إعـــــــلان

**هالة** **هالة** · 06-02-2015, 10:49 AM

السطر الاول

بدأت السطر الاول بالغرزة السداسية
لضمت 6 خرزات كما هو واضح في الصورة
ومريت بالخيط مرة اخرى بالخرز كله
لزيادة متانة الغرزة وثبت الخيط في النهاية
اكثر من مرة حتى لا ينسلت

لعمل الغرزة الثانية السداسية لضمت
5 خرزات لان الخرزة السادسة
من الغرزة السابقة وده اللي بنقولوا عليه
5/1

**هالة** **هالة** · 06-02-2015, 10:57 AM

نكمل عمل العدد المطلوب من الغرزة
تبعا لحجم الفانوس وده تبع لرغبة اللي بتشتغل
مع الاخذ في الاعتبار ان اخر غرزة سداسية
بدلا من لضم 5 خرزات مثل السابق
حنلضم فقط 2 ونمر بالخيط في اول خرزة
في غرزة البداية ونضم خرزتين مرة اخرى
ونمر بالخيط في اخر خرزة من الغرزة السابقة

لتتكون لدينا اخر غرزة سداسية
في السطر الاول

لعمل السطر الثاني نمر بالخيط
من الخرزة الموضحة في الصورة
وتعتبر ثاني خرزة بعد خرزة تقفيل السطر الاول

السطر الثاني

انا عملت السطر الثاني بالغرزة الخماسية
لضمت 3 خرزات واكملت الوحدة
بخرزتين من السطر السابق
يعني 3/2

كما هو موضح بالصورة
مريت الخيط في الخرز
في اتجاه السهم لتكتمل الغرزة الخماسية

**هالة** **هالة** · 06-02-2015, 10:58 AM

نخرج بالخيط من الخرزة الموضحة في الصورة
لاكمال السطر بالغرزة الخماسية

نلضم خرزتان ونمر بالخيط
في الخرز تبعا للارقام في الصورة
خرزة 3 من الوحدة السابقة
و4 و 5 من السطر السابق
اي 2/3

لقفل السطر نلضم خرزة واحدة
لان لدينا خزرتان من السطر السابق
وخرزة من الوحدة الاولى والوحدة قبل الاخيرة
يعني 1/4

هنا اكتمل عمل السطر الثاني
بالغرزة الخماسية
من الملاحظ ان الشغل بدء يضيق
بمعنى يقل قُطر العمل
و ذلك لاني باعمل قاعدة للفانوس
حبيت يكون شكلها انسيابي

يتبع

**هالة** **هالة** · 06-02-2015, 10:58 AM

السطر الثالث

بالغرزة الرباعية
نلضم 3 خرزات لعمل غرزة
مكونة من 4 خرزات
اي 3/1 ثلاثة على واحد

ده شكل الوحدة بعد اكتمالها

نكمل السطر بلضم خرزتان
ونتبع الارقام لعمل وحدة جديدة
2/2

لقفل السطر نلضم خرزة واحدة
ونكمل تبع تسلسل الارقام
1/3

تم عمل السطر الثالث
والثلاثة اسطر الاولى
هي قاعدة الفانوس

**هالة** **هالة** · 06-02-2015, 10:59 AM

السطر الرابع

السطر الرابع عملته بالغرزة الخماسية
لاعطاء اتساع للعمل
لضمت 4 خرزات وتتبعت التسلسل
4/1

نمر بالخيط في الخرزة الموضحة في الصورة
لقفل الغرزة الخماسية

الغرزة التالية نلضم 3 خرزات
الخرزة 1 هي اخر خرزة في الوحدة السابقة
ونكمل باقي السطر بنفس الطريقة
3/2 ثلاثة على اثنين

اخر وحدة نلضم خرزتان
ونمر بالخيط من اول خرزة في بداية السطر
وخرزة من السطر السابق
واخر خرزة من الوحدة قبل الاخيرة
2/3

**هالة** **هالة** · 06-02-2015, 11:01 AM

اكتمل السطر الرابع
بالغرزة الخماسية

السطر الخامس

لضمت 4 خرزات و تتبعت التسلسل
لعمل غرزة سداسية

نمر بالخيط في الخرزة المجاورة للخرزة السادسة

لقفل السطر نلضم خرزتان فقط
و نتبع تسلسل الارقام
يعني 2/4 اثنين على اربعة

**هالة** **هالة** · 06-02-2015, 11:01 AM

السطر السادس

نشتغل السطر السادس بالغرزة
السباعية مكونة من 7 خرزات
نلضم 5 خرزات و نكملها بخرزتان
من السطر السابق
5/2 خمسة على اثنين

الغرزة التالية نلضم 3 خرزات
ونكمل الوحدة بتتبع ارقام الخرز
3/4

اكتمل السطر السادس
بالغرزة السباعية

السطر السابع

لعمل السطر السابع
نمر بالخيط لنصل الى الخرزة الوسطى
في الغرزة السباعية
هنا لونها بني

يتبع

**هالة** **هالة** · 06-02-2015, 11:02 AM

نمر بالخيط في الخرزتان 6 و 7
ونلتقط 5 خرزات لعمل
سطر جديد بالغرزة السباعية
ونمر بالخيط تبع لتسلسل الخرز
5/2 خمسة على اثنين

ونخرج من الخرزة رقم 1
لشغل باقي السطر
نلضم 4 خرزات
4/3 .. اربعة على ثلاثة

ننهي السطر السابع
بلضم 3 خرزات ونكمل باول غرزة في اول وحِدة من الصف
والخرزتان من الصف السابق
والخرزة الاخيرة في الوحدة السابقة

اكتمل السطر السابع

السطر الثامن

حبيت اعمله بشكل مختلف
عن باقي الاسطر
خرجت بالخيط من الخرزة البني
في السطر السابق ولضمت 9 خرزات
واكملت الوحدة بالمرور بالخيط
في الخرزات 10 و 11
ومريت بالخيط في الخرزة البني
كما هو موضح بالصورة

مريت بالخيط في الخرزتين التاليتين
للخرزة البني وخرجت من الخرزة البني التالية

**هالة** **هالة** · 06-02-2015, 11:03 AM

ولضمت 9 خرزات واكملت الوحدة
بخرزتان من السطر السابق

مريت بالخيط للوصول للخرزة الوسطى
في الوحدة كما هو موضح بالصورة
لتجميع باقي الوحدات في دائرة

لضمت خرزة بين كل وحدة
ومريت بالخيط في كل الوحدات

شديت الخيط جيدا
لضم الدائرة قدر المستطاع

وبدات بعمل ايد الفانوس
بالغرزة الرباعية
مريت بالخيط في خرزة من الدائرة
ولضمت 3 خرزات وقفلت الغرزة
واكملت الصف بلضم 3 خرزات
كل مرة والمرور في الخرزة الاولى
واخر وحدة لضمت خرزة ومريت بالخيط
في الخرزة المقابلة لخرزة البداية
لتوسيط اليد ولضمت خرزة ثانية
ومريت في اخر خرزة
وثبت الخيط جيدا
بعمل غرز تثبيت اكثر من مرة
ثم المرور بالخيط في عدد من
الخرزات قبل قص الخيط

**هالة** **هالة** · 06-02-2015, 11:04 AM

ده شكل الفانوس بعد الانتهاء منه

وده موديل ثاني
حبيت اثبت لنفسي اني اقدر
اعمل اكثر من موديل
ههههههههههههه

اتمنى يكون سهل
واهلا بأي استفسار

رمضان كريم
يا اجمل صحبة ورد

**منى سامى** **منى سامى** · 06-02-2015, 11:14 AM

تسلم يدك وعينك يا هلولة
كل سنه وانت منورة ألهندسة الصناعية يا قمر
حلو جدا الفانوس ويكفى ان طريقة عمله هى الوحيده على النت
هنا فقط فى منتدانا الغالى
منتدى الفن والابداع والابتكار
تسلمى يا قمر وتسلم يدك اللى تتلف بحرير
عجبنى جدا الفانوس ممكن يتعمل ميداليا
او كبير يتعلق ووسطه لمبه
كويس ان الدولة وقفت استيراد فوانيس رمضان من الصين
عشان العقول المصرية تشتغل شويه وتبدع
شكرا يا قمرنا

**نااانو** **نااانو** · 06-02-2015, 02:31 PM

ماشاء الله
الشرح ولا اروع
واضح جدا الطريقة
والتنفيذ تحفة بالوانه الجميلة
تسلم ايدك يالولو
ويارب فى ميزان حسناتك
فعلا كتير بيسالو على الطريقة
ربنا يبارك فيكِ حبيبتى
وكل سنة وانتى طيبة

**SaMaR_ BakR** **SaMaR_ BakR** · 06-02-2015, 08:21 PM

كل سنة وانت وكل حبايبك بخير
وكل سنة وكل احباء ورد فى كل مكان بصحة وعافيه
رمضان سعيد علينا يارب
الفانوس تحفة يا لولو
باين فيه مجهودك جدا
وماشاءلله عليكي صورتى الخطوات بتقنى وبالتفاصيل
ربنا يحميكي ودايما تعملى كل اللى يتحداك
وتطلعى بدل الموديل 10 موديلات

تسلم ايديك وعنيكِ
شكرا لك

**Amany Ezzat** **Amany Ezzat** · 06-02-2015, 11:35 PM

كل سنة و انت بخير يارب
رمضان كريم يارب
علينا و على كل الأمة الإسلامية
جميل جدا الفانوس
من إيدك يا أجمل فنانة
ربنا يبارك فيك
و تسعدينا بأفكارك الجميلة

إعـــــــلان

فانوس رمضان بالكريستال شرح بالخطوات والصور

فانوس رمضان بالكريستال شرح بالخطوات والصور

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك