إعـــــــلان

**admin** **admin** · 10-30-2016, 11:23 AM

حبيبة ألهندسة الصناعية ومراقبه العام منى

انتظرت بث الحلقة بفارغ الصبر فى حينها
و تابعتها من بدايتها و حتى نهايتها باهتمام بالغ
واثقا من قدرة الانسان الهائلة على تحويل الطاقة السلبية
الى طاقة ايجابيه هائلة مفيدة و خلاقه
لما لا و هذا المخلوق العجيب اتى الى الدنيا و يعلم تمام العلم
انه لن يخلد فيها و ان مكوثه فيها لن يتعدى باى حال من الاحوال
اكثر من بضع عشرات من السنين ينتج خلالها ما يمكن ان يمتد اثره
حتى الاف السنين
و قد يعوقه معوقات خارجه عن ارادته تحول بينه و بين ما ينتجه
و هنا تبرز فكرة تحدى المعوقات و تخطى اثارها
و تتبلور فكرة الامل في غد افضل و الخروج من الانا العليا
و التفكير في الفائدة العامة
و هذا الفكر المبدع الذى ابهرنا به اهل ألهندسة الصناعية
صراع الالم و الحزن و الحرب و الظروف الحياتية الغير مهيئة
تتحول الى طاقة ايجابية مذهله تنتشر هنا و هناك
لتكون نبراسا ينير الطريق لمن يلينا و ياخذ بيد من معنا
لتكون الحياة نموذجا مميزا للعطاء
حبيبة ألهندسة الصناعية الغالية منى
احييك على بث هذه الطاقه الايجابيه فيمن حولنا
كما احيي اهل ألهندسة الصناعية و كل من سخر طاقته
في مكافحة الآمهُ بتحريض نفسه و غيره بما لا يضره
فى عمل ايجابي مثمر و بناء
و اشكرك لطرح موضوعك المحفز الجميل

**هند** **هند** · 10-30-2016, 12:31 PM

حبيبتى يا منى
انتى جميله و كلامك جميل
و اعمالك و افكارك كله جميل جميل جميل
انا غيرانه منك لانى نفسي اعمل زيك
نفسي احول موضوع التجارب لكورسات
و حاولت مرة فعلا لكن منعنى الخجل
و عدم ثبات مواعيد التعب و الراحه
من استكمال الفكرة
عايزه ازود على كلامك ان المرض
له ميزه جميله انه بيكشف لك حبايبك الحقيقيين
مين واقف جنبك بجد و مين بيسأل عليكى
و مين جه من اخر الدنيا
عشان يشوفك و يطمن عليكى
و مين ما فكرش حتى يرفع سماعه التليفون مرة يسأل عليكى
حقيقى انا سعيده لان المرض رجعلى احبه كتير كانو اتنسو
وقعوا منى فى زحمة الحياة رجعولى بالسلامه الحمد لله
حبيبتى ما شاء الله عليكى ربنا يتم شفاكى
و يفرحك بأولادك و احفادك ان شاء الله

**منى سامى** **منى سامى** · 10-30-2016, 06:23 PM

استاذنا الغالى محمد ورد
اسعدنى جدا اعجابك باللقاء
و فكرة بث روح الامل لاى مريض
عندما طلب منى فريق اعداد البرنامج
انى اتكلم عن مرضى كنت هرفض فى اول الامر
و لكن فكرت انى استفيد من الفرصة
و اضىء و لو شمعه لكل مريض مستسلم
و ابعث برساله صغيرة
اننا عندما نعمل شيء نحبه يهون علينا الالم
و مجرد تمسُكنا باشخاص و اماكن نحبها
يزيل معاناة اى مرض
كفاك الله شر المرض و متعك بالصحة و العافيه
و يباركلك فى عملك و احبابك

**Amany Ezzat** **Amany Ezzat** · 10-31-2016, 06:01 AM

الله عليك يا منى
اولا كنت زي القمر
على مستوى اول طلة
بعد ما بدا الكلام ..........
بجد احساس ما يتوصفش
ناديت الاولاد ، كلمت اختي ، و صحباتي
يجيبوا القناة حالا
اللي بتتكلم دي صاحبتي
الله عليك
على جرعة الامل
و الصبر و الرضا في كلامك
الله على اعمالك الجميلة
ما شاء الله في كل المجالات الفنية
الله على ذوقك و رقتك و جمالك
كنت جميلة فوق العادة
ربنا يحميكِ و يحافظ عليكِ حبيبتي
اللي مش قادرة اوصفهولك
كمية الطاقة الايجابية بعد الحلقة
قررت لازم اغير حياتي او على الاقل
حاجات كتير فيها ..... كل دا بسببك
ربنا يجعله في ميزان حسناتك
و يبارك في اولادك و احبابك
و يصلح ما بين ايديك
و يبعد عنك كل شر

**نااانو** **نااانو** · 10-31-2016, 04:32 PM

الله الله على الجمال
كان لقاء اكثر من رائع
جمال وثقة في الكلام واداء هادي جميل
كل ماكانت تعاد اتفرج على الاعادة
طبعا انتى عارفة رايي فيها من اول مرة
ربنا مايحرمنا منك
ولا من فنك ولا من طاقتك الايجابية الرائعة
تسلمى لى يااجمل اخت وصديقة
ربنا مايحرمنى منك حبيبة قلبيى
وطبعا الردود الجميلة في الموضوع
كلها حافز للامام
تسلمو يا اجمل ناس عرفناهم
ربنا مايحرمنا من ألهندسة الصناعية
الذى اعطانا من رحيقه طاقة لاتوصف

**منى سامى** **منى سامى** · 11-01-2016, 06:42 PM

حبيبة قلبى ملاك منتدانا الغالية
هند
اجمل وارق قلب رفيقتى فى رحله الالم
اجمل محاربه تحمل بدل السيف اجمل ابتسامه
باذن الله هنقهر السرطان بقوة ايمانا وضحكة من القلب صافيه
عوزة اقولك حاجة يا هنوده
انا كنت زيك زعلت من ناس ماسالوش عليا فى مرضى
لكن بعد ماعرفت اسبابهم سامحتهم
فى ناس يا هنوده يصعب عليها تشوف احبابها بتتالم
تخاف تجرحهم بنظرة او كلمه شفقه
بتقرر تطمن عليهم من بعيد لبعيد
وتدعيلهم من كل قلبها بتمام الشفا
التمسى لهم الاعزار ربنا اعلم بمشاعرهم
كنت عوزة اهمس فى ودنك كلمه سر
انا اللى بغير منك يا هنودتى
اخلاصك ووفاءك وقوتك اللى فى ضحكتك رغم الالم
عنوان جميل لشخصية اجمل
بحمد ربنا انى اعرفك وبحبك رغم انى لم اراكى
ولكن انتماءنا لوطنا الغالى ألهندسة الصناعية
جعلك اقرب الناس لقلبى
اشكرك وادعو لك بتمام الشفا باذن الله

**هالة** **هالة** · 11-04-2016, 09:38 AM

يمكن مكنش ليا نصيب اشوف الحلقة
في وقتها على الهواء
لكن متابعة التسجيل لم تُضف كثيرا
الى فكرتي عن صاحبتي وحبيبتي
اللي بتنور الدنيا بوجودها وكلامها وفنها
المرض عمره ما كان عائق
العوائق من صنع الانسان نفسه
المرض بيكون حافز لعمل شيء
يفضل موجود حتى بعد رحيل صاحبه
المرض مرض همة وعدم ارادة
التحدى مش تحدي المرض
لا التحدي بيكون تحدي قلة الهمة والعزيمة
وفوق ده كله الرضا بقدر ربنا
منى الحبيبة
حلوة الروح والقلب
ربنا يمن عليكِ بكل خير
ويصرف عنك وعن كل مبتلى
شر ما قضى
يا رب دايما متألقة متدفقة بالحيوية
ودي وحبي حبيبة قلبي

إعـــــــلان

المرض مش عزلة لقائى فى برنامج حياتنا

المرض مش عزلة لقائى فى برنامج حياتنا

تعليق

تعليق

تعليق

تعليق

تعليق

تعليق

تعليق

مواضيع تهمك