إعـــــــلان

**امل نيازى** **امل نيازى** · 06-11-2013, 07:09 PM

اهلا ايدى جميل جدا انك حصلتِ على الخيط القطن
صورت الكثير من خطوات التنفيذ
ان اشاء الله اعرض اللى اتصور منها
و نتابع معا الباقى
الى اللقاء غدا ان شاء الله
سؤال ياجميله
جربتى تنفذى الوحده دى
اللى اتفقنا انها ضمن تصميم الفستان
و هانجرب تنفيذها الى ان يتم تصوير باقى الخطوات

1

شرح خطوات تنفيذها

هنا

**امل نيازى** **امل نيازى** · 06-13-2013, 11:53 AM

بسم الله
نبدأتنفيذ فستان جوجو بنوته حبيبتنا ايدى

نبدا بشغل السفره الاول وده باترونها واضح
انا استخدمت خيط قطن بلون مختلف عن لون الفستان اللى
فى الصوره وفضلت الشرح يكون بخيط سميك
علشان يظهر الشرح واضح فى الصور

ده الخيط اسمه سما موجود فى السوق الشله 100 جم

وفى منه اللون الابيض لامع

نبدا المقاس ب77 غرزه سلسال منهم 3 غرز
كانهم عمود نشتغل معاه 3 اعمده فى الاول
يعنى اول الشغل اربع اعمده
ونترك غرزه سلسال ونشتغل سلسال طايره
مقابله للغرزه اللى هانتركها وبعدها نشتغل عمود
ونستمر الى ان نصل لشغل اربع اعمده فى اخر السطر
زى اللى اشتغلناهم فى الاول

فى الصوره واضح اول سطر ال3 سلسال
كانهم عمود وبعدهم 3 اعمده (يعنى فى الاول 4 عمود)
نشتغل السطر الثانى
اربع اعمده فوق الاربعه اللى فى السطر السابق
وبعدهم هانشتغل 2 عمود بينهم غرزه سلسال
بين كل عمودين وبينهم سلسال فى السطر السابق
كما موضح بالشرح على الصوره

ونكمل لاخر السطر وطبعا هانشتغل فى اخره 4 اعمده
فوق الاربعه اللى فى السطر السابق
نطلع السطر اللى بعده ب3 سلسال
كانهم عمود ونشتغل ال4 اعمده فى الاول
يليهم 3 اعمده بين كل 2 غرزه سلسال
كما موضح بالصور وفى شرح الصوره التاليه

**امل نيازى** **امل نيازى** · 06-13-2013, 12:03 PM

بعد شغل 3 اعمده بين كل 2 غرزه سلسال
فى المكان بين العمودين اللى فى السطر السابق
وكما موضح بالشرح على الصوره
نشتغل بعدهم 2 عمود بينهم سلسال بين العمودين
اللى بعدهم فى السطر السابق يليهم نفس الخطوه
فى اللى بعدهم ونكرره ما بداناه لاخر السطر
كما موضح بالشرح فى الصوره
وننهى السطر طبعا ب4 اعمده

هايكون شكل ال3 اسطر الاولى كده

نكمل السطر اللى بعده
ونرجع نشتغل بنفس الترتيب اللى اشتغلنا بيه تانى سطر

كما موضح بالشرح فى الصوره

كده شكل الشغل بعد الانتهاء من السطر الرابع

ياريت نشوف تطبيقكم
واكيد
هانكمل انتظرونى

**Aidy** **Aidy** · 06-13-2013, 05:21 PM

انا طبقت الوحده اللي فاتت
بس انا عندي مشكلة في usb
علي الجهاز ومش بعرف انزل صور من الكاميرا
بس ان شاء الله
هحاول اجمعلك الصور وانزلهم من علي اي جهاز

**Aidy** **Aidy** · 06-13-2013, 05:32 PM

بسم الله
توكلت علي الله
هبدا معاكي الفستان
وشكرا علي مجهودك وتعبك معانا
وتعتبر دي هدية جوجو في عيد ميلادها

**نااانو** **نااانو** · 06-13-2013, 07:36 PM

بسم الله ماشاء الله
رائعة بفنك مبدعه فعلا
ربنا يبارك لكِ حبيبتى
ومبروك الفستان على جوجو
ولكن منتظرين نشوف صور تنفيذك ايدى
تسلم ايدكم حبيباتى

**امل نيازى** **امل نيازى** · 06-13-2013, 09:12 PM

تواصل وتقدير جميل
فنانتى الجميله
نااانو
شكرا لذوقك حبيبتى

**امل نيازى** **امل نيازى** · 06-13-2013, 09:23 PM

ماما ايدى الجميله
لعيون حبيبتك جوجو
حصلت على الباترون الاصلى للفستان
وبكده نبدا ننفذ الفستان طبقا للصوره بالضبط
من غير اى افتكاسات منى
وبعدين نكمل تنفيذ اقتراحى ؟
ايه رايك
ده الباترون

باترون صدر الفستان

باترون موضح للسفره

باترون موضح للوحده

باترون الجيب

ان شاء الله نبدا حالا فى التنفيذ

**امل نيازى** **امل نيازى** · 06-14-2013, 09:07 AM

بسم الله
نبدا فى شرح باترون الوحده

نشتغل 6 سلسال ونغلقهم فى دائره
وفى الدائره نشتغل 12 عمود(ع) بين كل عمودين غرزه سلسال(س)
ونغلق الدائره
نشتغل بين كل عمودين فى السطر السابق 2 عمود(ع)
بينهم غرزه سلسال(س)
فيصبح لدينا عدد 24 عمود
نغلق الدائره
ونبدا فى عمل الاقواس تمهيدا لتشكيل المربع
كما هو موضح بالشرح فى الصوره التاليه

بعد غلق الدائره نبدا فى الفراغ بين العمودين
اللى بينهم غرزه سلسال (س)
شغل 6 سلسال (س) طايره ونغلقهم بغرزه
منزلقه فى الفراغ اللى بين العمودين التاليين
موضح بالصوره بشكل النجمه باللون الروز
نمكل الدائره الى نهايه السطر
بس اخر 6 سلسال
هانشتغلهم كالتالى
نشتغل 3 سلسال بس ونكمل ب عمود
اللى هايكون نهايه شغله فى منتصف ال 6 سلسال
ومنه هانبدا السطر الاخير
موضح بالصوره التاليه باللون الاحمر

نكمل ونشتغل 6 سلسال (س) ونغلقهم فى ال6 (س)
اللى فى السطر السابق وواضح بالشرح فى الصوره
وبعدهم 8 (س) ودى هاتكون اول زاويا المربع
وبعدهم نشتغل مرتين 6 سلسال وبعدهم 8 سلسال
ودى هاتكون الزاويه الثانيه
وهكذا الى يتكون لدينا 4زوايا نغلق المربع
اللى هايكون الشكل النهائى له
كما موضح بالصوره التاليه

اتمنى الشرح يكون واضح
ان شاء الله بالتوفيق فى التنفيذ

انتظرونى فى طريقه تشبيك الوحدات

**Aidy** **Aidy** · 06-14-2013, 06:33 PM

تسلميلي مبدعة
علي مجهودك معايا وتعبك في البحث عن الباترون
ومساعدتي في التنفيذ
انا كملت الوحده اللي فاتت

Log into Facebook

https://www.facebook.com/photo.php?fbid=4174759385780&set=gm.320843818048449&type=1&relevant_count=1&ref=nf

Log into Facebook to start sharing and connecting with your friends, family, and people you know.

Log into Facebook

https://www.facebook.com/photo.php?fbid=4174759385780&set=gm.320843818048449&type=1&relevant_count=1&ref=nf

Log into Facebook to start sharing and connecting with your friends, family, and people you know.

يرجى ملاحظه ان الصور تظهر لك فقط ولا تظهرلنا
وحتى تظهر الصور فى المنتدى لابد ان تكون الاختيارات متاحه عامه وليس خاصه
( يعنى نعدل ظهور الصور فى الاكونت الخاص بالفيسبوك من انا فقط الى عامه )

انا عملت copy& paste
يارب يكون نفعت

مقاس الصدر حوالي 53 وواسع
الطول 50 انااسته من الكتف

**امل نيازى** **امل نيازى** · 06-15-2013, 06:28 PM

تمام يا ايدى المقاس ان شاء الله ننفذه مضبوط
نتابع طريقه تشبيك الوحدات

فى الصوره هنا على اليمين وحده مشغوله كامله
وهانشبكها فى الثانيه المقابله لها
بعد مانخلص فيها السطر الرابع اللى كله اقواس
(القوس مكون من 6 سلسال)
نبدا فى شغل 4 سلسال اللى هم نصف عدد الزاويه(8 س)
وندخل الابره فى الزاويه المقابله فى الوحده المشغوله
ونسحبهم من الزاويه

موضح بالصوره ال4 س باللون الاصفر
نسحبهم من تحت ال8س
باللون الابيض فى الزاويه المقابله
موضح باللون الاحمراتجاه الشغل بالشرح فى الصوره

ونكمل شغل ال 4 سلسال الاخرى
ونقفلهم فى ال 6 سلسال التاليين
بغرزه المنزلقه مشار اليها بنجمه باللون الروز
فى الشرح بالصوره

نكمل شغل 3 س(موضحين باللون الاحمر فى الصوره)
ونسحبهم من ال 6 المقابلين من الوحده الاخرى
ونكمل شغل ال3 س ليكتمل ال 6س
ونغلقهم فى ال6 س المقابلين

يتبع

**امل نيازى** **امل نيازى** · 06-15-2013, 06:43 PM

نكمل بنفس الطريقه نشبك ال6س امام ال6س
فى الوحده المقابله ونصل الى الزاويه الثانيه 8س

ونكمل باقى الخطوات النهائيه للوحده كما سبق شرحه

اى اننا هانشبك الوحدتين من زاويتين فقط
كما موضح بالصوره

وهكذا هانجهز للفستان 8 وحدات متشابكه بنفس الطريقه

انتظرونى فى الخطوه التاليه ان شاء الله

وكما ارحب باى استفسار
ارحب ايضا باى نقد او تنبيه باى خطا
دمتم بخير

**Aidy** **Aidy** · 06-15-2013, 11:16 PM

تسلميلي حبيبتي
انا جبت الخيط من البيت
مكتوب علية (القادسية للغزل والنسيج& قطن مصري لصناعة الغزل والنسيج )
وموجود شكله في ردك عليا في نوع الخيوط الصفحة 63 تاني صوره

**أم البنين** **أم البنين** · 06-16-2013, 11:43 AM

يا سلام ياسلام شو هل الحلاوه
انا عم دور على النت على وحده سهله
لان باقي عندي خيط حرير من جاكيت
بلاقي الوحده موجوده هون
وانا عم دور بغير مكان
على كلا بسيطه حنفذها ونزلها ان شاء الله

**أم البنين** **أم البنين** · 06-17-2013, 06:48 PM

ممكن لو سمحت تعلمني هذه القطبه ولك كل الشكر

إعـــــــلان

ورشه كروشيه ألهندسة الصناعية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك