تويت
يوميات رائعة في الظرافة
تقبل الله صيامكم وقيامكم
تقبل الله صيامكم وقيامكم
-
-
[]حبيبتى صاحبة فدان اللولى والالماظ
تسلم حكاياتك الظريفة
فى انتظار حصاد الفدادين الخمسة
هههههههههههههههه
[/]تعليق
-
[]مون مونتي ياحلوة
اتعودنا على التخزين وكأننا
نمل وعندنا بيات شتوي
سبحان الله ربنا يهدينا
تسلمي لي حبيبة قلبي
ويسلم مرورك الجميل
دمتي بكل ود
[/]تعليق
-
[]ياهلا بالغالية
لحن الطيور
اسعدني حبيبة قلبي
مرورك الغالي واعجابك
بكلماتي ورغي
سلمتي غاليتي
دمتي بكل خير
[/]تعليق
-
[]نااانو ياحلوة
هم يعني مش 5 فدادين
اقل شوية لكن اخر تمام
انتظريني في يوم اخر
من يوميات صااااااااائمة
دمتي بكل خير
[/]تعليق
-
الشيطان والشبكة
يوم جديد من ايام رمضان
شهر الخير والبركة
انتصف الشهر اللهم بلغنا رمضان
اتم الله نعمته عليَ وختمت القرآن
يومي النهاردة مشحون ملئ بمليون
مشروع يجب اتمامه خارج البيت طبعا
اكيد عارفين زحمة الشوارع والجو الخانق
مع الصيام الله المستعان
اه لو تعرفوا الى اين اول مشوار
ح ادفع فاتورة التليفون من اولها غرامة
الامر لله ... اصلهم بيعلنوا ان اللي حيسدد
الفاتورة في الميعاد حيدخل سحب على
جوائز اهمها الحج قولت يارب لكن
ابليس اللعين وسوس وقال
هو التليفون يعني باسمك
ههههههههه
قولت لنفسي الله يلعنك ياشيطان وماله
خلي الناس تكسب يمكن ننول دعوة طيبة
طابور طويل وكل اللي يوصل للشباك
يتخض من الفاتورة المهم وصلت للشباك
قال الموظف ... معلش الشبكة وقعت
طبعا مش شبكة الصيد هههههههههههه
دي شبكة النت اللي بيدخل عليها الارقام
ويطبع الفواتير تخيلوا بقى نعمل ايه
ضحكت في سري وقولت ابليس اكيد
وسوس للشبكة وعملت اللي عملته
اخدت بعضي وغادرت وقولت
حد غيري يدفعها بعدين
اكملت مشاويري في دفع
غرامات الشراء الله المستعان
على الغلاء اللي احنا فيه
يومكم سعيد ياحلوين
تعليق
-
[]ههههههههههههههههههه
هالتى الجميلة
معلشى حبيبتى هو كدا ابليس اللعين
بيوسوس فى الاوقات الحرجة
جعل نزولك من بيتك فى هذا الجو اللعين
وانت تعبانه
فى ميزان حسناتك حبيبتى
دمتى بخير ياقمر المنتدى
ودامت يومياتك الرائعة[/]تعليق
-
[]مون مونتي الحلوة
تسلمي لي حبيبة قلبي
نحتسب كل مانفعله عند الله
ونتمنى ان يتقبله منا
اسعدني مرورك الجميل
بيومياتي ... دمتي بكل خير
[/]تعليق
-
الغاليه هاله
اليوم اول يوم ادخل واشوف اليوميات
الله عليك ياهاله يوميات حلوه كثير كنت اضحك واني اقرأها
واقرأ الردور الطريفه
بصراحه انتم المصريين عندكم خفة دم تجنن
كل عام وانتم بخير حبايبيتعليق
-
[]غاليتي ارواح
اسعدني حبيبتي ان رسمت
كلماتي البسمة على وجهك
سلمتي حبيبة قلبي
دمتي بكل خير
[/]تعليق
-
صباحكم فل و مساكم هنا كيفكم اليوم
وحشتوني معلش انشغلت عنكم شوية
لكن و الله انتم دايما ع الخاطر و البال
و ساكنين القلب من جوه هههههههههههه
قولولي مش بيحصل معاكم ساعات انكم
تكونوا مشغولين و فجأة تسمعوا صوت
او تحسوا بنسمة هواء بتبوس الخدود
تاخدكم معاها لبعيد تنسوا اللي في ايديكم
و تهيموا معاها في ماضي جميل
اليوم كنت في المطبخ بنحضر لافطارنا
فجأة سمعت صوت راديو الجيران
ناس لسه عندها راديو مش ام بي 3 و غيره
المهم صوت تداخل الموجات لحد ما وقف
المؤشر على محطة اول ما سمعت كلمة
لبيك ياربي لبيك ياربي
من غير ما احس لقيت نفسي اتفتح لي باب
دخلت منه على شارع جميل فيه بيتنا القديم
يا صباح العيد الكل لابس جديد
و بنوتة حلوة بضفرتين و فستان العيد الكاروة
النبيتي في زيتي و الكولة الجيبير البيج
و وجه بنوتة صغنونة بضفرتين هو الجيب على
جنب الفستان جوربها الابيض ابو كرتين
و الحذاء الجديد الفرنية ابو فيونكة و ابزيم
اخدتني و وقفت قدام باب البيت الخشب الجميل
شبت على طراطيف صوابعها
و لمست الكف النحاسي السقاطة و تركتها تنزل
ترن في فراغ البيت سمعت صوت الغالية
مين ع الباب افتح و ادخل
الباب مفتوح اصل زمان ماكانش فيه باب مقفول
الكل بيحس بالامان
فتحت الباب دخلت براح البيت اليوم عيد
و الستارة الجديدة اللي شغلتها ايادي الغالية
الله يرحمها
و علقتها على الشباك هو مالوش
نفس يلبس جديد هو كمان
و صوت الجميلة فدوى عبيد
المنطلق من الراديو الفيليبس
القديم ذوالمفاتيح الكبيرة
يغشى المكان بالسكينة
ايه الريحة الحلوة دي اه
طشة الخل بالثوم الغالية بتعمل فتة العيد
و لا احلى من ايديها جرت الصغيرة و جريت وراها
دخلت المطبخ كشفت غطاء الاناء و غمست
اصبعها في الشوربة لسعتها سحبت ايدها
لكن كان على الاصبع بقايا شوربة
اول مالمست الهواء عملت طبقة خفيفة
من الادام الدهن حتى شوربة زمان
كان لها طعم و لون و ريحة حلوة
يلا الكل حيفطر علشان نروح لنينة ام على
نعيد عليها و نقبض العيدية بس ناخد بالنا بلاش
نضايقوها لانها نرفوزة اصلها تركية و انتم عارفين
الاتراك و من نرفزتها سيدها البيه المنتسب
لاشراف الجزيرة العربية ماستحملش
طفش هههههههههه راح اتجوز مصرية اخر تمام
نينة ام علي بحلقها دمعة العين اللي بيوصل
لنص رقبتها و يشبه قطعة الدانتيل من كثر
ما فيه من منمنمات و الا العقد الزيتون في
رقبتها دهب على مرمر
كان اكثر حاجة تضايقها و كنا دايما بنعملها
اننا نخلع زر طربوش جدو النبيتي
رغم انه مش بيلبسه لكن هو قطعة من التحف
المرصوصة في البورية دولاب
الفضية و ممنوع منعا باتا لمسه
او الاقتراب او التصوير
كانت الدنيا شتا و الشوارع مليانة حفر
صغيرة اسرت جواها بواقي المطر
وقفت الصغيرة تعمل مراكب من الورق
ثنية و اخرى و كمان ثنية و اخيرا ظهر المركب
الشراعي الصغير اوريجامي مصري قبل
ما يظهر نظيره الياباني
و كان الشاطر اللي مركبه يسبح في
برك المطر الصغيرة
تابعت مركب الصغيرة و هو بيسبح و سرحت معاه
لقيت الصغيرة اخدتني من ايدي و اخرجتني
من الباب الكبير و قفلته ورايا
و ظل صوت الابتهال يملئ مسامعي
ايه الريحة دي يا خبر
اتحرقت التقلية لما اروح اطشها بشوية مية
اطفي لهيبها و ياريت فيه شيء يطفي لهيب
شوقي و حنيني للحظة واحدة من ايام زمان
و ارجع ثاني اسمع لبيك ياربي
للجميلة الرائعة فدوى عبيد
اهديكم صوتا وكلمات ولحنا
لن تسمعوا له مثيل في هذه الايام
و ح انتظر وصف مشاعركم
لبيك ياربي
ألحان : رياض السنباطي
كلمات : عبد الله شمس الدين
لبيك يا ربي بالشوق و الحبِ
يا غافر الذنب يا قابل التوبِ
يا واسع العفوِ بالدمعِ و الشجوي
و اللحن والشدوي والروح والقلب
صلى لك الفكر و السر و الجهر
يا من له الامر في البعد و القرب
هده مصابيحي وهده تسابيحي
في خلوة الروح في عالم الغيب
هده تحاييا في ليل نجوايا
تشدو لموليا انشودة الصب
يا منزل الذكر يسر به أمري
و اشرح به صدري و اكشف به كربي
لبيك يا ربي - فدوى عبيد mp3
[MEAUDIO]https://ia600308.us.archive.org/25/items/Www.ward2u.comAlEslam/001.labayk_ya_rabiy.mp3[/MEAUDIO]تعليق
-
[]روعة ياهالة وأكثر من رائع
أخذتينى معك لعالم الاحلام
عالم يشبه عالمى القديم
وحسستينا بروائح العيد مع الاحباب
ايام زمان ايام الحب والدفئ الجميل
كانت الفرحة من القلب حيث لا مسؤلية
ولا اولاد ولا هموم وأفكار
كنا نلهو ونستمتع بكل لحظة بصحبة الاحبة رحمهم الله
دمتى بخير وسعادة
ودامت يومياتك الرائعة
[/]تعليق
-
هالة
الجميلة
و حديث من القلب ..
ذو شجون ..و ذكريات ..
فى بيت العيلة الكبير الآمن
وتفاصيل دقيقة لطفولة شقية ..أضحكتنى
و أفراح ..و ملابس عيد أنيقة بكل الوانها و دقائقها
و كأنها ما كبرت ..و لا نسيت
و فى ذات الوقت أخذتينا هالة
فى مزج أكثر من رائع
و بأسلوب أدبى جميل
لأغنية لا تنفصل عن الروح
حتى و إن غابت عن الذاكرة
تذكرت فدوى عبيد
تذكرتها يا هالة
و تذكرت صوتها المتبتل
و الكلمات الأكثر من رائعة
شكرا لك هالة..للهدية النادرة
تخاطبين بها الروح فى الشهر الكريم
كل عام و أنتى بخير و سلام
تعليق
-
[]روعة يالولو روعة وصفك الجميل للزمن الجميل
الملئ بكل حلو مع أحلى الاحباب
وباب البيت المفتوح
اللى طالع ونازل يرمى السلام على اهل البيت
يا اهلا اتفضل الشاى جاهز
والمركب الورق الجميل اللى يطوف على الماء
ويتمايل بخفة وجمال
الله على الذكريات الجميلة الحلوة
مرت حياتى شريط امام عينى
وانا اتأمل كلامك ووصفك الرائع
مع هذه الانغام والصوت الجميل
بارك الله فيك هالة الغالية [/]تعليق
-
[]مون مونتي الحلوة
كم اسعدني حبيبتي ان
اعاد موضوعي اليكِ ذكريات
طيبة ادخلت السرور على
قلبك الغالي
دمتي حبيبتي بكل خير
[/]تعليق
تعليق