تويت
تختخة
الكرش بارز والقميص مزنوق
والبنطلون ضيّق والزرار مخنوق
والسوستة قفشت مش بتتحرك
والكوبشة باظت .. أعمل ايه يافاروق
فاروق دا الترزى اللى بيفصّل
فصّلـّى بنطلون .. ف الرجل كان مخزوق
والحزام كاتم .. جدا على نـَفـَـسى
بالذات لو اتعشـّـيت .. فجل و بيض مسلوق
تكتر الغازات والكرش يتمدد
يشبه أوى المنطاد .. مش فاضل غير الصندوق
لبست البنطلون وخرجت أتعايق
أول ما وطـّيت .. من تحت راح مفتوق
برغم كل ده .. كان الكمر واسع
ترزى أى كلام .. راجل ما عندوش ذوق
فكرت قلت ألبس .. طقم كاوبوى
خفت من الستات .. تعاكسنى أروح مدلوق
الستات مايحلالهاش دايما تبص عليّـا
إلا وانا شايل .. بالذات وانا ف السوق
ف مرة وانا ماشى .. واحدة بصّـتلى
بعترت شنطة خضرة ومعاها كيس برقوق
قلت أروح أشترى .. م الموسكى حمّـالة
ترفعلى البنطلون .. كمان شوية لفوق
لقيت الحمالة برضو مش نافعة
جبت سوستة نحاس .. بتتباع ف باب اللوق
بشدّها لفوق .. كسرتلى نضارتى
كعب كباية .. وشمبر حديد مطروق
جايبها بالتقسيط .. هناك من العتبة
مالبسشى زيـّها .. قبلى ولا مخلوق
نهايته .. إيه رأيكم ف وسامتى
طول عمرى واد مرزوق
لولا بس الكرش .. كنت ابقى نجم الموسم
زى صلاح قابيل .. فى فيلم قصر الشوق
رومانسى للغاية .. وما أحبـّش أتعايق
عشان كده تلاقينى .. دايما أنا المعشوق
ههههههههههههه
الكرش بارز والقميص مزنوق
والبنطلون ضيّق والزرار مخنوق
والسوستة قفشت مش بتتحرك
والكوبشة باظت .. أعمل ايه يافاروق
فاروق دا الترزى اللى بيفصّل
فصّلـّى بنطلون .. ف الرجل كان مخزوق
والحزام كاتم .. جدا على نـَفـَـسى
بالذات لو اتعشـّـيت .. فجل و بيض مسلوق
تكتر الغازات والكرش يتمدد
يشبه أوى المنطاد .. مش فاضل غير الصندوق
لبست البنطلون وخرجت أتعايق
أول ما وطـّيت .. من تحت راح مفتوق
برغم كل ده .. كان الكمر واسع
ترزى أى كلام .. راجل ما عندوش ذوق
فكرت قلت ألبس .. طقم كاوبوى
خفت من الستات .. تعاكسنى أروح مدلوق
الستات مايحلالهاش دايما تبص عليّـا
إلا وانا شايل .. بالذات وانا ف السوق
ف مرة وانا ماشى .. واحدة بصّـتلى
بعترت شنطة خضرة ومعاها كيس برقوق
قلت أروح أشترى .. م الموسكى حمّـالة
ترفعلى البنطلون .. كمان شوية لفوق
لقيت الحمالة برضو مش نافعة
جبت سوستة نحاس .. بتتباع ف باب اللوق
بشدّها لفوق .. كسرتلى نضارتى
كعب كباية .. وشمبر حديد مطروق
جايبها بالتقسيط .. هناك من العتبة
مالبسشى زيـّها .. قبلى ولا مخلوق
نهايته .. إيه رأيكم ف وسامتى
طول عمرى واد مرزوق
لولا بس الكرش .. كنت ابقى نجم الموسم
زى صلاح قابيل .. فى فيلم قصر الشوق
رومانسى للغاية .. وما أحبـّش أتعايق
عشان كده تلاقينى .. دايما أنا المعشوق
ههههههههههههه
تعليق