكيد بعدها حيكون النوم طار من عنيك

4- منبه بعجلات أو الفرييييييرة

هذا المنبه اللي أخذ رقم واحد في الساعات كلها
وله شهرة كبيرة جـــداً
أول ما يرن المنبه على طول يمشي من فوق الطاولة
وتستخبى في أي مكان عشوائي تحت السرير تحت الكرسي ..
وعلشان تقفل المنبه ..
لازم تدوّر و تجري وراها علشان تمسكها وتقفل المنبه .
يعنى حتلعب معاه لعبة الاستغماية ..
وابقى قابلنى لو جالك نوم بعدها

5- الساعة المخنوقة

المنبه ده عبارة عن ساعة برقبة طويلة زي الزرافة ..
لما ترن ماتقفلش ..
إلا لما تخنقها من رقبتها ..
ولازم تكون إيدك فى المكان الصحيح للخنق
علشان الجرس يوقف وإلا حيفضل يرن

6- منبه دور على الزرار

لازم تدورعلى الزر الصحيح اللي يطفي المنبه
من كل الزراير البارزة
وعلى ما تحصله تكون النومة طارت
وكل مره ييتغير مكان الزر اوتوماتيك

**علا الاسلام** **علا الاسلام** · 10-19-2014, 11:19 AM

7- الساعة المتسلقة

من أكثر الساعات إزعاجاً
تتعلق فوق الراس بخيط يوصل للسقف
وإذا ماطفتهاش بسرعة تبدأ تتسلق الخيط لفوق
ومش بتقدر تطفيها إلا إذا قمت واقف

8- الساعة الحقنة

وده بقى .. لا تعليق
No Comment !!
ههههههه

9- منبه عنيد لا يتوقف إلا بابتسامة

وهو منبه لا يتوقف عن الرنين حتى يبتسم صاحبه أمامه،
وليس أية ابتسامة بل ابتسامة عريضة
من الأذن للأذن كما يُقال.
ولابد من الإشارة إلى أن المنبه مزود بتقنيات تجعله يشعر،
إن صح استخدام هذا المصطلح في وصف المنبهات،
ما اذا كانت الابتسامة حقيقية ونابعة من القلب،
أم انها مجرد ابتسامة صفراء لمجرد ان يكف عن الرنين.
وفي حال "أحس" المنبه ان الابتسامة أمامه ليست صادقة،
فإنه يتعامل معها على أنها نفاق من طرف صاحبها،
فلا ينصاع ويواصل الرنين،
إلى أن يراجع الشخص نفسه
ويشعر بأن هدف المنبه ان يستقبل يوماً جديدأً
بمزاج طيب وبتفاؤل،
لينصاع هو في نهاية الأمر الى رنين المنبه ويبتسم من قلبه.

أما اذا فشل في ذلك فليس لديه خيار آخر سوى أن يتركه يرن،
ربما ينجح بإسكاته بعد عودته الى المنزل،
شريطة أن يكون قد أمضى يوماً إيجابياً
ينعكس على مزاجه وعلى "مشاعر" المنبه العنيد.

**علا الاسلام** **علا الاسلام** · 10-19-2014, 11:22 AM

أما بقى بالنسبة للناس اللي ما ينفعش معاها أي منبه
من اللي فاتوا يبقى المنبه ده هو الأنسب ليهم

يتبع

**علا الاسلام** **علا الاسلام** · 10-19-2014, 11:23 AM

بس على فكرة ..
مع هذه المنبهات .. مش حتقدر تغمض عنيك
ههههههههههههههههههههههه

**نااانو** **نااانو** · 10-19-2014, 11:37 AM

هو لا يقدر يغمض عنيه ولا ينام من اصله
اوووم يعمل ايه
لا هايجرى وراه ولا هايتسلق الحائط
ولا يشك نفسه ولا اصلا هايصحى بإبتسامة
ولا يطير ولا يركب

كل اللى هايعمله يطير اى منبه منهم
ويلزقه على الحائط بكل قوته
اللى صاحى مخضوض بها
طبعا هايعمل لاندنج فورى ويتكسر 100 حتة
عقابا له على اللى عمله فى صاحب النوم الثقيل
هههههههههههه
بس عارفة
موضوع لذيذ جدا ومضحك جدا جدا
وكمان مستفذ
تسلمى يا اجمل علا
ياصاحبة المواضيع المميزة جدا

**هند** **هند** · 10-19-2014, 12:01 PM

طيب ايه رأيك يا علا
ان ولا واحد من دول ينفع معايا
احتمال ده ينفع؟

لانه لو مصحيناش فى الوقت المناسب
بيبدأ يقطع فى الفلوس

لا برضه حتى ده ما ينفعش معايا
عارفه ليه
لانى بصحى قبل ما المنبه يرن
هههههههه
يعنى انا اللى هصحى قبل اى منبه
وهمنعه من الشقاوه والحركات البهلوانيه
انا اللى هزهقه مش هو اللى هيزهقنى
هههههههههههه

بس موضوع زى العسل
تسلمى علا حبيبتى
وما تنسيش تقولي لنا اى واحد هينفع معاكى
دمت بكل خير

**admin** **admin** · 10-19-2014, 12:36 PM

دكتورتنا الغاليه علا

موضوع جميل واستراحه ترفيهيه رائعه
اعجنبى روح الابتكار التى ظهرت في كل منتج
وبالفعل لن يصبروا عشاق النوم على عزول
يعزلهم عن عشقهم ويحول بينهم
وبين لذة الاستمتاع بالاستغراق فى النوم
فلا بد للمبتكرين ان يبحثو ايضا عن وسائل
حمايه لمنتجاتهم التى حتما ستكون مهدده بالخطر
بمجرد البدء فى ازعاج من كان شعاره النوم سلطان
اضحكنى موضوعك واستمتعت بمتابعته
شكرا لكِ

**Amany Ezzat** **Amany Ezzat** · 10-19-2014, 05:25 PM

الغالية علا الاسلام
موضوع جميل و ممتع
لكن نفسى فى اختراع
موازى للاستغراق
فى نوم هادئ مريح
شكرا لك

**منى سامى** **منى سامى** · 10-19-2014, 08:00 PM

ههههههههههه
عجبنى جدا اخر منبه
يا ترى بكام اشتريه لبناتى
لو ماكنتش اصحىيهم مايصحوش
بيبقى نفسى اعمل فيهم كدا
لكن بيصعبو علي
موضوع جميل يا علا ياقمر
ميرسى حبيبتى

**SaMaR_ BakR** **SaMaR_ BakR** · 10-19-2014, 08:54 PM

اللى نومه خفيف زىى كده
يدخل يضحك معاك فى موضوعك الرائع
ويخرج ,, وكفى المؤمنين شر القتال

ده أنا لو نمله مشيت جنبي بصحى افنجلها عنيا

بس بصراحه ,, كان نفسي موووت يبقى نومى تقيل
ههههههههههههه
نفسي اجرب تناحه النوم اللى انا عارفه اصحابها كويس
ههههههههههههه

موضوع طريف جدا
ضحكت معاه كتير
يمكن ابقى اسالك على أخر منبه أشتريه هديه لناس حبايبى اوىىى
هههههههه
تسلمى يا جميلة

**هالة** **هالة** · 10-20-2014, 04:44 PM

شوفي حبيبة قلبي
فيه ناس مينفعش معاهم
غير براد الشاي ودش الميه
ههههههههههههههه
بتاع فاتن حمامة
اكيد مش فكراه
فيه ناس من نوعية اعرفها كويس
المنبة البشري اللي زيِ
مش بينفع معاهم
يبقى التوماتيكي حينفع
ولا يمكن ما هي حظوظ
ههههههههههههههه
اضحك الله سِنك
واسعدك زي ما اسعدتيني
ربنا يبارك فيكِ يا جميلة

**امتنان** **امتنان** · 10-21-2014, 12:49 PM

ياسلام على الافكار الجميله اللى تصحى من النوم
عايزين بقى منومات مش منبهات
للناس اللى كل شويه بتقول هاااات
تسلمى علا الجميله
موضوع رائع من موضوعاتك المميزه
شكرا لك

**امل نيازى** **امل نيازى** · 10-24-2014, 09:21 AM

روعه الافكار اللى بتصحى من النوم وشكلها شيك جداا
بس الاشيك على راى امتنان
المهدئاااات يعنى مثلا
ياطبيبه قلوبنا الجميله
علا
كبسوله لتقليل الكلام والاحكام
وكبسوله تخلى اللى بيتعب الناس شويه يناام
ههههههههههه
اسعد الله قلبك بكل الهنا والخير
استراحه جميله
تسلمى علا الغاليه

**علا الاسلام** **علا الاسلام** · 10-29-2014, 05:56 PM

ناانو
هو لا يقدر يغمض عنيه ولا ينام من اصله
اوووم يعمل ايه
لا هايجرى وراه ولا هايتسلق الحائط
ولا يشك نفسه ولا اصلا هايصحى بإبتسامة
ولا يطير ولا يركب

ههههههههه
ردك وتعليقك ضحكنى كتير
أضحك الله سنك حبوبتى الغالية ناانو

تسلمى يا اجمل علا
ياصاحبة المواضيع المميزة جدا

أنتى الأجمل حبوبتى ناانو
أسعدتينى جدا بتواجدك الغالى وردك الطيب الجميل
أسعد الله قلبك بكل خير
وجزاكِ ربى خير الجزاء

إعـــــــلان

اللى نومه تقيل يتفضل يدخل هنا

اللى نومه تقيل يتفضل يدخل هنا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك