إعـــــــلان

**امل نيازى** **امل نيازى** · 02-06-2011, 09:18 AM

خفيف الروح بيتعجب
على اجمل قهوة بتوجب
ترحيب جميل
ونغم اصيل
وشعب همام
عن حقه مابينام
قليل فى حقه
احلى الكلام
والله تساهلى
ياغالية
احلى تقدير واحترام
مشرفتنا الرائعة
منى سامى
دمتِ حبيبتى بكل خير

**بنت تونس** **بنت تونس** · 02-06-2011, 11:08 AM

رغم مسحة المراره التي
تذوقتها بقهوتك عزيزتي
منى سامي
الا انها لم تتنازل عن طعمها
الممزوج بالابداع والتنوع
وسيد دروش الذي
يصدح باجمل الكلمات والزوج
المسكين الذي يبتلع المراره
والغصات وكل الاركان التي
زادت من متعت رشفها
دمتي حبيبتي ودامت
قهوتك الرائعه
بخير وسلام

**نااانو** **نااانو** · 02-06-2011, 01:59 PM

الله الله الله
على قهوتنا اليوم
كلها خفه دم وروح
وعلى الربابة احلى كلام
عن شعب مصر الهمام
وعزومة لمة العيلة
على وليمة حلوة جميلة
وسقا يلف بقربته على ظهره
وفنان فى القلب له مكان
بأجمل الكلمات وأعذب الالحان

اختياراتك اليوم
رائعة رائعة رائعة
ما أجملها قهوة
مع مضيفتنا الجميلة
منى سامى
يلا واحد شاى وصلحه

**منى سامى** **منى سامى** · 02-12-2011, 08:46 AM

ماتتصوريش ياغالية انا
بحب قد ايه
والله تستاهل ياقلبي
كلمات ولحن وصوت شجي
يسلم لى ذوقك الجميل
يا اجمل هالة
انا كمان ياغالية بعشق هذه الاغنية
دمتى قريبة من القلب
صافيه المشاعر تنورى قهوة ألهندسة الصناعية دايما

**manino** **manino** · 02-12-2011, 06:44 PM

انا جيت
ماحبيتش ندخل وايدي فارغة
جبتلكم معايا

خلينا نحتفل بيكي يا مصر
في قهوة حبيبة قلبي الغالية
منى سامي

مع احلى واطيب واروع لمة
في قهوة ألهندسة الصناعية

لانه صار اكيد
ادمان حبيبتي
ما نقدرش نعيش من غيرها

الف مبروك النصر يا مصر

قهوتنا
كلها خفه دم
دمتي حبيبتي ودامت
قهوتك الرائعه
بخير وسلام

**منى سامى** **منى سامى** · 03-06-2011, 06:45 PM

حبيبتى بنت تونس
حبيبتى ناانو
حبيبتى مانينو

نورتو مقهى منتدانا بأجمل طلة
دمتو لى خير صحبه يسعد بها قلبى
ووكلماتكم الجميلة وسام
يشجع دائما لبحث عن الافضل

**ابو نيرة** **ابو نيرة** · 03-06-2011, 07:37 PM

موضوع ممتاز عن قهوة ألهندسة الصناعية
شكرا لك مني

**منى سامى** **منى سامى** · 09-09-2011, 12:25 PM

اشكرك استاذ ابو نيرة ربنا يسعدك

**السيلاوي** **السيلاوي** · 09-10-2011, 10:10 AM

اختي منى سامي
دخلت الى قهوتك العزيزة
قهوة ألهندسة الصناعية
خلسة من الباب الجانبي وجلست هناك
بعيدا في ركن هادئ منها ارقب بشغف
ما اراه امامي واحضر لي احد الفتيان فنجان
من قهوتك المخصوصة ضيافة منك
ارتشفته بكل حب وامتنان
واسجل اعجابي الشديد واعتزازي بأن أكون
من الزبائن الدائمين فيها
وارجو منك العودة لإدارتها بما عهدناه منك
من الحب والحس الرائع
ونسمح لك باجازة مدتها شهر واحد للتفرغ
لإدارة الخيمة الرائعة
الخيمة الرمضانية في ألهندسة الصناعية

**جابر الخطاب** **جابر الخطاب** · 09-23-2011, 02:00 PM

غاليتي ابنتي المبدعة منى
خفق قلبي وأنا أتجول في حارة الورد الى لافتة جديدة تعلن عن افتتاح قهوة ألهندسة الصناعية دخلتها لأجدها على جانب كبير من الجمال
وروعة التنسيق انها بحق امتداد للخيمة الرمضانية التي تركت فراغا حزينا في نفوسنا وهي ابتكار جميل يجمع بين التراث الأصيل والفن
الشعبي الراقي فهي تسر القلب وتطرب الأسماع وتفتح نوافذ الجمال على روابي المستقبل المضيئة . سلمتِ مبدعة في كل شيء فأنت بحق متعددة المواهب مع اجمل امنياتي.

**السعدية** **السعدية** · 09-29-2011, 04:56 PM

غاليتى مون منتى

اعذرينى انا دخلت وممعيش فلوس بس
حبيت اكسفك وتعملي لحبيبتك كباية
كده على الريحة ويادوب دخلت
ركن واحد وانت عارفة انى
فضولية وعلى ان اعرف
كل الاركان بس لازم
هنا الواحد يجلس
كل يوم ايه الجمال
ده يلا عايزة قهوة
روعة ياقلبي
روووووعة
ساعود لاتم المتمة

**dr-obgy** **dr-obgy** · 10-02-2011, 09:02 AM

غاليتنا المبدعة منى سامى
اول مره ادخل القهوة هو معك الان
انبهرت من ابداعك
و اعجبت بافكارك
و غبطتك على الصبر و المثابرة فانا لا طاقة لى و لا صبر على كتابة كلمتين
بينما انت كتبت كل هذا الفيض
دام قلمك حبيبتى و دامتك قهوتك تجمعنا

**منى سامى** **منى سامى** · 10-05-2011, 07:31 PM

اخى السيلاوى
بارك الله فيك وفى مشاعرك الجميلة وذوقك العالى
كلماتك بعثت فى نفسى الامل
دمت اخ غالى
ودمت نبع الذوق والخلق العالى
باذن الله قريبا سوف ادعوك
لحضور افتتاح حلقة جديدة من قهوة ألهندسة الصناعية
اشكرك اخى الفاضل

**منى سامى** **منى سامى** · 11-09-2011, 09:48 PM

والدى الغالى جابر الخطاب
كلماتك الجميلة زينت متصفحى
ووضعت اعلى وسام على جبينى
دمت ابى بصحة وسعادة
تضئ موضوعاتى بحروفك البراقه
التى احفرها فى الذاكرة دوما
وقريبا سوف ادعو حضرتك لافتتاح
حلقة جديدة من ليالى مقهى منتدانا
شكرا من القلب

**منى سامى** **منى سامى** · 11-16-2011, 11:45 AM

حبيباتى الغاليات زينب ودكتورة اوبجى
يعدنى دائما تشريفكم موضوعاتى
وكلماتكم الرائعه ومشاعركم الفياضة
التى اسعد بها واتمنى الا تنتهى

ادعوكم احبابى كل احباب ألهندسة الصناعية
لاعادة افتتاح مقهى منتدانا بعد التجديدات
اتمنى يكون مكان نقضى فيه اسعد الاوقات
من ثقافة وفن واحترام واجمل ذكريات

ولان قهوتنا قهوة ألهندسة الصناعية
تلاقى فيها الثقافة على كل لون
فيلسوف ولاد البلد يتعجب فيها
بكلامه الموزون يزينها ويمليها
ونعيش مع يوميات زوجه مثالية
محتارةونفسها فى حياة خيالية
ودعوة للتعرف على انامل ذهبية
مالية حياتنا بلمساتها الفنية
وعلى صوت فنان جذاب حنون
نعيش اسعد لحظات فى ألهندسة الصناعية

ونقول ونقول

أحكى الى عندك
كلنا هنا هنسمعلك وتسمعنا
القهوة جدرانها شايلة حكاوى
من الزمن الى فات
صوت دندنات السهرانين
بيت مضلل عالغريب ذى السحاب
القهوة عشرة وجيرة ومشاريب عالحساب
وفضفضة قلب بين اتنين أصحاب
القهوة خلق بتحكى فى ميت مليون حوار
صوت ضحكها يكسر الانتظار
القهوة مش يأس وطموح فاته الزمن
ولا هى وقت بينقضى من غير ثمن
فيها ناس أعدة تذوق طعم الوطن
القهوة عالم بحاله قايم
فيه الى أعد جانب الى قايم
وفيه مشاكل وفيه عبر
وفيه تقابل كل البشر

ونبدأ اولى فقراتنا
ونشوف فيلسوف ولاد البلد هيقولنا ايه

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

وتانى فقراتنا مع يوميات زوجة مثالية

يوميات زوجة مثالية

الزوجة الصالحة زينة الحياة الدنيا
تنور بيتك وتسعدك كل اوقاتك
عاقلة مش متهورة رزينه ومتمكنه
هعرفكم بنفسى
مدام الاستاذ راضى
بيحبنى ومالى على حياتى
وانا كمان من سعادتى معاه
الناس حسدانى وحسداه
عندنا من الاولاد تلاته فاطمه وايمان وحماده
فى يوم رن التليفون ساعة صبحية
وانا فى المطبخ ملخومه ومش فاضية
انا--آلووو مين راضى؟
هو--ايوة يامراتى
انا--الدنيا ترقص فى عنيا وافتكره طالبنى ومشتاق
وبصوت حنون جذاب
وقبل ما اسأل على الاسباب
الاقيه يقول بحياء
عازم ضيوف ياام حمادة
وعوزك تشرفينى كالعادة
وماكانتش الصدمه كبيرة على
لانى متعوده على المفاجأت دى
وطبعا رحت جرى على مطبخى
وبعد معاناة مع فرخة رومى عال
حشيتها وحطيتها فى حلة تيفال
والصوانى حضرتها وعلى السفرة رصصتها
وبعد مذاكرة اولادى اللى ملين على حياتى
وعند وصول راضى كان البيت نظيف وهادى
ورحت على غرفة نومى ارتاح واغير هدومى
ودقت الساعة سته تمام
وكان البيت اخر تمام
كنت عوزة اقولكم ان مواعيد راضى
ممكن اضبط عليها ساعاتى
ورن جرس الباب وعيونى
تلف فى كل مكان اتأكد من النظام
وتدخل من الباب الضيوف واتابع نظراتهم بخوف
ويطمن قلبى لما اشوف فى عنيهم نظرة اعجاب
من نظام البيت والسفرة ولا فستانى الجذاب
وكانت اكتر لحظة سعادة عندى
لما سمعت همسات ضيوفى
باجمل كلمات عن ذوقى
لكن فجأة انتبهت على رد جوزى واحترت
لما سألته زوجه صديقه
عن سر جمال طبيخى وتنسيقى لبيتى
رد بكل هدوء
ده شئ طبيعى يكون موجود
نظام البيت شئ مفروض وعكسه هو المرفوض

ليه الكلمة الحلوة صعب يقولها
مع ان الكلام الطيب شجرة مدا جذورها
وفروعها فوق للسما وبيها كمان امرنا ربنا
هى حروف معدودة
تسعد بيها قلوب موجودة
جوة فى بيتك ولبيتك عايشة
بحب بتخدم مش حايشه
كلمة بقولها لكل زوج على طول
الكلمة اقرب طريق للوصول

ولغاية لما تفهموه
هروح اشرب نسافيه فى قهوة منتدانا

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك