تويت
زى ضى الطيف ما بيجمع الألوان
جوه قلب حب عمرى
تتجمع الألوان
الأحمر هو دمك
مليان بحبى ليك
و الأصفر يحكى يقولك
عن غيرتى عليك
الأخضر يا مُنايا زى و دك
و الخير اللى ماليك
البهجة م البنفسج
و الشجن اللى ف عنيك
البرتقالى عبيرك
و الدفء اللى ف إيديك
و النيلى لون سمارك
اللى بحبه فيك
كلهم اتجمعوا
و شاورولى عليك
قالولى الأسمرانى
أبو ضحكة بتأسرك
قلبه الأبيضانى
على طول بيحنلك
قلتلهم دا حبيبى
و لقلبى بيمتلك
تعليق