إعـــــــلان

**admin** **admin** · 03-09-2013, 12:30 AM

ادخلى اوضتى يا امى

كلمات: عبدلله الشاعر
الحان: محمد خلف
ادخلى اوضتى يا امى
و افتحى دولابى القديم
و اكسرى القفل الحديد
هتلاقى تحت هدومى
فى الرف اللي فوق
علبه فيها شال ابيض جديد
إقلعى الإسود يا امى
إقلعى لبس الحداد
و كفايه حزن خلاص كده
قولي لكل الأمهات
أنا إبني جابلى هديتى
و مستحيل ينسانى يوم العيد
انا موتى يا اما كان شرف
على يوم نزولى ما تندميش
دي الجنه ما فيهاش كدابين
و لا حتى مفتى او شاويش
يقولوا مين مات بلطجى
و مين على درجة شهيد
برضاكِ فوزت بجنتي
انا تحت أقدامك بعيش

ادخلى اوضتى يا امى - عمرو كمال mp3 للتحميل اضغط هنا

**مشمشة** **مشمشة** · 07-30-2013, 07:51 PM

تسلم الايادي علي كل الاغاني الرائعه

يا مصر يا ام الامم

يا مصر يا مصر يا مصر
يا مصر يا أم الأمم
نيلك اتولد قبل الهرم
لما يمر في أرضنا
بالحب نرفع العلم
يا مصر يا مصر يا مصر

بعطش يا نيل للسلسبيل
و انت حنين مش بخيل
أنا مش بريئة في حب مصر
و انت اللي في ايديك الدليل
يا مصر يا مصر يا مصر

سر الحياه في مصريتك
و الأمن صان حريتك
و في أي عصر و أي جيل
بنعيش سوا في جنتك
يا مصر يا مصر يا مصر

بعطش يا نيل للسلسبيل
و انت حنين مش بخيل
أنا مش بريئة في حب مصر
و انت اللي في ايديك الدليل
يا مصر يا مصر يا مصر

يا مصر - امال ماهر mp3 للتحميل اضغط هنا

**admin** **admin** · 10-19-2016, 08:43 PM

اخر اغنيه

كلمات: امير عيد
الحان و توزيع كايروكي
انتاج موسيقي و ميكسنج : شريف مصطفي
تم نشره في 12‏/03‏/2016
عدد المشاهدات حتى تاريخه : 2,258,477
اسمع مني المفيد
عاهات كتير و تقاليد
المجتمع اجتمع ضد التجديد
فكر الناس تعبان عيان و مريض
ابحث معايا دور عالمستفيد

المستفيد هو المتحكم فيك
اللي ممشيك جنب الحيط بيجيبك و يوديك
سيطر عليك حابسينك جوه نفوخك
قضبان السجن خوفك
بتخاف تفكر بحريه لحد يشوفك
كلامي مش ضد النظام فقط
كلامي ضد العبيد كمان
لو ميت الف نظام سقط
هنفضل برضه في نفس المكان

في حاجات و تساؤلات و عادات بقت عاهات
و تقاليد محتاجه تجديد و التاريخ عمال يعيد
في حرب ضد الحريه و الحريه دايما ممنوعه
كل العقول الرجعيه كلمتهم هي المسموعه
اتربينا على ان الحيطان ليها ودان
طب انزل بالمزيكا سمعهم بالفم المليان
لو دي اخر اغنيه ليا
هفضل اغني عن الحريه
قولوا معايا بصوت عالي
حريه

حريه يعني تغيير
يعني حريه في التفكير و التعبير
حريه يعني اختيارك مش اختيار الغير
صراع اجيال عالمكشوف
اصبح عيني عينك
عاوزينك تمشي على خط سيرهم
مش خط سيرك
الكبير عاوز يعيش في الماضي و عالحاضر يسيطر
بيفكروني باعلان اسكنشايزر
مهما اتكلم صوتي مش مسموع
كلامي دايما بالنسبه لهم فارغ و ممنوع
سبني احلم حلم جديد و خارج عن المألوف
مش عاوز امشي في قطيع زي الخروف
بلدنا شابه يعني اغلبها من الشباب
قتلتوا فيه الولاء و قفلتوا في وشه الابواب
عندنا احلام كتير اديني فرصه اسوق
انا كل هدفي اشوف بلادي فوق
رقم سبعه ممكن يبقي تمانيه
لو بصيت عليه م الناحيه التانيه

لو دي اخر اغنيه ليا
هفضل اغني عن الحريه
قولوا معايا بصوت عالي
حريه

قال ايه بيقولوا عليا خايف
اركن ياض على جنب و حط احمر شفايف
عملت ثوره جوايه و لسه مستمره
الحلم عايش معايا كلمتي لسه حره
غنيت في كل العهود و كنت الصوت
ساعه ما يحبوا الدنيا سكوت
الحريه يعني تضحيه و اختبار
و انا قد المسئوليه و للاخر هكمل المشوار
انا مش لوحدي انا فكره
زي البذره هتدفنوها هتطرح بكره
عمري ما هبيع احلامنا و الشهيد اللي سبقنا
ُخدني على سجنك خليني اشوف
شبابنا الرجاله بحق في السجون ساكنه

لو دي اخر اغنيه ليا
هفضل اغني عن الحريه
قولوا معايا بصوت عالي
حريه

اخر اغنيه - فرقة كايروكي mp3

[MEAUDIO]https://ia902806.us.archive.org/33/items/ward2u_01/092.akhir_aughnyh.mp3[/MEAUDIO]

إعـــــــلان

تحميل جميع الاغانى الوطنيه العربيه

تعليق

تعليق

تعليق

مواضيع تهمك