إعـــــــلان

**Mrvatbishr** **Mrvatbishr** · 02-06-2014, 02:46 PM

يوم الخميس
دائما كنت احب هذا اليوم
لانى اسافر لرؤيه الأهل ورحل الأهل
ولكن سبحان الله عوضنى الله عنهم
بصحبه من اخير الأصدقاء
دائما استمتع بقهوه ورد الفنون
وأصبحت انتظرها بفارغ الصبر كل حميس
ومرحبا بالفاضله
امانى عزت
ومنتظرين المزيد من أعمالك
والستائر الأكثر من رائعه
وما احلى شجره العائله
كل أسبوع تنضج بزهره جديده

**نااانو** **نااانو** · 02-06-2014, 03:54 PM

نورتى القهوة يا امانى
ردودك جميلة ووجودك نور قهوتنا
واعمالك ماشاء الله تنوع جميل فى الفنون
وانا معكِ ان الفن ليس له حدود والتنوع مطلوب
فى حد دايما يقولى ركزى فى نوع فنى واحد
لكن الدماغ اللى بتفكر ماينفعش تركز فى نوع واحد
وانا سعيدة بمعرفتك
واشكرك على شعورك الجميل
ونورتى منتديات ألهندسة الصناعية
بطلتك الحلوة واعمالك الجميلة

**هالة** **هالة** · 02-06-2014, 07:05 PM

كل الدنيا بتستنى يوم الخميس
ود وصحبة ورد واحلى ونيس
قهوتنا دايما دافية
مكان وطعم ونكهة
بالحب محوجة
الواحد مش بيشبع منها
الغاليات
مرفت بشر
واماني عزت
كم اسعدنا انضمام زهرتان جميلتان
لبستان الود الجميل
وطَرِبتُ كلما مررت بموضوعاتكما
فن واتقان والاكثر حب للتعلم
وافادة الغير
نورتوا بيتنا الجميل
واسعدتني صحبتكم الهنية
يا رب دايما متجمعين
مون مونتي
مضيفتنا الحبيبة الى القلب
المحبة للكل
دايما يا رب جامعة الاحبة
على قهوة بمزاج خاص
دمتم حبيباتي بكل ود وخير

**جابر الخطاب** **جابر الخطاب** · 02-06-2014, 07:43 PM

ابنتي العزيزة المبدعة منى
عندما تشرق انوار الخميس تزداد دقات
القلب لاستقبال مهرجان الفنون الجميلة
في قهوة الورد والحب والجمال فمن الحكمة
البليغة الى اكتشاف السعادة في مفهوم الأديبة
احلام مستغانمي وكم كانت رائعة اوراق الشوق
المبعثرة على رصيف الذاكرة بحرارة اشواقها
وصدق مضامينها وحين مررت بالركن الثقافي
استوقفتني الوصايا الثلاث وتأملتها كثيرا لغزارة
وعمق معانيها وما ترسمه من منهاج اجتماعي
متكامل وفي الرباعيات الا ربع تشعبت معاني الحب
وتوغلت في اعماق القلوب اما مذكرات الثائرة فهي
كبيرة في مطامحها واهدافها النبيلة ولكني اخاف من
منظر الفم المفتوح وسط اليد وهو يمثل صرخة اليد
المطالبة بحقوق الإنسان ولقد تعاظم الإبداع في اعمال
الست أماني عزت التي قدمت لنا اجمل المبتكرات في
فن الكروشيه فكانت متميزة في موهبتها وابداعها
وروعة نماذجها المعروضة تحية لكل من يترك بصمة
فنية وثقافية في مقهى رائدة الإبداع والتجدد ابنتي الطيبة
منى مع اسمى الأمنيات

**امل نيازى** **امل نيازى** · 02-07-2014, 02:27 PM

كلمات منى على اوراق مبعثرة

عجبتنى جداا
جميله يامنى يااجمل نبضه فى قلبنا
تعيشى وتسلمى دايما بخير لنا
وطبعا كل ما تختاريه ولعيونا تقدميه
بيسعدنا ويفيدنا

اجمل تحيه لضيوفك وفنانى ورد الغاليين
ويارب دايما منورين بالاجمل والارقى
الغاليات
مرفت بشر
واماني عزت
ودائما على الود والخير القاكم

**هند** **هند** · 02-08-2014, 10:01 AM

آآآه منك يا منى
من حكمك واوراقك ورباعياتك ومذكراتك
كلها بتخرج من القلب تمس القلب فورا
شكرا لك حبيبتى
تسلم ايدك ويسلم قلمك وافكارك

واهلا بامانى الجميله
الفنانه متعدده المواهب
شغلك حلو قوى والستاير رائعه
تسلم ايدك
نورت المنتدى

**علا الاسلام** **علا الاسلام** · 02-10-2014, 09:05 AM

الرائعة منى سامى
كم يجذبنا سحر قهوتك الرائعة .. قهوة ألهندسة الصناعية
وكم هى روعة الفقرات التى تقدمينها من مختلف العلوم والفنون والثقافة
وما أجمل إشراق ضيوفك الأعزاء .. وما يقدمونه من فن جميل
وما أعظم مجهودك الكبير الذى يحمل لنا كل جديد قيم مفيد
شكرا لك غاليتى .. كل كلمات الشكر لا تكفى ولا تفى
ولا أملك إلا الدعاء لك بكل خير وسعادة
وجزاك الله خيرا وجعله فى موازين حسناتك

**REHAM SAAD** **REHAM SAAD** · 02-12-2014, 10:50 PM

الله عليكي يامنمن
وعلى قهوتك الجميله
حقيقي بتودينا لعالم تاني
بعيد عن الملل والزحمه والضجيج
ابدعتي منمن وفي انتظار المزيد

**منى سامى** **منى سامى** · 02-13-2014, 09:36 AM

عيد الحب لون قهوتى بالوان الطيف
وعطر ورود المحبة هديه لكل ضيف
كل يوم فى قهوتى عيد للحب
لذا قررت انى لن احتفل بعيد الحب
قبل ماشوف الحب يملا كل بيت
وامسح دموع ام كل شهيد
وارجع ابنى الى اتسجن مظلوم
واطبطب على كل قلب مهموم
ساعتها نحتفل مع بعض بعيد الحب
لما ربنا ينزل هدايته على كل قلب

نورتو قهوتى بنور محبتكم
ضيفتى الجميلة امانى عزت
نورتى حبيبتى باعمالك الرائعه
ورقة مشاعرك ومودتك لكل اهل ورد الغاليين
منتظرينك دائما فى مقهانا تنثرى عبير الورد

والدى الغالى جابر الخطاب
كلماتك نقشتها على جدران المقهى لتزين اركانه
وتضئ بنور بهاك
نورت قهوتى التى حفذتنى لاشعل لهيب مشاعيلها
نتنفس هواها ونضئ بها ارض المشتاقين للفن والثقافه والخير والعطاء
شكرا لك

حبيباتى اضاءت قهوتى بنور محبتكم
ادعو ربى دائما لا يحرمنى طلتكم بحياتى
ناانو رفيقة دربى وتؤم روحى
عمل لن يكتمل الرقيقة العذبة المشاعر
مرفت الطيبه الحنونه
هالة اجمل هالة نور تضئ حياتى وروحى
مبدعه الفن والرقى الانسانى
هنوده حبيبة قلبى الجميلة
علا الاسلام ارق واطيب انسان
ريهام بنوتى الجميلة وروح قلبى

شكرا لكن

يوم جديد من ايام قهوة ألهندسة الصناعية

نبدأها بحكمه بسيطه كبيرة المعنى

1

اما الركن الثقافى
هنثقف نفسنا بنفسنا

1

اوراقى المبعثرة عثرت منها على ورقه
تسربت معها روعى لتحيا عالم خيالى

1

وتقول
اخذنى ضوء القمر الخافت
جذبنى لاخرج من شرفتى واناجيه
اتأمل فيما يحتويه وما سر الكون عليه
كيف يلمع والنجوم حواليه
كانه ساحر على مسرح الحياة والجمهور يصفق اليه
اخذت عيناى تتامل تفاصيله تسرح فى منتهاه
تخيلته هناك
يعانقنى يمسك بيدى يضعها على كتفاه
يراقصنى على ايقاع نبض قلوب عشاقه
اكاد استمع الى موسيقى تعزف لحن الحياه
يخطو بى خطوات مرسومه يحفظها جيدا
ويطير بى فى لحظة الى سماه
اكاد المس احلامى وتعانقنى يداه
وفى لحظة تحط قدمى ارض هواه
اقترب من امنياتى واتحسس رضاه
وفجأة يلقى بى من اعلى سفح ملتقاه
لاجد نفسى اتساقط فوق حبال الامانى
وتصدمنى تفاصيل جفاه
وتتلاشى صورته فى عينى واعود الى واقع الحياة
احمل بين جفونى صورته وبعض ترانيم الآه
وتستقر روحى داخل جسدى
ويعود الواقع الى بكل محتواه
هذه انا داخل شرفة منزلى ويسحرنى ضوء القمر
واسرح فى خيال لن انساه

**منى سامى** **منى سامى** · 02-13-2014, 10:17 AM

الركن الادبى

1

ما من قصة حبّ إلاّ وتبدأ بحركة موسيقيّة
قائد الأوركسترا فيها ليس قلبك
إنما القدر الذي يُخفي عنك عصاه
بها يقودك نحو سلّم موسيقيّ لا درج له
ما دمتَ لا تمتلك من سمفونيّة العمر
لا " مفتاح صول ".... ولا القفلة الموسيقيّة
احلام مستغانمى

رباعيات الا ربع

1

الدنيا على دا ودا كل يوم بلون
ساعات بتبتسملى لما بكون مهموم
وساعات تضحك وصوتها يعلا للسما
وتقولى قوم من النوم
وساعات تدينى ظهرها وابات فى شؤم
وانعى حظى اللى اتظلم واتمنى ما اقوم من النوم
واوقات تنادى علي بصوت حنون
افرح من كل قلبى واجرى عليها زى المجنون
الاقيها غيرت لونها واتلونت الف لون
ماهى دنيا مهما عليت ومهما تكون
نتمسك ليه بيها هى ايش تكون

يوميات ثائرة
مش عوزين رئيس
قررت ارفع شعار مش عاوزين رئيس

1

مش عاوزين رئيس والسلام
مش عاوزين منصب وجاه
ايوة مش عوزين رئيس يحكمنا
احنا عاوزين انسان حاسس بهمومنا
مصر يا هم اتقسمت ثلات اقسام
ناس اخوان وناس مش اخوان
وناس لا مع دول ولا مع دول
لو رحت للاخوان وقلتلهم عاوزين مين رئيس
هيقول ايه ؟
هيقول عاوز رئيس من عشيرتى
يحقق خريطه طريقى زى ما بتقول جماعتى
لو ماكنشى ده رئيسى يبقى مش عاوزين رئيس

وانت ياللى مش اخوان عاوز مين رئيس
انا عاوز رئيس مايكنشى كل همه جماعته
ويكون لكل المصرين يعرف حقوق شعبه ويحلف على كدا يمين
لو ما جاش رئيس كدا يبقى مش عاوزين رئيس

وانت يالى رافض دول ودول عاوز مين يكون رئيس

انا عاوز انسان حاسس بهمومنا
يجمع شمل قلوب المصرين ويكون عنده هدف وذمة
ضميره قائد يقوده يحفز بيه كل هممة
يراعى حق الانسان ويصدق لما يقول اى كلمة
متهئ لى ده مش كتير ولا شئ مستحيل
مش هتفرق معانا ان كان جيش ولا شرطه
ولا راجل فقير قاعد على دكة
لو ماكنشى يحقق بينا حلم الشهدا
يبقى مش عاوزين رئيس

**منى سامى** **منى سامى** · 02-13-2014, 10:40 AM

الان مع استراحة فنية
وغنيه بحر الحياة لمنير

بحر الحياة غدار واحنا لفين راحين
شايل معاه اسرار واحنا معاة ماشين
ايام تفوت وتروح واحنا ولا حاسين
احلام تعيش وتموت يا قلوبنا يا خايفين
الطير بيهاجر وبيرجع الشمس بترحل وبترجع
الدنيا بتاخد وبتدى الليل لو طول هيعدى
الطير بيهاجر وبيرجع الشمس بترحل وبترجع
الدنيا بتاخد وبتدى الليل لو طول هيعدى
فى ليالى بنحلم وتعبنا ورجعنا لوحدنا بعزبنا
حاول تتغيـــــر ومسيــــرك تقــــدر
فى ليالى بنحلم وتعبنا ورجعنا لوحدنا بعزبنا
فى ليالى بنحلم وتعبنا ورجعنا لوحدنا بعزبنا
حاول تتغيـــــر ومسيــــرك تقــــدر
وبلاش نستسلم يوم للحزن مادام عايشين
بحر الحياة غدار واحنا لفين راحين
شايل معاه اسرار واحنا معاة ماشين
ايام تفوت وتروح واحنا ولا حاسين
احلام تعيش وتموت يا قلوبنا يا خايفين
لو ينسى الواحد احزانه هيشوف الورد وألوانه
لو نفتح للدنيا قلوبنا هدق الاحلام على بابنا
لو ينسى الواحد احزانه هيشوف الورد وألوانه
لو نفتح للدنيا قلوبنا هدق الاحلام على بابنا
دى ساعات الدنيا بتوعدنا ونقرب منها وتبعدنا
دى ساعات الدنيا بتوعدنا ونقرب منها وتبعدنا
حبها من قلبك حبها هتحبك اضحك للدنيا
الفرحة هتيجى فى غمضت عين
بحر الحياة غدار ...الدنيا لسة بخير
شايل معاه اسرار... فى حياتنا لسة كتير
ايام تفوت وتروح ...بكرة هيجى اكيد
احلام تعيش وتموت... هيجينا حلم جديد
الدنيا لسة بخير
فى حياتنا لسة كتير
بكرة هيجى اكيد
هيجينا حلم جديد
بحر الحياة غدار ...الدنيا لسة بخير
شايل معاه اسرار... فى حياتنا لسة كتير
ايام تفوت وتروح ...بكرة هيجى اكيد

الان مع ضيف جميل ورقيق
متعدد المواهب فى كل الفنون تلاقيه هايم
كل مواد البيئة اتسخرت ليه
انتج منها تحف فنية
تعالو نرحب بيه فى منتداه
حبيبتى عمل لن يكتمل

س1 عرفينا بنفسك؟

س2 اى العجائن تفضلى عجينه السيراميك ام الملح ام القماش فى اعمالك الفنيه؟

س3 ماهى عجينه القماش واجمل اعمالك منها؟

س4 ما هى الاشياء التى جذبتك لألهندسة الصناعية ولم تجديها فى غيره؟

س5 اى الموضوعات نالت اعجابك فى منتدى الاشغال الفنيه وتعطيه كام من عشرة؟

س6 الرسم على القماش يحتاج مقومات خاصة ماهى؟

س7 ماذا يحتاج عاشق الاشغال الفنيه ليكون متميز فى شغله؟

س8 كلمات دونيها على جدران ألهندسة الصناعية تبقى ذكرة جميلة؟

س9 لو قلت لك قدمى دعوة لاحدى صديقاتك للتسجيل فى منتدانا
وحضور قهوة ألهندسة الصناعية من تكون؟

س10 اختارى شخصية فى منتدانا وقدمى لها رسالة معلنه؟

شكرا حبيبتى نورتى منتدانا

**نااانو** **نااانو** · 02-13-2014, 11:30 AM

الله يامنى
كل كلمة مدونة فى قهوتنا اليوم اكثر من رائعه
مقدمة تحفة
وحكمة جميلة
واوراقك المبعثرة ومابها من كلمات رائعه الاحساس
وربع الناقص ما اجمله
كله على بعضه يوم جميل فى قهوتنا المنيرة دائمة بضيوفك الرائعين
وننتظر معكِ ضيفتك الجميلة
الفنانة نجلاء
لنتعرف معها على فنها الجميل

**عمل لن يكتمل** **عمل لن يكتمل** · 02-13-2014, 04:03 PM

قبل البدء فى الرد على الاسئله
احب اشكر كل القائمين على هذا العمل الجميل
وندعو لهم بدوام الصحه وفى ميزان حسناتكم ان شاء الله
على هذ المجهود الرائع لمعرفه كل ماهو جديد وتسهيل العمل
على كل الموهوبين فى المجال الفنى والمحبين للفنون لقتناء
اسهل طرق لعمل مشغولات فنيه جميله
وانا سعيده جدا لانضمامي لاعظم المنتديات منتدى ورد
وهو ينطبق عليه جمله (مش هتقدر تغمض عنيك )
ويارب اكون عند حسن ظنكم واقدر اضيف
اى معلومه تفيد الاخرين
س1 عرفينا بنفسك ؟

انا اسمى نجلاء فتحى سليم
بكالوريوس تربيه فنيه
وحاليا مدرسه تربيه فنيه
انا بحب الاشغال الفنيه جدا وكانت هويتى المفضله
من وانا صغيره حتى سمحت لى الظروف
والتحقت بكلية التربيه الفنيه
وبحب جدا ابحث على كل ما هو جديد فى عالم
الفن وكان الدور الاكبر فى وجودى
هنا منتدى ورد كان مرجعى الاول
س2 اى العجائن تفضلى عجينه السيراميك
ام الملح ام القماش فى اعمالك الفنيه؟

اولا كل خامه من هذه الخامات لها جمالها وسحرها
فى العمل الفنى وايضا لها اسرارها لنجاح هذا العمل
بالنسبه لعجينه السراميك هى صعبه شويه
في عمايلها بس بيعطى نتيجه هايله
فى الشغل ورقه فى الوردات الصغيرمثلا
على عكس عجينه الملح سهله ولكن
لزم العمل بها يكون مش حاجات صغيره يعنى
الورده بتكون كبير شويه وسميكه
فالاستخدام هنا حسب انا عوزه اعمل ايه
اما القماش حاجه تانيه خالص
وبيعطى نتيجه ممتازه فى العمل وسهل تنفيذه

2

س3 ماهى عجينه القماش واجمل اعمالك منها ؟

عجينه القماش سهله جدا فهى عباره عن
اى قطعة من القماش القطن وياريت لو استخدمتى
اى قطعة من الملابس القديمه
تأخذى القطعه المناسبه للاستخدام
وتحضرى نشا ومايه على النار
وتضاف اليها قليل من غراء ابيض شفاف
وتوضع فيها القماشه
وتغمر بها جيدا ثم تاخذ القماشه وتعصر قليلا
وبذالك توضع على الشىء المراد تزينه
(مرايا - زيير -او اى حاجه مجسمه )
وتاخذ الشكل المراد والتاثير الجميل
من خلال تنى القماش فى بعض المناطق

3

س4 ما هى الاشياء التى جذبتك
لألهندسة الصناعية ولم تجديها فى غيره؟

منتدى ورد أرشيف هايل لمحبى الفنون والمبتكرين
ومبحتجش ادور فى اى منتدى اخر
عن اللى عوزه اعرفه ووافى جدا فى المعلومه
ومبسط والافكارمدعمه بالصور بجد اجمل منتدى
واجمل ورده قدمتوهلنا
س5 اى الموضوعات نالت اعجابك
فى منتدى الاشغال الفنيه وتعطيه كام من عشرة ؟

موضوعات الاشغال الفنيه كلها حلوه جدا
وشيقه ويستاهل عشره على عشره
وده اصلا بفضل مجهودتكم

**Amany Ezzat** **Amany Ezzat** · 02-13-2014, 04:17 PM

الغاليه منى سامى
تسلمى على قهوتك الجميلة الرائعه
واختياراتك الرائعه للكلمات والاغانى
بجد استمتعت كثيرا بالقهوة اليوم
المفاجأة الرائعه بانضمام وردة ولا اروع
باخلاقها واعمالها الفنيه المتميزة
الصديقه الغاليه نجلاء فتحى نورتى صحبتنا

**عمل لن يكتمل** **عمل لن يكتمل** · 02-13-2014, 06:14 PM

س6 الرسم على القماش يحتاج مقومات خاصة ماهى؟

يحتاج القماش الى تحديد نوع القماش المستخدم
فالحرير غير الستان غير القطن والقطيفه
والوانها تبعا بتفرق كل نوع له الوان للرسم عليه
وايضا له ريليف خاص به
ومن اصعب الرسم على القماش الرسم على الحرير
ويجب شده على شاسيه خشب قبل الرسم عليه
وده بالنسبه لكل القماش حتى يسهل الرسم عليه
وهناك الوان كثيره للرسم على القماش
الوان زيت -الوان اوره - الوان حرير -الوان ستان
س7 ماذا يحتاج عاشق الاشغال الفنيه ليكون متميز فى شغله؟
اولا :البحث المستمر فى كل ماهو جديد فى عالم الفنون
ثانيا : القيام بعديد من التجارب بمختلف الخامات
لمعرف ايجابيات وسلبيات الخامات المستخدمه

و لمتابعه اعمالى هنا

https://www.ward2u.com/showthread.php?t=21203

س8 كلمات دونيها على جدران ألهندسة الصناعية تبقى ذكرة جميلة؟

مفيش كلام يعبر عن مابداخلى من شعور تجاه منتدى ورد
ولكنى انتظر كل خميس قهوه من احلا المذاق لها رائحه
زكيه واصحابها من البستان ويحلو المجلس باصحابه
واحبابه من الجيران
ومقاعد فى المقهى تنتظر تجمع اجمل الاحباب
فقهوتك سيدتى لم تنسى مهما فات
من الاوقات فيارب ييسرلك دوام تجمع الاحباب
س9 لو قلت لك قدمى دعوة لاحدى صديقاتك
للتسجيل فى منتدانا وحضور قهوة ألهندسة الصناعية من تكون؟
الفنانه الجميله امال فاروق

س10 اختارى شخصية فى منتدانا وقدمى لها رسالة معلنه؟
طبعا الشكر الاول ل أ/منى سامى
و أ/ناهد عبود
اللى كانو خير سند ليه فى انضمامى للمنتدى
وطبعا مش هنسى اجمل ناس
هم كل من ساهموا فى الارتقاء بالمنتدى
والاصدقاء فى المنتدى و روحهم الطيبه
شكرا حبيبتى نورتى منتدانا

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك