إعـــــــلان

**Mrvatbishr** **Mrvatbishr** · 01-31-2014, 01:28 PM

س7 ما هو الموضوع الذى حذبك فى ألهندسة الصناعية ولماذا؟

الديكوات فى المطبخ روعه

س8 الرسم على القماش والزجاج اى منهما تفضلى ولماذا

الرسم على القماش أكثر من الرسم على الزجاج

وياريت تعرضى لنا اعمالك من الرسم المختلف؟
جارى رفع الصور

س9 كلمه تحبى تقوليها لمنتدى ألهندسة الصناعية نصيحة او معلومه ؟
(ثق بالله ثم ثق بنفسك ) تكسر كل المستحيل

س10 ايه السؤال اللى توقعتى انى اساله وماسالتوش؟
اكيد مدام منى تعبت من مرفت
واكيد منى سامى ام قلب كبير
هتغفر وتسامح

س11 تحبى تقدمى دعوة لمين من اصدقائك لحضور قهوة ألهندسة الصناعية ؟
احب أدعو اختى roky loky

شكرا حبيبتى

**Amany Ezzat** **Amany Ezzat** · 02-02-2014, 07:17 PM

جميله قوى القهوة بجد فكرة حلوة قوى وتواصل جميل مش عارفه من غيركم كنت هعمل ايه

**SaMaR_ BakR** **SaMaR_ BakR** · 02-02-2014, 07:57 PM

منمن حبيبتى
أهنيكِ للمرة التانية على فقرات القهوة
اعجبتنى كثيرا مذكرات الثائرة
وكذلك ,, لقاءك المفيد مع الضيفه صاحبة المكان
تسلميلنا حبيبتى ,, وتسلملنا لقاءاتك

أهلا بك حبيبتى مرفت سعدت بلقاءك
فى انتظار,, مزيد من أيامنا مع القهوة وضيوفها

**هند** **هند** · 02-03-2014, 10:50 AM

اخديتنا معاك فى رحله جميله يا منى
من حكمه لنصيحه لرومانسيه
كلمات جميله واختيارات جميله والصور كمان حلوه قوى
لكن ما اعتقدش اغنيه لطيفه تقدر تمسح الدموع
اللى نزلت مع مذكرات ثائره
ربنا يكشف الغمه عن كل مظلوم
ان شاء الله

تسلم ايدك يا منى
ربنا يبارك فيك حبيبتى

ضيفتنا الجميله مرفت
فنانه متعدده المواهب
سعيده بالتعرف عليك وبانضمامك لاسره المنتدى
اهلا وسهلا بك وانتظار اعمالك الجميله
نورت القهوه والمنتدى

**نااانو** **نااانو** · 02-04-2014, 06:35 PM

اهلا بك مرفت
نورتى القهوة بوجودك وردودك الحلوة
وتسلم ايدك على اعمالك الجميلة
سعداء بمعرفتك
نورتى منتديات ألهندسة الصناعية

**Mrvatbishr** **Mrvatbishr** · 02-05-2014, 08:14 PM

اشكركم
احباتى واصدقائى وصديقاتى
اخجلتونى بكلمكم الجميل
يارب أكون عند حسن ظنكم

**منى سامى** **منى سامى** · 02-06-2014, 09:25 AM

اليوم احمل الزهور والفل والرياحين
لاقدمهم لاغلى الغاليين
من تقدم بخطى المحبين
يلتمس قهوة العاشقين
فله اهدى باقات الورد والعطر والياسمين

ضيفتى الحبيبة مرفت بشر
نورتى القهوة بنور جمالك
وعطر محبتك وفنك الرائع المميز
طيبة القلب الودوده مرفت نورتِ ألهندسة الصناعية

احبتى اصحاب الفضل على قهوتى
من تكون بهم قهوتى سكر زيادة
ريحة وطعم ومضبوطه كالعادة
ناانو القمر و علا الاسلام الرقيقة الطيبه
امانى عزت الجميلة
سمر بنوتى الحبيبة هنوده الرائعه المميزة
اشكركم من كل قلبى لكم كل الحب والود

ليلة جديدة من ليالى قهوة ألهندسة الصناعية

نبدئها بحكمه جميلة

1

الركن الادبى
كلمات مختصرة من احلام مستغانمى
حين نكون تعساء ندرك تعاستنا
ولكن عندما نكون سعداء لانعى ذلك الا فيما بعد
لان السعادة اكتشاف متأخر

1

كلمات منى على اوراق مبعثرة

لملمت اوراقى التى بعثرها الزمن
تصفحتها لمعت فى عينى بريقها
وعادت بى السنين لتحمل نفحات الحنين
فكرت ادونها ها هنا
مدونتى الغالية قهوة المحبة

اول ورقه وجدتها تقول

1

انتظر بشوق ميعاد لقانا
انظر الى عقارب الساعه وهى تعدو مسرعه
تتسابق معها ضربات قلبى لتجمعنا سويا
انا وانت ليس بيننا حاقد او لائم
وياتى اللقاء فاذا بى احتضنك بلهفه المحبين
واهيم بك مع الهائمين
اتمنى لو اغوص فى اعماقك
وتفشى لى كل اسرارك
فانا مثلهم اقف على بابك
اتمنى ان تكون لى وحدى واخطفك من الباقين
اعدو بك الى غرفتى اغلق عليك ابواب القلب
واخفض كل الاضواء حولى
يكفينى ضوء مصباحى ونور بهاك
استفرد بك فى فراشى المسك بكلتا يدى
لاتأمل ماتحتويه سطورك
فقد قتلنى الشغف لاعرف اسرارك وما تحمله افكارك
قرأتك الف مرة حتى انى مزقت غلافك
وكل مرة تدعونى اليك الف مرة ومرة

**منى سامى** **منى سامى** · 02-06-2014, 10:07 AM

الركن الثقافى
ثقف نفسك بنفسك
تذكر ثلاث
انتبه من ثلاث
ولا تعيش مع ثلاث
واعطى الناس ثلاث

1

رباعيات الا ربع

1

علمنى القرب منك اشياء
ومحى من ذاكرتى اشياء واشياء
علمنى كيف يكون الحب والعطاء
ومتى يخرج الكلام من لسانى بلا استحياء
واعطانى الهدوء فى حياتى والرضى بالقضاء
ومحى من ذاكرتى كل عناء
وخلص قلبى من كل داء
وعرفنى معنى الوفاء
فأصبح بالنسبة لى كالماء والهواء

1

مذكرات ثائرة

رغم بروده الجو ورعشة ايديا
نزلت اشوف فين حقوق الانسان ديا
لقيت صرخة من بعيد مدويا
مخنوقه لكن فيها شئ بينادى عليا
صرخة معاق بيشاور من بعيد
اشارة غريبه مش مقرية
لكن كل لبيب بالاشارة يفهم
كلام كتير من العيون يتشاف
حزن والم وآهه ووجع
يتلخصو فى كلمتين اتنين
عاوز اعيش انسان مش متهان

1

بصى يابلدى يا حته منى انا مش بلومك
ومش بقلب عليكى همومك
ولا بعلق المشانق لحكامك
انا مش لاقى فيكِ اللى يخلينى احميكِ
انا عارف انك جميله وخيرك ماليكِ
واجمل مافيكِ قلوب سكانك
انا عاوز اعيش فيكِ وابنيكِ
واطمن على ولادى واهديكِ
اجمل غنوة تسمعها عنيكِ
لكن ازاى وانا عاجز
مش عارف امد ايدى امسك ايديكِ
فين حقوقى عليكِ
اكلوها اللى بيقسموا الارزاق فيكِ؟
وبيوهمو الناس ان ولاءهم ليكِ
اوعدك يا غالية
مش هتغمض عنيا غير والدنيا ديا تشهد عليا
مش هسيب حقى فيكِ يضيع ويا القطيع اللى بيمشى ورا الظلم

**منى سامى** **منى سامى** · 02-06-2014, 10:28 AM

استراحة غنائية
واصر انها تكون استراحة تخرجنا من اى حالة
فقط نسترخى ونقرا ونسمع

كلمات اغنية متاخده من الايام شيرين

متاخده من الايام
وخايفه اشوفه صدفه اجري عليه
ولا اخاف مابقتش عارفه
ظلمته ولا ظلمني انا مابقتش شايفه
غير ان البعد كان اريح كتير من القرب
جوا الحاجات الحلوة ميه مليون وجع
كان طبعه قاسي لكنه برضو كان جدع
ومتاخده من الايام
في حضنه قلت كلام ماعرفش اقوله تاني
متلخبطة و الف حاجة مخوفاني
اروح له و الا اسيبه و الا افضل مكاني
مخدناش منه يا قلبي الا وجع القلب
جوه الحاجات الحلوة ميه مليون وجع
كان طبعه قاسي لكنه برضو كان جدع

لقاء مع ضيف غالى
كالنسمه الهادئه مر بمنتدانا
لمع كالنجمه بريقها ملا الكون
فنان حساس وكمان استاذ
حبيبتى امانى عزت

س 1 اهلا بيك عرفينا بنفسك؟

س2 لماذا اخترتى ألهندسة الصناعية دون غيره تسكنى اليه؟

س3 فن الكروشيه فن جميل محتاج ايه لكى نتقنه
وما اهم اعمالك من الكروشيه؟

س4ما هو الموضوع الذى جذبك فى منتدى الاقتصاد المنزلى؟ ولماذا؟

س5 ماهى السلبيات التى وجدتيها فى ألهندسة الصناعية وتتمنى ان تختفى؟

س6- اى الفنون تفضلى ولماذا
فن صناعه الاكسسوار---فن الكروشيه --الاعمال الفنيه من الورق الملفوف ؟

س7-ماهى الادوات والخامات المطلوبه منى لانفذ تابلوه من الورق الملفوف ؟

س8 - ايه رايك فى اللى بيقول ان اكسسوارات المرأة تدل على شخصيتها؟

س9 ايه هو العمل الفنى التى تتمنى اتقانه ؟

س10 تقدمى الدعوة لمين من اصدقائك لدخول ألهندسة الصناعية
ويكونو ضيوف قهوتى ؟

س11 ما هو السؤال الذى كنتى تنتظري منى اساله لكِ؟

شكرا حبيبتى منتظرينك تنورى القهوة

ولنا لقاء باذن الله مع ليلة جديدة نتمنى من الله تكون سعيدة

**نااانو** **نااانو** · 02-06-2014, 11:43 AM

ليلة من الف ليلة
بنتظر هذا اليوم من كل اسبوع
اجرى الحق لى مكان وفنجان قهوة جميل
قبل الناس ماتوصل والزحمة على القهوة يزيد
اصل انا احب الهدوء
لكن مع الاصحاب اللمة حلوة
وخصوصا على كرسى مريح فى قهوة الفن الجميل
مع كلمات روعه واغنية حلوة
واحساس صداقة صدوقة من قلب حبيبة القلوب
منى سامى
روعه حبيبتى
ليلة جميلة
وفى انتظار امانى تنور القهوة

**عمل لن يكتمل** **عمل لن يكتمل** · 02-06-2014, 12:08 PM

كلما قرات كل جزء فى قهوتك كلما زادت حيرتى
بان اوصف كل هذا الابداع من مختلف الموضوعات
اخذتنى يمينا ويسارا ولم اجد نفسي الا فى مقهى الدفء والحنان
وكأن الجو عاصف بالرياح ودخلت
لاجد الدفء والحنان وريحه قهوتك تعم المكان
وات شوق لرشفه من هذا الفنجان ليسكن قلبى فى هذا المكان
فمن انتى حتى تسحرين كل المارين على قهوتك
ولم يريدو الفرار من جنتك وحضنك المعطاء
فيارب لاتحرمنا من هذا المكان

**Amany Ezzat** **Amany Ezzat** · 02-06-2014, 01:33 PM

س 1 اهلا بيك عرفينا بنفسك؟
اهلا بيكم وبكل ورد المنتدى
انا امانى عزت مواليد1971
حاصله على بكالوريوس هندسه قسم كهرباء

س2 لماذا اخترتى ألهندسة الصناعية دون غيره تسكنى اليه؟
انا من عشاق الاعمال الفنيه بكل انواعها دخلت كتيرعلى المنتدى ك زائرة
استفدت من الموضوعات وورش العمل والشرح المصوراكثر من اى مكان اخر
الى ان تعرفت على الغاليه نانو فى ظروف نفسية كانت صعبه بالنسبه لى
اقترحت عليا الانضمام الى المنتدى كعضو
لان التفاعل على المنتدى اكيد افضل
وقد كان ويارب اقدر افيد حد بموضوعاتى المتواضعه
س3 فن الكروشيه فن جميل محتاج ايه لكى نتقنه
الكروشيه فن رائع لكن محتاج تركيزوصبرلكى نصل الى عمل جيد
مهم جدا اخيار نوع الخيط ومقاس الابرة المناسبه
وما اهم اعمالك من الكروشيه؟
انا نفذت اشياء كثيرة جدا لكن بالفعل اكتر حاجة

1

**Amany Ezzat** **Amany Ezzat** · 02-06-2014, 01:48 PM

س4ما هو الموضوع الذى جذبك فى منتدى الاقتصاد المنزلى؟ ولماذا
كل ما هو فى المنتدى رائع
لكن بالنسبه لى انا الى الان لم اتعلم التطريز بشرائط الستان
لذلك هو اكثر موضوع جذبنى فعلا ان شاء الله احاول اتعلمه

س5 ماهى السلبيات التى وجدتيها فى ألهندسة الصناعية وتتمنى ان تختفى؟
ما شاء الله لم اجد اى سلبيه فى المنتدى
بالعكس انا اشعر فى المنتدى بامان واخلاص وتعاون وتشجيع
الشئ الوحيد الذى اتمناه هو ان استطيع التفاعل على المنتدى
من خلال الموبايل وده سبب تاخيرى اليوم
الى ان اعود من عملى والتحق بكم

**Amany Ezzat** **Amany Ezzat** · 02-06-2014, 02:02 PM

س6- اى الفنون تفضلى ولماذا
فن صناعه الاكسسوار---فن الكروشيه --الاعمال الفنيه من الورق الملفوف ؟
جميعهم واكثر من ذلك انا بالفعل جربت التريكو والتطريز بالخيط
وعملت كمان كوفيات بالنول المستطيل
وفصلت لبنتى فساتين وبلوزات
وكمان عملت ستاير للبيت عندى
يعنى انا بحب اعمل اى حاجة تلفت نظرى
وطبعا اى معلومة محتاجلها النت موجود
بتفرق قوى معايا لما اعمل بايدى
حتى لو النتيجه مش 100%100
دى بعض الصور لستاير حجرة الاولاد
والليفنج وكمان الصالون ماسيبتوش فى حاله
وعملتله الستارة يارب تعحبكم

5

**Amany Ezzat** **Amany Ezzat** · 02-06-2014, 02:35 PM

س7-ماهى الادوات والخامات المطلوبه منى لانفذ تابلوه من الورق الملفوف ؟
لف الورق من الفنون الجميله جدا
خاماته بسيطه فقط شرائط من الورق الكانسون الملون
مقص كترمسطرة شابلونة دوائر غراء ابيض او بيرت
كلها موجودة فى المكتبات بالنسبه للابرة المستخدمه فى اللف
ممكن استغنى عنها بخلة اسنان او ممكن اعملها بنفسى
بمنتهى البساطه وبدون تكاليف

1

س8 - ايه رايك فى اللى بيقول ان اكسسوارات المرأة تدل على شخصيتها؟
اكيد بتدل على الشخصيه وكمان على المود
س9 ايه هو العمل الفنى التى تتمنى اتقانه ؟
كنت فاكره نفسى بعرف اعمل حاجات كتير
لكن بصراحه كل ما اتعلم حاجه
الاقى حاجه تانيه تعجبنى اكتر واحاول فيها
مش عارفه دا عيب فى انى مش بركز على نوع واحد من الفنون
وطبعا الابداع ليس له حدود
فأكيد كل يوم هلاقى حاجة جديدة عايزة اتعلمها
الخطه الجديدة بتاعتى انى اتعلم الديكوباج وشجر الخرز
س10 تقدمى الدعوة لمين من اصدقائك لدخول ألهندسة الصناعية
ويكونو ضيوف قهوتى ؟
الاستاذ احمد شريف عضو جديد
استشعرت فيه النشاط والحماس
ياريت نتعرف عليه اكتر من خلال القهوة

س11 ما هو السؤال الذى كنتى تنتظري منى اساله لكِ؟
بصراحه لم اكن انتظر سؤال معين
لكن عندى شكر واجب لجميع القائمين على المنتدى
لما يقدمونه من خدمات لهواة الفن
فالجميع هنا لا يبخلون باى معلومه على احد
اشكر الجميع على رعايتهم الفنيه وارشاداتهم القيمه
احبكم جميعا لكن اعذرونى للغاليه نانو معزة خاصه
لانها كانت سبب لمعرفتى بيكم
الشئ الوحيد اللى كنت منتظراه
هو فنجان من القهوة المظبوطة مثل قهوتكم الجميله هذه
عموما هذه لكم جميعا والف شكر على استضافتى

1

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك