إعـــــــلان

**Amany Ezzat** **Amany Ezzat** · 02-01-2017, 06:41 PM

أغنية سلملنا على التروماي
ألحان سامي البارودي غناء نجاح الموجي
فيلم الغضب

اتفضل من غير مطرود
واياك تتجنن وتعود
دا الداخل عندنا مفقود
والخارج من هنا مولود
سلملنا بقى ع التروماي
***
حتسيب مستشفى المجانين
وتعيش مع مجانين تانيين
ما هي دنيا تجن العاقلين
اوعى تروح بقى في الباي باي
***
دنيا بتدي للهبيش
ويا عيني علينا يا حرافيش
نشقى عشان حبة ملاطيش
ما يكفوش العيش والشاي
***
دنيا و دايرة خلف خلاف
والمجانين فيها اصناف
كله لازمله قميص بكتاف
من اوطى ما فيهم للهاي

**Amany Ezzat** **Amany Ezzat** · 02-01-2017, 06:45 PM

أغنية الشراع المكسور
ألحان عمر خيرت غناء علي الحجار

يا شراع يا مكسور اسعى وانسى اللي راح
واضرب بمجدافك تطيب الجراح
***
تايه أنا في بحر الحياة بتنفض
والموج بيعلى ف قلبي وينتفض
نجم الطريق يشاورلي، علم الطريق
إيه يتقبل منها وإيه يترفض
**
حتقوم يا موج وماله منا قمتلك
حتزوم تحمحم برضه حمحمتلك
معلوم يا موج ما اهه انت علمتني
أنك هتغدر بيا لو نمتلك
***
ده الموج ده ولا عرف خيل السنين
رايح لفين ومنين يا موج جاي منين
البحر قال ما عرفشي
بس الحنين مواعدني ياخدني لشطوط الانشراح
***
بحر الحياة مفتوح في كل اتجاه
فيه اللي تاه بين مال وسلطان وجاه
واللي ضميره هداه لشط النجاه
حقق رجاه لقى أخر الضيق براح

**Amany Ezzat** **Amany Ezzat** · 02-01-2017, 06:49 PM

أغنية دور يا زمن
ألحان عمر خيرت غناء علي الحجار

دور يا زمن
وخدنا في دايرتك
وان عاكستك خطاوينا او سايرتك
هتدور بينا يا زمن.. هتدور ينا
وتجيب اخرنا ولا بنجيب اخرتك
***
لا الجرح باقي
ولا الحياة بتنتهي
ولو انتهي يوم
يوم جديد يبتدي
وبعد ضلمه ليلنا
هتزهزهي يا دنيا
مع طلعه صباحنا الندي
***
هنعيش يا قلبي
مع ذكريات الهوى
وهتنطفي ويا السنين قهرتك
ونكون سوا من غير ما نبقي سوا
دور يا زمن
وخدنا في دايرتك

**Amany Ezzat** **Amany Ezzat** · 02-01-2017, 06:52 PM

ما بلاش

ألحان بليغ حمدي غناء علي الحجار

ما بلاش نكدب على روحنا ويضيع عمرنا ببلاش
هنزود ليه في جروحنا بحاجات ما بنقصدهاش
ما بلاش نتعب بعضينا خلينا نعيش ليالينا
واما الأيام تدينا فرحة ما نضيعهاش
***
ما لناش غير بعض يا روحي عن بعض ما نستغناش
طب ليه تبعدي وتروحي لبلاد ما بنعرفهاش
بتقولي هترجعي تاني ويروق وياكي زماني
ليه نتعلق بأماني يمكن ما نحققهاش
***
ما بقاش فيه حاجة تساوي نبعد عن بعض كتير
لا انا غاوي دموع ولا غاوي سهد وحيرة وتفكير
خليكي هنا وخلينا نكبر سوا مع بعضينا
دا حنا ان بعدت أراضينا الشوق ما بيرحمناش
***
ما فيناش فرقة استكفينا الأيام ما بتستناش
دي ان راحت من أيادينا أبدا ما نعوضهاش
هو اللي نقوله نعيده حبنا عمره ما حيفيده
تعب القلب وتنهيده دا احنا لسة ما عيشناش

**Amany Ezzat** **Amany Ezzat** · 02-01-2017, 07:26 PM

تتر مسلسل المال و البنون
ألحان ياسر عبد الرحمن غناء علي الحجار

المقدمة
قالوا زمان دنيانا دنيا غرورة
وقلنا واللي تغره يخسر مصيره

قالوا الشيطان قادر وله ألف صورة
قلنا ما يقدر ع اللي خيره لغيره

إيه معنى دنيتنا وغاية حياتنا
إذا بعنا فطرتنا البريئة الرقيقة

إزاي نبص لروحنا جوا مراياتنا
إذا احنا عشنا هربانين من الحقيقة

المال تجيبه الريح وتاخذه الهوايل
أما البنون يوم الحساب بيفوتونا

مال إيه ده لو كان مال قارون كله زايل
ولا غير عمايل الخير ياهو ينجدونا

قالوا زمان دنيانا دنيا غرورة
وقلنا واللي تغره يخسر مصيره

قالوا الشيطان قادر وله ألف صورة
قلنا ما يقدر ع اللي خيره لغيره

ومين نكون إن بعنا يومنا وماضينا
وليه نعيش إذا كانش بكرة يراضينا

وازاي ننام من غير ما نحلم ببكرة
وبكرة ده منين ييجي إلا بإيدينا

قالوا زمان دنيا دنية غرورة
وقلنا واللي تغره يخسر مصيره

قالوا الشيطان قادر وله ألف صورة
قلنا ما يقدر عللي خيره لغيره

نهاية

بأحلم وافتح عنيا على جنة للإنسانية
والناس سوا بيعيشوها بطيبة وبصفو نية

أحلامي تصلبلي ضهري ويروق ويصفالي دهري
ويلالي زهري وجواهري لكل ناسي وليا

بأحلم وافتح عنيا على جنة للإنسانية
والناس سوا بيعيشوها بطيبة وبصفو نية

يا دنيا مهما تغري غيري مسيرك تمري
وبعد مري تسري نفسي العفيفة الغنية

بأحلم وافتح عنيا على جنة للإنسانية
والناس سوا بيعيشوها بطيبة وبصفو نية

لاالمال ينور طريقي ولا البنون بلوا ريقي
عملي في حياتي رفيقي في وقفتي الآخرانية

بحلم وافتح عنيا على جنة للإنسانية
والناس سوا بيعشيوها بطيبة وبصفو نية

**Amany Ezzat** **Amany Ezzat** · 02-01-2017, 07:34 PM

و أخيرا
تتر مسلسل أرابيسك
ألحان عمار الشريعي غناء حسن فؤاد

مقدمة
وينفلت من بين إيدينا الزمان
كأنه سَحبة قوس فى أوتار كمان
وتنفطر ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
***
الشر.. شرَّق وغرَّب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
وينفلت من بين إيدينا الزمان

نهاية
ويرفرف العمر الجميل الحنون
ويفر و يفرفر فرفة قانون
وندور نلف ما بين حقيقة وظنون
وبين قسى هفهاف
وهفة جنون
دنياك سكك حافظ على مسلكك
وامسك فنفسك لا العلل تمسكك
وتقع فخيه تملكك تهلكك
اهلك يا تهلك
دنتا بالناس تكون
ويرفرف العمر الجميل الحنون
ان درت ضهرك للزمن يتركك
لكن سنابك مهرته تفركك
وإن درت وشك للحياة تسبكك
والخير يجيك بالكوم وهمك يهون
ويرفرف العمر الجميل الحنون

**Amany Ezzat** **Amany Ezzat** · 02-01-2017, 08:08 PM

ودع حلمه و عبى دموعه في قلمه و نام

**Amany Ezzat** **Amany Ezzat** · 02-01-2017, 08:14 PM

هكذا كل ما هو جميل و اصيل و باقي في ذاكرتنا
و محفور في وجداننا يحمل توقيع سيد حجاب

سيد حجاب بريشة الراحل سيد عبد الفتاح

طيب الله اوقاتكم
تحياتي

**Amany Ezzat** **Amany Ezzat** · 01-25-2019, 11:29 AM

الذكرى الثانية للراحل الكبير سيد حجاب
و تبقى الكلمات بقاء الزمن

يا مركب العمر هو العمر كام واحد
يا عيشته كله يا ضيَّعته و عليك واحد
ما تقولش أصلك و فصلك كلنا واحد
من أصل واحد و رب الكون إله واحد

**هالة** **هالة** · 01-26-2019, 05:10 AM

رحمة الله عليه الانسان كلمة يفتكروه بها
و سيد حجاب دواوين يغنوها
رحمة الله عليه و على كل احبابنا

**Amany Ezzat** **Amany Ezzat** · 01-26-2019, 10:14 AM

حقيقي فعلا شكل ذاكرة شعب
بدواوينه المغناة المحفورة داخل وجداننا

شكرا لمرورك العطر
حبيبتي الفنانة الجميلة
هالة علي

**زهرة الكاميليا** · 02-04-2019, 08:04 AM

لو كنت أمير من أمراء الحواديت
كنت ادى لكل فقير و فقيرة بيت
بيت بجنينة مليانة زهور
و بعشة مليانة كتاكيت
و أعلّق فوقه قمر بنور
و نجوم لولى فتافيت فتافيت

أخذتنى الذكريات و زمن فات مع أغانى و بدايات و نهايات مسلسلات
مع كل ما اوجعنا و مس المشاعر بالشجن بالفرح و بالحكمة
دائما كان سيد حجاب قريبا منا يحفر فى القلوب إسمه
باقيا ما بقيت المشاعر و الاحاسيس رحم الله سيد شعراء العامية
و جازاه خيرا بما نفع به الناس
أما بعد أمانى الحبيبة فإن الكلمات لن تفيك حقك
فى هذه الجولة الوافية المتكاملة
كمرجع فيما يخص إبداعات الراحل الرائع
شكرا لك دمت بكل الخير

إعـــــــلان

سيد شعراء العامية الشاعر سيد حجاب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك