إعـــــــلان

**منى سامى** **منى سامى** · 01-18-2014, 09:22 AM

اترككم مع اجمل كلمات ومشاعر
قبل ما استضيف فنان جميل
على انغام الموسيقى يعرفنا بنفسه

شيرين 2014 ياليالى

كلمات : امير طعيمه
الحان : احمد عز

يا ليالي

يا ليالي روحى لحبيبى و ناديه
و امانه عليكى تقوليله حالى ايه
من يوم غيابه وروحى رايحه عليه
مانامتش عيونى وان نامو يحلمو بيه

يا ليالي روحيله عن شوقى و نارى احكيله
يا يجيلى يا اما اجيله مش قادرة في بعده اعيش
و قوليله كفايه و يخلي لبعده نهايه
مش عايزه انا غيره معايا و الباقى مايلزمنيش

زي الليله دى انا كنت معاه
و في حضنه بلاقى كل اللى انا بتمناه
يا ليالي بقى كده حالى يرضيه

مش بعمل حاجة غير انى بفكر فيه
يا ليالي روحيله عن شوقي و ناري احكيله
يايجيلي يا اما اجيله مش قادره في بعده اعيش
و قوليله كفايه و يخلي لبعدة نهايه
مش عايزه انا غيره معايا و الباقي مايلزمنيش

يا ليالي - شيرين عبدالوهاب mp3

[MEAUDIO]https://ia600609.us.archive.org/13/items/ward2u_6/Ya_Layaly.mp3[/MEAUDIO]

انامل ذهبية
هنلاقيها فى الركن البعيد الهادى
قاعدة مستنية
نتعرف عليها ونسالها وتجاوب
نقرب اكتر وكتر من قلوب كل الحبايب

ضيفى فنانه قديرة
استاذة متخصصة فى الفن والاشغال الفنية
بتعطى باخلاص لانها عارفة انه لوجه الله
فنها مالوش مثيل رسم على الحرير
وابتكار خامات وبدائل كتير
تعالو نتعرف عليها وعلى فنها
استاذة عزة رجب
نورتى خيمة ألهندسة الصناعية

س1 عرفينا بنفسك ؟

س2 لماذا تخصصتى فى هذا النوع من الفن بالذات؟

س3-الرسم على الحرير من ارقى انواع الفنون كلمينا عنه من وجهه نظرك؟

س4 كيف تثبت الالوان على الحرير ؟

س5 ماهى الصبغات البديلة التى ابتكرتيها وما هى الجوتا ؟

س6 ماهى المادة التى نقوم بتحديد الرسمه بها وكيف نستخدمها؟

س7 عمل وردات من قماش الايشاربات والطرح له خطوات اعداد ماهى؟

س8 اكتر تابلوه اخد منك شغل كتير ولماذا وما هى المعوقات التى تقف امامك؟

س9 الادوات التى تستخدميها فى عمل تابلوهاتك؟

س10 ماهى الخامات الحديثة التى تنوين استخدامها فى عمل اشغالك الفنيه
كلمينا عنها؟

س11
ايه السؤال اللي توقعتى ان اسأله لك ومسألتوش؟

س12 ياترى مين من اصحابك تحبي نستضيفه
فى قهوه ألهندسة الصناعية وتقدرى تقدمى له بنفسك
دعوه للاستضافه كصاحبه منتديات ألهندسة الصناعية ؟

**عزه رجب** **عزه رجب** · 01-18-2014, 12:36 PM

اشكرك حبيبة قلبي منى على الترحيب
اعرفكم بنفسي
عزه رجب ...خريجة تربيه فنيه 1985
عملت بالمملكه العربيه السعوديه
مدرسه ثم موجهه للماده
رجعت مصر 1996
عملت بالتربيه والتعليم مدرسه
ثم اليوم انا مديرة مدرسه اعدادي بنات
اعشق التربيه الفنيه واعشق تجريب الخامات
زوجي خريج تربيه فنيه 1982
صاحب الفضل الاكبر عليا في حياتي
دائما نضع افكارنا على بعض
ونخرج بأفكار جديده مبتكره
مبدأنا في الحياة
اللي مش هتعرفوا مني
هتعرفوا من غيري
من الأفضل ان آخذ ثواب المعرفه
وعندما اجرب تجربه او خامه
أسعى جاهدة لتعليما لغيري
وغالبا من يتعلمها يتفوق عليا فيها
لانه بالطبع فنان ويضيف فنه
على خبرتي ويخرج بالأ فضل .

**عزه رجب** **عزه رجب** · 01-18-2014, 12:37 PM

لم اتخصص في نوع معين من الفن
ولكن كلما اجد خامه اسعى لتجربتها
واحاول جاهدة ان اضيف عليها
بصمه تكون خاصه بي

............................................

الرسم على الحرير له طرق كثيرة
وتعتمد على شفافية الالوان
يختلف عن الرسم على القماش
حيث الوان القماش غالبا معتمه
والوان الحرير سريعا ما تنتشر
ولذلك هناك خامه تسمى جوته
وهي تسد المسام لتمنع تسرب اللون
من جزء للآخر
ومن خلال تجاربي ومن خلال معلوماتي
في طباعة الشبلون اليدوي
حيث كنا نسد المسام بالورنيش
لذلك استخدم الورنيش المخفف
بقليل جدااااا من التنر
وامر على خط على اللوحه
اريد اظهاره واسد خيوطه بالورنيش المخفف
ثم بعد ذلك اقوم بالتلوين بألوان الحرير
وافضل تداخل الالوان
وكثيرا استبدل الوان الحرير
بصبغة الملابس (من العطار)
حيث انها من خاصيتها الانتشار
مثل الوان الحرير
ثم بعد ذلك استخدم الريليف
لابراز بعض التفاصيل وانهاء العمل

لم استخدم مثبت للألوان الحرير من قبل

3

**عزه رجب** **عزه رجب** · 01-18-2014, 12:46 PM

الجوته تركيبها الكيميائي
يشبه الورنيش المخفف بالتنر
وتستخدم لسد المسام
لمنع انتشار الوان الحرير
وتوضيح تفاصيل الرسم
ويوجد من الجوته الوان واشهرها
الاسود والفضي والذهبي

............................................

تفصيل ورد مستخدم من قماش الايشاربات
اولا يشد الحرير (الايشارب)
على برواز خشب او كرتون (نول)
ثم نأخذ مقدار من الغراء الابيض
المخفف بقليل من الماء
ونغطي قطعة الحرير المشدوده ونتركها لتجف
وعند اخراجها من النول نجد انها
اصبحت مثل ورق (كلك)شفاف
ومن خواص عملية التنشيه
انها تجعل الحرير غير قابل للتنسيل
كما انها لو وضعت في مكابس الورد المعدن
تأخذ شكل القالب ويرجع ذلك للغراء
ثم بعد ذلك نحضر باترونات الورده
واذا لم يكن لك القدره على تصميم باترون للورده
فبأمكانك ان تأخذي ورده طبيعيه
وتفككيها وتجعليها باترون تقصي عليه
ومن الممكن التجميع مستندة
على الورده الطبيعيه ومن الممكن الابتكار.

3

**عزه رجب** **عزه رجب** · 01-18-2014, 06:49 PM

اصعب لوحه هي لوحة توليف خامات شبه مجسمه بالخامات التاليه:
فوم مجسم بأرتفاعات مختلفه
كيما جرانوا (من محلات كيماويات البناء الحديث)
فيبر خفيف (من محلات الديكور بالعتبه )
وهو تقريبا المستورد الوحيد بمصر
ورود من الحرير او السيراميك
مرايا
............................................

الكيما جرانو .......يشبه الرمل الملون وبه ماده صمغيه جاهز للصق
ومنه حبه رفيعه تشبه التراب..ومنه متوسط يشبه الرمل.....
ومنه كبير يشبه بلورات الزجاج الرفيع جدا...عادة يأتي ملون ...
لكنني افضل الابيض والونه بألوان الجواش
حتى استطيع ان اعمل تتداخل لوني
ويغطى به الفوم وارضية اللوحه

............................................

الفيبر الخفيف...يشبه الخيوط المقطعه ...ومنه الرفيع ...والغليظ
وعادة يأتي ملون ....وافضل الالوان الفاتحه حتى استطيع عمل تتدرج لوني
ويستخدم مثل الكيما جرانو في تغطية الفوم وارضية اللوحه.
............................................

4

**عزه رجب** **عزه رجب** · 01-19-2014, 01:40 PM

اما السؤال الذي توقعت انك تسأليني فيه
لايوجد سؤال اسألتك تقريبا شملت كل شيء
أما من هي الضيفه التي اريد ان اضيفها للمنتدى
فنانه اسمها على الفيس حنان القاصد
اعرفها منذ حوالى 22 عاما
وهي خريجة فنون تطبيقيه ولها بصمه خاصه في الفن
وعندما تتواجد سوف تشرح افكارها بنفسها
أشكركم على سعة صدركم

**هالة** **هالة** · 01-19-2014, 02:20 PM

القهوة النهاردة غير كل مرة
حلوة زيادة زي السكر
ريحتها هالَّة على احبابها
مسك وعنبر
قلوب مفتوحة
بالخير للكل
وحكاوي وغناوي
فل معطر
مون مونتي الحلوة
وحياة محبتك
ربنا ما يحرمنا
من قهوة حضرتك
ولا ضيوفها العُزاز
استاذة عزة
ربنا يفيض عليكِ من خيره الوفير
علم نافع يُفيد الكل
جزاكِ الله كل خير
لشرحك الوافي
لفنك الجميل

**هند** **هند** · 01-19-2014, 02:22 PM

شوفى يا ست منمن
انا لا اقدر اجارى شعر هاله ابو دم خفيف
ولا رقه نانو و اموله
ولا فصاحه وبلاغة الغاليين
استاذ محمد ورد و استاذ جابر خطاب
وست الكل كموله
يبقى خلينى اقولك على طريقه هند صبرى فى مسلسل عايزه اتجوز
قهوتك جامده اخر 3 حاجات هههههه
اختيارك للفقرات والضيوف
ومذكرات الثائره
كلهم احلى من بعض
تسلم ايدك حبيبتى و ربنا يبارك فى مجهودك

اما ضيوفك الاعزاء
دعاء معلش فاتنى انى ارحب بك فى وقت مناسب
استمعت بحوارك واعمالك جميله جدا
فنانه محترفه تسلم ايدك ونورت المنتدى

الاستاذه عزه
شوقتينا لاعمالك فالحديث عنها لا يكفى
ارجو ان تشاركينا خبرتك و فنونك فى موضوعات مصوره
اهلا بك نورت المنتدى

**نااانو** **نااانو** · 01-19-2014, 06:12 PM

يوم من الايام الجميلة
هو اليوم اللى نتجمع فيه
داخل قهوتنا المتميزة برقه صاحبتها
وجمال ضيوفه
وجرعه الثقافة والادب بأجمل الكلمات والاشعار
روعه منمونتى
مقدرش اقول ايه اجمل من ايه
كله رائع
فقرات وضيفة فنانة متألقة بذوقها الفنى العالى
واجابتها المفيدة الواضحة التى تحببنا فى فنها الجميل
الفنانة الجميلة عزة
نورتى منتديات ألهندسة الصناعية كما انارت قهوتنا المتميزة بوجودك
شكرا لكِ منى حبيبتى
على تألقك واختياراتك الجميلة

**عزه** **عزه** · 01-23-2014, 05:16 AM

الله الله على حكاويكى يا مبدعة
اد ايه قهوتك لمت شمل الحبايب بالحكاوى والاحاسيس
المرهفة بالاغانى ابدعتى منى سامى
ما هوه الفنان فنان فى فكره واحساسه
تحياتى منى وبكل الحب والتوفيق

**منى سامى** **منى سامى** · 01-25-2014, 10:03 AM

تشرق شمس المحبة تتراقص اشعتها على اوتار القلب
ترسم اجمل لوحة لاجمل وجه
يبتسم ابتسامه عمر
يحملها بين حنايا الروح ليهديها لاغلى واعز الاحباب
كل من شرف القوة بكلماته الراقيه
وكل زائر لم يتمكن من ترك انطباعه
اجمل ترحيب
ضيفتى الجميلة الفنانه الراقيه عزة رجب
صاحبة اجمل بصمه فنيه واعمال مبتكرة جميلة راقية
نورتى ألهندسة الصناعية يا جميلة
ومنتظرينك دائما تنورى المقهى بروحك الجميلة المميزة

واشكر حبيبات قلبى اصحاب مقهى الورد
هالة - هند -ناانو
صديقاتى الذى لا يحلو يومى بدونهن
احبكم فى الله ياقمرات حياتى

1

نبدأ ليلة جديد من ليالى قهوة ألهندسة الصناعية

هبدأها بحكمه

1

الركن الادبى
هنستضيف اليوم كاتبه جزائرية
احلام مستغانمى
لها اسلوب خاص فى الكتابه يعجبنى جدا
اتمنى يعجبكم تعالو معايا نشوف هتقول ايه

1

أنت سفري المفاجئ
ورحلتي التي لم أحجز فيها مكانا
وطريقي عبر المعبد
والأذقة الضيقة التي يجهلها السواح
وتقود إلى الدهشة
أنت مشوار حجري
مشيته حافية الأقدام
وبحر مشاكس
ركبته رغم تحذير الأعلام
وكتاب عشق مزور
كتبته أنت.. ووقعته انا
أحلام_مستغانمي

1

**منى سامى** **منى سامى** · 01-25-2014, 10:04 AM

الركن الثقافى

مع دكتور ابراهيم الفقى

1

انتبه العقل الباطن لا يعقل الاشياء مثل العقل الواعي
فهو ببساطة يخزن المعلومات ويقوم بتكرارها فيما بعد
كلما تم استدعائها من مكان تخزينها .
فلو حدث أن رسالة تبرمجت في هذا العقل لمدة طويله
ولمرات عديدة مثل أن تقول دائما في كل موقف
أنا خجول … أنا عصبي المزاج
أنا لا استطيع ترك التدخين ….
وهكذا فان مثل هذه الرسائل ستترسخ
وتستقر في مستوى عميق في العقل الباطن
ولا يمكن تغيرها
ولكن يمكن استبدالها ببرمجة أخرى سليمة وايجابية

1

رباعيات الا ربع

1

شايل هموم الدنيا والحمل تقيل عليكى ؟
كل ماتمشى خطوة تتكعبل رجليك؟
ودموعك غصب عنك وبدون ما تشعر تسقط من عنيك
تعالى اقولك وصفة سهلة لو نفذتها روحك تترد ليك
اتوضأ بماء الامل
وارفع للسما ايديك
وفى عز الليل اسجد واطلب من الله يعطيك
اوع تشيل الهم طول مافى اله فى السما مراعيك
رؤف ورحيم بيك واقرب من الوريد ليك
هو صحيح بيبتليك بس عشان تنادى عليه ويلبيك
ويفرح بخضوعك واحتياجك ليه
لانك مهما لفيت مش هتلاقى احن منه عليك

**منى سامى** **منى سامى** · 01-25-2014, 10:29 AM

جارى اعادة رفع صور موضوعات ألهندسة الصناعية تابعونا لاحقا 1

مذكرات ثائرة

حرية حرية حرية
اد ايه الكلمة دى غالية علي
ياما ناديت بيها وحلمت تتحقق ولو شوية
كنت بتمنى يكون فى حرية رأى وفكر وعقيدة
ونبعد عن التعصب والعقول العنيدة
والمرأة تاخد حقوقها وتكون ادوارها مفيدة

هى دى الحرية فى فكرى اللى ناديت بيها
وكتبتها على جدران القهوة وكل مكان
حرية متقننة بقوانين وعرف ودين
مش حريه تركب جناحين وتطير
ماتعرفشى اذا كنت هتقف تانى على رجليك
والهوا يحملك لمكان بعيد
عشان كدا نزلت قولت ياريت
يكون فى حريه نقول ونغير ونعبر
مش عقول مصديه تنفذ كل ما تؤمر
حدد هدفك واوع تستسلم
مش هيضيع حق وراه مطالب
واياك والاستسلام
اصل الوضع الحالى كله ملل واشمئزاز وانعدام احساس
وناس مكتفين ايدك ودايسين عليك بمداس
مش عاوزينك ترفع راسك وتفتح
وعوزينك دايما للذل والهوان تركع
بس اياك تستسلم
مهما شيلوك احمال واتنى ظهرك ومال
هتفضل دايما انسان حتى ولو كنت غلبان
لك حق لازم تاخده من عيون كل جبان

تعالى اقف معايا وقول
حرية حرية حرية
عاوزين حرية

اترككم مع هذه الاغنية
حتى نلتقى بضيفى الغالى
صاحب اجمل انامل ذهبية

اغنية حمزة نمرة
واقولك ايه

ومن امتي ما بينا خلاف انا وانت
ولما تشوفني او اشوفك نبص بعيد
ومش معقول هيبقي كل واحد مننا في سكه
غريب الحال
ودا احساس علينا جديد
واقولك ايه طريق الكره أخرته إيه
وهي قلوبنا ماتت ليه
لفين هنروح ما بينا شيطان
املنا ياوطن خلصان
محدش فينا مش خسران ولا مجروح
بيالمني شعور انك قدرت في لحظه تظلمني
تنام مرتاح وانا منك دموعي تزيد
باي اساس تقابل بسمتي برصاص
وليه بايدك تخلي بكل عيله شهيد
واقولك ايه طريق الكره اخرته ايه
وهي قلوبنا ماتت ليه
لفين هنروح ما بينا شيطان
املنا ياوطن خلصان
محدش فينا مش خسران ولا مجروح
صحاب وجيران
معاك ع الحلوه والمره بقالنا سنين
وزيك ع الوطن قلبي اكيد محروق
وايه بعدين مودينا طريقنا لفين
ياخوفي علينا من بكره وامتي نفوق
واقولك ايه طريق الكره اخرته ايه
وهى قلوبنا ماتت ليه
لفين هنروح ما بينا شيطان
املنا ياوطن خلصان محدش فينا مش خسران ولا مجروح

**منى سامى** **منى سامى** · 01-25-2014, 10:47 AM

ضيفى فنان جميل عاشق الورد
انامله الذهبيه تبدع فى تكوينه
من شرائح المانجو حتى من اوراق الثوم عاملينه
ومن قماش الشرابات اتحركت عرايس
عشان تكتب على جبينه
انت فنان جميل ونورت اجمل مكان عاملينه
حبيبتى عزة
اهلا بيك نورتى قهوة المحبة
عوزين نتعرف بيكِ اكتر

س1 عرفينا بنفسك؟

س2- ياترى الانسان محتاج ايه عشان يكون فنان مبدع
دراسه - موهبة -اجتهاد فى العمل؟

س3 -رايت لك تجربة من عجينه الملح ماهى وما رايك بعجينه الملح؟

س4- زينتى صالون بيتك بورود من اوراق الثوم
وكانت رائعه كلمينا عنها ولماذا اوراق الثوم بالذات اخترتيها؟

س5 - العصفورة قالتلى انك شاطرة فى مطبخك
مش بتطبخى فقط بل تضيفى لمستك الفنية
تقولى ايه لكل ست بيت لكى تبدع فى مطبخها؟

س6- ماهو اكتر موضوع عجبك فى منتدى الفنانين العالمين؟
ولماذا هذا الموضوع بالذات؟

س7 اكتر عمل فنى عجبك من ايد مبدعات ورد وليه عجبك؟
وياريت بلاش كلمه كل الاعمال بتعجبنى لازم تختارى)

س8يا ترى التعامل مع مدير منتديات ألهندسة الصناعية بشكل مباشر
فيه ديموقراطية ولا ديكتاتوريه كلمينا عنه بما انك قريبه منه
فى المدينه والعمل ؟

س9ياترى بتحبى الشعر لو اهديتى اهل منتدانا كلمات هتكون ايه؟

س10 - مين الشخصية التى تقدمى لها دعوة باسمك
لحضور منتدانا ومقهانا بالذات تكون لها بصمه فنية مميزة؟

س11 ما هو السؤال الذى توقعتى انى اسأله وتجاهلته؟

شكرا لك منتظرينك حبيبتى

**احمد شريف** **احمد شريف** · 01-25-2014, 12:52 PM

هههههههه
جميلة قوي وتسلم الايادي
لاستاذتنا الغالية
مني سامي

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك