إعـــــــلان

**السيلاوي** **السيلاوي** · 06-03-2012, 01:16 PM

الرائعة على الدوام
اختي منى سامي
مجهود رائع تشكرين عليه ادرت به
قهوة ألهندسة الصناعية
بكل حب واقتدار على مدار العام
فبارك الله فيك وجزاك عنا خير الجزاء
وبانتظار خيمتك الرمضانية بكل شوق وحنين
اللهم بلغنا رمضان
وكل عام وانت بألف الف خير

**ياسمينة دمشقية** · 06-20-2012, 11:37 AM

منمن الغالية
بانتظار خيمتك الرمضانية بكل شوق
اللهم بلغنا رمضان

وكل عام وانت بألف الف خير

**زهرة الكاميليا** · 06-22-2012, 06:56 AM

منى
الغالية

من بين من يقصدون قهوة ألهندسة الصناعية
من هم مثلى ..قد أثقلت خطاهم سنوات العمر
لكنهم ..لا يخلفون موعدهم
حتى وإن آتوا على مهل !
وها قد جئت إلى مقهاى المفضل
وتابعت بشغف كل ما فاتنى ..
يا منى
كم أنت رائعة
وكم تتوافق إختياراتك مع أفكارى

شكرا لك حبيبتى
أحييك على حوارك مع غاليتنا
هالة
وقد شمل كل جوانب شخصيتها الثرية المميزة
وإلى موعدنا القادم بإذن الله فى رمضان
لك منى كل الشكر
وتحية خاصة لشاعر العراق الكبير
جابر الخطاب
متمنين له
عمرة مقبولة وعودا حميدا بإذن الله

دمت منى بكل الخير

**منى سامى** **منى سامى** · 07-19-2012, 12:16 PM

احبابى فى الله
كل احباب منتدانا الغالى
قبل ان ابدأ غدا باذن الله اول
صفحات موضوعى الجديد
الخيمه الرمضانية
احى واشكر كل من دخل مقهانا وترك حروف من
نور تضئ قلبى قبل ان تضئ القهوة
واشكركم جميعا واتمنى ان لا تفارقو خيمه ألهندسة الصناعية 2012
سوف تجدو فيها من الحب والثقافة
ما انتقيته لكم بعيونكم وبذوقكم الجميل
منتظراكم وكلل عام وانت بخير وطيبه وقلب عامر بالخير

علا الاسلام
الموناليزا
هند
هالة
السيلاوى
ياسمينه دمشق
كموله الغالية
لو تعرفى اد ايه سعيدة بجملتك

يا منى
كم أنت رائعة
وكم تتوافق إختياراتك مع أفكارى

شرف عظيم لى ياست الكل
منتظراكم على شوق فى خيمه المحبه
تسعدنى خطاكم التى اشم رائحتها من الان واشتاق لها

**بنت تونس** **بنت تونس** · 07-30-2012, 01:24 PM

الله فداش توحشتكم وتوحشت
قهوتنا ولمتنا الحلوه
واركانها المميزه وضيوفها
الممتازين
حبيبتي منمن انت مبدعه
وقهوتك كلها امتاع وذوق
سعيده بمروري وشرب
قهوتك اللذيذه والحوار الرائع
مع حبيبة قلبي هاله التي دائما
تترك هاله من النور والرقي
كل الشكر والتقدير لمجهودك حبيبتي

**safynaz** **safynaz** · 09-06-2012, 02:51 PM

وسعوا لى انا بقة المرة ده
اصلى شايله لكم صانية
ماعليهاش هدية
انما عليها اغنية
من تراث اغانينا المصرية
تناسب القاعدة ديه فرصه
للصحبة الجميلة ديه

البيض الامارة و السمر العذارى

البيض الامارة كانوا ظلمونى
و السمر العذارى ياريت ينصفونى
البيض الامارة و السمر والعذارى
البيض جرحونى برمش العيون
راحوا و فاتونى لنار الظنون
يا بدر تحت سماه عليل و عندى دواه
امانه تبعت ضياك للظمنى هواه
بلغهم سلامى و اديهم امارة
سلامى و هيامى و ليلى الحيارى
كاس الزمن بيدور ما حد غاب عنه
اصبر على المقدور فين تروح منه
البيض جرحونى راحوا و فاتونى
ده بعادهم خسارة
و السمر لاقونى عاطونى الوداد
بايديهم ساقونى مرار البعاد
قولوا لى اسال مين
على اللى راح منى
و فين ديارهم فين يا مين يوصللنى
الورد المنور فى خدود الامارة
تجللى و صور فى عيونهم منارة
اه و لا الشجن دايم و لا النعيم بيدوم
لك يوم يا ظالم فيه راح تبات مظلوم

البيض الاماره - عبدالغني السيد mp3

[MEAUDIO]https://ia600308.us.archive.org/25/items/Www.ward2u.comAlEslam/002.albyd_alamaruh.mp3[/MEAUDIO]

و يا سلام بقى على سماعها من ايد منى مع القهوة التركية

**منى سامى** **منى سامى** · 09-06-2012, 05:36 PM

حبيبة قلبى الغالية بنت تونس
اسعدنى ردك الجميل ومشاعرك الرقيقة

حبيبة قلبى الجميلة صافى
اسعدنى جدا جدا مرورك بمقهى منتدانا
وفرحت قوى لهديتك الحلوة
اغنية جميلة قوى
شكرا حبيبتى

**REHAM SAAD** **REHAM SAAD** · 01-10-2013, 07:31 PM

إيه الجمال والإحساس العالي ده
انا مش مصدقه إللي بقراه ده
انتي عباره عن كتله من الدفئ والإحساس
في جو إحنا محتاجين فيه المشاعر الحلوه دي

**REHAM SAAD** **REHAM SAAD** · 01-22-2013, 09:43 PM

الله عليكي يا مونمون
ايه الجمال ده
بس الزوج السعيد ده
مش سعيد بالمره خالص
هههههه ممتعه جدا

**منى سامى** **منى سامى** · 12-22-2013, 05:53 PM

ريهام ياعسل نورتى القهوة ياقمر
واسعدنى اعجابك بها وبحكايات الزوج السعيد
تسلميلى حبيبتى

**منى سامى** **منى سامى** · 01-01-2014, 09:15 AM

نادانى الحنين لاتفقد مقهى منتدانا
الذى تركته وحيدا بعد تجمد اطرافى عن الكتابه
فقد اصابنى الملل والتبلد بسبب تعاقب الاحداث المحزنه
التى تمر بها بلدى الحبيبة مصر
وكأى انسان يتأثر سلبا اتأثرت
فسقط قلمى ارضا كما سقطت اشياء كثيرة وفقدت معناها
الا ان نادانى عقل واعى وقلب نابض
وترجى تفكيرى واحساسى للنهوض
ومحاولة فعل شئ يغذى مشاعر اصابها التلف
فله تحياتى وها انا افتح ابواب مقهاى
لكل عاشق فن وثقافه وادب وخير وسلام

وانا اتفقد مقهايا من اول كلمه بدايه احسست بالزهو والفخر
وحمدت الله انى احتضن كل هذه القلوب الطيبه الرائعه
التى تحنو علي وتسقينى من فيض مشاعرها
فلهم افتح زراعى لاستقبل محبتهم مع ابواب مقهاى

ونبدأ مع اول ايام عام
2014 قهوة ألهندسة الصناعية وثقافة من كل لون

فى كل ركن من اركان مقهانا طعم ومذاق خاص
هنا ركن الفن والجمال والسحر الربانى
وهنا ركن الثقافة والادب اللى عليه ابويا ربانى
وهنا هنسمع اغانى ومواويل شكل تانى
والركن البعيد ده هستضيف فنان غالى
بذوقه الجميل نادانى

ونقول تانى

ركن الثقافه وازاى تثقف نفسك وحكمة جميلة تضحكلك
مع د- ابراهيم الفقى هنعرف ازاى تكون شخصيتنا مثالية
مع فن التعامل مع البشر وسر الخلطة الالهية

وركن الادب هنقضيه مع على سلامه
على شط النيل نسمع اشعاره
ونشرب من " قلة " افكاره

ورباعيات الا ربع
من قلم مسكين من حال الدنيا بيعانى

ومش هنسى المذكرات
جبتلكم مذكرات ثائرة
تايه فى الدنيا وحائرة
فكرت تدخل مقهانا
وتنادى وتقول آه يانا

ولقاء مع شخصية فنانه
هنستضيفها فى مقهانا
ونحكى معاها فى ابداعها
ونتعرف عليها ونحيي انامل ايديها

**منى سامى** **منى سامى** · 01-01-2014, 09:37 AM

الركن الثقافى

مع حكمة اليوم
اسمع وفتح ودانك
هقولك حكمه ولو عملت بيها
ترتاح فى حياتك

و لقاء مع عالم التنميه البشرية والبرمجة اللغويه
الدكتور ابراهيم الفقى
وخواطر تعليميه لتنمية الذات البشرية
ثق بنفسك وحدد هدفك ترضى ربك

الركن الادبى

على سلامه قاعد فيه ومربع
مستنى يقولك كلام يشبع
يغذى عقلك ويفتح وعيك وتفكيرك

قبل ما الحزن يصحي ويكتشف اني ماكنتش بايت ف اوضتي ..
قبل ما يشيلوا صورتي ويعلقوا النتيجة .. ويشطبوا ع الأيام ..
قبل ما تبقي الأماني شوية إعلانات ..
قبل ما تمر الساعات .. وتبرد القهوة م الملل ..
قبل ما انسي كنت عايز اقولك إيه ..
ويضيع مني الكلام ..
قبل م الواد الصغير تغلبه دمعة عينيه .. لما يعرف اني سافرت ..
ونسيت احضنه قبل ما ينام ..
وقبل ما الفراق يبقي سهل ومقدور عليه
وقبل ما الوقت يبقي زي خبر سقوط قتيل ..
وتبقي ساعة .. زي الف ساعة ..
قبل ما تفتح الدكاكين .. ويفرشوا الرصيف .. وينادوا علي نفس البضاعة ..
قبل ما تطلع نتيجة التحاليل ..
ويشيلوا ف المونتاج المشهد الجميل ..
وتقف الصورة عند اكتر المشاهد بشاعة ..
اسمحيلي اكدب عليكي للمرة الأخيرة
واقولك كل سنة وانتي طيبة ......

**منى سامى** **منى سامى** · 01-01-2014, 10:46 AM

رباعيات الا ربع
بقلمى

ساعات بضحك لما اسخسخ
واشرق وعنيا تدمع
وابقى من كتر الدهشة اسرح
وتترسم صورتك فى عينى وتلمع
وانت بعبايه النفاق متلفح
وتكدب الف كدبة وكدبة
وتطلب منى السماح واتصفح
وعجبى

مذكرات ثائرة فى ألهندسة الصناعية

نشأت على حرية التعبير
فارتديت معطفى ونزلت الى الميدان مع المعتصمين
اطالب بالتغير وبحقوق البشر العادية بدون تجميل
كنت عوزة حياة ادمية حرية - عيش كرامة انسانية
نزلت بدعوة من عقل واعى وايمان بالقضية
ناديت برحيل الظلم والاستبداد الذى قضى على كل طاقة ايجابية
وطالبت ان يكون هناك عدالة اجتماعية
كان الميدان مكتظ بجوارى فتاة صغيرة وشيخ كهل
عامل بسيط وصاحب شركة مصرفية
جمعنا نداء واحد لا للظلم والجهل والرشوة والفساد
حملنا مع اعلامنا امل فى بكرة يسير للامام

وبعد ايام وشهور
ناس قالو الثورة اتسرقت
وناس تانيه قالو اتركبت
وناس قالو دى ماكنتشى ثورة
دى كانت ناس مأجورة تحمل اجندات موبؤة

لكن لم يضيع الامل
قررت ان احمل ميدانى بكل مافيه من معانى
واعتصم فى قهوتى والا اغادرها قبل تحقيق مطالبى
وهاخد بالى منها كويس مش هسيبها تتسرق ولا تتركب
او حد يشكك فى ايمانى

ومن هنا من قهوتى هنادى واقول لكل ثائر وثائرة
الظلم والاستبداد لن يزول الا وراءه مطالب ومطالبة
انزل على اعتاب مقهانا واعتصم
لا حد يقولى قانون اعتصامات
ولا بعقوق مرور ومصالح وطنية
انا خلاص حضرت الاعلام وكتبت على كل الجدران
مطالب بسيطه لو اتحققت هفض الاعتصام
من غير ميه ولا ذخيرة ولا دخان

فى كل يوم هاعرض طلباتى
ونناقشها بعقل وضمير واعى
ولو ما عجبكوش كلامى
يبقى فضو الاعتصام بالقوة
ومدير المنتدى له كل الصلاحيه
فى حذف عضويتى الشرفية

انتظرونى مع اول مطلب

دعوة اقدمها لاصحاب الانامل الذهبية فى كل مان

ودعوة اليوم لفنانه استخدمت خامة الجلد لتبدع فيها

مارو عرفينا بنفسك؟؟

س1 لما اتخذتى خامة الجلد لتتفننى فيها؟؟

س2 من اين تستوحين تصميماتك؟

س3 اشرحى لى كيف تبدئى فكرة اى عمل
سواء محفظة او شنطة او حزام؟

س4 ماهى خطوات الحرق على الجلد؟

س5 ماهى المادة المستخدمى فى لصق الجلود؟

س6 ماهى الادوات التى تستخدميها والالوان؟

س7 ماهى امنياتك لفن الصناعه الجلدية اليدويه ؟

س8 وما جديدك فى عالم المصنوعات الجلدية

**هالة** **هالة** · 01-01-2014, 01:42 PM

بالاحضان بالاحضان بالاحضان
سلامات طيبون
والله وحشتنا اللمة
والقلب ملان تنهيد
يا رايح قول الجاي
قهوتنا فاتحة الباب
من جديد
ما بين حكمة من فات
ع الدرب وساب له علامة
لركن مليان حكايات
بقلم علي سلامة
لرباعيات الا ربع
والربع اكله ادومة
والست الحلوة الثايرة
لطلباتها حتعمل عزومة
وضيف فنان
اشغاله جنان
اظهر وبان
عليك الامان

مون مونتي
مع بداية عام جديد
اتمنى لك ككل الهنا
والتوفيق من ربنا
تسلمي حبيبة قلبي

**maroo** **maroo** · 01-01-2014, 08:12 PM

maroo والاسم الحقيقى mervat baraka
بكالوريوس تربية فنية دفعة 87 جامعة حلوان
متزوجة ولدى بنتان وولدان
لدى عشق غريب لكل ما ينتمى للفنون
واعمل فى انواع مختلفة من الفنون عامة
وفى الجلد خاصة

اخترت خامة الجلد
لما لها من حب وعشق خاص داخلى
كنت احب ان اعمل كل شىء اراه امامى بنفسى
و وجدتنى لدى رغبة فى تغير اللون او الشكل
ففكرت ان اعمل بنفسى ما يناسبنى
من هنا جائت فكرة ان اعمل شنطة
من تصميمى وباللون اللى يناسبنى

تصميماتى احيانا اختارها بنفسى
اجرب رسومات كثيرة بالورق والقلم
الى ان ارتاح لتصميم وابدأ فى تنفيذه..
واحيانا ارى موديل امامي واشعر بانه عجبنى
ومع تغيير بسيط فى الشكل او اللون
واحيانا تأتينى بنوتة بصورة لموديل اعجبها
وتريد تنفيذه

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك