إعـــــــلان

**نااانو** **نااانو** · 11-14-2010, 09:27 PM

بنت تونس الجميلة
زيارة رقيقة بأغنية رائعة
شكرا لكِ

اكدب عليك

كلمات: مرسي جميل عزيز
الحان: محمد الموجى

اكدب عليك اكدب عليك اكدب عليك اكدب عليك
اكدب عليك لو قلت بحبك لسه اكدب عليك
و اكدب عليك لو قلت نسيتك همسه اكدب عليك
امال انا ايه قلي انت انا ايه
اختارلي بر و انا ارسي عليه
انت حبيبي يعني لسه حبيبي
ولا حبيبي عشان كنت حبيبي
قول يا حبيبي قول
يا حبيبي
عارف كان اجمل شيء في حياتي
ايه يا حياتي
كان اجمل شيء ان انت كل حياتي
توعدني و اطير قبل المواعيد
للفرحه اعيد قبل العيد
و القاك يا حبييبي سابقني هناك
و الحب ف ايد و الدنيا ف ايد
و الشمع يشوفني معاك يا حبيبي
من غير ما نقيده لوحده يقيد
كان شيء جوانا علينا جديد
دلوقت خلاص ما صبحش جديد
حبيبي صحيح بنتواعد و نتقابل و نتكلم لقا بطوله
كلام يمكن مالوش معنى ما هوش من القلب
لكن برضه بنقوله
و نرجع تاني نتقابل و نتكلم و لا عارفين بنفرح
او بنتالم
و فوق خد الليالي دموع بتسال ايه جرى لينا
شموعنا ما عادتش شموع و نيجي نقيدها تطفينا
و ده كله و مالناش الا بعضينا
دي جنه بنار بتجمعنا ليالينا
عيني عيني يا عين قول لحبيبي يا عين
لهفتنا راحت فين جنتنا راحت فين
كل الحاجات الحلوه نجيبها تاني منين
حتى السلام بالايد بقى شيء علينا جديد
غير اللي كان غير اللي كان بسلم القلب قبل الايد
الحب بريء و احنا ظلمنا
دوبنا شبابه قبل صباه
يدينا الحب نصيب سنتين
نشربه في دقيقه مش في اتنين
و انقال يرتاح مثلنا ساعتين
نحلف يمينين و لا غمضه عين
شوف كنا بايه و صبحنا بايه
وا ختارلي بر و انا ارسي عليه
انت حبيبي يعني لسه حبيبي
و الا حبيبي عشان كنت حبيبي
قول يا حبيبي قول
يا حبيبي

اكدب عليك - ورده الجزائريه mp3

[MEAUDIO]https://ia801500.us.archive.org/20/items/ward2u_03/016.akdib_ealayk.mp3[/MEAUDIO]

يتبع

**artist nivi** **artist nivi** · 11-14-2010, 11:14 PM

يسلم الذوق الجميل نااانو
على السيرة الذاتية و اغنيات
صاحبة الصوت الذهبي وردة الجزائرية
فمن منا لا يعرف وردة
و يترنم بأغانيها الرائعة
مثل العيون السود و حرمت أحبك
شكراً لك على هذا المجهود

العيون السود

كلمات: محمد حمزه
الحان: بليغ حمدى

و عملت ايه فينا السنين عملت ايه
فرقتنا لا غيرتنا لا و لا دوبت فينا الحنين
السنين
لا الزمان و لا المكان قدروا يخلو حبنا
ده يبقى كان يبقى كان الزمان
و بحبك و الله بحبك و الله و الله و الله بحبك
قد العيون السود احبك
و انت عارف ما انت عارف قد ايه كتيره و جميله
العيون السود في بلدنا يا حبيبي
احبك و الله بحبك و الله و الله و الله بحبك
قد اغاني الصبر بحبك
و انت عارف قلنا ايه فيها كل ليله
و قال معانا الناي في سهرنا يا حبيبي
احبك و الله بحبك و الله و الله و الله بحبك
قد اللي فات من عمري بحبك
قد اللي جاي من عمري بحبك
و شوف قد ايه شوف قد ايه بحبك
اللي كان هو اللي كان
قدر يغيروا في يوم الزمان
لا الزمان و لا المكان قدروا يخلوا حبنا
ده يبقى كان
كل ليله من ليالي البعد عدت عليه
و انت مش جانبي يا روحي يا نور عنيه
و حبي فيها كان بيكبر من ليله و اكتر
و الله من ليله و اكتر
قد كل الليالي ديا و اكتر شوي بحبك
و قد عمري و نور عنيه يا نور عنيه بحبك
كل غنوه عالفرح كانت عالجرح كانت
عالصبر كانت عالحب كانت
كتبها و قلتها كانت عشانك
كل دمعه دمعه دمعه
عالخد سالت عالرمش نامت فى عيون ما نامت
من الدنيا عانت
و جرح الهوى ما لوش دوا الا ف حنانك
قد كل كلام في الحب اتقال في الصبر اتقال
بحبك
ليلي و انا سهران سنين ما بنام و بقول موال
بحبك قد اللي فات من عمري بحبك
قد اللي جاي من عمري بحبك
و شوف قد ايه بحبك

العيون السود - ورده الجزائريه mp3

[MEAUDIO]https://archive.org/download/ward2u_03/017.aleuyun_alswud.mp3[/MEAUDIO]

**امل نيازى** **امل نيازى** · 11-16-2010, 05:29 PM

يسلم ذوقك نااانو
البوم رائع للفنانة وردة الجزائرية
نسعد بالكثيرمن اغانيها
مثل
اوقاتى بتحلو
طبعا احباب
انده عليك
شكرا لك دمت بخير

انده عليك

كلمات: حسين السيد
الحان: رياض السنباطى

انده عليك بالحب تجيني
و اشتاق اليك تحلو سنيني
و اخاف عليك اكتر من عيني
و انا و انت اتنين عايشين
في هوانا احلى سنين
و فى كل مكان يشوفونا
يلاقونا احنا الاتنين
و ان يوم شافوني لوحديا
يقولوا علينا متخاصمين
و ازاي ح نتخاصم يا حبيبي
طيب لو اخاصمك يا حبيبي
يا حبيبي ح اكلم مين
متهيأ لي لو لفينا الدنيا و جينا
و عشنا و شفنا و اتمنينا
مش ح نلاقي زي هوانا مش ح نلاقي
حب ينور لينا ليالينا مش ح نلاقي
متهيأ لي ان انا و انت في عالم تاني
في عالم كله شموع و اغاني
و ان زمانك هو زماني
لما ناديتني و حبك جاني
متهيأ لي لو فيه هجر بيحكوا عليه
عمره ما زارنا و حسينا بيه
عمري يا عمري يا احلى زمان
فرح و هنا وياك و امان
شمس و غنى و قمر و حنان
و ربيع حبي في كل اوان
و انت انت انت حبيبي انت حبيبي
و انا و انت اتنين عايشين
في هوانا احلى سنين
و فكل مكان يشوفونا
يلاقونا احنا الاتنين
و ان يوم شافوني لوحديا
يقولوا علينا متخاصمين
و ازاي ح نتخاصم يا حبيبي
طيب لو اخاصمك يا حبيبي
يا حبيبي ح اكلم مين
و الله و الله و الله
و الله و ضحك لي زماني
و لقيت في الفرح مكاني
اللي تمنيته لقيته لقيته
و لقيته في الحب اللي انا حبيته
و اكتر من كده ايه تاني
و آه لو اقدر اقول يا زماني
ارجع بيَ سنينك تاني
ده انا من فرحي بيك يا حبيبي
عايزه احبك تاني و تاني و تاني
و انا و انت اتنين عايشين
في هوانا احلى سنين
و فى كل مكان يشوفونا
يلاقونا احنا الاتنين
و ان يوم شافوني لوحديا
يقولوا علينا متخاصمين
و ازاي ح نتخاصم يا حبيبي
طيب لو اخاصمك يا حبيبي
يا حبيبي ح اكلم مين

انده عليك - ورده الجزائريه mp3

[MEAUDIO]https://ia801500.us.archive.org/20/items/ward2u_03/018.andih_ealayk.mp3[/MEAUDIO]

**نااانو** **نااانو** · 11-18-2010, 11:58 AM

الغالى ملك شكرا لمرورك الكريم
و مبروك عليك الالبوم الجميل لأحب الاصوات

احضنوا الايام

كلمات: سيد مرسي
الحان: بليغ حمدي
احضنوا الايام لتجري من ايدينا
احلى ايام الهوى راحت علينا
م الشهد دوقونا في السكر دوبونا
و بعدما حبيناهم و بعدما هنيناهم
م المر سقونا بالرخص باعونا
آه و بايدينا آه انكوينا
لما بالحب ابتلينا
ابتلينا و اتنسينا و انتهينا
بس طول ما هو جاي بكره
ربنا يعوض علينا

يعوض الله يعوض الله يعوض الله
الدنيا لسه بخيرها و الله يعوض الله

احلى كلام في الهوى قلنا
قد ما قلنا صدقناه
و عشقناه و دبنا معاه
و دوبناه دبنا دبنا دبنا
حب في حب
نعطش حب نشرب حب
غنت كل الدنيا معانا اغاني الحب
و اما قلنا خلاص ارتحنا
و الايام حست بفرحنا
ضاع الهوى بعد ما جرحنا
اه ع الدنيا لما بتدي
بس بتاخد قد ما تدي
و اكتر ما بتدينا يا وعدي
استكترت الحب علينا
استكترت الفرح علينا
استكترت الحلم علينا
آه و بايدينا آه انكوينا
لما بالحب ابتلينا
ابتلينا و اتنسينا و انتهينا
بس طول ما هو جاي بكره
ربنا يعوض علينا

يعوض الله يعوض الله يعوض الله
الدنيا لسه بخيرها و الله يعوض الله

احلى ايام يا هوى انا بانتظارها
بابتسامتها و حلاوتها
و نارها بانتظارها يا هوى
بكره ايامنا اللي جايه تقول تعالوا
قلت اهلا بيها و بضحكه نهارها
و لياليها و سهرها
و العشره اللي بينا
لو حد افتكرها
يلا بينا نحضن الايام
لترجع تجري بينا
يلا بينا قبل ما الدنيا
تجرح تاني فينا
ترجع النغمه الحزينه
تشترينا يلا بينا
ندعي للايام تجينا
و الزمن هو يداوينا
ليه نشمت حد فينا
ملي بينا يلا بينا
كل ده محسوب علينا
يا زمن حاسب علينا
بعد ما ضحكت عينينا
اه و اترضينا اه و اتصافينا
لما رحنالهم و جينا
و اما قلنا نحب بكره
ربنا يعوض علينا

يعوض الله يعوض الله يعوض الله
الدنيا لسه بخيرها و الله يعوض الله

احضنوا الايام - ورده الجزائريه mp3

[MEAUDIO]https://ia902805.us.archive.org/21/items/ward2u_03/019.ahdunw_alayam.mp3[/MEAUDIO]

**نااانو** **نااانو** · 11-18-2010, 12:00 PM

منمونتى الجميلة سعدت بإعجابك
بهذه المجموعة الرائعة
و شكرا لكِ ولطلتك الحلوة

ليالينا

كلمات: سيد مرسي
الحان: بليغ حمدي
ليالينا ليالينا
و تاهت بينا ليالينا
و تاهت بينا تاهت ليالينا ليالينا
و قولنا نرسى نرسى على مينا
مشينا و ادينا من غير اهالينا
و لا حد بيسال فينا
و اتارى الدنيا غداره غداره
بتغدر كل يوم بينا غداره
و الله و جيتى علينا يا دنيا
جيتى علينا علينا يا دنيا
و جيتى كتير على ناس قبلينا
ليالينا ليالينا
و تاهت بينا ليالينا
الحنيه طب فين هى
ابكى يا قلبى على الحنيه
هى الدنيا جرى فيها ايه
دى جرى فيها ايه
حتى الناس صبحت مش هى
راحت فين الكلمه الحلوه
راحت فين الناس الحلوه
ضيعتيهم و جرحتيهم و توهتيهم

ليالينا - ورده الجزائريه mp3

[MEAUDIO]https://ia902805.us.archive.org/21/items/ward2u_03/020.Layalina.mp3[/MEAUDIO]

يتبع

**manino** **manino** · 12-01-2010, 03:11 PM

تسلمي يا غالية على موضوعك الحلو
تحميل جميع اغانى ورده الجزائريه mp3
و كل اغانيها رائعة
مشرفتنا الحلوة نااانو
لك منا كل الشكر و التقدير
جزاكي الله كل خير

**تقى** **تقى** · 12-12-2010, 05:34 PM

تسلمي غاليتي ناانو
لاغاني مطربتي المفضله ورده
و منتظرة اغنية اسمعوني
دمتي بكل خير يا الغلا

**همس الروح** **همس الروح** · 05-30-2011, 06:15 PM

ميرسي على المجهود ده

**نااانو** **نااانو** · 08-09-2011, 01:23 AM

الفنانة الرقيقة نيفى سعدت بطلتك الحلوة
مع اختياراتك الجميلة لأحلى الاغنيات
شكرا لكِ

**نااانو** **نااانو** · 08-30-2011, 08:50 PM

امل منتديات ألهندسة الصناعية الغالية
يا ميت هلا بك حبيبتى
بين اجمل النغمات و أحلى الاغانى

**dr-obgy** **dr-obgy** · 08-30-2011, 09:14 PM

ورده هى الصوت المفضل عندى
اشكرك جدا على ذوقك العالى

**safynaz** **safynaz** · 09-19-2012, 11:43 PM

السادة الاعضاء بعد نجاح رحلتنا النيلية
على متن سفينة جميلة مضيئه قررت السفينة العوده
و فى طريق العوده ليلا و قد اصبحت
المياه و كأنها حبات من اللؤلؤ المضئ بانوار النجوم
ارتخى الاعضاء على كراسيهم بعد عناء
اليوم من لعب و جرى فقررنا ان نساعدهم
على الاسترخاء بكوب من الشاى بالنعناع

**منى سامى** **منى سامى** · 09-27-2012, 09:15 PM

صفصف ياجميلة
انت اكيد حسيتى انى من عشاق وردة
عشان كدا اهديتى لى الاغنيه دى
ميرسى يا قمر
تسلمى حبيبتى وتسلم اختياراتك الجميلة

بقالى زمان وانا خايفه
و عايزه اقولها مش عارفه
و اقولها ازاى وانا شايفه
زحام الشوق على بابك

**ملك** **ملك** · 09-27-2012, 09:58 PM

شكرا لكِ الغالية صافى
على الاغنية الجميل لوردة الجزائرية
من الاغانى المفضلة
بارك الله فيك تسلم يدك

**safynaz** **safynaz** · 09-27-2012, 10:49 PM

منى حبيبة قلبى ماحستش انك من عشاق وردة
لكن حسيت انك من مواليد برج الميزان او بالكتير العذراء
و دول قريبين منى يارب تكونى فعلا كده
و هما اللى بيحبوا الحاجات المتميزة زيك كده
شكرا كتيير لك

إعـــــــلان

تحميل جميع اغانى ورده الجزائريه mp3

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك