إعـــــــلان

**admin** **admin** · 10-24-2018, 05:46 PM

كلام عينيه

كلمات : امير طعيمه
الحان : مدين
توزيع : حسن الشافعي

كلام عينيه في الغرام أحلى من الأغاني
من كلمتين من سلام ببقى حد تاني
لما يميل قلبي أنا وياه يميل
تفديه عيوني وعمري كله مش قليل

ليلي
يا ليل يا ليلي
يا ليل يا ليلي من غرامه ليلي طال
حبيب سنيني
بينه وبيني
يا قبلي خطوة واحدة يعني مش خيال

ليلي
يا ليل يا ليلي
يا ليل يا ليلي من غرامه ليلي طال
حبيب سنيني
بينه وبيني
يا قبلي خطوة واحدة يعني مش خيال

يا روحي روحي معاه وفي جماله ضيعي
طمع في سحر الحياة حسنه مش طبيعي
ده اللي القمر من عينيه والله غار
دي الإبتسامة شمس طالعة بالنهار

ليلي
يا ليل يا ليلي
يا ليل يا ليلي من غرامه ليلي طال
حبيب سنيني
بينه وبيني
يا قبلي خطوة واحدة يعني مش خيال
ليلي
يا ليل يا ليلي
يا ليل يا ليلي من غرامه ليلي طال
حبيب سنيني
بينه وبيني
يا قبلي خطوة واحدة يعني مش خيال

آه يا ليلي
ليلي
يا ليل يا ليلي
يا ليل يا ليلي من غرامه ليلي طال
حبيب سنيني

كلام عينيه - شيرين mp3

[MEAUDIO]https://ia600609.us.archive.org/13/items/ward2u_6/095.Kalam_Eineh.mp3[/MEAUDIO]

يتبع

**admin** **admin** · 10-24-2018, 05:51 PM

زمان

كلمات : امير طعيمه
الحان : خالد عز
توزيع : النابلسي

زمان كان قلبه قلب تاني
زمان كان حضني وكان مكاني
خلاص مابقتش أنا بهمه ولا في باله
زمان كان قلبه قلب تاني
زمان كان حضني وكان مكاني
وإيه في الدنيا دي بيفضل على حاله

ده اللى زمان حبيته
واللي زمان خليته أغلى الناس واديته قلبي وأنا راضي
عُمر الشوق ما بيفضل زي الورد
بيدبل بعد الوقت بنقبل كل ده عادي

ده اللى زمان حبيته
واللي زمان خليته أغلى الناس واديته قلبي وأنا راضي
عُمر الشوق ما بيفضل زي الورد
بيدبل بعد الوقت بنقبل كل ده عادي

زمان كان قلبه كله طيبة
زمان كان فيه حنية غريبة
خلاص مبقاش في حاجة مهمة تجمعنا
زمان كان قلبه كله طيبة
زمان كان فيه حنية غريبة
خلاص يبقى وجودي معاه مالوش معنى

ده اللى زمان حبيته
واللي زمان خليته أغلى الناس
واديته قلبي وأنا راضي
عُمر الشوق ما بيفضل زي الورد
بيدبل بعد الوقت بنقبل كل ده عادي

ده اللى زمان حبيته
واللي زمان خليته أغلى الناس واديته قلبي وأنا راضي
عُمر الشوق ما بيفضل زي الورد
بيدبل بعد الوقت بنقبل كل ده عادي

زمان - شيرين mp3

[MEAUDIO]https://ia600609.us.archive.org/13/items/ward2u_6/096.Zaman.mp3[/MEAUDIO]

**admin** **admin** · 10-24-2018, 05:55 PM

ضعفي

كلمات : سلطان صالح
الحان : خالد عز
توزيع : نادر حمدي

ضعفي بيصعب عليّا
وعشان عزيز عليّا
ببعد ساعتها عن أي حد أنا بعرفه
وبخاف لضعفي ساعتها مني يخوفه
ضعفي بيصعب عليّا
وعشان عزيز عليّا
ببعد ساعتها عن أي حد أنا بعرفه
وبخاف لضعفي ساعتها مني يخوفه

وأفضل كده لحد ما أهدى
لحد ما أقوى
لحد ما أقدر من تاني أواجه
وأفضل كده لحد ما أهدى
لحد ما أقوى
لحد ما أقدر من تاني أواجه
ما أقدرش أواجه
نظرة عيون فرحانة فيّا

الناس لبعض دي كلمة بِطلت
كان ليها وقت زمان وخلصت
فيه حد ينفع يقول لحد ما تحس بيّا
أنا عندي أعيش لوحدي أحسن
وأتعب شوية من إني أرّخص نفسي

ولا أصعب في يوم على حد يمكن
يعطف عليّا

وأفضل كده لحد ما أهدى
لحد ما أقوى
لحد ما أقدر من تاني أواجه
وأفضل كده لحد ما أهدى
لحد ما أقوى
لحد ما أقدر من تاني أواجه
ما أقدرش أواجه
نظرة عيون فرحانة فيّا

يا ناس دي كلمة ساعات تصبر
ساعات تغير
ساعات تخلي الصبر يحلى في النفوس
معرفش ليه مستخسرين الكلمة فيّا

ضعفي - شيرين mp3

[MEAUDIO]https://ia600609.us.archive.org/13/items/ward2u_6/097.Daafy.mp3[/MEAUDIO]

**admin** **admin** · 10-24-2018, 05:59 PM

يا ريتها جت

كلمات : سلطان صالح
الحان : خالد عز
توزيع : نادر حمدي

ياريتها جت
على قد جرح
كان هيبقى أمره سهل
كنت أقول قدري ونصيبي
غلطة عنها متسألش
الفراق يبقى صعب
واللي أصعب منه لما
تكتشف إن إنت كنت
بتحب حد ما يستاهلش

تبتدي الدنيا في عينيك لونها يسود
وتفقد ثقتك في نفسك وفي أي حد
تشتكي وتلوم في روحك وإنت بتلملم جروحك
يبقى بين قلبك وبينك ألف سد

ياريتها جت
على قد بعد
كنت هاخد يوم عليه
هنسى بعد يوم أو سنين
يعني جرح وله شِفا
لكن تحس
إنك وقعت واتخدعت
في أغلى حب

تكتئب وتشوف عيونك
كل حاجة مزيفة

تبتدي الدنيا في عينيك لونها يسود
وتفقد ثقتك في نفسك وفي أي حد
تشتكي وتلوم في روحك وإنت بتلملم جروحك
تبقى بين قلبك وبينك ألف سد
تبتدي الدنيا في عينيك لونها يسود
وتفقد ثقتك في نفسك وفي أي حد
تشتكي وتلوم في روحك وإنت بتلملم جروحك
يبقى بين قلبك وبينك ألف سد

يا ريتها جت - شيرين mp3

[MEAUDIO]https://ia600609.us.archive.org/13/items/ward2u_6/098.Ya_Reiteha_Gat.mp3[/MEAUDIO]

**admin** **admin** · 10-24-2018, 06:06 PM

تاج راسك

كلمات : امير طعيمه
الحان : خالد عز
توزيع : حسن الشافعي

أكون خاتم في صباعك
وتعمل فيا ما بدالك
تجيني وقت ما تجيني
تسيبني لما يحلالك

أكون خاتم في صباعك
وتعمل فيا ما بدالك
تجيني وقت ما تجيني
تسيبني لما يحلالك

ولو راحتك مع دموعي
عيوني تبكي وتزيدك
وأسيب عمري وأيامي
رهن إشارة من إيدك

ولو راحتك مع دموعي
عيوني تبكي وتزيدك
وأسيب عمري وأيامي
رهن إشارة من إيدك

أأجل كل أحلامي
عشان توصل لأحلامك
تكون الآمر الناهي
لازم أمشي ورا كلامك

ولما تخوني أعديها
وأقول سامحي عشان بيتك
وأصدق لما بتقولي أنا من قلبي حبيتك

وأدوس على قلبي وكرامتي عشان إنت تكون راضي
ولما تقل من قمتي مركزشي وأقول عادي
وأدوس على قلبي وكرامتي عشان إنت تكون راضي
ولما تقل من قمتي مركزشي وأقول عادي
ولما تقل من قمتي مركزشي وأقول عادي

حاجات وهمية ومريضة
بتتمناها في خيالك
ومش ممكن في يوم تحصل
وبيصدقها إحساسك

وقبل أما أمشي فيه كلمة أخيرة
عايزة أقولهالك
أنا مش جارية ولا عبدة
أنا ستك وتاج راسك

تاج راسك - شيرين mp3

[MEAUDIO]https://ia600609.us.archive.org/13/items/ward2u_6/093.Tag_Rasak.mp3[/MEAUDIO]

يتبع

**admin** **admin** · 10-24-2018, 06:10 PM

نساي

كلمات : تامر حسين
الحان : تامر علي
توزيع : النابلسي

حبيبي نسًاي نسًاي
أصلح عيبه ده إزاي
ده ببقى مواعداه بليل
يقولي الصبح مش جاي

زهايمر لأ بجد غريب
محير قلبي ليه وياه
بحبه بس أكتر عيب
اللي يقوله لي بينساه

حبيبي نسًاي نسًاي
أصلح عيبه ده إزاي
ده ببقى مواعداه بليل
يقولي الصبح مش جاي

يجيبلي هدية وأفرح بيه
مفاجأة كان عاملهالي
يشوفها يقولي دي منين دي
وينسى إنه جابهالي

حبيبي نسًاي نسًاي
أصلح عيبه ده إزاي
ده ببقى مواعداه بليل
يقولي الصبح مش جاي

نساي - شيرين mp3

[MEAUDIO]https://ia600609.us.archive.org/13/items/ward2u_6/092.Nassay.mp3[/MEAUDIO]

**منى سامى** **منى سامى** · 10-25-2018, 03:01 PM

انا مالقتش كلمه يتبع يبقى اعلق ههههههه
تحفه الالبوم ومجهود جميل لحضرتك
الف شكر استذنا الغالى
اسعدتنا برجوع االبريق لمنتدى الموسيقى و الطرب
باضافات احدث الالبومات و اجملها
شيرين من اجمل الفنانات و الصوت المميز لدى
و كان موبايلى يحمل رنه اغنيه بتوحشنى لفترة طويله
رغم انها حزينه لكن لها صدى جميل
الف شكر و فى انتظار القادم
و يارب يبقى عمر دياب ههههههههه

كلمات : امير طعيمه
الحان : احمد عز

يا ليالي

يا ليالي روحى لحبيبى و ناديه
و امانه عليكى تقوليله حالى ايه
من يوم غيابه وروحى رايحه عليه
مانامتش عيونى وان نامو يحلمو بيه

يا ليالي روحيله عن شوقى و نارى احكيله
يا يجيلى يا اما اجيله مش قادرة في بعده اعيش
و قوليله كفايه و يخلي لبعده نهايه
مش عايزه انا غيره معايا و الباقى مايلزمنيش

زي الليله دى انا كنت معاه
و في حضنه بلاقى كل اللى انا بتمناه
يا ليالي بقى كده حالى يرضيه

مش بعمل حاجة غير انى بفكر فيه
يا ليالي روحيله عن شوقي و ناري احكيله
يايجيلي يا اما اجيله مش قادره في بعده اعيش
و قوليله كفايه و يخلي لبعدة نهايه
مش عايزه انا غيره معايا و الباقي مايلزمنيش

يا ليالي - شيرين عبدالوهاب mp3

[MEAUDIO]https://ia600609.us.archive.org/13/items/ward2u_6/Ya_Layaly.mp3[/MEAUDIO]

**admin** **admin** · 10-25-2018, 03:20 PM

مراقب عام ألهندسة الصناعية الغالية منى سامى
تم رفع 104 اغنية من اغاني شيرين عبد الوهاب
كما قمت بتنزل البوم نساي و الذي يتكون من 12 اغنية
mp3 للتحميل فور نزوله و بنفس طريقة منتدانا
من كتابة اسم المؤلف و الملحن و الموزع
الى جانب كلمات الاغاني و رابط التشغيل و التحميل
ليكون متاحا للجميع تحميله و الاستمتاع به
كملف صوتى خفيف الوزن بجودة صوت عالية
و اسعدنى مرورك الجميل و تعليقك المميز
شكرا لك

إعـــــــلان

تحميل جميع اغانى شيرين عبد الوهاب mp3

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك