إعـــــــلان

**السويدي** **السويدي** · 11-08-2014, 04:36 AM

ألف مبروك على الخبر الجميل
الذى أسعدنى بترقيتكن وان شاء الله يسعدكن.

كل واحدة منكن تستاهل الترقية عن جدارة
فكلكن مجتهدات علم وعمل ودراسه

فنانتنا الغاليه SaMaR_ BakR
الف مبروك وللامام دائما
من نجاح لنجاح فى حياتك الشخصية والعملية

الغاليه عناد الجروح
موضوعاتك الفنية مراجع للطلبة والدارسين
الف الف مبروك وللامام دائما
من نجاح لنجاح فى حياتك الشخصية والعملية

الغاليه هند
الف مبروك وللامام دائما
من نجاح لنجاح فى حياتك الشخصية والعملية
عقبال لما كريم يكون من كبار الشخصيات فى
ألهندسة الصناعية ومجتمعه ويخدم بلده

دكتورتنا الغالية علا الاسلام
صاحبة الموضوعات القيمة والثقافيه المختارة بدقه
الف مبروك وللامام دائما من نجاح لنجاح
فى حياتك الشخصية والعملية

مهندسة ألهندسة الصناعية الغالية Amany Ezzat
لاحظت منذ دخولك المنتدى
انك تبحرين وتأتين بأجمل واروع الموضوعات
الف مبروك وللامام دائما من نجاح لنجاح
فى حياتك الشخصية والعملية

الف مبروك لَكُن وللامام دائما
من نجاح لنجاح فى حياتكن الشخصية والعملية
شكرا لك مراقبة عام ألهندسة الصناعية
منى سامى

**نااانو** **نااانو** · 11-08-2014, 09:33 AM

يا هلا ومرحبا بالاخبار السعيدة
والترقيات الجميلة
لاجمل وردات فى بستان الورد
زرعن نبتات رائعه بكل الحب والامانة
لترعرع فى البستان بكل فخر واستفادة
كل زرعة لها شكل ولون واحساس مختلف

مبروك لمشرفتنا الغالية
وفنانتنا المبدعه على الدوام
سمورة
الاشراف على منتدى الاشغال الفنية
تستاهلى حبيبتى كل خير

مبروك لمراقبات عموم ألهندسة الصناعية القمرتين
عناد الجروح & هند
ما اجمل مواضيعكم المفيدة جدا
لكل من يمر بهم
مبروك لكما ال VIP
فأنتما فعلا هاكذا

حبايب قلبى الحلوات
علا الاسلام
الف مبروووك
فأنتى لكِ خط مميز لعمل اروع المواضيع
الف مبروك حبيبتى الترقية
تستاهليها

امانى الحبيبة
مبروك ياقمر
بكل الحب اهنيكى على الترقية
تستاهليها عن جدارة
ومواضيعك الحلوة الجميلة اكبر شاهد

من كل قلبى اهنئكن حبيباتى الغاليات
سمر & هند & عناد الجروح & علا الاسلام & امانى

ولكِ منى سفيرة اجتماعيات ألهندسة الصناعية
اكبر تحية على زف هذا الخبر الرائع لاهل ألهندسة الصناعية
شكرا لكِ
ومبروك لكن

**Amany Ezzat** **Amany Ezzat** · 11-08-2014, 08:09 PM

شكرا على التهنئة بارك الله فيكم جميعا
شكرا ﻹدارة المنتدى على دعمكم الفنى
تشجيعكم اهتمامكم متابعتكم
ادارة رائعة مبدعة
تحث على الابداع و التميز
مزيد من التألق و الابداع
اتمناه لمنتدايا الحبيب و أكثر
شكر خاص جدا بمدير المنتدى
أستاذ محمد ورد
شكرا لثقتكم الغالية
ان شاء الله
اكون عند حسن ظن الجميع
تهنئه حاره من القلب
لأجمل وردات البستان
سمر هند عناد الجروح علا الاسلام

**SaMaR_ BakR** **SaMaR_ BakR** · 11-08-2014, 08:49 PM

انا جاية امارس مهام وظيفتى الجديدة
واحكيلكم حدوتة...على الله تناموا

كان ياما كان....
فى يوم من ايام السبت
اللى هى اجازة الباشمهندسين ولادى

قررت اروح انا والولاد حديقة الحيوان نتحدق
وفعلا رحنا ... وكان يوم ظريف جدا جدا

واحنا بقه فى بيت الاسد
لاقيت منمن بتكلمنى وده عادى جدا
فالاسد بيسمح باجراء مكالمات هاتفية فى بيته العامر

لانه غالبا بيكون مشغول
لاما فى حته عظم من غير لحمة
لاما بيكون مشغول فى ناس عجيبة
واقفين يتفرجوا عليه وهما فرجة اصلا

المهم رديت وبعد سلامات واحضان قدام الاسد
سالتنى منمن هو انت بره البيت ؟
قلت اه انا فى zoo.. كل واحد وعلامه بقه
قالتلى اه اصل انا بدخل على المنتدى ما بيفتحش ..
ان ان اااان تش
اتخضيت واستغربت قلتلها طيب اكلم استاذ محمد اقوله
قالتلى لا ماتكلميش حد
انا كنت عاوزاكى تجربي من عندك
قلتلها ممكن افتح من الموبيل
فالسمارت فون فى يد الجميع ...

فتحت المنتدى والشيطان هيئلى بقه
ياترى حد هاك على المنتدى
اكيد لا يمكن ... ده استاذ محمد
معلقلهم مشنقة على الباب
اللى يدخل بيعلقه

كلمتها قلتلها المنتدى فتح
هو فى ايقونات اول مرة اشوفها
بس بيفتح ودخلت على منتدى النحت وفتح برده

الست ضغطت على سنانها
من احساسها بغبائي -وعندها حق بصراحة -
وقالتلى طيب شوفى منتدى التهانى بيطلعلى صفحة سودا
قلتلها طيب اشوفه واكلمك

عند هذا الحد بقه
الاسد طردنى الحقيقة
لان هو كمان حس بكم غباء بشع ناضح على وشي
طبعا انا ماحاولتش اناقش الاسد خالص

قلت المهم افتح المنتدى واطمن عليه
المهم فتحت منتدى التهانى
وقلت لما افتح كده اى موضوع اشوف هايطلعلى لون ايه

المهم فتحت الموضوع اللى انا برد فيه ده
لانه كان اول موضوع على وش القفص

واللى منمن كانت عامله عليا الشو ده كله
علشان اتفاجئ وتفرحنى

بس عينى جت على اسمى باللون الاحمر كده
وبصيت فى السما افتكر كده .....
وقلت عيد ميلادى عدا وعيد ميلاد العيال عدا
عيد الكحك واللحمة عدو وعيد الحب عدا
وعيد جوازى لسه عليه 3 ايام
ومحدش يعرف تاريخه اصلا
ولا حتى جوزى ... ههههههه

وبعدين قلت لا انا اقرا واشوف ايه القصة
يمكن تكون سمر تانية ولا حاجة

وعرفت المفاجأة وفرحت فعلا
انا بقيت مشرفة
ل احد اكتر الاقسام المهمة فى حياتى

بالنسبة للناس
اللى بتعمل موضوعات فى القسم ده من غير ما تدفع
انسوا ... ابسلوتلى
كل موضوع له تعريفة نشر بعد كده
جتلكو مشرفة اعوذ بالله
ومش هاتعمر اصلا
هى اخرها الجملتين اللى فاتو دول
والمرة دى هايطردها اسد تانى
ههههههه

الحقيقة هى ثقة غاليه وضعها فى رقبتى استاذى الغالى
ومضى عليها شهود مراقبى ورد الغالين
اتمنى اكون اكبر منها مش قدها وبس

اشكرك جدا منى لمحاولاتك المستميتة
انك تفهمينى انى اترقيت مت من الضحك فعلا
شكرا لكل من شارك بالرد والتهنئة
فتهنئتكم على راسي
لن اذكر احدا بالاسم
لان شكرى ممتد لمن سيرد مستقبلا

الف الف الف مبروك
هند هناء علا الاسلام امانى عزت
تستحقونها عن جدارة

شكرا لمحبي ألهندسة الصناعية

دمتم طيبين

**امل نيازى** **امل نيازى** · 11-09-2014, 06:43 AM

اجمل التهانى للغاليات

سمر

عناد الجروح

هند

علا الاسلام

امانى عزت

لكل منكن عبيرحضور رائع
باجمل الموضوعات العلميه والثقافيه والفنيه

واجمل افاده يتلقاها احباب ألهندسة الصناعية

الف مبروك حبيباتى
جزاكن الله خيرا لعطائكن الجميل

اجمل الامنيات بالمزيد من التالق

**هالة** **هالة** · 11-09-2014, 07:53 AM

صباح الفل والاخبار المليون فل
للاسف عرفت متأخر اصل انا
في مهمة انتحارية انسانية بحتة
هههههههههههههههه
وكنت في اشد الاحتياج
لخبر حلو زي ده
احمدك يا رب اني عرفت اتسلل
لجهاز جوزي في غفلة منه
وعرفت اصلا اتعامل معاه
علشان ادخل اخد لي جرعة منشطة
من الاخبار اللي تسعد القلب
فرحة من قلبي لكل حبايبي
سمورتي امورتي
دكتورتي الحلوة
بحب اللون البنفسجي قوي
وبكرة ان شاء الله يخضر
وما تقلقيش معايا فكة كثير
هههههههههههههه
حاحينك يا جميل
وطبعا لو فيه اكبر من
vip
كانت تتوج اسامي
هنودة الحبيبة
هنوءة الغالية
اماني الحبوبة
ومنى مونتي حبيبة قلبي
وردات مُزهرة منورة
دنيتنا دايما يا رب

مون مونتي الحلوة
دايما يا رب
بشاير الخير والسعادة
على ايديكي تهل

مودتي وحبي لكل حبيباتي

**علا الاسلام** **علا الاسلام** · 11-09-2014, 07:19 PM

إيه الأخبار الجميلة والمفاجآت السعيدة دى كلها
دايما منمونة الجميلة تحمل لنا أجمل الأخبار السعيدة
طبعا سعدت جدا بخبر ترقيتى
وترقية حبيباتى الغاليات على قلبى
الجميلة سمورة .. ألف مبروك الترقية يا قلبى
الرقيقة ذات القلب الحنون هناء .. ألف مبروك الترقية حبيبتى
أختى وحبيبتى هنودة .. ألف مبروك الترقية يا قمراية
زهرتنا الحلوة أمانى .. ألف مبرك الترقية يا الغالية
طبعا وبهنى نفسى .. ألف مبروك الترقية يا علا الاسلام هههههه
ودايما يارب فى تقدم ورقى لمنتدانا الغالى ألهندسة الصناعية
و نشكر أستاذنا الفاضل الكريم محمد ورد
لثقته الغالية وتشجيعه الدائم لنا
وطبعا كلمات الشكر لاتفى ولا تكفى
جزاك الله خير الجزاء أستاذنا الفاضل
وجعله فى موازين حسناتك
والشكر موصول للغالية منى سامى
جزاك الله كل خير منمونة الجميلة
وجزيل الشكر لكل من هنأنا .. لكم كل مودة وتقدير واحترام

**هند** **هند** · 11-09-2014, 08:04 PM

منى الجميله
سفيرة المناسبات السعيده
شكرا لك حبيبتى
عقبال ما تشوفى ادومه vip فى المنتدى
وفى كل حياته

سمر
هناء
علا
امانى

الف مبروك بالتوفيق دائما
ومن نجاح الى نجاح

نانو
اموله
هاله
السويدى

شكرا لكم جميعا على التهنئه

وشكر خاص لاستاذنا الغالى
تحياتى لكم جميعا

**احمد شريف** **احمد شريف** · 11-09-2014, 08:25 PM

ايه الاخبار المفرحه الجميله دى
الف الف مبروك لوردات ألهندسة الصناعية
الف مبروك سمر بس اوعي تتكبرى علينا بعد الترقيه هههههه
الف مبروك هند
علا الاسلام
عناد الجروح
امانى عزت
الف مبروك ومن تقدم لتقدم ان شاء الله
احب اوجه شكرى
لاستاذتى الغاليه منى سامى
صاحبه الاخبار المفرحه دائما
شكرا لك

**جابر الخطاب** **جابر الخطاب** · 11-10-2014, 06:45 AM

تحية للورود الزاهرة وهي تعانق
علياء المجد بعطاء لا ينضب معينه
فكل واحدة منهن واحة ابداع وكتاب مواهب
متعدد الصفحات وكل اسم من اسمائهن
اللامعة عنوان مضيء يوحي بروعة الفن وجمال المعاني وغزارة الصور المثقلة بالصدق والإيمان
فألف شكر لابنتي الغالية منى وهي تكحل اجفان الصباح بباقة ندية من اخبار عطرة سارة ترقص لها دقات القلب وتترنم نسائم الحب بألحان الزهو والسمو مبارك لورودنا الدائمة العطر والنقاء والى المزيد من النجاحات الباهرة

إعـــــــلان

مشرفه جديده وشخصيات مهمه فى ألهندسة الصناعية

مشرفه جديده وشخصيات مهمه فى ألهندسة الصناعية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك