إعـــــــلان

**SaMaR_ BakR** **SaMaR_ BakR** · 11-21-2015, 07:59 PM

**SaMaR_ BakR** **SaMaR_ BakR** · 11-21-2015, 08:00 PM

اوراق الشجر المتبقية من طبقات البوستر
اضفتها من الخلف على الشمال
لاستكمال التابلوه

دمتم بخير

**نااانو** **نااانو** · 11-21-2015, 09:51 PM

تسلم ايدك يا اجمل ميس
حلوة جدا الخلفية
والتابلوه جميل ياسمورة
تسلم ايدك ياقمر
جميل جدا فن الديكوباج
عندى مثل هذا البوستر
انتظرى تنفيذى له
شكرا لكِ

**امل نيازى** **امل نيازى** · 11-22-2015, 05:10 AM

فكره تقسيم الخلفيه جميلة
تسلم ايدك استاذتى سموره
شكرا لافادتك الرائعة

**هند** **هند** · 11-22-2015, 05:43 AM

تسلم ايدك يا قمر
استاذه ما شاء الله عليكى
بس عندى سؤال فضولى
بعد ما المدرسات يتعلموا هيحصل ايه
قصدى يعنى دى معلومه ليهم شخصيا
وللمعارض السنويه ولا الفن ده هينقلوه للطلبه
انا نفسي يكون فيه اهتمام حقيقى
بالفنون و الاشغال اليدويه فى المدارس
لكن اللى انا شيفاه من الشباب اللى بتعامل معاهم
انهم ابيض تماما ولا عندهم اى فكرة عن الفنون
ولا حتى الاسم فقط معناه ايه
يعنى ميعرفوش يفرقوا بين الكروشيه والتريكو و التطريز مثلا
فأكيد لما اقولهم ديكوباج او اوريجامى مثلا
ممكن يفتكرونى بتكلم عن كائنات فضائيه
هههههههههه
شكرا لك حبيبتى
وبالتوفيق دايما

**هالة** **هالة** · 11-22-2015, 09:09 AM

فنانة ومتمكنة واستاذة في
ايصال المعلومة بالشرح المصور
نتمنى ان يظهر نتاج تدريبك
وتطبق المتلقيات ما تدربن عليه
تسلمي حبيبة قلبي
ويدوم تفوقك ويبارك في مجهودك
دمتِ بكل خير

**Amany Ezzat** **Amany Ezzat** · 11-22-2015, 01:46 PM

تسلم ايدك و عيونك
يا بختهم بشرحك الجميل
بحب خلفياتك جدا
لانها دايما مختلفة و مميزة

**ام مود** **ام مود** · 11-26-2015, 10:59 AM

الله يسلم ايديك فن الديكوباج فن راقى جدا
وانا بتمنى اتعلمه

**ميرو انا** **ميرو انا** · 11-26-2015, 08:32 PM

يسلم ايدك يا فنانه

**SaMaR_ BakR** **SaMaR_ BakR** · 11-27-2015, 12:07 AM

نانو تسلم ايدك يا اجمل ميس
حلوة جدا الخلفية
والتابلوه جميل ياسمورة
تسلم ايدك ياقمر
جميل جدا فن الديكوباج
عندى مثل هذا البوستر
انتظرى تنفيذى له
شكرا لكِ

انا فى الانتظار على نار يا جميل
هههههههه
وتسلم ايدك مقدما
عاوزة اقولك ان التدريب ده
انت مشارك رئيسي فيه
لانى حبيت الديكوباج من خلال اعمالك
وطريقة شرحك لتفاصيله
وكمان عرض افكار مختلفة باستخدامة
لذلك ... جعله الله فى ميزان حسناتك
شئ افرحنى جدا .. ان المتدربات عارفينك بالاسم
اسعدنى اكتر انهم
من زوار والمستفيدين من منتديات ألهندسة الصناعية
وبعضهم اعضاء فيه

تسلمى نانو تقبلي تحياتى

**SaMaR_ BakR** **SaMaR_ BakR** · 11-27-2015, 12:15 AM

امل نيازى تسلمى حبيبتى وتعيشي
ردك يسعدنى جدا اكتر مما تتصوري
لكن استاذتى دى كبيرة عليا
انتم جميعا اساتذه اعزاء غاليين على قلبي
كل الشكر والتقدير

**SaMaR_ BakR** **SaMaR_ BakR** · 11-27-2015, 12:38 AM

هند سؤالك الفضولى اثار فى نفسي شجون

بصي يا ستى ...
اللى انا كنت عامله حسابي عليه
ان المدرسات هاينقلوا اللى اتعلموه للطلبة
لكن اثناء تدريبي
اتفاجأت او على الارجح افتكرت
ان ميزانية نشاط التربية الفنية
اقل من انك تطلعى لوحة ديكوباج
هاتتكلف على الاقل خامات بس
وبدون اطار او خلفية خشب 50جنيه
شوفى انا كنت بصرف على شغلي فى المدرسة
وده عادى من مدرسات التربية الفنية
لانى مكنتش بصرف من مرتبي على البيت ...
ده زمان هههههه

لكن فى ناس ما ينفعش
يطلع من مرتبهم اى حاجه تتصرف على المدرسة
خصوصا لو مدرس وهو المسئول عن الصرف على بيته وولاده
مع الاخذ فى الاعتبار
ان مدرس التربية الفنية مالوش اى مصدر رزق
يعنى لا دروس خصوصية ولا غيره

لكن بالنظر للجانب المشرق
ممكن المدرسين يوظفوا التكنيك ده
فى لوحة المعرض السنوى
ويحضروا درس يشرحوا فيه التقنية نظريا
او على هيئة بيان عملي
لكن اشك ان طالب يشتغل بايده فى اللوحة
ولو حصل هيكون عدد طلاب محدود جدا وتحت اشراف مسيطر

بالنسبة للشباب في منهم قارئ جيد وباحث عن جديد الفنون
وفى كتير علمه فى نطاق دراسته لا يتخطى اطارها
بل .... يفقد بعض مهاراته بممارسة مهنة التدريس
ولله الامر من قبل ومن بعد ....

انا دربت حوالي 50مدرسة ومدرس واحد
اللى حضروا خامات واشتغلوا معايا 2بس
الباقى صور التدريب كله ....
اتمنى يطرح فيهم البركة ويشتغلوا مع الطلبة

فى كل شهر يقام تدريب
اوعدك لو اتدربت على حاجه جديدة انا ما اعرفهاش
اعرض تجربتى فيها مع طلابي على صفحات ورد
وادرسها باستفاضة ... وانا عند وعدى
تسلمى حبيبتى
وتدوم تساؤلاتك

**منى سامى** **منى سامى** · 11-27-2015, 11:35 AM

الله يا سموره يا احلي ميس
التابلوه روعه وتجسيم الورد جميل جدا
والاجمل انك بتعلمي الميسات اللي هينقلو ده للطلبه
يعني ربنا يجزيك خير هتعلمي اجيال
تعيشي وتعملي الخلفيه عحبتني فكرتها قوي
ويخليلنا ناانو اللي علمتنا الديكوباج
ومنتدانا الجميل اللي مجمع اروع قلوب

**SaMaR_ BakR** **SaMaR_ BakR** · 12-01-2015, 08:57 PM

هاله انا اتمنى من الله ولا يكتر على الله
ان اللى اتعلم حاجه يفيد بيها غيره
وخصوصا لو طلبة .. بياثر فيهم جدا انهم يتعلموا فى الصغر
انا فاكرة كتير من اللى اتعلمتوا وانا طفلة
تسلمى حبيبتى على ردك
كل الشكر والتقدير

إعـــــــلان

تدريب مدرسات التربيه الفنيه على الديكوباج المجسم

تدريب مدرسات التربيه الفنيه على الديكوباج المجسم

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك