إعـــــــلان

**manino** **manino** · 12-15-2011, 12:36 PM

يومها هقول افرح ياقلبى لك نصيب
انت عمرى وحياتى واغلى حبيب

ياعيني يا عيني
على الكلام الحلو
اللي طالع من القلب
تسلم ايديكي حبيبتي وغاليتي
منى سامي
فقرات قهوتنا كلها رائعه
ثقافه وفن ..
ربي لا يحرمنا هاللمه الحلوه
ولا يحرمنا مجهوداتك حبيبتي
بارك الله فيك
تقبلي كل شكري واعجابي
دمتي بخير

**نااانو** **نااانو** · 12-15-2011, 02:17 PM

الله الله الله
تحفة كلماتك بأجمل اغنيات
ام كلثوم
روعه حبيبتى ايه الجمال ده
منمونتى الجمبلة فنانة شامله
وياعينى عليه الزوج السعيد
ربنا يديم عليه السعادة
ويتكجول ويبقى كول
هههههههههه
قهوتنا النهارده
جميلة بلمتنا الحلوة السعيدة
الله يديمها علينا لمة بكل الحب متجمعه

**امل نيازى** **امل نيازى** · 12-15-2011, 04:22 PM

هكون فى انتظارك انا وعمرى الحلو ينعاد

حنين الذكريات واجمل كلمات

اجمل ثقافه وكل الفنون
الرائعه
منى سامى
تسعدينا دايما بقهوتك
فى قلوبنا دايبه محبتك
بكل الشوق فى انتظارحضرتك
اختياراتك جميله يامنى
يسلم ذوقك حبيبتى

**السعدية** **السعدية** · 12-17-2011, 08:04 AM

حبيبة قلبي منى سامي

عنيدة انت وترفضين ان تكوني الا في القمة
موضوعك رائع واكثر انا هنا ادخل واحتسي كل المشروبات
بصمت واعود للطلب اليوم علنا طماعة انا واحب المزيد
لا اشبع وكيف اشبع ومن يعد لنا شيف المنتدى
ياروحي انبهرت بك وبجمال النصوص وكل
شيء بارك الله فيه على القهوة وعلى المشاريب
كرم حاتمي من الرائعة منى سامي اعانك الله
واسعد قلبك ياجميلة

**هند** **هند** · 12-17-2011, 02:43 PM

حبيبتى

ليله جديده بتنور ليالى قهوتك الجميله
مع الزوجه المثاليه
اللى مزاجها رايق قوى النهارده
والزوج الغلبان يعينى
اللى زوجته بتروح نادى وسونا وجاكوزى(يابختها)
وكمان مش عاجبها
وصناعة الزجاج الجميله
والشعر والاغانى
اقول ايه ولا ايه
بعتبارك شهرزاد المنتدى
اهديك اكثر اغنيه بحبها
لسميره سعيد

الف ليله وليله قصه كل ليله
الف ليله وليله قصه كل ليله
احكي ياشهر زاد احكي لشهريار
اشغليله ليله لطوع النهار
حيري له باله غيري له حاله..
خلي عقله ديما في حاله انبهار
احكي ياشهر زاد
قولي من البدايه اول الحكايه
خليه في النهايه يفضل في انتظار
يسأل علي البقيه للحكايه ديا
واوعي ياصبيه تقفلى الستار
احكي ياشهرزاد
الف ليله وليله قصه كل ليله

**منى سامى** **منى سامى** · 12-22-2011, 09:33 AM

[]انتظر مرور الايام بالدقايق والساعات
ولما يجى الخميس يوم مانلتقى
اجمع كل مشاعرى وازين بيها قهوتى
النهاردة لقاء كل الاحبة
اللى متجمعين على المحبة
بنية صافية وبقلب همه يسعد احلى صحبة
اشكر كل من مر بمقهى منتدانا
وترك كلمات احفرها على جدار القلب
واشكر ايضا من يمر ولم يترك غير عبير مروره
يسعدنى انه تنسم هواء مقهانا

حبيبتى نونا
حبيبتى مانينو
الغاليةنااانو
قلبى مبدعة
بنوتى الجميلة هند
دائما اسعد واحمد الله
ان من على باجمل قلوب عرفتها
انتظر مروركم دائما

هنبدأ ليلة جديدة
من ليالى قهوة ألهندسة الصناعية
وطبعا ثقافة على كل لون

وابدأها بكلمات
لشاعر شاب تأثر بالاحداث
التى تمر بيها امى الغالية مصر[/]

[]

فكتب يقول
مصطفى ابراهيم

سفينة نوح

الليل كما الغربال
أما النهار بيلمّ
و العبرة ب اللى ابتدى
قبل العدد ما يتمّ
يا عبادة وسط الهَرَج
يا قِلّة جايبة الفرج
الثورة ركعة قضا
مفهاش إمام بيئمّ
يا معشر الثوار
الكل فيكوا إمام
يا جنرالات انزلوا
المعركة قُدّام
الثورة مفهاش رتب
غير رتبة العسكرى
و لا حد غير العَلَم
راح ينضربله تمام
و آدى سفينة نوح
جوا الميدان طافية
بتلِمّ فيها يا مصر
من كل زوج ألافات
يتلَمّ فيها النوح
ع الضحك و القافية
يتلَمّ فيها الصبر
على رنّة الهتافات
نتحامى وقت الهوا
م الموج ف بعضينا
والشقّ..نلضم سوا
و نسدّه ب إيدينا
و مهما الطوفان يعلى
نطلع و نعلى معاه
سيبوا الطريق لله
العبرة بالمينا
يا شعب مستناش
خد حقه بدراعه
يا وطن ما بيساعناش
و احنا اللى بنساعه
الدم لون واحد
مفهوش عبيد ولا سيد
و إن بعتوا دم شهيد..
بكرة حتتباعوا[/]

**منى سامى** **منى سامى** · 12-22-2011, 09:48 AM

مذكرات زوجة مثالية

آلمنى كأنثى ما حدث لاحدى فتيات مصر
عندما خرجت تطالب بحياة ادمية
سحلها بعض الرجال الذى
تنتزع عنهم صفة الرجولة
ومش ممكن يكونو من جيش مصر
وكل احترامى لجيش مصر الباسل وارجو ان
يطهر صفوفه من اى دنس ليظل
حامى الامة ومنصف الشعب
كتبت كلمات فى مذكرتى
واعتمدتها فى مذكرة كل زوجة وكل انثى عربية

صحيت فى يوم ولقيت شمس الحق بتنور
لسانى اللى كان محبوس خلاص اتحرر
ونزلنا
نشق ظلام الليل ونخلى الارض تزلزل
تحت اقدام حكام ظالمين مش حاسين بهمى
فرحت انا وجريت مع اختى واخويا وعمى
وفى الميدان كان لينا صوت مسموع وبنادى
حرة يامصر يابلادى عمرك فى يوم ما تطاطى
ويسقط من ذلك وهانك وللغير خلاكى
وباع غازك وارضك وخيرك لكل عداكى
كنا بنادى بحرية وبحياة ادمية
ولسان حالنا يقول دى ثورة سلمية
لكن فى لمحة لقيت ناس منا خرجو عنا
لبسين ثوب الحمى فكرينهم بيحمونا
اتاريهم باعونا
نسيو ان الدم واحد فى عروقتا ساير
وبقولة حاضر يا افندم وتنفيذ الاوامر
ضاع الحلم وداسو السلم
شفت اخويا بينضرب فى نن العين
واختى بتصرخ وتنداس بالرجلين
مالقيت غير الحجر اخد بيه حقى
جريت ودوست على احلامى تحت اقدامى
واتكعبلت فى ثيابى اللى سترانى
واتعريت
مالقيت حد يلملم لحمى اللى بان
وبقيت فى لحظه مثال لانتهاك حق الانسان
كلمه عوزة اقولها للى كشف سترى
وامام العالم فضح جسمى
كنت فين والنيران بتاكل تراثك العلمى
وهتفضل لامتى تحمى اللى فى الزنزانه مرمى
وياترى هتاخد حق الشيخ اللى مات
والكام شاب اللى فى عينه اتصاب
والشهيد اللى وقفت كلمه الحق فى حلقه
لما الرصاص كان بيلحقه
هتبرد ازاى قلب امه وهترجع منين حلمه
والطرف الثالث اللى بتقول عليه خفى
هتقولنا مين يكون ولا فى شربة ميه يدوب
وحياة لحمى اللى بان
لرجعلك يامصر الامان
واحفر بضوافرى اسمى على شوارعك يامدنتى
مش بدمى بس فديتك انا اتهانت كمان كرامتى

**منى سامى** **منى سامى** · 12-22-2011, 11:45 AM

انامل ذهبية
وفن الارابيسك

هو حالة خاصة في عالم الديكور تمزج بين
الخشب والصدف في تناغم رائع بين عاشق
ومعشوق، وليقدم لنا «الأزميل» بطل الحرفة،
فناً رائعاً في النهاية يطلقون عليه «أرابيسك»
وهو الفن الذي ما زال على الرغم من
انتشار أنماط الحداثة والمعاصرة في الديكور
ذا مكانة في العديد من تصاميم الأثاث بما له
من سحر خاص يضفيه على المكان
حيث يحملنا إلى زمن جميل بكل
بساطته وحميمية الأجواء التي تمنحها لنا.

وعلى الرغم من ارتباط الأرابيسك بفن
العمارة الإسلامية، إلا أنه نشأ قبلها
بسنوات طويلة، حيث أدركته العمارة
القبطية في مصر قبل الفتح الإسلامي
فعرفه المصريون بسبب ندرة الأخشاب
المتوافرة، مما اضطرهم إلى استخدام بقايا الخشب
المتبقية من عملهم، وقاموا بتجميعها وتشكيلها
ومن هنا كانت بداية الأرابيسك، حتى
أن أشهر أشكاله ما زالت تحمل أسماء قبطية.

وقد ازدهر فن الأرابيسك
مع عهود الإسلام
الأولى وبخاصة في العصر العباسي
الذي يعتبر العصر الذهبي للفنون
والعلوم الإسلامية بوجه عام،
وتنوعت استخدامات الأرابيسك بشكل كبير
في البيوت الإسلامية القديمة ليس
فقط في تصميم الأثاث ولكن أيضاً في
المشربيات وكاسرات الإضاءة، حيث قاموا
بعمل شبابيك من الأرابيسك بفتحات واسعة
لإدخال الهواء، أما إذا أرادوا حجب الهواء والشمس
عن دخول المكان فكانوا يصنعون شبابيك
الأرابيسك بفتحات ضيقة. وتألق فن الأرابيسك
في المساجد والقصور أيضا. ولا يقتصر
فن الأرابيسك على شكل «المشربية» التي
تعد الأكثر شهرة، ولكنه يمتد إلى العديد
من التصميمات التي تبدأ بالمقعد
العربي وتنتهي بالغرف المصممة بأكملها من الأرابيسك.

**منى سامى** **منى سامى** · 12-22-2011, 12:00 PM

لقاء مع فنان
ولقاء اليوم هيكون لقاء خاص
كلمات من القلب
مست كل القلوب

الاغنية ؛غناء كورال من الاطفال
و ريهام عبد الحكيم
كلمات : ايمن بهجت قمر
الحان الموسيقار الكبير : عمر خيرت

فيها حاجة حلوة . حاجة حلوة بينا
حاجة كل ما تزيد زيادة فيها إنة
فيها نية صافية .فيها حاجة دافية
حاجة بتخليك تثبت فيها سنة سنة
مصــــر هى الصبح بدرى
مصـــر صوت الفجر يدن
سوبيا . فول . طعمية .كشرى
دوم . بطاطا سخنة جداااا
مصــــر اول يوم العيد .عيدية
بمب ولبس جديد
ميكروباص واتوبيس ومتروو
حفلة تلاتة فى سينما مترو
موائد رحمن . فانوس رمضان
مسلم فى بيت مسيحى فطرووا
ترنيمة لايقة على تخت غنى
تأييلة العصرية ولمة على الطبلية
فى مصر مولد السيدة والذكر
والهيصة وركعتين بركة فى السيدة نفييسة
والمشى ع الكورنيش . دى تتعبك ولا بتسيبها
تحيرك برضه حاببها على بعضها كدا بعيوبها حتة منك

اغنية بهديها لكل ام لشهيد
غناء احمد سعد
بلاش دموع يا امى

بلاش دموع يا امي, في اهم كتير حاجات..
اتحقق بعدي حلمي, ولا مع موتي مات..؟!
احكيلي انتي الاول, انا لو حكيت هطول
ما عشان بحب بلدي, كان لازم تضحيات
ايوة موت لــــمصر بلدي.. احلى موتة
دة انا الشهيد.. بس وحياتك قوليلي,
ان فيها حصل جديد.. لما موت دة كان تحدي
اني اجيب الخير لمصر
مش عشان مصلحتي وحدي
ولا نفسي اعيش في قصر
هو انا سايبك لوحدك.. دة انتي "ام لأي حد"
اي مصري هاتندهيله, هتلاقيني فيه بجد..
بلاش دموع يا امي, في اهم كتير حاجات
اتحقق بعدي حلمي ولا مع موتي مات..؟!

اطمني يا امي.. في لسة فيها ناس
غالي عليهم دمي, شيلي دموعك خلاص
يمكن مش هتشوفيني.. في البيت مش هتلاقيني
ابتسمي بقى يا امي...
دي مـــصر.. دي مــــصر هي الاساس

**هالة** **هالة** · 12-22-2011, 12:29 PM

دخلت اجري الحق مكان
لكن النهاردة قلبي
بالحزن .... مليان
اكيد حالكم من حالي
واللي في بالكم
هو هو اللي في بالي
لقيت نفسي باموت
وباصرخ بأعلى صوت

ياعسكري يا ابو بندقية
بلاش تموت الست ديا
ولا تعري الاخت ديا
انت قوي جبار
وبتضرب ليه بالنار
ياعسكري يا ابو بندقية
يا حامي الامة المصرية
بتبني ليه اسوار
دا احنا اخوات في التار
ياعسكري ياعسكري
ياعسكري يا ابو بندقية

ح اشربها النهاردة سادة
واتمنى بكرة تكون زيادة
ونقعد ع القهوة من ثاني
نسمع مواويل واغاني
وف حب مصر
نقول ونقول ... ياريت يازمان
ترجع ثاني

صاحبة قهوتنا الجميلة
ربنا يجعل صباحاتك
وصباحات مصر
كلها جميلة
تسلمي وتسلم عيونك
لكل كلمة جملتي بها
قهوتك الشهية

**نااانو** **نااانو** · 12-22-2011, 02:52 PM

الله عليكم
منى وهالة
كلمة وردها
كلماتكم رائعة تمس القلب الموجوع
على البلد شوية وعلى الابن والاخت شويه
كلماتك روعه منمونتى
جمعت ايام وليالى فى كلمات وسطور
ومن قطع الارابيسك لاختيار اروع الاغانى
اختيارات جميلة وفى المضمون
وردك يالولو على العسكرى ابو بندقيه
كلمات رائعة اتمنى يسمعها
ويبعد فوهة البندقية ويلعب بعيد
بارك الله فيكم حبيباتى
ويلا واحد نسكافيه بدون سكر
فى انتظاره على الطربيزة
اللى فى الركن البعيد الهادى

**السيلاوي** **السيلاوي** · 12-22-2011, 04:56 PM

اختي منى سامي
مسكت القلم لأكتب فاحتار
جال الفكر في الاركان فاختار
يجيبها يمين تيجي شمال
يجيبها شمال تيجي يمين
شت الفكر مني والقلب حيران
ما تستغربوش ياعالم
انا برضه انسان
ولم اجد ما يعبر عما بداخلي من اللهيب
سوى كلمات شاعرنا المجيد تميم البرغوثي

ياشعب مصر

الموت ده شىء مش طبيعى
الموت ده أصله خلل
الأصل فينا الخلود
وهييجى يوم نلقاه
ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
عدوا كان فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
في جسم كل شهيد فيه مصر مكتملة
فخلوا مصر اللى فاضلة تعيش كما شاؤوا

وخلينا نشربها ساده

قد همومنا وزياده

**الفراشة الحزينة** · 12-22-2011, 08:31 PM

حبيبتى / منى سامى

لاول مرة منذ اشتراكى فى هذا

المنتدى العظيم

امر على قهوة ورد

ولكن عند مرورى استوقفتنى

روعة موضوعك

لدرجةابهرتنى وسحرتنى

مما جعلنى لااجد من الكلمات

ما يكفيك من شكر

على هذا الموضوع الرائع

وفقكِ الله حبيبتى

**امل نيازى** **امل نيازى** · 12-23-2011, 06:06 AM

مش هانسمح للهموم تهدنا
بلمتنا وايمانا بربنا
هانرجع اللى راح مننا
لا هانصبرعلى الظلم
ولاننسى اللى سال من الدم
علشان كرامتك وكرامتى
لازم تبقى مظبوطه
ولو نموت
وتبقى دى احلى موته
الرائعه
منى سامى
قهوتك مظبوطه كالعاده
يارب دايما سكر زياده

**علا الاسلام** **علا الاسلام** · 12-23-2011, 08:38 PM

غاليتى العسولة منى
أحلى قهوة فى الدنيا
ما شاء الله عليكِِِ يا أحلى منى
بجد مواضيع و أشعار و أخبار و معلومات
كل حاجة حلوة فيها
مجهود عظيم منمونتى و أفكارك روعة روعة
أنا عايزة يوم أجازة كامل علشان أقدر أقرأ الحاجات اللى فاتتنى
كل الشكر و الحب و التقدير
و جزاك الله خير الجزاء و جعله فى موازين حسناتك

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك