إعـــــــلان

**هند** **هند** · 08-20-2016, 08:12 PM

فنجان القهوة وتتطور الشخصيه
القهوة العشق الحلال

القهوه السرياقوسي
------------------

بتبقي عباره عن 3 معالق سكر لكل ملعقه بن ( 3 سكر : 1 بن )
مبدأيا معظم عشاقها بيبقوا غالبا من محدثين القهوه
اللي لسه مندمجوش ف الحوار أو من النوع اللي بيشربها كل فين و فين ..
قهوه تفضلها النساء في المجمل
و عموما السرياقوسي قهوه طريه لزوم الشاب الطري
ف بلاش تطول فيها كتير و إنتقل ع المرحله اللي بعدها
القهوه السرياقوسي ‏: سكر وبس-‏تجزيع- ‏فين الكيف؟

**هند** **هند** · 08-20-2016, 08:17 PM

القهوه الزياده
------------

بتبقي 2 ملعقه سكر لكل ملعقه بن ( 2 سكر : 1 بن ) ..
دايماً بتكون هيا المدخل اللي بتتسحب فيه نحو عالم إدمان القهوه اللذيذ
قهوه سكرها الزياده بيكسر طعم البن المر
اللي لسه كمبتدئ متعودتش عليه ..
فيه ناس بتستمر في تناول القهوه الزياده
كييفه الزياده بيبقوا ناس ف الأغلب بيهتموا بالمظهر علي عكس الجوهر ..
ناس مقضينها For Fun و يحبوا يعيشوا التجربه
من السطح بدون التطرق للأعماق
و بيقفشوا جامد لو القهوه جاتلهم ناقصه سكر
و دا يدل علي خوفهم من كل ما هو مظبوط أو مانو ...
‏
الزياده_حلوه_بس_لازم_تاخد_ا

**هند** **هند** · 08-20-2016, 08:24 PM

القهوه المانو
------------

هي الوسط بين المظبوط و الزياده
ملعقه و نصف سكر لكل ملعقه بن ( 1.5 سكر : 1 بن ) ..
المانو غالباً بيتم اللجوء لها في حالتين :
يا إما زهقت من الزياده و عايز تنتقل للمظبوط
و بتتعود تدريجياً علي تقليل السكر ..
يا إما إنتا أصلاً كييف مظبوط بس بتقعد علي قهوه
شغال فيها صنايعي فاشل و عمره ما عرف يظبط قهوتك
ف بتضطر تطلبها مانو بنية المظبوط
و التكتيك دا ناجح تماماً مع القهوجيه الفشله ..
المانو مرحله إنتقاليه مينفعش تقف عندها كتير
لانها ملهاش توصيف دقيق في علم القهوه و الأمزجه !!!
القهوة_المظبوط_أفضل_سأنتظر?

يتبع

**هند** **هند** · 08-20-2016, 08:38 PM

القهوة المظبوط
---------------

واحد علي واحد ( 1 سكر : 1 بن ) ..
قهوه متكافئه تماماً و السواد الأعظم من المدمنين
بيلعبوا في ال Category دا ..
قهوتك المظبوطه تدل علي شخصيتك المتزنه العادله
اللي مبتحبش حاجه تيجي علي حساب حاجه ..
إستمتاعك بطعم البن بكميه سكر متوازنه
بيخلق جو من السعاده المفرطه
التي لا تنتهي سوي مع أخر رشفه من الكوب ..
بإختصار كييف القهوه المظبوط إنسان برنس في نفسه لاقصي درجه ..
‏الإدمان_مستمر فى ‏مرحله_اللاعوده

**هند** **هند** · 08-20-2016, 08:47 PM

قهوة ع الريحه
---------------

( 0.5 سكر : 1 بن )
مبدأيا ؛ طالما وصلت للنقطه دي
يبقي إنت مدمن عشق إدمانه و قررت تعلي ال Dose
لانك مبقتش تتكيف زي الأول !!!)
مع السكر اللي بينخفض تدريجياً و طغيان طعم البن
فنحن أمام قهوه صنعت من أجل
ال Professionals Only
عشان مستحيل تلاقي مبتدأين بيشربوا القهوه ع الريحه ..
فيه قاعده عامه ؛
كلما قلت نسبه السكر بالنسبه للبن
زادت درجه جمدانك و برنستك و مزاجك ..
‏اللعب_مع_الكبار ‏كدنا_أن_نصل

**هند** **هند** · 08-20-2016, 09:00 PM

القهوة الساده
-----------

تجربه مريره .... لو مش قدها متجربش .......
الموضوع أكبر من تخيلك ......
تكمله الكوبايه بدون ما بطنك تقلب و نفسك تقفل
معناها ولاده وحش جديد مبيخافش من أي حاجه
بطل لا تقهره الظروف .....
شخصيا مش شايفها تنفع غير لأجواء العزاء و المواكب الجنائزيه ...
الموضوع عذاب بدون مبالغه ....
مع أخر رشفه منها بيتولد جواك شعور دفين بالألم و الحزن بدون مبرر !!! ..
و صلت ل‏مرحلة_الوحش و‏ عديت_البراميل

**هند** **هند** · 08-20-2016, 09:08 PM

أما على صعيد التقديم
فالقهوة «العثمانلي» مثلاً هي التي تقدم في كوب زجاجي

بينما القهوة «البناتي» والبعض يسمونها <البنانى>
هي تلك التي تقدم في الفناجين التقليدية.

و ماننساشى القهوة العربى اللى بتتقدم مع التمر
فى ابريق يسمى دلة وفناجين صغيرة بدون يد

يتبع

**هند** **هند** · 08-20-2016, 09:16 PM

كمان فى دنيا القهوة فى الافتكاسة المفتخرة دى
ملاعق مثبت عليها مسحوق القهوه
كل اللى عليك
انك تحطها فى الميه السخنه
تذوب القهوه فى الميه و تفضلك المعلقه تقلب بيها
فنجال قهوتك بالطعم اللى تحبه

و بمناسبه فنجال القهوة
احنا بنقول ع البرتقال برتقان
و علي الجول جون ، و علي الجرنال جرنان ..
ونيجي بقي عند الفنجان
اللى هو بحرف النون جاهز نقول عليه فنجال

**هند** **هند** · 08-20-2016, 09:23 PM

قبل ما اسيبكم اقدم لكم واحد من الذ المشروبات فى الحر

القهوة المثلجه باللبن

طريقتها سهلة قوى

هنعمل القهوة اللى بنحبها ونزود فيها السكر شويه
لما تبرد نحطها فى قوالب التلج ونسيبها فى الفريزر لحد ما تتجمد

نخرج القوالب من الفريز ونصب عليها اللبن

و بالهنا و الشفا

دمتم بكل خير

**Amany Ezzat** **Amany Ezzat** · 08-20-2016, 09:24 PM

بصرف النظر يعني عن اني بحبها مظبوط
و طبعا دا معناها واضح من الموضوع
لكن كمية الفناجين التحفة دي
كان لازم اعمل فنجان قهوة في الحال
تسلمي هنودة الجميلة
على العرض الجميل المظبوط جدا

**نااانو** **نااانو** · 08-20-2016, 09:49 PM

حلو قوي و مظبوط جدا
لكن اللى مالوش في القهوة
تتعرفي عليه ازاى
ههههههههههههه
تسلم ايدك هنودة حبيبتى
على موضوعك الجميل
و صراحة الصور جميلة جدا
مغرية جدا لاصحاب المزاج العالي
شكرا يا قمر

**admin** **admin** · 08-22-2016, 06:09 AM

مراقب عام ألهندسة الصناعية الغالية هند
موضوع محوج له مذاق خاص
تابعت معك كل مراحل اعداد القهوة
و كنت متشوقا ان اصل الى الجزيرة التانية
و طبعا لا تبدأ مرحلة الجزر الا للى عدى البراميل
استمتعت بالمحتوى و تذوقت الصور المضافه الجميلة
شكرا لكِ

**هالة** **هالة** · 08-22-2016, 06:02 PM

يا خبر يا خبر يا خبر
دانا طلعت مليش شخصية خالص
ههههههههههههههه
صراحة لا ليا في القهوة و لا الشاي
ممكن اعد لحضرتك عدد فناجين القهوة
اللي شربتها في حياتي كلها
صحيح الموضوع رائحته شهية
لكن لاصحاب المزاج العالي
بالهنا و الشفا
تسلمي هنودة الحلوة
و شكرا على فنجان القهوة الافتراضي
دمتِ بكل خير حبيبة قلبي

**shoshe** **shoshe** · 08-27-2016, 12:58 AM

يا صباح العشق المجنون للقهوة بعشقها

إعـــــــلان

حدد شخصيتك من فنجان قهوتك

حدد شخصيتك من فنجان قهوتك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك