ست الحبايب يا حبيبة
يا اغلى من روحي ودمي

ربنا يبارك لك في
جنتك حبيبة قلبي
منى
ويديم عليكِ نعمة وجودها
ويسعدك ببركة دعائها
قابلت مامتك ربنا يبارك فيها
وحبيتها قوي لانها نسمة طيبة



امي .... حبي الاول وعشقي
الذي لن ينتهي حتى يجمعني الله بها
في مستقر رحمته
رحمة الله عليها

امي الطيبة مُعلمتي واستاذتي
على الرغم من انه في زمنها
كان تعليم الفتيات غير مستحب
الا انها واصلت التعليم
وحصلت على دبلوم معلمات
بعد ان حصلت اختها الكبرى
على دبلوم تربية نسوية
واختها التي تصغرها نفس الشهادة
كانت امي معلمة لغة عربية وتربية دينية
ولم تكتفي بهذا فحصلت على
دبلوم تجارة مرة اخرى
وتركت التدريس لتعمل
سكرتيرة في مكتب محاسب قانوني

تزوجت من ابي وغادرت الاسكندرية
الى المحلة الكبرى حيث مصنع ابي
ومحلات خياطة جدي وابي




علمتني حبيبة قلبي كل جميل
كل ما اجيده الان من فنون يدوية
هو غراس يدها فيِ منذ صغري
علمتني الكروشيه والتريكو
وتطريز الخيوط والكنفاه

كانت تدير المصنع بكفاءة
وهي الاخت الكبرى للعاملات فيه
وزي ما بيقولوا " حلالة العقد "
بفضل الله كان بيتنا قبلة كل من تمر بضائقة
حيث تجد فيه المشورة والنصيحة الطيبة

انجبت ست الحبايب
6 ابناء وبنات , 4 بنات انا اكبرهن
وولدان ربنا يبارك فيهم كلهم
كانت دايما تقوللي اني انا
اختها الصغيرة

تعلمت على يديها كيف
اصنع " الكسكسي " واشهى خُبز
وألذ الفطائر وهي كأي ام مصرية
تُربي بنتها لتكون ست بيت
بتقدير امتياز

كانت رحمة الله لها عادة طيبة
ولانها كانت تربي الطيور في
جنينة البيت الصغيرة
فكان الخير وفير بفضل الله
وكان ما يفيض من مصروف البيت
تضعه جانبا وعندما يأتي ابي
يخبرها ان ايراد المصنع لا يكفي
لتسديد اجور العاملات يجد بين يديه
ما وفرته من المصروف ليسدد
ما عليه من التزامات لحين سداد
عملاء المصنع ما عليهم

كان لها هوايتها التي لازمتها حتى رحيلها
وهي القراءة ... كانت مجلات حواء
واخر ساعة الى جانب الروايات العربية والعالمية
تحتل رف مكتبة صغيرة في بيتنا
وهي من علمتنا حب القراءة

ولأن دوام الحال من المحال
فقد خسرنا مصنعنا بسبب السوق السوداء
وارتفاع سعر الخامات ورحلنا الى الاسكندرية الجميلة
حيث جدتي واهل امي
وهناك بدء ابي من جديد
عمله وكانت حبيبتي خير سند له

عودتني واخوتي منذ الصغر اننا يد واحدة
يجمعنا قلب ونبض واحد
اخوة واحبة

كانت تختلي بنفسها كثيرا
وخاصة يوم الجمعة
تخبر الكل من تزوج ومن بالبيت
انها ستُصلي التسابيح حتى لا يجزع
من يطلبها ولا ترد عليه
عودتنا على ان يكون لنا ورد يومي
دعاء وقراءة قرآن
وكانت في محنة مرضها الاخير
قبل وفاتها لا يُفارق المصحف يدها

كانت تضع الطعام والماء
على سور البلكونة لعصافير الشارع
حتى انها كانت توصينا بهم
وهي في المستشفى ولكن العصافير
كانت ترفض ان تأكل ما نضعه لها

قليل منا من يعلم انه يموت
ولكن امي رحمة الله عليها
كانت تعلم يقينا انها تموت
واخبرتني انها رأت ملائكة
في ثياب بيضاء تُحيط سريرها في المستشفى
كنت انا ايضا اعلم انها تموت
وقت ان رأيتها تخرج من غرفة العمليات
شيء ما نبأني بهذا
انها لن تقوم منها
على الرغم من انها اصبحت افضل
ولكنها في يوم
4 - 5 - 1996
16 ذو الحجة 1416
وفي اثناء ذهابها الى الطبيب
وقفت على سلم البيت وقالت لاختي
انها بتموت ولازم تطلع البيت ثاني
ورحلت حبيبة قلبي
ونور عيني وكل دنيتي
غادرتنا دون وداع
ماتت امي وزي ما بيقولوا
" على رجليها تراب السكك "
رحلت وهي راضية بقدر ربنا

اللهم اجعل قبر امي ومن غادرونا
روضة من رياض الجنة
اللهم انس وحشتها وافسح لها في قبرها
مد بصرها .. اللهم نقها كما يُنقى الثوب الابيض من الدنس
واغسلها بالماء والثلج والبرد
اللهم يمن كتابها ويسر حسابها
اللهم بيض وجهها يوم تبيض وجوه وتسود وجوه
اللهم جازها بالحسنة احسانا
وبالسيئة عفوا وغفرانا

منى الجميلة
فرصة طيبة ليدعو الكل لامي
ولكل من رحل من الحبيبات

ربنا يبارك لك في حبيبتك
ان شاء الله

ادعو الحبيبة
نهودة
لتعرفنا بحبيبتها
رحمة الله عليها

الله يامنى
ربنا يبارك لك فى والدتك الطيوبة الجميلة
ست الكل
طبعا شفتها ربنا يعطيها الصحة والعافية
وتسعدى بقربها وبركة دعائها

موضوعك جميل يعطى فرصه جميلة ليذكرنا اجمل ايام عشناها
صراحة مش عارفة ابدأ منين ولا منين
اتكلم عن امى فى اى مرحلة من العمر
ايام الطفولة الجميلة
وايام ماتاخدنى انا واختى ونلعب فى الثلج
ام ايام الدراسة وتعبها معنا
فى الصحيان بدرى وعمل الافطار ولازم ولابد افطر قبل ما انزل
ولا ايام ماكانت هى الاب والام ايام سفر والدى المستمر
لظروف عمله الدبلوماسى بجامعة الدول العربية
كانت ام حنونة جدا ولكن حنية مع قليل من الشدة
وخصوصا وقت سفر الوالد
تعلمت منها الكثير والكثير
وخصوصا الخياطة كانت هاوية التفصيل
وكل ملابسى هى التى تنفذها
وتقولى تعالى اجلسى جانبى اثناء القص علشان تتعلمى
وفعلا تعلمت منها
كان بيتها قبلة لكل الناس
اللى طالع واللى نازل يعدى يشرب معها الشاى
باب البيت مفتوح على طول الكرم كله هى
البيت كان امان
نطلب منها تقفل الباب تقول لا سيبوه مفتوح
علشان طنط فلانة وهى طالعة تعدى ترتاح من السلم
كانت طيبه طيبة الام المصرية
كل من تعامل معها حبها قلبها مفتوح للكل
لا تتعامل مع ازواجنا على انها حماه بالعكس ام لهم
اتذكر عندما كنا صغار واخرج مع صديقاتى لاتنام الى ان ارجع
وتظل منتظرانى فى البلكونة حتى تطمئن وصولى البيت

لى ذكريات كثيرة جدا معها
بعد زواجى عشت فترة خارج بلدى
كانت دائما تاتى للزيارة وكانى فى مدينة قريبة منها
وعندما ارجع فترة اجازتى تكون فى بيت امى
وترفض نهائى ان اجازتى اقضيها فى بيتى
كانت فترة جميلة اقضيها معها اخد منها النصائح
ونتحث فى كثير من الامور

احب جدا هذه الاغنية
الله يرحمك يا امى يا ام الطيبة والكرم

الست دى امى ...
الست دى امى شقيانه طول عمرها ماشلتش غير همى وانا اخر صبرها
طول عمرى متربى فى خيرها هى الوحيده مفيش غيرها
الجنه تحت اقدامها وانا لو هعيش خدامها مش هوفى اجرها
الست دى امى
الست دى اللى وعيت ليها اول ما شوفت بعينى النور
اول مرايه اشوف فيها طعم الحنان فى عينيها بحور
الست دى تعبت ربت واتحملت ظلم الايام
على صدرها كنت متبت على حجرها فى الجنه بنام
الست دى امى الست دى امى

حبيبتى منى
شكرا لكِ على هذا الوقت الجميل
والذكريات الحلوة التى مرت امام عينى

ادعو الجميلة وحبيبة قلوبنا الغالية
سمورة
لتعرفنا بست الكل والدتها الغالية

السلام عليكم ورحمة الله

الاخت الغالية أسستاذه منى . شرف لنا أن نتعرف على إحدى صناع السعادة والسرور . ورمز الدفىء
والطمئنينة . والعطاء الغير محدود وإنكار الذات لصالح الأسرة كبيرها وصغيرها . وميزان أى أسرة وضابط الأيقاع.
بارك الله فى عمرها وأعطاها الصحة .السيدة الطيبة والدتك وكل الأمهات . يكفى أن الجنة تحت أقدامهن . ورضاهن
من رضاء الله جل جلاله .
حدثتكم زمان عن أمى . .ولكن أريد ان أذكر موقف فى لحظة وفاتها جعلنى أتحدى الموت و الخوف والصعاب مرات عديدة .
كانت السيمفونية الرائعة قرآن الفجر فى مسجد شارعنا ولسانها وقلبها الذى يردد الشهادة أكثر من 20 دقيقة وعيناها
التى تنتقل بينى وبين السماء . وكانها تناجى ربها وتساله أن يكرمنى مثلما أكرمتها ويعزنى مثلما أعززتها وجعلتها درة تاج العز والشرف فوق رأسى . ... إلى كل من له أم ولم يراعى الله فيها ويطيعها ويكرمها كما امر الله ورسوله اقول
له ظلمت نفسك كثيرا وفاتك أقصر وأسرع طريق الى الجنة . ومعها سعادة دنيوية وطمأنينة . بفضل برك بوالدتك.
فأغتنم الفرصة ولا تكن من الخاسرين .
اللهم ارضى عن سيداتنا أمهاتنا تاج الفخر والشرف على رؤسنا وأعطيهم الصحة والعافية . وأرحم من توفيته منهن
شكرا جزيلا ... تحيا مصر أمنا الكبيرة حفظها الله.

السلام عليكم ورحمة الله وبركاته

معلش أتأخرت عليكم ,,,
أعتذر عن التأخير
أنا سعيده جدا أنى اتعرفت على أمهات فاضلات
منى سامى الله يعافى ماما ويباركلك فيها حبيبتى
هاله ونانو
الله يرحم امهاتكم ويجعل من دعاؤكم لهن نقله من حال لحال أفضل

يالا تعالوا على أمى ,,, وادعولها بالشفا ,,
أنا حاولت اجيب صور أمى
لكن كل صوري على جهازى القديم
للأسف لم اتمكن من فتحه اليوم
والموبيل أنتو عارفين ,, راح فين
هههههههههههههههه

بس أوعدكم يوم عيد الأم
نعمل حفلة صور فى موضوع منمن
وأجيبلكم صور أمى وأنا معاها وكمان مع قرودي الصغار
ولادى حبايبى الملايكة ,,, ههههههههههه


تزوجت امى من أبي( رحمه الله ) كان قريبا لها
قرابه غريبة شويتين
بس ركزوا ,,,, هو يبقى ابن خال ابوها
اللى هو جدي
يعنى ابويا وجدى ابو أمى ولاد خاله
ماتسألونيش يعنى ايه ؟؟ لأن أنا حاولت افهم قبل كده
ومافلحتش
خصوصا أن أمى الله يشفيها
وصفتلى القرابة من ناحيه العمة مرة ومن ناحيه الخال مرة
فا انا سلمت انهم قرايب وبس

أنا الأبنه الرابعه وبعدى اتنين
غير أن ليا 3 أخوات توفاهم الله
يعنى أمى الله يديها الصحة خلفت 9
فتخيلوا حجم المعاناه اللى عانتها فى كل ولادة
وبعدها فى تربيه 6 من الأولاد والبنات فى مراحل عمريه مختلفة
لكن الحمدلله ,,, ربنا اعانهم -امى وابي -على تربيتنا
الحقيقة أنا كنت شايفه ان عدد اللأولاد
مع متطلبات المعيشه كانت قاسيه جدا عليهم
لكن بذلوا كل وسعهم فى توفير ما نحتاجه

ابى كان موظف تربية وتعليم
وأنتم أدرى منى بهذا العبء الازلي
على كل من ينتمى لهذه المؤسسة العريقه

كانت أمى واعيه جدا
عقليه فى محاولة التدبر والتوفير
مثل أنها كانت بتخيطلنا هدومنا
بيت وخروج ,,, وأنا فاكرة أنى كنت بتباهى بالفستان اللى بتخيطهولى أمى
أو البيجامه الكستور
أو القميص الحمالات اللى ماما تقولى ده تلبسيه وأنت داخله تنامى
وفاكراه كان ابيض وفيه فيونكات زرقا صغيره
وماما بذوقها زودتلى دانتيل على الصدر أزرق تحفة

مامة منمن عملت فستان من مفرش السفرة
أمى عملتلى فستان خروج من ((ملايه سرير))
ههههههههههههههههههه
كان عندى عيد ميلاد
وهى بتخيطه كنت بعيط بالدموع
وبعد ما خلص بدأت ,, اقول ,,, اممم يعنى معقول
ولما خرجت بيه واصحابي قالولى الفستان حلو أوى جايباه منين
الأبتسامه علت وشي ووثقت فى نفسي

وبقيت كل خروجه البسه
هههههههههههه

وبقت تقولى مش ده اللى مكنش عاجبك ؟؟؟؟

ومع ذلك كان لما يتوفر معاها فلوس
كانت تشتريلى اغلى واحلى حاجه
كنا على كده وكده والحمدلله الحال ماشي

كانت شاطرة أوى عقليه تجارية واعيه
اشتغلت فى فترة من الفترات
أنها تجيب جهاز العروسة جمله
وتبيعه قطاعى لعرايس العمارة عندنا
واعتزلت لما جوزت جيراننا كلهم الحمدلله
يعنى كانت بتوفر طلبات بيتها
وكمان بتحاول يبقى فى دخل اضافي


أمى كانت بتفكر فى كل حاجه حتى القصص
يعنى شهريا كانت تاخدنى على المكتبه وتجيبلي قصتين
دول بتوع الشهر
اللى كانت بخلصهم قرايه بعد ساعه من وصولنا البيت
كنت بحب اقرا جدا جدا

وفاكرة المكتبه كانت تحفة
كنت ادخلها انسي نفسي
وابقى عاوزة اشتريها كلها
بس ماما ببصه عين
بفهم أن الفلوس على القد ,,,
اقول الحمدلله ,,, هاحيب قصتين حلوين أوى ى
كانت شديدة ,,, فعلا كانت مظبطانا كلنا ولاد وبنات ببصه
بصه عين يا مؤمن وتفهم أنك لو ما تلمتش ,,, هاتاخد علقة محترمة

أنا كانت ليا علاقه خاصه جدا بامى
أكاد أجزم 100 % أنى ما ضربتش منها غير مرة واحده
ألم على الوش محترم كده
والمرة دى عييت فيها اسبوع
وكنت فى اعدادى ,,, لا قبلها ولا بعدها اتعاقبت
بس كانت تخاصمنى ,,,

أمى كانت انسانه قارئة ,,,
ماكملتش تعليمها لكن مثقفه ,,,
تقولى اشتركى فى كل حاجه فى المدرسة
واتعلمى كل حاجه
وأنا ما صدقت اشتركت ...
فى الكشافة والمسرح والتمثيل
والغنا وجماعه تحفيظ القرءان
وكنت بذاكر وبطلع بدرجات عاليه الحمدلله


أمى كمان كانت ولا زالت بتخاف أوى من الحسد
يعنى أنا كنت بقرا كويس من وأنا صغيره
وبحفظ قرءان ,,, تقولى ماتقريش قدام حد
ولا تعرفى حد أنك بتقري كويس

وياسلام لو دخل عندنا حد هى بتقلق من عينه
ههههههههههههههههههههه
كانت ترحب بيه جدا ,,,
لكن طول ماهى قاعده قرءان ,,, قرءان وتكبير فى وشها
ههههههههههههههههه
عسل ,,,

أمى كانت فى منتهى الكرم ,,
أى ضيف يدخلها
تحطله كل اللى عندها
حتى لو كان الموجود ده غدانا مثلا
وبعد ما يمشي
تقوم تعمل اى حاجه متوفره بس نكون بنحبها
علشان ما نكرهش الضيف
ودايما كانت تقول الضيف ينجى من النار


الحقيقة هى بكل المقاييس تعبت جدا فينا
ولم توفى حقها منا ايدا ,,,
وليشهد الله أن كل ذرة فيا بتحبها
أنا بموت فى ضحكتها
أمنيتي فى كل لحظة انها تفضل مبتسمه وسعيده
لما يتضحك فعلا بتضحكلى الدنيا

جزاها الله عنا خيرا
وشفاها وعفاها
وأمهاتكم جميها ,,,
كل عام وكل أم سعيده وفرحانه ومبسوطة
ادعو حبيبتي امانى عزت تعرفنا بالست الوالدة

أجمل أم في الدنيا
حبيبتي الغالية منى سامي
موضوع جميل جدا و فكرة و لا أروع
و مواقف و ذكريات لا تنسى
أقل واجب لكل أم من امهاتنا
ابدأ منين و اقول ايه
الموضوع صعب و خصوصا بالنسبة لي
انا أمي منذ نعومة أظفارها و هي
شخصية غير اعتيادية
كانت البنت الكبرى لجدي رحمه الله
اكبر اخواتها و ممتازة في دراستها
طبعا أخدت دور المدرسة مع اخواتها
و مستشارة جدي و مساعده ليه في تجارته
و سبحان الله كبرت و اتجوزت والدي الله يرحمه
كانوا مدرسين في مدرسة واحدة
لكن القدر لم يمهلهم استكمال مسيرتهم
توفى والدي و عمره 36 سنة
بعد 10 سنين من الزواج
و أنا و أختي و أمي كملنا حياتنا لوحدنا
اكيد وفاة والدي كان صاعقة بالنسبة لنا
بنعاني منها للآن لكن الحمد لله على كل حال
ربنا قدر والدتي على تربيتنا
طبعا مرتبها كمدرسة و معاش والدي
و كمان مصنع صغير عمي كان متولي ادارته
اكيد مرينا بأزمات مادية
لأنها أصرت على بناء منزل كبير
و جنينة كنا بنزرعها ورد و فل و ريحان و خضار كمان
من قوانين أمي
كانت لازم تصحينا نصلي الفجر و بعد الصلاة جزء قرآن
و مع اول ضوء للنهار
ننزل الجنينة نظبطها و نرويها دا أساسي
طبعا في الصيف كانت ايام جميلة
اليوم كان طويل صحيح 24 ساعة
لكن فيهم بركة ببداية اليوم بالقرآن
و نشاط كمان شئ فعلا مفتقدينه جدا حاليا
في بيوتنا و مع اولادنا
عموما البيت و الجنينة و تعليمنا الطبخ
و وجبات و معجنات بأشكال جميلة
من اختراعها طبعا و عمل مربات و مخللات
شئ مهم طبعا كل دا و كنا نعد أطفال
بعد الانتهاء من الطقوس اليومية
عندنا وقت كبير طبعا مش هيعدي الوقت
من غير شئ مفيد بصراحة
كانت بتوفر لنا كل ما في استطاعتها
لتنمية مهارات متعددة
كتب و مجلات و آلات موسيقية
اشغال ابرة و كل لوازمها
كانت مؤمنة بشئ هام جدا
ماينفعش يعدي يوم من غير ما اعمل حاجة
اتعلم حاجة جديدة
اقرا كتاب مثلا او رواية و ألخصها في أجندة
لكن هوايتها المميزة كانت شغل التريكو
لبست كتير طبعا انا و اختي من شغل إيديها
و الحمد لله ربنا عطاها الصحة
و عملت لأولادي أجمل فساتين و شيلان
بالنسبة لي ماما كانت كل حياتي
و طبعا لاني الكبيرة كنت بالنسبة ليها
اختها مش بنتها اتعلمت منها كتير جدا
و أخدت من شخصيتها كتير
لكن الشدة و الحزم لأ بصراحة
اعتقد ظروفها و هى اكبر اخوتها
و كمان وفاة والدي كانوا سبب فيها
افتكر كانت في المدرسة منعاني انا و اختي
نناديها ماما تقولنا ماما في البيت
أنا هنا أبلة و العقاب على اي خطأ طبعا
كان مضاعف بالنسبة لنا شئ طبيعي
برغم كل دا و كل حاجة عملتها
كل ما تكلمني تقولي
انت لسه شايله و زعلانه مني
لأني رفضت دخولك فنون جميلة
يا بنتي كنت خايفة عليك بضحك
و اقولها مش هسامحك لانك غيرتي شكل حياتي
ملامحها تتغير أضحك و أقولها غيرتيه للأحسن
ربنا يخليهالي مش عارفه من غيرها
كنت هعيش ازاي سواء و انا طفلة و للآن

و أخيرا الى كل أم أعرفها
إلى كل ورده فاح شذى
حبها في أرجاء منزلها إلى كل
شمعه أضاءت درب عائلتها
الى كل من حملت و أنجبت
و ربت وسهرت و ضحت و تحملت
لتجني ثمار زراعتها
الى نبع الحب و العطاء تحيه حب
و تقدير و احترام
كل عام و أنت أطيب و أرق
و أحلى أمل مشرق
كل عام و أنت البسمه و النور
التي تنير طريقهم

ادعو حبيبتي الغالية
علا الاسلام
لتعريفنا بوالدتها الكريمة

كل سنه وكل ام طيبه
احياء واموات ينعمون بفضل الله ونعمه
ينزل عليهم رحمات من عنده
ويعافى اجسادهم ويعطيهم الصحة
الموضوع متاح لاى شريك يخبرنا عن ست الكل اللى في حياته ويعرفنا بيها

حبيبتى العسولة منمونة الجميلة
أولا أنا باعتذر لتأخرى فى المشاركة بالموضوع
وهذا يرجع إلى عدم وجود نت طول الفترة السابقة
ولم أتمكن من متابعة منتدايا الجميل الغالى ألهندسة الصناعية
يا رب يصلح حال النت
لأنه لسة تقيل وبطئ جدا وخانقنى بصراحة هههه


أما ثانيا فموضوعك جميل جدا يا منمونة
تسلمى يا رب وربنا يخلى لكِ ماما ويبارك فيكِ وفيها آمين
بجد استمتعت بذكرياتك مع امك الحبيبة
واستمتعت بذكريات حبيباتى هالة وناانو وسمر وأمانى



أما ثالثا فهى ذكرياتى أو خواطرى مع أمى الحبيبة

خواطر كثيرة عنها ومعها

مهما كتبت كثيراً وملأت الدفاتر والأوراق والملفات

ومهما حَمَّلْتْ هذه المساحات البيضاء بما لا تطيق

فلن أفى أمى حقها ولن أستطيع مكافأة ما قدمته

ولا تزال تقدمه فهى فيض من العطاء لا ينضب أبداً.

حياة أمى كلها تضحية وعطاء وتحمل للمسئولية

فقد كان أبى – متعه الله بالصحة والعافية-
كثير السفر تبعا لطبيعة عمله
وقد كانت أمى مصاحبة له ،

وكم عانت امى من الغربة والبعد عن الأهل والوطن

وكم ضحت بأشياء كثيرة كانت تتمنى تحقيقها من أجلنا

فهى علمتنى الأهم يأتى أولا ثم الأقل فالأقل وهكذا

وكان البيت والزوج والأولاد هم الأهم دائما فى حياتها

ورغم أنها تعمل طبيبة إلا انها ضحت بالكثير
فى عملها ودراساتها وأبحاثها
فقد كانت الأولوية لنا وللبيت ،
وكانت هى الحنان والحب كله دون إفراط أو تفريط



وتعلمت منها انا وأختى كيف نحافظ على بيتنا

وأزواجنا وبيوتنا مهما كانت الظروف

وكيف نعطى لهم الأولوية ونضحى
من أجل بناء اسرة سعيدة وتنشئة أطفال وراشدين أسوياء
وبالتالى جيل بأكمله يتحمل المسئولية.

وأنا الآن بعيدا عن أهلى ووطنى أتذكر أمى

أتذكر ما تحملته فى سنوات غربتها
فيعطينى الطاقة والدفعة على التحمل ومواصلة المسيرة

ما تعلمته منها حافزا لى يعطينى كثيرا من الطاقة الإجابية
ويضئ لى جنبات حياتى بالنور
ويضئ دربى وطريقى مهما كان طويلاً

ولقد سجلت بعض من الخواطر عن أمى الحبيبة

فى موضوعى ماما يا حلوة يا أجمل غنوة

للمتابعة أضغط على الرابط التالى

404 Error

https://www.ward2u.com/showthread.php?t=22920

يا أمى سأكتب لكِ

لتفاصيلك الرائعة

لذاتك الملائكية

لروحك النقية

لنفسك الصافية

لقلبك الطاهر الحنون

ولعمرك النازف بكل حب وعطاء

يا أمى ذات ليلة اشتقت لكِ

رغبة فى البكاء اجتاحت عواطفى

غربة مكان وزمان وروح وذات استوحشتنى.

فى غرفتى أخايل وجهك الحبيب ينور ظلمة المكان

يا نبض الروح يا أحن قلب

يا ترتيلة الصباح وأنشودة السلام

كم أشتاقك

أريدك أن توشيمينى بين أضلاعك لأتنفسك من الأعماق

همسة لأرق مخلوق

ماذا سأهديكِ وأنا لا أملك غير الكلمات

محبتى هى كلماتى

ورودى وحبى هى كلماتى

أمى مع ثقل المشاعر والحب المزوع لكِ فى داخل الأعماق

أريد ان أهمس فقط إنكِ موشومة فى كل خلايا الجسد

أحبك أحبك أحبك قليلة جداً هذه الكلمة أمام هامتك العالية

أمى نور الدنيا ووهج الحياة

أمى نبراس النور وسجادة صلاة

اقتربى أكثر أريد أن أقبلك وأقبل حتى ظلالك

أمى أهمسها وتنتشى بها روحى

فى بعدى عنكِ فى غربتى



ودعتها ويا ليتني اليوم ألقاها
أم وقور أتعب الدهر ممشاها
تسكن بعيدا يلوح في قرص
الشمس محياها
ياليتني طائرا محلقا بسماها
أحط على كتفها
أُلقي برأسي على صدرها
تزيح عني الهموم
تنزع من بين ضلوعي
الحسرة و الاه
يا من ارضعتني حنانا
كم أود ان أملئ رئتي بعطرها
و شذاها
من عبق الورد أنسج صورتها
و من خيوط الشمس أغزل
البسمة على شفاها
بالغربة أمي ضاع كل شئ وتاه
بغيابها خيم الظلام و جفت
في عروقي المياه
فإن عجلات العمر سريعة خطاها
ببعدها انتحر النور في الجفن
وتبعث روحا فيه لُقى عيناها




يا نبع الحنان الدفاق
يا صدرا دافئا الجأ اليه كلما ضاقت بي الدنيا

في عيدك امي الحبيبه

لا اجد هديه تليق بك

سوى سنين عمري المتبقيه

اصوغها لك باقات ورود

اضعها بين يديك

يا شمعه الدار

اتمناك دوما تاجا على رأسي

يخفف عني المي وغربتي

احبك يا اغلى انسان في الوجود
احبك يا أمي