إعـــــــلان

**امل نيازى** **امل نيازى** · 10-14-2011, 09:22 PM

اتممنا شغل ال16 عمود تربل او ثلاثى

نشتغل فوقهم 16 عمود بسيط (بلفه)

ونكمل الشغل سطرين وننقص عمود فى كل مره
من ناحيه النهايه كما موضح بالصوره

نستمر فى الشغل بنفس الطريقه والتنقيص من ناحيه النهايه

ليتم الانحناء كما تم فى المره السابقه
كما موضح بالصوره الى نهايه الشكل
فى انتظار تطبيقاتكم
ارحب باى استفسار

تابعونى فى الشكل النهائى للاسكارف

ان شاء الله
دمتم بخير

**امل نيازى** **امل نيازى** · 10-25-2011, 01:08 PM

اسعد الله اوقاتكم بكل خير
اتابع معكم احبتى شرح مصور
لباقى خطوات الاسكارف

تابعنا تنفيذ اول خطوه فى الشرح السابق

ومنها استكملنابنفس الطريقه شغل الوحدات
وللتاكيد بنقلل فى الوحده التاليه
من الناحيه الدقيقه مش العريضه
تابعوا الصور

بعد الانتهاء من شغل الوحده نشتغل ال16 عمود تربل
تمهيدا لبدايه وحده اخرى

**امل نيازى** **امل نيازى** · 10-25-2011, 01:10 PM

من تجربتى
يفضل تنفيذ الاسكارف بالخيط الصوف
لمرونته فى الشغل اكثر من الخيط القطن
وتكون النتيجه رائعه ان شاء الله

الشكل النهائى للاسكارف
يستكمل بالطول المطلوب
ارحب باى استفسار
اتمنى لكم تنفيذ سهل وانتاج جميل
دمتم بكل خير

**امل نيازى** **امل نيازى** · 10-25-2011, 01:28 PM

عواطف
معلش يا سكر ممكن تشرحي لي هذا الباترون
بس بالخطوات مش بالصور

اهلا بالغاليه
عواطف
شكرا لذوقك حبيبتى
حاضر ياسكره
من عيونى ان شاء الله
اتعلم معكم بشرح مصور
خطوات تنفيذ الغرزه
دى

**مايا مجدى** **مايا مجدى** · 11-16-2011, 04:42 AM

السلام عليكم اخواتي العزيزات كل سنه وانتم طيبين وشكر لمبدعتنا الغاليه علي مجهودك الواضح والدائم معانا جزاكي الله كل الخير وجعله في ميزان حسناتك وشكرا علي الاسكارف الف الف شكر

**مايا مجدى** **مايا مجدى** · 11-16-2011, 09:54 AM

صباح الفل يا مبدعه انا شفت الاسكارف مقدرتش اقاوم
وعملته وكنت عايزاكي تشوفيه بس الصور مش راضيه
تتحمل مش عارفه ليه مفيش صور عايزه تنزل ححاول
وانزلهملك تاني تشوفيهم

مش عارفه انزل الصور بعمل كل الخطوات
بس الموقع نفسه مش شايفه فيه اى صور بتظهر

**امل نيازى** **امل نيازى** · 11-17-2011, 06:07 AM

اهلا مايا
نورتى ورشتنا الجميله
شكرا لذوقك حبيتى
شرح خطوات رفع الصور
هنا
ان شاء الله تضبط معاكى المره دى
فى انتظارك حبيبتى
دمتِ لنا بكل خير

**مايا مجدى** **مايا مجدى** · 11-19-2011, 05:50 PM

**مايا مجدى** **مايا مجدى** · 11-19-2011, 06:07 PM

يارب يكون الشغل صح في السكارف علشان الشغل مقوس
مش عارفه فيه حاجه و الا من الخيط اصل الخيط سميك
ياريت تقوليلي يا اموله ماشيه صح و الا فيه حاجه
و جزاكي الله خيرا

**امل نيازى** **امل نيازى** · 11-21-2011, 04:57 AM

ما شاء الله لاقوة الا بالله
مايا الجميله تسلم عيونك حبيبتى
شغلك رائع و التنفيذ مظبوط

المشكله زى ما قابلتنى فى الخيط وعيار الشغل
او بمعنى ادق انك تريحى ايدك فى الشغل
وبالذات فى الاعمده التربل إما انك تريحى ايدك فى الشغل
او تزودى لفه للعمود التربل و تشتغليه باربع لفات
و بعد الشغل بتريحيه و تفرديه بايدك و بالذات
فى خيط الصوف هايكون مرن شويه
اما الخيط القطن الافضل تزودى فى العمود لفه
و تريحى ايدك فى الشغل
و بعد الانتهاء من شغل الاسكارف طبعا بياخد مكواة
بس بالفودره و يكون بالذات ع الصوف
بدون ضغط جامد علشان يحتفظ بشكل الغرزه
عاشت ايدكِ حبيبتى
شكرا لذوقك و تواصلك الجميل
دمتِ لنا بكل خير

**مايا مجدى** **مايا مجدى** · 11-21-2011, 02:10 PM

ربنا يكرمك يارب يا اموله و يجعله في ميزان حسناتك يارب
منا اتعلمت منك كتير و اتعلمت التشبيك انا كنت بعرف
اشتغل بس مابعرفش التشبيك ازاى و اتعلمت منك الغرز
ربنا يكرمك باذن الله و ربنا يشهد اني اتعلمت منك
حاجات حلوه و باذن الله حفك الشغل و اشتغله زى
ما قولتي و حنزله لك برضه و جزاكي الله عني
خير الجزاء و دمتي لنا

**امل نيازى** **امل نيازى** · 12-21-2011, 06:19 PM

يارب يسعد اوقاتك
الغاليه مايا
انتِ فنانه مجتهده و شغلك رائع
شكرا لذوقك الجميل و تواصلك المميز
فى انتظار تطبيقاتك و اقتراحاتك
دمتِ حبيبتى بكل خير

**نااانو** **نااانو** · 12-21-2011, 10:45 PM

الله عليك يا امولة و على شغلك الرائع
و كمان تلامذتك الحلوين
ما شاء الله عمل رائع
جزاك الله كل الخير حبيبتى
انا متابعه من بعيد هههههههههههههه
بس علشان اقولك

**امل نيازى** **امل نيازى** · 01-02-2012, 06:54 AM

يسلم لى ذوقك و تقديرك الجميل
حببيتى الغاليه نااانو
نورتى ورشه وردنا الغالى
ان شاء الله كل جميل و جديد
يعجبك و يفيد احباب ورد الغاليين
فى انتظار زياراتك الجميله

**امل نيازى** **امل نيازى** · 01-03-2012, 10:33 AM

طيب الله اوقاتكم بكل خير
احباب وردنا الغالى
عوده بعد غياب
ارجو قبول اعتذارى للتاخير
تلبيه لطلب الغاليه
عواطف
شرح الغرزه التاليه

هانتعلم سوا
شرح الخطوات بالصور
ده الباترون

مفاتيح الشرح
المدونه على الصور
ع=عمود او(غرزه البريد)
س=غرزه سلسال
ع م=اعمده مجمعه معا (اى غرزه الحمصه )
م=غرزه المنزلقه
ل=لفه
بسم الله
نبدأ
لاننا هانشتغل عينه لشرح الغرزه
باحب اشتغل عدد بزياده من السلسال
وابدا فى تنفيذ الغرزه وبعد اتمامها
اكون عرفت عدد الغرز المناسب
وطبعا الزياده بافكها
يلا نشتغل عدد من غرز السلسال
وليكن 70 غرزه اكتر شويه
من عدد الغرزاللى فى الباترون

ابداى عدد مناسب من غرزه السلسال
اتركى 6 سلسال واشتغلى بدايه من السابعه 3 عمود
اشتغلى 6سلسال واشتغلى بعد 3 غرز
( اللى هايكونوا بمثابه عمود اول )
فى الرابعه عمودين مجمعين معا
(3 سلسال +عمودين )
وبكده تكونى اشتغلتى غرزه الحمصه

باترون شرح غرزه الحمصه

وهي عبارة عن 3 غرز أو أكثر تغرز في نفس الغرزة
وتقفل بغرزه واحده
بمعنى اننا نشتغل 3غرز عامود بلفه فى غرزه واحده
ونتركهم على الابره ونسحبهم جميعا بغرزه واحده
تابعوا الشرح فى الصور التاليه

إعـــــــلان

ورشه كروشيه ألهندسة الصناعية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك