إعـــــــلان

**احمد شريف** **احمد شريف** · 07-01-2015, 01:33 AM

وعملت للفازه غطاء
من كرتونه قصيتها دائره بس اكبر بحوالى سم
عشان الغطاء يبقى سهل الفتح والقفل
وعملت اطار للدائره ولزقت قطعه زجاجه
على الكرتونه ولزقت عليها لمبه محروقه
ولزقت شريط على طرف الغطاء
وعتقتها بنفس الوان الفازه وعلى اللمبه جليتر

**احمد شريف** **احمد شريف** · 07-01-2015, 01:33 AM

الفازه اللى جايه
طقم عباره عن فازه وشمعدانات
الفازه من زجاجه منظفات
قطعتها من فوق وقفلت مكان الايد
ولزقت عليها ورق لتدعيم الزجاجه

انا حابب اعمل نقوش على الفازه
استخدمت معجون الحوائط وعملت بيه الزخارف
وبعد الجفاف بمسدس الشمع وبد ارسم بيه
اعطانى نقوش بارزه جميله طبعا بتبان بعد التلوين

دهنت الفازه بنى والزخارف دهبى
وبعد كده عملت خطوط متقاطعه بقلم الماركر الاسود ونقط بالريليف الدهبي
وبعد كده طبقه اسبراى شفاف
بالنسبه للشمعدانات من برطمانات باطوال مختلفه
زينتهم بنفس الطريقه
لكن الزخارف بمسدس شمع من غير معجون
وبقى طقم شيك بدون تكلفه

**احمد شريف** **احمد شريف** · 07-01-2015, 01:39 AM

**احمد شريف** **احمد شريف** · 07-01-2015, 01:40 AM

الختام مع طقم بسيط
بس مش فازات
من قبل قدمت الفنانه
نانو
الاستفاده من زجاجه قديمه ووضع لها لمبه
عجبتنى الفكره ونفذتها
بازايز اللبن بس عشان الازايز بلاستيك خفيف
وضعت لربع كل زجاجه جبس
وبعدها لزقت جزء من عمود فويل
ورسمت عليه بمسدس الشمع برده
ولزقت لمبه محروقه من فوق
دهنت العمود باللمبه دهبى
اما تزين الزجاجه كان بالنابكنز والخيوط
بس وعملت من علبه حلاوه عندى
لزقت عليها نفس المناديل
ووضعت على الغطا معجون وجليتر
وغطائين زجاجه لزقتهم على بعض
وفتحت فى نصهم ولزقت
حلقه ستاره قديمه

اتمنى ينالوا اعجابكم

**نااانو** **نااانو** · 07-01-2015, 02:45 AM

مجموعه فازات رائعه
ابدعت ابدعت ابدعت
افكار جميلة وتنفيذ متقن جدا
ماشاء الله عليك
تطورت جدا فى تنفيذ اعمالك
التنفيذ حلو جدا
تسلم ايدك

**هند** **هند** · 07-01-2015, 05:05 AM

اعمال متنوع وجميله
الطقم الاخير تخيلت انه قبه ومئذنتين
يا ترى ينفع يكون جزء من مجسم جامع؟
ازاى؟ معرفش ههههه
بس انت افكارك متنوعه وممكن تعمله
تسلم ايدك
وكل سنه وانت طيب

**منى سامى** **منى سامى** · 07-01-2015, 08:35 PM

الله الله يا احمد
ايه الجمال ده كله
تحفه الافكار والتنفيذ
تسلم يدك جميل جدا
كل الاعمال عجبتني
شكرا لك

**فتحية بزال** **فتحية بزال** · 07-02-2015, 12:22 AM

ماشاء الله اعمال كتير حلوة تسلم الايادي

من بعد إذن صاحب الموضوع رح أستعير بعض الأفكار وانفذها في اعمالي

مع الشكر الجزيل

**احمد شريف** **احمد شريف** · 07-03-2015, 10:13 PM

استاذه ناهد
تعليق رائع
الحمدلله على تقدم اعمالى
طبعا فضل المنتدى كبير اوى عليا
شكرا لكِ

**احمد شريف** **احمد شريف** · 07-03-2015, 10:27 PM

استاذه هند
نورتى بمرورك وكلامك الجميل
على فكره رايك فى زجاجات اللبن
نفس راى والدتى ان الزجاجات تشبه
المئذنتين بالنسبه لمجسم الجامع
ممكن بعلبه كرتون وجزء من زجاجه
ويطلع مجسم رائع تسلم ايدك
وتسلم افكارك شكرا لكِ

**هالة** **هالة** · 07-04-2015, 09:37 AM

بسم الله ما شاء الله
ايه الروعة دي
فن وتفانين اخر جمال
التنفيذ حلو قوي
والاجمل التصور للعمل
علشان يطلع بالشياكة دي
اكيد الطقم الاخير يوحي
بأنه مآذن وشكله مبتكر جدا
بس ليه تقطع ميكي وبطوط
كنت احتفظت به والجرائد كفاية
هههههههههههه
تسلم يا احمد وربنا يبارك في عمرك
وفكرك المبدع دايما

**SaMaR_ BakR** **SaMaR_ BakR** · 07-14-2015, 10:42 PM

أعمال رائعة
عاجبنى جدا جدا جدا أكتر ما تتصور ويسعدنى كمان
تبلور الخبره الفنيه عندك
ووضوح التطور فى اعمالك الفنيه
يتقال عليه نموذج تطور قياسي
اتمنى انك تدرس فن
او على الأقل تحافظ على فضولك الفني

تسلم ايدك اعمال تحسب لك
فى سجل مشاركاتك الرائعة

**صمت السنين** **صمت السنين** · 07-24-2015, 08:48 AM

ماشاء الله
تحفه واكثر من رائعه
بارك الله فيك

**احمد شريف** **احمد شريف** · 07-25-2015, 08:43 PM

استاذه منى
اسعدنى تعليقك
واعجابك بالعمل
شكرا لك

إعـــــــلان

فازات بخامات بسيطه من ابتكارى

فازات بخامات بسيطه من ابتكارى

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك