ماشاء الله عمل مبهر
قمة الروعة و الاتقان
دام الألق و الابداع
ربنا يبارك في حضرتك
شكرا لانك هنا
في انتظار المزيد

العزيزة هالة ..
مساء التذوق الفنى والحس المرهف ..
السعادة لى أنا إنك تتابعى أعمالى ..
كل الشكر ودمت بخير .

الأخت الكريمة Amany Ezzat
الشكر لكم أنتم لقبولى بينكم ..
بارك الله فيك ..
ودمت بخير .

صراحة مافيش كلام يوفي هذا العمل حقه
ابداع ماشاء الله
تسلم ايدك و فنك و ابداعك
ربنا يبارك في موهبتك
وفي انتظار ابداعات كثيرة قادمة

ربنا يبارك فيكى يا أستاذة نااانو .. كلك ذوق والله .. يارب دايما مشرفة موضوعاتى .. ويعجبك ما أقدمه .

حبيبي الفنان طارق لطفى
تحفة معمارية مصغرة
و على الرغم من كثرة التفاصيل و دقتها
الا انك كفنان مبدع و مثابر لانجاز العمل
على اروع ما يكون لتقدم لنا قطعة فنية
و وحدة اضاءه متعددة الالوان تسحق الصبر
و العمل الدوؤب و الوقت المستغرق
و عذرا لتأخرى في الرد و لا يعنى ذلك
اننى لم اتابع عملك الرائع بل تابعت
الموضوع حين ادراجه و راجعت الصور
و دققت النظر فى تفاصيل العمل الرائعة
زيادة فى الاستمتاع
فى انتظار كل جديدك الرائع دائما
شكرا لك

الأستاذ محمد ورد اشكرك لمتابعة الموضوع أولا
و لكلماتك الرقيقة ثانيا فلقد كنت حريصا
أن أعرف رأيك فى هذه القطعة
لأنها من الأعمال التى أعتز بها كثيرا
شكرا مرة ثانية و دمت بخير .

درة التاج و دلوعة الباب العالى
اعجزنى اعجابى و انبهارى بها عن الكلام
مش هقول غير الله الله الله
تسلم الايادى

الله على ذوقك انتى والله يا هند
أنا كده ح أعيط بقى
تشرفينى بزيارة موضوعين ليا فى يوم واحد
ربنا يجازيكى خير على تشجيعك .

ربنا يخليك يا استاذ طارق
على فكره نادر جدا انى اكتب ردين فى موضوع واحد
وكمان انا مش فضوليه خالص
بس عندى المره دى فضول شديد
انى اسأل حضرتك على حاجه
الماكيت الاساسي بتعمله ازاى
يعنى الاطوال والابعاد والنسب
وكل التفاصيل وسؤالى اقصد بيه الناحيه الهندسيه
والحسابيه مش الفنيه
معلش بقى الطبع العلمى غلاب
ههههه
شكرا لحضرتك

العزيزة هند .. فى البداية مفيش أى مشكلة فى السؤال..وأنا تحت أمرك .. صلى على النبى .. لما أحب أبدأ مشروع زى الجامع مثلا .. ابتدى أقرأ عنه .. أوقات ألاقى ضمن القراءة ما يفيد .. طول،عرض، ... وأوقات لأ..
نقول مثال عملى علشان المسألة توضح .. أنا حاليا باستعد علشان المشروع الجديد ( جامع الرفاعى ) عرفت إن طوله 98 متر وعرضه 76 متر .. لكن إنى ألاقى حاجة عن أرتفاع المئذنة مثلا .. أو إرتفاع القبة .. أبدا ..طيب هو له قبتين واحدة بارزة بين المئذنتين وواحدة داخلة لجوه شوية حتى مش بتظهر فى 90% من الصور .. طيب المسافة بينهم قد إيه؟ مفيش طيب الواجهة الشرقية ..شكلها معقرب قوى ( اللى مرسومة على العشرة جنيهات ) طيب أعمل إيه ؟! أقولك أنا بقى .. أقوم بتجميع أكبر قدر ممكن من الصور للجامع من مختلف الزوايا .. حبيت أجيب مثلا إرتفاع المئذنة أجيب صورة فيها المئذنة بشرط يكون معاها أحد الأضلاع المعلومة عندى وأشوف النسبة بينها وبين الضلع ده واكرر الخطوة دى فى أكتر من صورة للمئذنة من أوضاع مختلفة حتى أتأكد من صحة النسبة ..طبعا أنا بشتغل بمقياس رسم فى القطعة بتاعتى .. أضرب النسبة دى فى مقاس الضلع الحقيقى يبقى عندى المقاس اللى حشتغل عليه فى مشروعى .. أكرر بقى الموال الطويل ده فى كل جزء مقاسه مجهول بالنسبة لى .
طيب لو معنديش أى مقاس أبدأ به بعد البحث والقراءة .. تبقى البداية من الصور أختار صورة فيها الواجه ظاهرة كويس وبدون أى ميول ويبقى ده حجر الأساس اللى أخد عليه مقاساتى.وأختار مقياس الرسم المناسب للحجم بتاعى وأشتغل ونطبق بقى فرض بوانكاريه الحفاظ على النسبة فى كل جزئية من العمل .
يارب أكون قدرت أوصل لك الفكرة .. وآسف إن كنت قصرت .

الف صلاه وسلام على النبى اولا
ثانيا
كويس انى سألت لان اتضح من الاجابه ان فيه جهد كبير جدا جدا
مبذول فى كل مجسم ولكنه جهد خفى
الحسابات والهندسه جندى مجهول يخدم العمل فى صمت
ثم يعود كل التقدير على النواحى الفنيه
ولكن هذا الجهد الخفى لا يقدره سوى العلماء امثالى
ههههههه
تسلم ايد حضرتك
وربنا يعينك لان الموضوع كبير كبير كبير
واشكر حضرتك على الرد المفصل
وعلى اشباع فضولى العلمى
شكرا مرة اخرى وفى انتظار جامع الرفاعى
قريبا ان شاء الله

ماشاء الله مجهود رائع
تسلم الايادى