إعـــــــلان

**Amany Ezzat** **Amany Ezzat** · 06-07-2016, 11:14 AM

حبيبتي الغالية
هند
كل سنة و انت بالف خير
عقبال العمر كله
في صحة و هنا و راحة بال يارب
سنة جديدة سعيدة بإذن الله
تحققي فيها كل أمانيك

**امل نيازى** **امل نيازى** · 06-07-2016, 01:54 PM

هنوده الجميلة
كل سنه وانتِ طيبه حبيبتى
منوره ألهندسة الصناعية بطيب اخلاقك
وخفه دمك الغير مسبوقة
ربنا يبارك لك فى كريم ويسعد قلبك بنجاحاته
عيد ميلادك احلى عيد

**نااانو** **نااانو** · 06-07-2016, 03:26 PM

هنودة الجميلة صاحبة الردود المرحة
و اجمل ضحكة فى ألهندسة الصناعية
عيدك عيدين
لان ميلادك في يوم من ايام رمضان الكريم
كل سنة و انتى طيبة يا اجمل و احب نودة
ان شاء الله سنين جاية كتير تحققى فيها كل ما تتمنيه
و تفرحى بكوكو الجميل

يتبع

**admin** **admin** · 06-07-2016, 04:14 PM

مراقب عام ألهندسة الصناعية الغالية منى سامى

فكرة مبتكرة وجميلة نخرج بها من اطار
الشكل الاحتفالى التقليدى
الذى يضعنا في خانة الصور المكررة المحفوظه
الى اطار احتفالى جديد فى صور مبتكرة

مراقب عام ألهندسة الصناعية الغالية هند

كل عام وانتِ بالف خير
عيد ميلاد سعيد و رمضان مبارك

**هند** **هند** · 06-07-2016, 09:47 PM

منى حبيبتى
ربنا يخليكى و تسعدينا كلنا بتهانيك الجميله
ونتفاعل مع الصور الظريفه
تسلم ايدك حبيبتى
وفى انتظار المزيد منها
كل رمضان وانتى بخير
و كل اهل المنتدى بصحه و سعاده
السنه دى عيد ميلادى جاى فى ظروف صعبه شويه
وكنت متردده انى احكى
لكن اهل ألهندسة الصناعية
اسرة كبيره
ربما لم تتلاقى وجوهنا لكننا احبة فى الله
و ربما استجاب الله لدعوة احبائي فى الله لى بظهر الغيب

تدعولى بأيه ؟
هقولكو فى الرد اللى بعده

**هند** **هند** · 06-07-2016, 09:54 PM

شكرا يا امانى على التهنئه
كل سنه وانتى طيبه و رمضان كريم
وعشان احنا فى رمضان هكمل معاكى الحكايه
او حلقه من مسلسل( عيد ميلادى السنه دى)
واقولكم تدعولى بالشفاء
ونستكمل المسلسل الرد القادم ههههه

**هند** **هند** · 06-07-2016, 10:11 PM

اموله حبيبتى
كل سنه و انتى طيبه و رمضان كريم
نستكمل الحلقه معاكى
نقول الاسم بالانجليزى عشان الناس مش بتحبه بالعربى
قال يعنى اللى بالعربى ما يخفش
و لما نقوله بالانجلش يخف
هههههههههه
cancer

يتبع

**هند** **هند** · 06-07-2016, 10:16 PM

نانو حبيبتى
كل سنه وانتى طيبه ورمضان كريم
نكمل المسلسل
انا كويسه والحمد لله
بضحك زى العاده و بهزر زى العاده
مفيش حاجه اتغيرت
لكن بطلب منكم ان لا تنسونى بصالح الدعاء

**هند** **هند** · 06-07-2016, 10:33 PM

استاذ محمد
انا كمان خرجت عن الشكل التقليدى للردود
وقلبتها غم
هههههههههه
مفيش غم ولا حاجه
وكل اللى يجيبه ربنا كويس
كل سنه وحضرتك طيب
و رمضان كريم
و لان حضرتك صاحب كلمه
عيد ميلادك احلى عيد ميلاد

مش هحرمك من حلقه خاصه من مسلسل
(عيد ميلادى السنه دى)
هههههههههه
لانه فعلا كان احلى عيد ميلاد
لان ربنا اراد ان يكون اليوم موعد
انهاء خلاف او خصام دام لشهور
بينى و بين احد اصدقائى
الحمد لله
وارجوكم اذا حدثت مشكله بينكم وبين احبائكم
انتظروا حتى تهدأ الاعصاب
وتعاتبوا فى هدوء
واطلبوا تفسير لكل ما اغضبكم
فربما تجدوا عندهم من التفسير ما يرضيكم
ادام الله عليكم صحبة احبابكم

شكرا لحضرتك

**منى سامى** **منى سامى** · 06-07-2016, 11:33 PM

حبيبتى يا هند يا اطيب واحن قلب
من النهارده هسميكى المحاربه هند
انا بحب اقول اسمه بالعربى و بمنتهى الصراحة
السرطان يا هند السرطان بفضل الله ربنا اعطهولى
و بفضله حاربته و لسه بحاربه
و جوايا يقين انى هنتصر عليه
لازم تكونى قويه اوعى تستسلمى له
و لا تحسى انك اضعف انتى باذن الله اقوى
هتتعالجى وهتكونى احسن الف مرة
انا استاصلو من جسمى اماكن
و اخدت اشعاع و كيماوى
و شعرى وقع و شكلى كان شاحب
لكن جوايا عزيمة و حب يملا الدنيا
عشان كدا خلصت الكيماوى
و بدات فى العلاج الهرمونى
لكن بضحك و بحمد ربنا
و ما بخليش اى حاجة تاثر علي
علاقتى بربنا بقت اقوى
و عملت لنفسى برنامج اجتماعى
انى اعلم اى حد معلومه جديدة تكون فى ميزان حسناتى
انا عارفه انك قويه
و هتعدى من المحنه دى
و هتنتصرى على السرطان
عاوزاكى تعرفى حاجة ان السرطان خبيث بجد
لانه بيختار اروع ناس يسكن فيهم
شفاكى الله و عافاكى
يا ضحكة ألهندسة الصناعية التى ستظل تضىء اركانه
لم اراكى يوما لكن احببتك فى الله
كاختى التى ولدتها امى

**SaMaR_ BakR** **SaMaR_ BakR** · 06-08-2016, 02:55 AM

حلو الاحتفال السنه دى
منمن مكلفة ... هههههههه
كل سنه وعيد ميلادك مبتكر ومتجدد
ويشع بهجة و سعادة فى المنتدى
كما هو الحال فى مشاركاتك المتميزة

عيد ميلاد سعيد عليكى و على احبائك
شكرا منمن ... عجبتنى فكرتك اوى
تسلمى

يتبع

**SaMaR_ BakR** **SaMaR_ BakR** · 06-08-2016, 11:13 AM

هند حبيبتى
شفاك الله وعافاكى
انا اسفة جدا
اهتميت انى اهنيكى بعيد ميلادك
وقلت هاقرا تهنئة الحبايب بعدين

ولسه بقرأ ردودك اتفاجأت
حبيبتى هند
المرض يصغر قدام قوة ايمانك بالله
وتفاؤلك بشفاه سبحانه وتعالى
ويتضاءل قدام اقبالك على الحياه
بنفس طريقتك المميزة

حبيبتى بنفس الروح اللى بلغتينا بيها
بابتلاء ربنا ... واختباره لقوة صبرك و مقاومتك
عاوزاكى بنفس القلب ده والروح دى
تحطيه تحت رجلك

ربنا يعفو عنك ويطمنا عليكى

**هالة** **هالة** · 06-08-2016, 11:52 AM

هنودة ام كرملة السكرة
ام ضحكة جنان مليانة حنان
رمضان كريم حبيبة قلبي
شفاكي الله وعفاكي
وجعلها بردا وسلاما عليكي
ان شاء الله
المرض منحة من الله
لمن يحبه ويعلم انه قادر على التحمل
منحة ليزيد الاجر والثواب
جعله الله في ميزان حسناتك
حبيبة قلبي
ندعوا من قلوبنا لحبيبة قلوبنا

اللهم اشفها بشفائك
وداوها بدوائك
واغنها بفضلك عمن سواك
واحدُر عنها أذاك

اللهم اصرف عنها شر ما تجد
بدعوة نبيك الطيب المبارك المكين عندك
بسم الله

**جابر الخطاب** **جابر الخطاب** · 06-08-2016, 12:56 PM

غاليتي ابنتي العزيزة هند
النفوس الكبيرة ذات المطامح العالية
لا تنحني أمام العواصف لأنها اقوى منها وانت
كبيرة بإيمانك وثقتك بالله تعالى وبنفسك فلا تضعفي
وتستسلمي لليأس لأنه البوابة التي يدخل منها المرض
و يؤسفني ان اجد زهور عيدك السعيد قد اصابها الشحوب
و انت تستقبلين شهر الرحمة و الغفران جعله الله
شهر خير و بركة و شفاء فمنه الشفاء العاجل لك
و لأبنتي الغالية منى و كل الناس الطيبين
الذين نحبهم و نتمنى لهم من اعماق قلوبنا
كل خير و سلام دمت للورد و دام الورد متألقا بك

إعـــــــلان

تهنئة من انيمى ورد فى عيد ميلاد هند

تهنئة من انيمى ورد فى عيد ميلاد هند

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك