إعـــــــلان

**السويدي** **السويدي** · 08-12-2010, 01:07 AM

[IMG][/IMG]

حبيبة الرحمن

ذكرياتك فى رمضان
مشاركة جميلة
احيك واكون اول من يكتب رد فى موضوعك
تختلف ذكريات رمضان من مرحلة الى اخرى
وكلها جميلة بحلوها ومرها تمر.

الطفولة والذهاب لمشاهدة مدفع رمضان
واللعب بالبمب والالعاب النارية
تطوره مع الايام لعمل مدفع رمضان خاص بنا

بمفتاح الدولاب ومسمار وفتلة واعواد من الكبريت

ولا انسى ابدا ذكريات رمضان
فترة الشباب بين دراسة وعمل
ولعب كرة قدم على الشاطئ قبل المدفع
وتنتهى المباراة بسماع مدفع الافطار
ونهرول مسرعين لمنازلنا نفطر ونزل
للتراويح ونعود بعد صلاة الفجر
ذكريات جميلة لاتٌمحى من الذاكرة
بارك الله فيك

**حبيبة الرحمن** **حبيبة الرحمن** · 08-12-2010, 02:17 PM

شكرا على مشاركتك الجميله وذكرياتك الجميله

نورتنى اخى العزيز

**حبيبة الرحمن** **حبيبة الرحمن** · 08-12-2010, 02:21 PM

انا بقى اتذكر وانا طفله صغيرة كنت اقعد ازن لبابا وماما عشان الفانوس

وكنت بحب الفانوس ابو شمعه اللى ليه باب

وبابا كان ياخدنى معاه ويشتريلى الفانوس انا واختى الاكبر منى

وتعد نغيظ بعض انا فانوسى احلى لا انا فانوسى احلى

وبابا كان عشان منوجعش دماغه يجيب لنا زى بعض

واروح البيت ماما تحط لينا حته من القماش فى العليقه بتاعته انا لون واختى لون

عشان مش نتلخبط وعشان ادينا مش تتلسع من الشمعه

كانت ايام جميله اوى رحمة الله على والدى واسكنه الله فسيح

جناته اللهم امين

**منى سامى** **منى سامى** · 08-12-2010, 06:39 PM

حبيبة قلبى حبيبة الرحمن
موضوع تحفة أحيكى عليه
وأتذكر معك ليلة الرؤية
وكل البيوت بتستعد لرمضان وبتعمل زينة رمضان
ويتباهى كل بيت بالزينة بتعته
كنا بنعمل الفانوس بنفسنا خشب خوص ونربطه بالخيط ونلصق عليه ورق ملون
ولمبة ونعلقه مع أحلى زينة بأجمل الاشكال
واول ما تعلن دار الافتاء بكرة صيام
نطلع بالفوانيس ذى ما وصفتى بالضبط
وقطعة القماش علشان لهب الشمعة ما تلسعناش
كأنك كنتى معانا بالظبط

أما الان اولادنا أتظلمو ما حسوش بالسعادة الى حسينا بيها زمان
أكبر متعة مشاهدة المسلسلات وبرامج المقالب البيخة

دمتى بخير حبيبتى ودامت موضوعاتك
كل عام وانت بخير وسعادة

**حبيبة الرحمن** **حبيبة الرحمن** · 08-12-2010, 07:28 PM

منى اختى العالية حبيبتى
واحمد اخى العزيز
لرودكم الجميله
وعشت مع ذكرياتكم البسيطه والرائعه

دمتم فى احسن الاحوال
وكل عام وانتم بخير
وكل ما تفتكرو حاجه ادخلو اكتبوها
وانا اسعد بزيارتكم واسعد اكتر ب
متابعتكم فى ذكرياتكم الجميله

كل اذانى صاغيه وقلبى مفتوح لكم جميعا
احبكم فى الله

**بنت تونس** **بنت تونس** · 08-12-2010, 10:20 PM

احلي الذكريات في رمضان
كان اول مابديت الصيام وكان
في سن صغير يعني 7*8سنوات
كانت امي ربي يطول عمرها تصر
على تعليمنا الصيام في عمر صغير
ولتشجيعنا انا واخواتي تقص قماش نصفين
وتقولنا كل يوم تصوموا نصف نهار ومبعد
تقوم بتخييط القماش باش يصير نهار كامل
وتعملنا مسابقه شكون يصوم اكثر ايام والصابر
عنده هديه للتشجيع وتخلينا نقعدوا نشقوا الفطر
على طاولتهم وماتتصوروش فرحتنا كيف الافطار يكون
مع الصايمين الكبار نحسوا انو عملنا انجاز عظيم
جزاك الله خير غاليتي
حبيبة الرحمن
رجعتيني لايام غاليه برشا وعمرها ما تتنسى

**ملك** **ملك** · 08-13-2010, 01:03 AM

الغالية
حبيبة الرحمن
على الموضوع الجميل
واحنا صغارفى السابعة وفى بداية الصوم
كانت الوالدة رحمها الله تجعلنا نصوم للتدريب
حتى الساعة 12 ظهرا وكان والدى رحمة الله
يقول هو دة صيام انتو عملتة زى
الفار كل ما يجوع يجرى على الدار
ههههههه
ومننساش لعب الكرة قبل السحور
لما كبرنا شوية
كل عام وانتى بخير

تسلم يدك

**حبيبة الرحمن** **حبيبة الرحمن** · 08-13-2010, 09:22 AM

بنت تونس حبيبتى نورتنى وسعدت بذكراياتك

الجميله وعشت فيها لاحظات رائعه

كل سنه وانت بخير يا حبيبتى

**حبيبة الرحمن** **حبيبة الرحمن** · 08-13-2010, 09:22 AM

اخى العزيز ملك نورتنى اخى

وسعدت بسماع ذكرياتك وانتظرك فى المزيد

**هالة** **هالة** · 08-13-2010, 02:15 PM

حبيبة الرحمن الجميلة
ذكريات رمضان لا تنتهى بداية
بمرور المسحراتي الذي يسجل
اسماءنا ليقف تحت كل بيت
وينادي علينا كلا باسمه
ولا يمشي حتى نرد عليه
ليطمئن اننا استيقظنا
ومن اجمل ذكريات رمضان عندي
التجهيز لسحور اول يوم وطقوس
تجهيز الزبادي وتدميس الفول
وكان اول يوم له بهجته في كل
البيوت اما في بيتنا فكان الاكثر
بهجة لاننا كنا نصنع الفطير في
البيت نقوم بتجهيز العجينة ثم
نفردها رقائق ونرصها في الصواني
مع دهان السمن ووضع العصاج
اما عمل الكسكسي فحدثي ولا
حرج كنا نصنعه بطريقة جدتي
وطبعا كان كل فرد في العائلة
له نصيب منه اما انا ولاني
الكبيرة فكنت موكلة بمعظم
المهام في المطبخ
ذكرتيني بدفء وحنان امي رحمها
الله التي ربتنا لنكون * ستات بيوت *
اما الفانوس فكما وصفتي والجميلة
منى كنا نعلقه بقطعة من القماش
حتى لا نلسع ايدينا بلهب شمعته
ايام جميلة مازالت مرسومة في
قلوبنا اما اولادنا .... ربنا يهديهم
ويبارك فيهم
سلمتي غاليتي

**حبيبة الرحمن** **حبيبة الرحمن** · 08-13-2010, 03:02 PM

الله الله يا هاله يا جميله

سعدت جدا وحسيت بالبهجه وعشت معكى اجل اللحظات

نورتنى يا حبيبتى وكل عام وانتى الى الله اقرب

وبارك الله فى ابنائك وبارك لكى

**تقى** **تقى** · 08-14-2010, 11:07 AM

تسلمي غاليتي
حبيبة الرحمن
لموضوعك الجميل

فما اجمل ذكريات رمضان في الطفولة
والاحساس الجميل بهذه الايام

والتفافنا حول المسلسل الوحيد
الف ليلة وليله
والفوازير

اللهم تقبل صيامنا وقيامنا
كل عام وانتم بخير

**حبيبة الرحمن** **حبيبة الرحمن** · 08-14-2010, 11:11 AM

تسلمى حبيبتى نورتنى

عندما تتذكر شئ اخر انا فى انتظارك

**romy** **romy** · 08-15-2010, 04:49 PM

شكرا لك حبيبه الرحمن على موضوعك الجميل
ذكرتينا بطفولتنا ومازلنا نعيشها فى عيون ابائنا وامهاتنا
وتذكرت البمب والديناميت قبل المدفع بدقائق معدوده (:

جزاك الله خيرا حبيبه الرحمن

إعـــــــلان

ذكريات رمضانيه خاصه جدا

ذكريات رمضانيه خاصه جدا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك