إعـــــــلان

**هند** **هند** · 05-29-2010, 04:42 PM

حلوة قوي فكرتك حبيبة الرحمن
وانا هاكون اول المتسابقات
ههههههههههههههه

اول وصفة طبعا بديهية جداً هي:
مكرونة بالبشاميل(الصلصة البيضاء)
ولها طريقتين
الأولى:نأتي بالبصل 3 حبات متوسطة الحجم ويقطع صغير
ثم يشوح على النار في قليل من الزبد او الزيت ثم يضاف له اللحم المفروم
والتوابل ويقلب جيداً ثم يترك على النار مع التقليب من وقت لآخر حتى يجف ماؤه ثم يضاف الملح ويقلب جيداً ويرفع من على النار.

تسلق المكرونة ويضاف لها ملح اثناء السلق ثم تصفى.

الصلصة البيضاء:حليب+دقيق(طحين)3ملا

**حبيبة الرحمن** **حبيبة الرحمن** · 05-29-2010, 04:46 PM

اجمل بنوته واحلى هند نورتنى يا قمريا

تسلم ايدك يا حبيبتى يلا يا جميل هاتى المكونات الجديده

**هند** **هند** · 05-29-2010, 04:50 PM

الطريقة التانية للمكرونة هي:
مكرونة بالكريمة

تسلق المكرونة مع زيت وملح وتصفى.

تحضر الصلصة مع زيادة كميه الدقيق ملعقتين ونصف بدل ملعقتين فقط
ولا يستخدم معها البيض ويضاف لها الملح وملعقتين زبدة او سمن بلدي
فتصبح كريمة مالحة

وللتقديم
يوضع مقدار للفرد في الصحن
يزين بالعصاج
ثم يصب عليه كمية مناسبة من الكريمة
مع سلطة خضراء أو تبولة
وبالهنا والشفا

**هند** **هند** · 05-29-2010, 04:56 PM

نيجي للرز بقا

نطبخ الرز نص سوا
ونجهز العصاج كالطريقة السابقة نص سوا هو كمان
وندهن صينية بالزبدة أو السمن البلدي
نفرد العصاج في الصينية
ونفرد فوقه الرز
تغطى الصينية بغطاء أو بورق الومنيوم وتدخل الفرن حتى تمام النضج
وتقدم مع السلطة وأي نوع شوربة
وبالهنا والشفا

**هالة** **هالة** · 05-29-2010, 04:58 PM

دي وصفة سهلة هههههههههه
بصي ياستي انا ح اعمل لكم
كفتة داوود باشا بالصلصة
مع ارز بالشعرية او مكرونة

المقادير

1/2 كيلو لحم مفروم
بصلة مفرومة
بقسماط
توابل
ملح - فلفل

الطريقة

نخلط المقادير معا حتى تتجانس
نشكل المقدار على هيئة كور صغيرة
نضع الكفتة في مقدار قليل من الدقيق
وننشلها بعد ازالة الدقيق المتبقي
تحمر الكور في سمن + زيت

نحضر الصلصة

نشوح البصل المفروم
نضع صلصة طماطم ونتركها
حتى تتسبك وتتبل
نسقط الكفتة في الصلصة وتترك
على نار هادئة حتى تمتص الكفتة
الصلصة ويعاد ضبط الطعم

تغرف مقدار فوق الارز
او في طبق تقديم وتجمل
بالمقدونس المقطع

بالهنا والشفا

**هند** **هند** · 05-29-2010, 05:03 PM

كفتة

بصلة واحدة متوسطة الحجم مفرومة مع نصف كيلو لحم مفروم
+عودين بقدونس وعودين شبت+البهارات والملح
تدهك مع بعضها جيداً
ممكن اضافة بيضة وملعقتين خبزمطحون (بقسماط) حسب الرغبة
تكور اللحمة أو تكون أصابع حسب الرغبة وتوضع في صينية وتدخل الفرن حتى تنضج
تحمر بطاطس أصابع أو شيبسي حسب الرغبة
يطبخ الرز بالشعرية
يقدم الجميع مع سلطة خضراء وشوربة
وبالهنا والشفا

**هالة** **هالة** · 05-29-2010, 05:10 PM

وصفة ثانية
الارز بالبشاميل والخضروات

المقادير

لحم معصج
يشوح البصل المفروم حتى
يحمر قليلا وتضاف اللحم المفروم
وتشوح مع البصل
يضاف مقدار من الماء حتى
ينضج اللحم ويضبط الطعم

مقدار من الخضار المسلوق
بازلاء وجزر

البشاميل

2 ملعقة دقيق
2 ملعقة سمن
كوب شوربة
كوب لبن

يسخن السمن ويشوح فيه
الدقيق حتى يصفر لونه
يضاف اللبن قليلا مع التقليب
جيدا حتى يذوب الدقيق فيه
ويتكثف يضاف باقي اللبن
والشوربة مع التقليب حتى
نصل لسمك مناسب
يضبط الطعم

يسلق الارز كسلق المكرونة في
مقدار مناسب من الماء ويصفى

نحتفظ بقليل من البشاميل لتغطيه
وجه الارز
يضاف البشاميل المتبقي الى الارز ويقلب
تدهن صينية بقليل من الباشميل
ويوضع نصف مقدار الارز بالبشاميل
نخلط العصاج مع الخضار المسلوق
ونضعه فوق طبقة الارز
نضع باقي الارز المسلوق ويغطي
بمقدار من البشاميل
توضع في الفرن حتى يحمر
الوجه وتقدم بألف هنا وشفا

**هند** **هند** · 05-29-2010, 05:11 PM

كفتة بالرز

يسوى الرز نصف سوا
تحضر الكفته بالطريقة السابقة ثم يضاف لها الرز ويعجن جيداً جداً
تكور الخلطة وتقلى في الزيت
تنشل من الزيت في طبق مجهز بالبقدونس(غشيتها من هالة)
هههههههههههههههههههه
ويقدم مع رز كامل السوا طبعا بالشعرية
مع سلطة خضرا وشوربة خضار
وبالهنا والشفا

غيري المكونات بقا انا جاتلي تخمة من الرز والمكرونة

**هالة** **هالة** · 05-29-2010, 05:13 PM

مكرونة بالصوص بلونيز

الصوص بلونيز

لحم مفروم
بصلة مفرومة
بهارات

يشوح البصل في مقدار من السمن
حتى يصفر
يضاف اللحم ويشوح ويضاف قليل
من الماء + ملعقة صلصة طماطم
ويتبل ويضبط الطعم

تسلق المكرونة وتصفى

تغرف المكرونة ويوضع الصوص
بلونيز على الوجه
يوضع باقي الصوص في صوصير
ويقدم الى جوار الطبق

بالهنا والشفا حبايبي

**هند** **هند** · 05-29-2010, 05:14 PM

لا يا هالة
البشاميل بتاعك تقيل
ما عدناش بنحمر الدقيق عشان الحموضة
جربي بس الني في ني؟
هتلاقيه خفيف في الهضم
هههههههههههههههههه

**هالة** **هالة** · 05-29-2010, 05:29 PM

كفتة محشية

الوصفات دي كلها من مطبخي
ومجربة ... الكفتة المحشية دي
من اختراعي لكن لذيذة جدا

عارفين الحشو ايه
مخلل
مقدار من الجزر المخلل المقطع
قطع صغيرة جدا
مقدار من عجينة الكفتة السابق
تجهيزها

1/2 كيلو لحم مفروم
بصلة مفرومة
بقسماط
توابل
ملح - فلفل

نقطع الكفتة مقادير مناسبة
ونفرد المقدار ونضع الحشو
في المنتصف
ونكور الكفتة ونضعها في القليل
من الدقيق وننشلها منه مع التخلص
من المتبقي منه
نحمر الكفتة في زيت حتى يحمر لونها
نرص الكرات في صينية ونضعها في الفرن
حتى تنضج تماما

تقدم مع ارز ابيض او مكرونة
وسلطة خضراء او سلطة زبادي

**منى سامى** **منى سامى** · 05-30-2010, 07:22 AM

ياسلام ياسلام على الجمال والحلاوة
ايه الوصفات الرائعة دى
عوزين نشوفها مصورة ياحلوين
ونستمتع بها ونجربها
على طريقتكم
اتشجعو وصورو لنا اى وصفة
تسلم الايادى والعيون على احلى وصفات

**حبيبة الرحمن** **حبيبة الرحمن** · 07-01-2010, 11:02 AM

تسلم ايدكم يا بنات ايه الجمال ده بجد رائع كل واحد هتدخل تترد بعد ما ترد تحط مقادير جديده

المقادير الجديده فين يا بنات

خليها عليا المره دى كمان

فراخ

+

ارز

+

زبده

+

بصل

+

تفاح

يلا وكملو انتو يا بنات

**حبيبة الرحمن** **حبيبة الرحمن** · 08-15-2010, 04:17 PM

فين التفاعل ايه يا بنات زهتو حتى احنا فى رمضان

إعـــــــلان

مسابقة وسام التميز لملكه المطبخ

مسابقة وسام التميز لملكه المطبخ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك