تويت
استاذتنا منى سامي
اشكرك لرجوع موضوع كرسي الاعتراف
موضوع جميل ومبدع
وفي انتظار رد استاذه اماني عزت
على الاسئله
اشكرك لرجوع موضوع كرسي الاعتراف
موضوع جميل ومبدع
وفي انتظار رد استاذه اماني عزت
على الاسئله
-
-
بسم الله الرحمن الرحيم
مساء الورد
على كل اهل ورد الغاليين
سعيدة جدا بعودة كرسى الاعتراف
و سعيدة بسبب رجوعه
و يارب أكون ضيف خفيف عليكم
فى البداية اسمحولى اعتذر واجب
عن التأخير لسبب خارج عن إرادتى
تسلمى حبيبتى الغالية
ست الكل منى سامى
على المقدمة الرقيقة وأيضا
لاستضافتى على كرسى الاعتراف
امانى عزت
رددى معى هذا القسم
اقر واعترف انا امانى عزت ان
اجيب بمنتهى الصراحة والوضوحولا اخفى شئ ولا اجامل
أقر و أعترف أنا أمانى عزت
أن أجيب بمنتهى الصراحة و الوضوح
ولا أخفى شئ و لا أجامل
س1- هناك اشخاص لهم الفضل الكبير فى نجاحنا
من هؤلاء وما دورهم فى حياه امانى عزت الانسانه ؟
أكيد الفضل الأول لوالدتى
فى بناء شخصية و نجاح
فقدت والدى و أنا دون العاشرة
وكانت هى كل حياتى
أكيد الأهل كمان ليهم فضل كبير
فأنا أكبر الأحفادولذلك تمتعت
بوضع ومكانة خاصة عند الجميع
الحمد والشكر لله
من الأخر كدا أنا الكبيرة
س2- ليس كل ما يتمناه المرء يدركه
ايه اللى كنتى بتحلمى بيه ولم ولن يتحقق
وايه اللى تمنيتى تحقيقه وما زالت امامك الفرصه لتحققيه
بعض الأشياء نحتاجها و أخرى نتمناها
و لا نحصل الإ على ما قدره الله لنا
اللهم قدر لنا الخير حيث كان ثم ارضنا به
أحلام و أحلام و أحلام
بعض الأحلام جمالها ان تظل احلام
و كم من أحلام قتلتها الجراح
وأحلام فات أوانها و مستحيل تتحقق
أهمها و ممكن تكون غيرت مسار حياتى
هو رفض والدتى التحاقى بكلية الفنون الجميلة
بالقاهرة لبعد المسافة و لم يكن أمامى
سوى كلية الهندسة
اتعرضت وقتها لهزة نفسية قوية
لكن الحمد لله عدت زى أى حاجة ما بتعدى
لكن وهيا معدية سابت شوية حاجات
كل آمالى إن ربنا يقدرنى و أحقق لأولادى
كل اللى يتمنوه
س3- ما الذى جذبك لألهندسة الصناعية
وما العيوب التى تتمنى ان تعالجيها فيه
جمال الورد وسحر الورد وعطر الورد
هو ممكن يكون فى عيب فى الورد !!!!!!!!!!!!!!!!!!!!!!!
تعليق
-
س4- اكتر موقف سببلك قلق وعرفتى منه طعم الخوف
ياااااااااه
كان فعلا شئ مرعب بالنسبة لى
الجاثوم
تقدرى تقولى انى اول مرة تحصلى الحكاية دى
فعلا كان شئ فوق احتمالى لانى عمرى ماسمعت عنه
و كمان كنت خايفة احكي
لكن بعد ما بحثت عنه الحمد لله راح الرعب
و عملت موضوع بتجربتى على المنتدى
س5 -ضريبه النجاح هذه مقوله دايما نسمعها عن الشخص الناجح
فما هى ضريبه نجاح امانى وهل تعتبرى نفسك انسانه ناجحة؟
الحمد لله و بفضل الله عليه انى راضية بحالى
لكن أنا بحس انى عايشة بشخصيتين و الاتنين مش كاملين
يعنى مش قادرة أحب شغلى كمهندسة
وفى نفس الوقت مش حاسة أنى فنانة
ممكن متذوقة ممكن عندى حس فنى عالى
لكن ..............
الرأى للجمهور
س6- الاصدقاء الاوفياء هم من نتمنى مقابلتهم هل صادفتى الصديق الوفى ؟
من السهل انك تلاقى حد تتكلم معاه
لكن صعب إنك تلاقى حد يلمس اللى جواك
حد ممكن احساسه بيك يكون أعلى من مقدرة كلماتك عن التعبير
س7-يعيش المعلم ويتعلم ماهو الشئ الذى تتمنين ان تتعلميه؟
يا ست الكل الله يخليك
انا بحاول اتعلم اى حاجة فنية
لكن المشروع المؤجل ومش عارفه ليه
التطريز بشرائط الستان
أهم حاجة عندى التارة لانى عملت عليها تابلوه سيرما قبل كدا
لكن مش عارفه ليه دايما بيكون فى حاجة متكملش
س8 هل انت غيورة--هل جربتى نار الغيرة ----ايهما افضل بالنسبه لك الرجل الغيور ام
الرجل الذى لا يغير ---- وما تصرفك عندما تشعرى بغيرة انسانه منك؟
فى اعتقادى الشخصى
عمر الغيرة ما كانت دليل على الحب
الغيرة = احساس بالنقص
وما تصرفك عندما تشعرى بغيرة انسانه منك؟
على قد ما أقدربحاول أعالج الموقف
حتى لو هسفهه من الشئ اللى هيا غيرانه منه
وبكون مشفقة عليها لأن دا مرض
ممكن يدمرها ويفقدها قدراتها
اللى ممكن تكون أفضل منى بكتير
لكن مش قادرة توظفها أو جانبها التوفيق......
ربنا يعافينا
س9- امانى حبيبى كثير منا يحمل ذكريات من الطفوله وكانها مرت امس فقط
فما ذكريات الطفوله التى تصاحبك حتى اليوم ولا تذهب من خيالك؟
لكن بعد كل العمر دا من حوالى 33 سنة
مازال يوم وفاة والدى الله يرحمه
لا يفارق خيالى وكأنه أمس فقط
اسمحولى بهذه الرسالة
أبى قد كنت صديقى الوحيد فى هذا العالم
فى وجودك لم أشعر و لو بلحظة بالفراغ
وكأنك كنت تعلم بأنك ستفارقنى سريعا
أبى لم ولن أفقدك الى الأبد
لأنك تعيش بداخلى تسكن أعماقى
رغم قلة ذكرياتى معك
اذا ابتعد عنى كل من فى هذا الكون
فستظل روحك معى أينما كنتتعليق
-
س10- لو كنت مدير ألهندسة الصناعية لفعلت ---------------------------؟
Oh MyGod
أكيد عمرى ما أقدر مجرد إنى أتخيل
أى شخص أخر فى مكان الأستاذ محمد ورد
س11- الفن موهبه فطريه ليس لها حدود
احيانا تكون وراثه حتى وان اختلف المجال
ترى متى اكتشفت امانى فى نفسها الموهبه الفنيه
وما هى الفنون التى تعشقها مما نعرفه ومما لانعرفه ؟
أكيد فضل من ربنا عليا
إنى أحب الفن و أعشق كل ما هو جميل
قبل أن أتعلم الكتابة كان والدى الله يرحمه
يشترى القصص التلوين والألوان
وسبحان الله كنت اللون كويس جدا
لكن عمرى ما عرفت أرسم
هقول لحضرتك من الطفولة كان دايما كراساتى
مميزة عن باقى زملائى
والدتى كانت لا تبخل بشراء أى شئ
علمتنى شغل الكانفاه و كنت فى الصف الأول الأبتدائى
فاكره أول حاجة عملتها وبعد ما خلصت
كتبت اسمى بالشغل على حرف المربع و كأنه توقيع
لكن وقتها كان اختراع ايه الطفلة اللى بتشتغل
و بعد ماتخلص توقع على الشغل
بالنسبة للوراثة كان عندى عمى الله يرحمه
محب لجميع انواع الفنون
كان بيكتب شعر وكمان يلحنه على العود
وكان فى رسم البورتريه و لوحات الرسم بالزيت حكاية
ممكن يكون من صفاتى الشخصية أنى بحب أكون منتجة
بحب أعمل أى حاجة ومعنديش مانع أتعلم كل حاجة
مش عارفه دا عيب و لا ميزة
لكن عموما هو طبع
أكيد بحب القراءة جدا والحمد لله عندى مجموعة كتب رائعة
لكن الوقت والشغل و الأولاد.............
دلوقتى ممكن بفضل القراءة الالكترونية أكتر
ممكن الحاجة اللى كانت قريبة منى
من زمان كانت الموسيقى
الحمد لله دخلت مسابقات على مستوى المركز والمحافظة
فى المرحلة الثانوية حصلت على جوائز
فى العزف على المندولين
لكن برضو البيت والشغل و الأولاد........................
س12- مابين الموهبه الفنيه والدراسه علاقه بميول الانسان
الى اى مدى كانت احداهما فى خدمه الاخرى
وهل دعمت موهبه امانى عملها ام دعمت دراسه امانى
موهبتها الفنيه ؟
تقصدى الدراسة الجامعية
حاولت أتأقلم مع وجودى فى هندسة
أكيد كانت الشيات و لوحات الرسم غير زملائى
مانساش د محمد فؤاد رئيس قسم اتصالات فى هندسة الزقازيق
كان دايما يقولى انت دخلتى هندسة غلط
لكن الدراسة أضافت كتير وخصوصا مادة الرسم الهندسى
ممكن يكون نمى عندى الاحساس بالخط الأبعاد
ممكن نقول دقة فى التفاصيل حتى الصغيرة
ان شاء الله موجودة وجاهزة لو فى أسئلة تانيةتعليق
-
اهلا بك امانى
نورتى الكرسى بجمال حضورك
وشفافية ردودك
انسانة واضحة مثقفة فنانة رقيقة
وانا شخصيا سعيدة جدا بمعرفتك
وسعيدة بانك اول ضيفة
على الكرسى بعد افتتاحه من جديد
منورة منتديات ألهندسة الصناعية
بكل جميل تقدميه
وكل احساس اخوى جميل تضيفيه فى ردودك
تسلمى لنا حبيبتى الجميلة
وشكر خاص لمنمونتى الحبيبة
واختياراتها الجميلة لضيوفها الاعزاء على قلوبنا
شكرا لكماتعليق
-
فنانتي مهندستي الحلوة
اماني
عفوية الردود وبساطة التعبير
تدل على انسانة جميلة
غير متكلفة
اعترافات اظهرت جمال روحك
ولان فعلا ليس كل ما يتمناه المرء يدركه
فأكيد ما لم يُدرك كله
لا يُترك كله
ولو تعذر دراسة الفن
فكفاية ان كل ما يخرج
من بين ايدينا فن جميل
جمعتي عدة فنون
وما شاء الله عليكِ اتقنتيها
اسعدني مروري باعترافاتك
اللي فتحت لي شباك
على روحك الحلوة
وعرفت اد ايه انك صاحبة
اكثر من رائعة
لا حرمني الله صافي ودك
وصحبتك الجميل
وتسلم مون مون الحلوة
اللي جددت الموضوع
بارك الله فيكما حبيباتي
تعليق
-
مراقب عام ألهندسة الصناعية الغاليه منى سامى
بدايه احييكِ على اعاده تنشيط موضوع
كرسى الاعتراف وخير بدايه استضافه
حبيبه ألهندسة الصناعية الغاليه امانى
التى اقتربنا منها كأنسانه موهوبه
منذ نعومه اظافرها وتعددت مواهبها الفنيه
فى الاشغال الفنيه واليدويه والعزف
على اله المندولين الوتريه الرقيقه
وانسانه مطلعه ومثقفه تحب ان تجيد ما تتعلمه
كما يظهر من ردودها انها تعشق الفن وتتذوقه
ولما لا والفن والرقه توأمان كما ان الفن والانوثه متلازمان
وبطبيعه المرأه الفنانه انها تبدع فى مجالات متعدده
ولنا فى هذا الشأن نماذج من مبدعات ألهندسة الصناعية
اللاتى ملأن ألهندسة الصناعية بجميل ابداعاتهن
الغاليه امانى
قدمت حبيبه ألهندسة الصناعية الغاليه منى سامى
اكثر من موضوع حوارى منها ماهو موسمى
كالخيمه الرمضانيه ومنها ما هو نصف شهرى
كقهوه ألهندسة الصناعية ومنها ماهو اسبوعى
مثل كرسي الاعتراف وبرغم الخط الرفيع
الذى يفصل كل منهم عن الاخر عند تقديم شخصيه
الا ان الخط كان دائما فاصل لحدود كل موضوع عن الاخر
محافظا على بصمه وهويه كل موضوع وابعاده المرجوه
والمستهدفه .. وقد كان لنا حظا جميلا بمتابعه استضافتك
فى موضوعين على الاقل من هذه الموضوعات الحواريه
ترى ماهى مقترحاتك لتطوير موضوع كرسي الاعتراف
وماهى الاضافات التى دارت بخلدك والتى من شأنها
ان تكون سببا فى اثراء هذا الموضوع ؟
رشحى للموضوع شخصيه لاستضافتها
ممن لم يسبق لهم الجلوس على هذا الكرسي الوثير
نورتى كرسى الاعتراف بجميل حضورك
شكرا لكِتعليق
-
استاذه اماني
الكرسي نور بوجودك
اجاباتك تدل علي
ثقافه حضرتك ورقه حضرتك
وعلي بساطتك
بس بالنسبه ان حضرتك
دخلتي هندسه بدل فنون جميله
كليه الهندسه من الكليات القمه
يعني في الكثير بيتمنوا بس
يدخلوها يعني اكيد افادتك
في حياتك كثيره وكفايه الاكتفاء
بحبك للفن كهوايه ده رأي يعني
ماليش دعوه المفروض يعني
بس عجبني جدا طريقتك في الاجابات جدا
وبشكر مره ثانيه مدام منى سامي لرجوع
كرسي الاعتراف مره اخري
تعليق
-
حبيبتى الغالية
نااانو
بالرغم ان صدقتنا كانت سابقة لانضمامى
للمنتدى وكانت سبب
مباشر فى التسجيل فى ألهندسة الصناعية
لكن اكيد صداقة الفيس بوك شئ
و اننا نكون اسرة واحدة شئ مختلف تماما
سعيدة جدا بمعرفتك و بمعرفة كل اهل ورد
قبل التسجيل كان علاقتى بالمنتدى مجرد
صور وشرح باستفيد بيه و اتعلم منه
بمجرد التسجيل انتابنى شعور غريب
بالمسئولية والانتماء للمكان
تعليق
-
أجمل وأحلى
هالة
فى الدنيا
شخصية تدخل القلب كدا
من أول كلمة و من غيرمقدمات
ربنا يخليك و يسعدك باحبابك
دمت لى نعم الاخت والصديقةتعليق
-
جمال الورد وسحر الورد وعطر الورد
هو ممكن يكون فى عيب فى الورد !!!
لا طبعا لان ألهندسة الصناعية مش اى ورد
من السهل انك تلاقى حد تتكلم معاه
لكن صعب إنك تلاقى حد يلمس اللى جواك
حد ممكن احساسه بيك يكون أعلى من مقدرة كلماتك عن التعبير
اؤيدك تماما
امانى عزت
ورده جميله نتنسم عطر محبتها
فى كل كلمه واجتهاد فنى مفيد لاهل وزوار ألهندسة الصناعية
امانى الجميله
نورتى كرسى الاعتراف
تحياتى لذوقكِ وفنكِ وصدق محبتكِ وانتمائك الجميل
تعليق
-
الغاليه امانى
منورة الكرسي ...
جلسة رغي رائعة ... قربتى فيها اكتر مننا
ادارتها باقتدار منى حبيبتى
وشارك فيها باهتمام الاحبه فى ورد
الحقيقة ردودك لبقه وصادقة
لمستنى جدا ..
عجبنى اوى اوى ردك ده
وعجبنى انه عجب مبدعتى
هههههه
((من السهل انك تلاقى حد تتكلم معاه
لكن صعب إنك تلاقى حد يلمس اللى جواك
حد ممكن احساسه بيك يكون أعلى
من مقدرة كلماتك عن التعبير))
تقريبا ده احساسنا كلنا
بس كنت ابلغ منا فى التعبير عنه
احب اعلق على موضوع حبك للفنون
مش بس الدراسة الاكاديمية ممكن تكون فنان
الموهبة ... ودى موجوده الحمدلله
التذوق .. وده متوفر جدا
حب وشغف التعلم ... وده لك باع طويل ومحمود فيه
فيه دارسين فن كتير جدا
يفتقدوا اهم العناصر المكونة للفنان
وعلى العكس فيه هواه ومتذوقين مبدعين ومبتكرين
فيه من فنانينا العظماء
من اتجهه فى حياته كليا لدراسة القانون
وتدرج فى المناصب الى ان وصل لدرجة القاضي
ثم اطلق لفنه العنان ...
الفن بداخلك... واساليب دراستة لا تقتصر على الكليات
ومنتدانا منصة مميزة بالصور والخطوات
للتعلم فى مجالات الفن المتعددة
فانتقى منها ما يشبع شغفك
بارك الله فى مجهودك
وسؤالى اليوم ... هو طلب فى الحقيقة
ان تبدئي فى هذا المشروع المؤجل
وتشاركينا موضوع من ابداعك فى تطريز الستان
ولان لى تجربه فى هذا المجال
انصحك بمشاهدة طرق التطريز
على صفحات اليوتيوب اولا
فستجدى الموضوع اسهل مما تتصورين
واخيرا ... احيى هذه الام التى قامت بواجبها
ولم تقصر وساهمت فى تكوين انسانة
راقية سوية فنانة
شكرا لك حبيبتى
وبالتوفيق
حبيبتى منى سامى
كل التحية لك
لازلت تتربعين على عرش
افضل واقوى المضيفات
لك كل الشكر
عود حميد لكرسي جلس عليه معترفا
محبي الورد من كل مكان
بالتوفيقتعليق
-
استاذى الغالى
أستاذ محمد ورد
الف شكر لتواجد حضرتك
لتشجيعك المستمر و لكلماتك الرقيقة
شكر لاستجابة حضرتك
لعودة الموضوع مرة تانية
الموضوع أكثر من رائع
ويستحق الاستمرار
قرأت الكثير من صفحاته من 2007 الى توقفه
فى اعتقادى المشكلة فى تفاعلات الاعضاء
روح البدايات مش موجودة
أتمنى ترجع تانى و أتمنى يرجع كرسى الاعتراف
موضوع مثبت ويستمر دون توقف
مع أحلى و أجمل مضيفة منى سامى
فى اضافة بسيطة مش عارفة امكانية تنفيذها
لوممكن عمل فهرس للصفحات
بالشخصيات الموجودة على الكرسى
أستاذى الغالى
عجبانى جدا الديكتاتورية العادلة
فى اسلوب ادارة حضرتك للمنتدى
واعتقد انها سر نجاح المنتدى
بالاضافة طبعا لمجهودات طاقم الادارة
وتفانيهم فى تقديم العون و الارشاد
دون كلل او مملل
أستاذى الغالى
شرفت باستضافتى فى قهوة ورد
بعد تسجيلى فى المنتدى بحوالى شهر 6/2/2014
كانت دعوة جميلة من الغالية منى سامى
سعدت بها كثيرا لكن الان وبعد حوالى
ستة اشهر اعتقد فى اختلافات كبيرة
أستاذى الغالى
كل يوم بيمر علينا فى ورد
فى اعضاء جدد من حقهم
يسألوا و يعرفوا الكثير
من حقنا الصورة تكون كاملة لكل الاعضاء
اسمحلى اسجل اعتراضى على
الترشيح المشروط مجرد اعتراض
و الامر لصاحب الامر
أستاذى الغالى
تعلمت منك الكثير و مازلت
دمت لنا خير معلم
شكرا لك
تعليق
-
استاذ احمد شريف
الف شكرعلى كلماتك الجميلة
اكيد الالتحاق بكلية الهندسة امنية للكثيرين
و الحمد لله انا راضية بوضعى و بعملى كمهندسة
لكن فنون جميلة كانت امنية
وليس كل ما يتمناه المرء يدركه
شكرا لك
تعليق
-
الغالية مبدعة
من السهل انك تلاقى حد تتكلم معاه
لكن صعب إنك تلاقى حد يلمس اللى جواك
حد ممكن احساسه بيك يكون أعلى من مقدرة كلماتك عن التعبير
تعرفى ايه اصعب من كل دا
انك بعد متلاقيه يجيى يوم يفهمك غلط
نهاية الكون !!!!!!!!
الغالية مبدعة
شكرا لك
دمت لى خير أخت و أغلى صديقة
تعليق
تعليق