إعـــــــلان

**السويدي** **السويدي** · 06-13-2010, 12:58 PM

علي سلامة زعلا نشوية
اسم الموضوع غريب وشدني
قراءت الموضوع واستمتعت به
ووجدت أن علي سلامة من حقه يزعل شويتين

شكرا لكلمات علي سلامة

العنيدة أم الضفاير تبقي حبي الأولاني

اد ايه حزنت عليها لما راحت فصل تاني

ما احنا كنا تختة واحدة في 3/2

الوشوش كانت بسيطة
طاهرة لكن مش عبيطة
نرسم الاحلام خريطة

**زهرة الكاميليا** · 06-13-2010, 01:12 PM

أخى الغالى
السويدى
ما أطيب مرور الأصدقاء ...
تألقت معانى الشاعر
على سلامة
و أفكاره..
بالمشاركة ..و التعليق الجميل
و الإضافة المصورة الرائعة ..

أهديك قصيدته
براءة

بمنتهى البراءة
سألتنى الصغنتوته
نور
فى اربع خمس أمور
قالتلى بابا يا بابا
مش انت يا بابا
بتكتب اغانى
وتقول اشعار
انا سمعت الشيخ يا بابا
بيقول انك يا بابا
هتروح النار
زى الناس الوحشين
الحراميين الكفار
قوللى يا بابا
يعنى ايه استعمار
يعنى ايه نيل
يعنى ايه هرم
ومين اللى حط النسر ده
فوق العلم

يعنى ايه يا بابا
استفتاء
ويعنى ايه انتخاب
ويعنى ايه حر
ويعنى ايه نصاب
وويعنى ايه اختلاس
ويعنى ايه هجاص
ويعنى ايه خصخصة
وايه هو الدستور
يعنى ايه معارضه
ويعنى ايه مظاهرة
وليه النهارده
خدنا اجازة من المدرسة
قوللى يا بابا
يعنى ايه قهر
وفين بيقع خط الفقر
ويعنى ايه حظ
ويعنى ايه زهر
يعنى ايه يا بابا
حريه
يعنى ايه انسان
وايه هو السرطان
يعنى ايه يا بابا
خربوها
ومين دول يا بابا
ولاد القطقوطه
اللى خربوها
وكنت فين يا بابا
لما خربوها
ومين دى
سماره يابابا
وازاى يا بابا
ضاعت من قلبك
يا بابا
بابا
انت معايا
فيه يا بابا ناس
بتقول كفايه
وفيه عساكر
ماسكين عصايه
وبنات متعورين
وتانيين ماشيين بيضحكوا
يابابا .. هما دول اسرائيليين
قولتلها
نور
ممكن اسألك سؤال
قالتلى
اتفضل يا بابا
قلتلها
هيه قناة
سبيس تون

رقمها كام ؟
واخدتها....علشان تنام .

تقبل تحياتى و تقديرى .

**الهاديه** **الهاديه** · 06-13-2010, 01:57 PM

عيشتيني جو جميل
يوم ما عرفتينا على الشاعرعلي سلامة

وانا اعرف هذا النوع من الشعر عند عبد الرحمن رفيع
شاعر من البحرين وهو مثله
يحكي بساطة الانسان وذكرياته في عهد الطفولة والشباب
رائع جدا مثل روعة فنانك

نفسي أضحك من قلبي
من غير ما أخاف
وأقول اللهم أجعله خير
يا أخي نفسي مرة
أغير خط السير
يعني مش زي ما روحت
لازم أرجع
نفسي أفرح بضحكتك
من غير ما أخطفها منك
أو أحسدك
أو أطمع
نفسي أبص م الشباك
براحتي
وأقول ياه
الله
يا بختي
نفسي أحس من تاني
بالجمال
يا سبحان من أبدع

::::::
الخ ...ومع كل قصائده لقيت الفرح
وحبيت الجمال اللي انكتب
من قلوب الناس الطيبة البسيطة
اشكرك اختي الجميلة والمبدعة دوما
زهرة الكاميليا

**زهرة الكاميليا** · 06-13-2010, 05:57 PM

أخى الغالى
ملك
بمرورك الرائع ..
وتقديرك الذى أعتز به كثيرا
ممكن
على سلامة
ينسى الزعل
ويفرح شوية ..
لأن الأصدقاء الغاليين يتوافدون هنا
ويتفاعلون بهذه الصورة وهذا العمق مع
أشعاره العامية المتميزة
واهديك قصيدة جديدة

الواد ابنى ابو لسان طويل

قاللى
يعنى سافرت يابابا واتغربت
مشوار طويل

وف الاخر راجع..
ف شارع متفرع من شارع
وشقه فى الدور الرابع..
ودولار نازل طالع...
وشوية حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لأ..مش مسافر...

منين الكحه دى يابابا...
دى عمر..!!
ولابرد
ولا سجاير..!

انت عارف يا بابا
انا بقالى اد ايه بستناك؟؟
ايه يا بابا
انت هاتعيط

صوره

ده انا كنت بهزر معاك...
كنت بهزر معاك

تقبل ملك تحياتى وتقديرى .

**زهرة الكاميليا** · 06-13-2010, 07:45 PM

الأمورة ران
الغالية
أسعدتينى بمرورك
و هذا الثناء الجميل
أهديكى قصيدة
من أعمال شاعر العامية
على سلامة .

صالة السفر

من كتر مالحزن بقي..
ف دمنا..
حتي ف غنانا والسهر..
بقت بتتساوي الحاجات..
صالة الوصول..
تشبه تمام صالة السفر..
بنادي ع القبح نقوله..
يا عسل..
يا سكر إنت يا قمر..
والموت بقي مجرد خبر..
عارف..
رغم احتياجي للفرح
لكني بتلخبط أوي
لو دق بابي بدون سبب
وبدون شروط..
أبقي نفسي أعيش كمان
مليون سنة
وأقول ياريت دلوقتي أموت
معقول بقيت بخاف كمان
من الفرح..
وم الأمل..
وم الهدوء..
وأقلق وأقول..
يا هل تري إيه مستخبي..
وإيه اللي جاي بعد السكوت..

صوره

عارف..
لو كل الحاجات الحلوة..
كان مسموح لها..
وتقدر تفوت..
لو كان حقيقي ده وطن..
مش مجرد مساحة ع الخريطة..
وناس وزحمة وشوية بيوت..
عمري يوم ما كنت أخاف م الفرح..
لو دق بابي..

شكرا جزيلا امورة ران
دمتى بكل خير

**زهرة الكاميليا** · 06-14-2010, 10:18 AM

غاليتى

الهادية

كم أوحشتنى طلّتك العذبة ..
و إنطباعاتك الثرية ..
أعجبتنى مرّة ..مرّة
لهجتك المصرية
فى تعقيبك على الشاعر
على سلامة..!
و لمست قلبى كلماتك
المغموسة فى الإحساس الجميل
ومع كل قصائده لقيت الفرح
وحبيت الجمال اللي انكتب
من قلوب الناس الطيبة البسيطة

أهديكى عزيزتى
قصيدة الشاعر على سلامة

بيض بالبسطرمة
حبيتها أيام ما كان..
شارع القصر العيني اتجاهين..
كان أياميها ممكن جدًا..
نتعشي بيض بالبسطرمة..
ونشرب شاي بنعناع ف الحسين..
كان لسه رمسيس ف الميدان..

والدنيا أمان ولذيذة..
وكان فيه أهرامات ف الجيزة..
اللي بعد كده اسم الله عليك..
اتبني مطرحها سيرك أبوعزيزة..
ماكنش لسه مترو الأنفاق..
وكنا بنرفض..
أي معني للفراق..
وكان فيه حب من نظرة عين..
تصدق بقي..
كانت البيوت فيها بركة..
رغم المساحات الضيقة..
وكان فيه شوية حاجات جميلة..
ما تعرفش راحت فين؟

تقبلى محبتى الهادية
و ليتك تعرفينا أيضا
على الشاعر البحرينى
عبد الرحمن رفيع .

**ابو نيرة** **ابو نيرة** · 06-14-2010, 11:56 AM

طبعا من حقه يزعل لغاية ما شعبولا يبطل السجاير
و ياكل اللب السوبر و الناس تبطل حب في الحمار

**زهرة الكاميليا** · 06-14-2010, 12:13 PM

أخى الكريم
أبو نيرة

فعلا ..من حقنا كلنا نزعل ..
حتى ينتصر الجمال على القبح السائد
أشكرك جزيل الشكر
للمرور العطر و التحية
و أهديك قصيدة
سبيل أم عباس
للشاعر على سلامة

بقول لها ما تيجي
نحط سيناريو للأحداث
قالتلي يا عم
اللي هايسري علينا
هايسري علي الناس
قولتلها..
يعني لو مفيش ميه
قالتلي..
يبقي سبيل أم عباس
قلتلها..
ولو مفيش عيش
قالتلي
يبقي رز وقلقاس
قلتلها
ولو مفيش غاز
قالتلي..
نسيت الوابور أبوفونيه
وطربوش وكبّاس..

قلتلها..
ولو مفيش نور..
قالتلي يبقي أحسن..
عشان ماتشوفش البنات..
اللي ف الدش..
يا راجل يا بصباص..
قلتلها..
ولو مفيش بيت..
قالتلي..
نبقي نقعد عند أمي
بقي وخلاص..
قولتلها ولو فيه قلق..
قالتلي كوباية شاي..

تظبط المزاج وتعدل الراس..
قلتلها ولو فيه خوف..
قالتلي..
نقفل علينا الباب..
بالقفل والترباس..
قلتلها ولو مفيش هوا..
قالتلي..
أهوي عليك بالجورنال..
وتهوي عليا بالكراس..
قلتلها..
ولو مفيش أمل..
قالتلي..
يا خرابي..
حرام عليك..
يا ساتر يارب..
ما إحنا أهو..
عايشين..
من غير قلب..
ومن غير إحساس..
عجبك كده أهو النور قطع..

دمت بكل خير

**هالة** **هالة** · 06-14-2010, 12:30 PM

حبيبتي الغالية
ست الكل
اسمحيلي امر ثاني واقول
لعلي ....... الف سلامة
فكرتني بزمان... ايام ماكان
مافيش هم ....لقمة حلوة ولمة احلى
ولمبة نمرة عشرة تنور لما النور
يقطع ... والاجمل الكل كان بيخاف
ع الكل ... لما يغيب حد الكل يدورعليه
كان زمان يتلم الكل جنب الراديو
مرة في الشهر علشان يسمعوا
حفلة ام كلثوم
اصبح كل واحد في وادي
متزعلش ياعلي وسيبها
على الله هو حيدبرها

**زهرة الكاميليا** · 06-14-2010, 12:55 PM

الغالية
هالة
يا ألف مرحب بزيارتك
تانى و تالت و رابع
و بكلامك الجميل
يفكرنى بزمان ..و حلاوة زمان ..
كل المشاعر الصادقةالفياضة
و الأغانى ..
وعماد حمدىوشادية و ماجدة
ومارى منيب.. و اسماعيل ياسين
ويوسف السباعى و جورجى زيدان
و تحت ظلال الزيزفون
و حتى أرسين لوبين
و المسلسل الشهير
و المدرس القدوة ..الحنون العطوف
و بيت العيلة ..
و الأمان ..و الدنيا برا عزائنا ..
نحن من عاصرنا زمن الجمال
ايام ماكان
مافيش هم ....
لقمة حلوة ولمة احلي
ولمبة نمرة عشرة تنور
لما النور يقطع
العزاء أننا عشنا ذلك العصر ..
و ذقنا من حلاوته
ولا ننساه .
أهديكى قصيدة على سلامة
اللهم أجعله خيــــــر

نفسي أتمطع
أنزل .. اطلع
أحلق أقرع
وأتشجع وأقلع
كل هدومي القديمة
وأرمي الحاجات اللئيمة
وأبقى حر كده
زي الطير
نفسي أضحك من قلبي
من غير ما أخاف
وأقول اللهم أجعله خير
يا أخي نفسي مرة
أغير خط السير
يعني مش زي ما روحت
لازم أرجع
نفسي أفرح بضحكتك
من غير ما أخطفها منك
أو أحسدك
أو أطمع
نفسي أبص م الشباك
براحتي
وأقول ياه
الله
يا بختي
نفسي أحس من تاني
بالجمال
يا سبحان من أبدع
نفسي يبقى لية لازمة
ف وقت الحزن .. والأزمة
تلاقيني ببني
بصلح
بغير
بحلم
يعني أنفع
نفسي ده يحصل
قبل كل شيء جوايا .. ما يعجز
أو يودع
نفسي أحب من تاني .. النهار
والعمار
يعني بأختصار
نفسي أرجع تاني
بني أدم
تفتكر ده ممكن
وأنا ولا بشوف .. ولا بسمع ؟

صوره

اسعدنى مرورك مجددا هالة
دمتى بكل خير

**الامورة ران** **الامورة ران** · 06-14-2010, 02:05 PM

حبيبة قلبي
زهرة الكاميليا
مليون شكر وتحية على اجمل هدية
انا مريت تاني على الموضوع الرائع
لانة فعلا رائع ويستحق ان نقرأ القصائد الحلوة العظيمة تاني وتالت وتاسع ........ ولانة ترك في نفسي اثر جميل
هو هاد الفن اللي مايتنسى بلحظتة ويكون مجرد بربشات ملهاش اي معنى ولاطعم ولاحتى لون...........
دمتي ودام عطاؤك
ودام الفن الاصيل

**زهرة الكاميليا** · 06-14-2010, 03:11 PM

الامورة ران
اهلا غاليتى
سعادة كبيرة ان التقيك مجددا
و ان ينال موضوع
على سلامة
اعجابك
اهديكى قصيدة

كارت جديد

جبت كارت جديد وشحنت
وسمعت الرصيد انبسط
وهيصت وقولت اطلبها
طلبتها ولسه ها اقولها
انا ...
قالتلى الاسانسير عطلان
والواد خد الدور
سخن ملهلب نار بردان
أن لقيت برتقان في سكتك هات
ولو عديت على اجزاخانات
ابقى رنلى
قفلت وقعدت ع الرصيف
ابص ع الدنيا والدنيا تبصلى
ووقفت قدام الاخزاخانة
ابحلق في الازاز
صحانى صوت الصيدلى
عايز حاجة يا استاذ
قلت له ...

تشترى التليفون دا ببلاش
ومن ساعتها مكلمتهاش

ممتنة كثيرا ران الامورة
دمتى بكل خير

**artist nivi** **artist nivi** · 06-15-2010, 10:48 PM

عندما تدخل شهر زاد المنتدى
نسكت نحن عن الكلام المباح
والحكاية هذه المرة
عن علي سلامة زعلان شوية
لواقع نحاول أن نتعايش فيه
ممزوج بالألم والمرارة
والسخرية على حالنا
ووصفه يوم بيوم
وساعة بساعة
بصراحة له حق يزعل كتير
موضوع جميل جميل
قرأته مرات ومرات

من كتر مالحزن بقي..
ف دمنا..
حتي ف غنانا والسهر..
بقت بتتساوي الحاجات..
صالة الوصول..
تشبه تمام صالة السفر..
بنادي ع القبح نقوله..
يا عسل..
يا سكر إنت يا قمر..
والموت بقي مجرد خبر..
عارف..
رغم احتياجي للفرح
لكني بتلخبط أوي
لو دق بابي بدون سبب
وبدون شروط..

شكراً لك زهرتنا الجميلة

**زهرة الكاميليا** · 06-16-2010, 06:40 AM

مشرفة منتدانا الحبيبة
nivi
بمرورك المتميز
تغمرين قلبى بهجة و فرحة
وإن كنت فى وصفك الجميل
شهرزاد
فإنك المتوهجة فنا ورقة .

اليكى قصيدة جديدة من قصائد
الشاعر على سلامة

مطلوب عروسـة

صوره

مطلوب عروسـة طيبـة
ومتعلمة ومؤدبة
ومؤمنة بالقضـاء والقـدر
سـنها من سـني
أصغـر أو أكبر منى
مـش ها نختلـف
المهم ما بتعرفش تطبخ
عشان مش ها قدر أجيب
أي حاجة تنفع للطبيخ
وتكون بتحـب القـراءة
وتهوى الرحلات
وتعشق السفر
مش عضو في أي حزب
وطبعاً عارفة إن الكذب حرام
بتحب الكوره
مهمومة بالدوري العام
وملفـوفة القـــوام
حلـوة وزى القمـــــر
شعرها ناعم حرير
ملهاش أي مصلحة
ف شارع القصر العيني
أو مجمـع التحريـر
وفاهمة كويس ميدان الجيزة
مش متابعة جلسات مجلس الشعب
ولا بتسمع البيان الخـتامي
لأي مؤتمر
وتكون من عيـلة
بـتـشــتري راجـل
لا عايزة شـبكة ولا مهـر
وأنا بقي
خبرة ف المرمطـة
وجميع أشـكال القهر
مواطن من إنتاج مناهج
وزارة التربية والتعليم
ثانوية عامة
النظام القديم
أيام الأرنب الغضـبان
والخس والجرجير
وزى النسمة والله
يعني تعتبرني من دلوقتي
مش موجود
لا .. حس .. ولا ... خبر

صوره

بـس مخي نضـيف
وعاقل ورزين
وعندي شوية نظر .
رغـم إني ياما إتزحلقت
لكن لسه بفرح بالمطر
على فكــرة .
أنا حاجز شـقة بحري
أربعين متر
أخـر طريق الواحات
بس لسه ما حطوش
الأساس
عشان تقريبا مش لاقيين الحجر..

صوره

وهكذا يواصل على سلامة
صدماته ..
صحيح مؤلمة ..
ومن الواقع بكل إحباطاته
لكنه أبدا لا يفقد الأمل
ومن بين سطوره
ترين وجه مصر
نبيلا ..باسما ..

دمتى غاليتى نيفى بكل الخير .

**admin** **admin** · 06-16-2010, 11:21 AM

غاليتي ست الكل

كالكتاب الجميل الذى نقتنيه
كلما ابحرنا في صفحاته ازددنا شوقا لاتمامه
وكلما اتممناه تولد فينا شوقا جديدا لنعيد قرأته
هكذا هي موضوعاتك تحمل حسا خاصا
حتي وبعد فتره تجتذبنا لنعيد قرأتها مرات ومرات
ربما يرجع السر في ذلك لاختياراتك المدهشه
للبسطاء منا الذين ابدعوا فكلما تذوقنا ابداعهم
شعرنا انه منا وكأن حال لساننا جميعا
(هذا الابداع هو ما احس به
.. وهذا الجمال يناسب مشاعري وتذوقي
استمتعت بقراة هذه المقدمة الجميله
عن الفنان وجيه عزيز الذى تأثر
بفنان الشعب الشيخ سيد درويش
كما استمتعت بقراءة اشعار علي سلامه
الشاعر .. باوجاعنا وبعاميتنا

اشكرك لروعه ما تمتعينا به

إعـــــــلان

على سلامه زعلان شويه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك