إعـــــــلان

**السويدي** **السويدي** · 10-10-2010, 09:44 AM

منى سامى

غواص فى بحر النغم
مشاركة مميزة
تغوصين فيها فى بحر النغم
لتجنى درر من الكلمات والانغام لارق الاصوات
مازلنا نتابع معك وننتظر المزيد
من اعماق النغم
تسلم الايادى
بارك الله فيك

**نهلة** **نهلة** · 10-10-2010, 11:15 AM

غاليتنا
منى سامى
سلِمت يداكى بما خطت
وشكرا لهذا العرض المميز
غواص فى بحر النغم

**هالة** **هالة** · 10-10-2010, 01:23 PM

يا نيل أنا واللي احبه
نشبهك في صفاك
لانت ورقت قلوبنا
لما رق هواك
وصفونا في المحبة
هو هو صفاك
ما لناش لا احنا ولا انت
في الحلاوة مثيل

ياسلام ياسلام
ايه الحلاوة دي كلها
روعة ياجميلة
تسلمي ويسلم ابحارك
مع عمار الشريعي
الذي فرد شراع مركبه
واخذنا في صحبتك الى
بحار النغم
دمتي بكل خير

**بنت تونس** **بنت تونس** · 10-10-2010, 01:39 PM

يا نيل أنا واللي احبه
نشبهك في صفاك
لانت ورقت قلوبنا
لما رق هواك
وصفونا في المحبة
هو هو صفاك

الله عليك حبيبتي
منى سامي
وعلى شمسك التي تضئ
صفحات منتدانا بأصالت اختياراتك
وروعتها
تحية حب وشكر غاليتي

**امل نيازى** **امل نيازى** · 10-10-2010, 02:24 PM

الله على بحر نغمك
اللى غاص فى الاعماق
تسلمى
مشرفتنا الغالية
منى سامى
اختيار رائع
لبحور نغم
عمار الشريعى
وروعة اداء كوكب الشرق
ام كلثوم
فى صحبتك لبحر نغم جديد
دمت لنا بخير

**ملاك البستان** **ملاك البستان** · 10-11-2010, 10:33 PM

يا نيل أنا واللي احبه
نشبهك بصفاك
لانت ورقت قلوبنا
لما رق هواك
وصفونا في المحبة
هو هو صفاك
ما لناش لا احنا ولا انت
في الحلاوة مثيل
***

انا وحبيبي يا نيل
نلنا أمانينا
مطرح ما يرسى الهوى
ترسى مراسينا
والليل إذا طال وزاد
تقصر ليالينا
واللي ضناه الهوى
باكي وليله طويل

نفسى اقعد امام وادى النيل العضيم واتامله
واقول فيه احلى الكلام
تسلمى لى حبيبتى الرقيقة الجميلة
و الغالية منى سامى على غوصك فى بحر النغم
العدب والكلمات الجميلة
دايما معاك دايما وراك وراك دايما ههههه
متبعاكى حبيبتى وحد يقدر يشوف الجمال دا ومايتمتعش به
دمتى بخير ومميزة ودام عطائك المميز يااغلى منى
عندى امنية لو اتحققت عن قريب اكيد فى يوم
حتلاقينى فى مصر بادن الله
ونعمل جولة سياحية
فى مصر الغالية

**زهرة الكاميليا** · 10-12-2010, 05:17 AM

أسجل إعجابى الكبير
غاليتى منى
بعرض غواص فى بحر النغم كتابة
نظرا لروعة هذا البرنامج الخالد
و كأننا مع المبدع عمار الشريعى
على الهواء مباشرة
بأسلوبه المشوق السلس
ووصفه الدقيق لتفاصيل الألحان

مجهود رائع مشكور منى
و فكرة متميزة جذابة

فى إنتظار الحلقات القادمة
دتى بكل خير .

**منى سامى** **منى سامى** · 10-15-2010, 07:47 PM

أسعدنى ردود كل الغالين على قلبى
وكلماتكم الرقيقة المشجعه
حافز لأبذل مجهود أكبر لأكون عند حسن ظنكم
دمتو لى خير صحبة

مراقب عام منتدانا السويدى

نهلة الجميلة

حبيبتى هالة

بنت تونس الغالية

مبدعتى الرقيقة

ملاك البستان الرائعة

وأستاذتى الغالية على قلبى
أجمل زهرات الكاميليا

نورتو موضوعى بردودكم الرائعة
يا أجمل صحبة فى بستان ورد

**منى سامى** **منى سامى** · 10-17-2010, 09:36 AM

حلقة جديدة من غواص فى بحر النغم
تموج بحار النغم بالعديد من لألئ الالحان
توارت فى غفلة من الزمن
عن ملاحظة الاذان
والغواص يجمع لكم بعضها
فى عقد بديع من الألوان

أحبابى أحباب ورد
مع حلقة جديدة من حلقات غواص فى بحر النغم
حلقة نستمع فيه --ونبحث --وندقق-- ونتأمل

مع أغنية على أيه بتلومنى
للرائع محمد عبد الوهاب

كانت مرحلة الخمسينيات هى المرحلة الاكثر
نضجا فى صوت عبد الوهاب
اما مرحلة الاربعينات كانت الاكثر حلاوة

لو سمعنا الاغانى المسجلة فى الخمسينيات
والاغانىالمسجلة فى الاربعينات
تلاحظ فروق

ماذا أكتسب صوت عبد الوهاب وماذا فقد

اولا اكتسب
1--كان صوت عبد الوهاب فى الاربعينات صوت جديد
مختلف أشبهه بأنه مرشوش كلونيا

مثال أغنية رصاصة فى القلب---يحيا الحب
كليوبترا--الحبيب المجهول

فكان صوت عبد الوهاب صوت عريض
المساحة مطاوع لصاحبه الى أقصى درجة
وقادر على التعبير

اما صوته فى الخمسينات ينقسم الى قسمين
قسم يمسك اوائل الخمسينات
وقسم يمسك اوخر الخمسينات

فقد أكتسب صوته فى الخمسينيات
وقار ورجولة صوتية
والنضج التعبيرى وتجده فى
(النفس العميق الذى يأخذه وسط الكلام)
وهذه مفاهيم تعبيرية كونها
على مدار السنين
فقد حقق نظريته فى الاعادةلسبب
وخسر
انه لم يلحن لنفسه
وكسب غلظه فى الصوت كانت مفيدة
فى تحقيق الهيبة والاحترام

بالاضافة الى النضج الصوتى هناك نضج فنى
وأصبحت هناك علاقة صدق بينه وبين
المستمع

من أجمل أغانيه
على ايه بتلومنى
كلمات الرائع حسين السيد

على إيه بتلومنى

على إيه بتلومنى على إيه
كان ليه تهجرنى كان ليه
ياما قلبى شكى ياما دمعى بكى
ما رحمتنيش ليه

خطرش يوم حالى على بالك
و أنا اللى ياما قاسيت أحوالك
جالكش هاتف يوم و حكى لك
على اللى قاسيته أنا بعدك
لو كان لى حتى نصيب فى خيالك
ما كانش ده حالى فى حبك
و ما كانش كل اللى جرى ده كان جرى
و لا كانش عهدى فى الهوى ضاع فى الهوى
على إيه بتلومنى

حاسبت روحى على الأيام
اللى انقضت من حبى معاك
لاقيتها أكترها أوهام ضاعت
ما بين صدك و جفاك
و اللى اتحسب من عمرى
راح و انقضى من بدرى
ما فضلش منى غير ظلمك فىّ
لو كنت راضيتنى و عطفت علىّ
كان ضوء عيونك ما فارقش عينايا
و ما كانش كل اللى
جرى ده كان جرى
و لا كانش عهدى فى الهوى ضاع فى الهوى
على إيه بتلومنى

فيها فكرة رائعة
محاورة تبدأ بسؤال
رغم ان طريقة السؤال مش برقة المضمون الا
ان الطريقةظريفة
كلمات بمنتهى السهولة نجدها فى
خطرشى----حاسبت روحى---جالكشى

اللحن
أخذ عبد الوهاب سكته فى اللحن
القصير وايقاع الرومبه
من اغنية جفنه علم الغزل
اما اله الاوكورديون كان لها دور ايجابى
الموسيقى غير مغتربة من الغناء
الكوبليه الثانى (بياتى)
ناعم ومتسسل وحاسم ولا يخطئ الاذن
يبدأ بالسؤال
على ايه بتلومنى؟
ويختلف اللحن فى الاجابة
حتى لايمل المستمع
ارجو ان تستمتعو بحلقة اليوم والى اللقاء
فى حلقة جديدة

**هالة** **هالة** · 10-17-2010, 10:44 AM

مازلنا نغوص وتأخذنا امواج بحر
النغم الى اعمق واعمق
لننعم بكل هذا الشذى
من الرائعة منى سامي
سلمتي غاليتي
ودام تألقك
المقامات الموسيقية
جمعتها جملة
صنع بسحر
لمتابعة المزيد عن
المقامات الموسيقية
اضغطي هنا

**زهرة الكاميليا** · 10-17-2010, 11:26 AM

على إيه بتلومنى ؟

لؤلؤة جديدة ..ثمينة ..
من لآلئ بحر النغم ..
يأتى بها الغواص الباحث
عمار الشريعى
ليعرض كل أوجه السحر فيها و الجمال
برؤية فنان ..خبير ..

و تقدمها الرائعة ..
ذات الحس الفنى العالى
منى سامى

ضمن مواضيعها الثرية
فى منتدانا
و التى صرنا نترقبها بشوق
و نجد فيها المتعة الثقافية و الفنية

1

و لهذه الحلقة ..تحديدا
مكانة خاصة عندى
لما أحمله من إعجاب بلا حدود
لموسيقار الأجيال
محمد عبد الوهاب

شكرا جزيلا
حبيبتى منى
دمتى موفقة ..متألقة .

**امل نيازى** **امل نيازى** · 10-17-2010, 02:06 PM

نغم جميل
نغوص مع بحوره الناعمة بكلمات الرائع
حسين السيد
ولؤلؤة
الموسيقار
محمد عبد الوهاب
على إيه بتلومنى ؟

امتعتينا غاليتى
دمت لنا بكل خير

**نااانو** **نااانو** · 10-17-2010, 08:20 PM

واااااااااااااااو
حلقة تفوق الخيال
وصف جميل لاغنية رائعة
أنا من عشاق الحان الموسيقار الرائع عبد الوهاب
وكلمات حسين السيد
وعندما يجتمعوا معا
تكون وجبة دسمة جدا
وهذه الاغنية جميلة جميلة
على إيه بتلومنى على إيه
كان ليه تهجرنى كان ليه
ياما قلبى شكى ياما دمعى بكى
ما رحمتنيش ليه
شكرا لكِ منى الجميلة والحلقة الاكثر من رائعة

**منى سامى** **منى سامى** · 10-22-2010, 10:11 AM

يسعدنى ويشرفنى ردود كل الغالين على قلبى
وأتمنى ان أكون موفقة فى أختياراتى
وتنول الاعجاب
الغالية هالة يسعدنى ردك الجميل

أستاذتى زهرة الكاميليا
سعيدة حدا بطلتك الحلوة على موضوعاتى
وأسعدنى جدا أعجابك بهذه الحلقة
دمتى لى بخير حبيبتى

مبدعتى الغالية دايما تسعدينى بكلماتك
الرقيقة مثلك وذوقك العالى

حبيبة قلبى ناانو ربنا يسعدك كما تسعدى قلبى بردودك الجميلة
وحسك الفنى العالى

دمتو لى خير صحبة أسعد بها

أنتظروا حلقة جديدة من غواص فى بحر النغم
بأذن الله تنول رضاكم

**منى سامى** **منى سامى** · 10-24-2010, 08:42 AM

حلقة جديدة من حلقات غواص فى بحر النغم

تموج بحار النغم بالعديد من لألئ الالحان

توارت فى غفلة من الزمن
عن ملاحظة الاذان
والغواص يجمع لكم بعضها
فى عقد بديع من الألوان

فى هذه الحلقة

نستمع نبحث ندقق و نتأمل

1

شهدت اوائل الخمسينات جيل جديد
فى عالم الغناء
هذا الجيل تمثل فى أربعة أشخاص
عبد الحليم
محمد الموجى
كمال الطويل
بليغ حمدى
ظهرو فى جيل واحد
وحملو راية جيل بحاله
فى رغبة صادقة فى تطوير الاغنية العربية
أغنية الليلة لو كنت يوم أنساك
تأليف مأمون الشناوى
تلحين محمد الموجى
توزيع أندريا رايدر
1
لو كنت يوم انساك ايه افتكر ثاني
بالي و خيالي معاك و كل وجداني
الحب اللي في قلبي والدمع اللي في عيني
و النار اللي في جنبي و الشوق اللي كاويني
طول بعدك و لا مره فاتوني
لو انساك ازاي ينسوني
لو كنت يوم انساك ايه افتكر تاني
يا فايتني وهان حبي
على قلبك يا حبيبي
بادعيلك من قلبي
ماتشوفش تعذيبي
لا اللي قاسيته كان على بالي
و لا اوهامه جت في خيالي

لو كنت يوم انساك
ايه افتكر تاني
و أول ما تستشفه هنا هو العلاقة الحميمة
بيننهم
و انهم أصحاب متفاهمين عاشو مع بعض تجربة أنسانية
كاملة متكاملة و شربين بعض

اولا المؤلف مأمون الشناوى

يحكى هنا حالة حب واضحة بقوة وبراعة
مع شئ من المبالغة فى أبراز المشاعر
و ده شئ رائع

الملحن محمد الموجى
تعتبر هذه الاغنية من أوائل ما قدم هذا الجيل
و هذه الاغنية تعد بصمة أخرى
لأندريا ريدر فى التوزيع
الاوركسترا كامل متكامل
و تريات خشبيات الفلوت الابوة
الفاجوت أله عظيمة الصوت مع النحاسيات

المقام هنا هو ( الكورد) النوى الدرجة الخامسة
مقام رقيق حساس عاطفى
مليان شجن
فى الكوبليه الاول ( نهاوند )
ثم يعود الى الكورد

فى البداية تجد حوار بين البيانو و الالات الاخرى
و بعد هذا الاندماج بين الالات
يدخل الجيتار لنعود معه
للحالة الناعمة العاطفية

اما لو تكلمنا عن حليم
ذلك الشئ الصادق فى مشاعره
فأذا ضحك ضحكنا و أذا بكى بكينا
فيه مصداقية على طول
صوته كله دفا و حنان
و صوت كله شباب مبشرو
و حساسية هى الاهم

إعـــــــلان

غواص فى بحر النغم حلقات اذاعيه مكتوبه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك