تويت
مساء الخير
كل الود لطارحه الموضوع الرائع
ولمتابعيها
كل الود لطارحه الموضوع الرائع
ولمتابعيها
-
-
اسعد الله صباح كل احبتى وكل من خطى نحو قهوتى
اهديه رحيق من ندا قلبى وبعض قطرات من مهجتى
اسعدنى احبابى انى وجدت من يسأل عن غيابى
اجمل شئ فى الدنيا انك تجد من ينتظرك
فهذا الشعور يحفزك اكثرا لمزيد من العطاء
اشكرك مرفت بشر
وكل من سأل عن غياب قهوتى الاسبوع الماضى
واشكر ضيفتى الجميلة رجاء
اجاباتك تدل على وجود فنانه فى ثوب انسان
رقه وطيبه وجمال روح
اشكرك على قبولك الدعوة للحضور لمقهانا العامر
واشكر حبيبات قلبى صديقتى التى لا يحلو يومى دونها ناااانو
مرفت بشر وللمرة التانيه ارحب بيها
تستحق كل خير لرقى مشاعرها الانسانيه وذوقها العالى
امانى حبيبة قلبى الفنانه الجميلة صاحبه اليد الزهبيه
وحنان الوطن اتمنى ان تجد الحنان هنا فى وطنا الغالى ألهندسة الصناعية
1
يوم جديد من ايام قهوة ألهندسة الصناعية
نبدأه بحكمه جميلة
1
الركن الثقافى وخواطر العالم الجليل
مصطفى محمود
1
والشر في الكون كالظل في الصورة
إذا اقتربت منه خيل إليك أنه عيب ونقص في الصورة.. ولكن إذا ابتعدت
ونظرت إلى الصورة ككل نظرة شاملة اكتشفت أنه ضروري ولا غنى عنه
وأنه يؤدي وظيفة جمالية في البناء العام للصورة. #مصطفى_محمود
1
والركن الادبى يضئ دائما
باروع كلمات من شعراء
اليوم نتعرف على شاعر جميل الكلمات
الشاعر حسن فاروق
وجه بلونٍ زئبقي
بأي لونٍ نلتقي ..
لو كان لون العشق
في عينيك واضح
أخبريني ..
أي لونٍ ؟
ترغبي أن تعشقي ؟
أي لونٍ في دروب العشق كافي
أخبريني لا تخافي
أي لونٍ في بحور الشعر يغرق ..
يشتهي نظم القوافي
أخبريني ..
قبل أن ينجو الزمان
و تغرقي
في لون وجه زئبقي
فبأي لون نلتقي
اجعلي رسم الفراشة
يشتري الألوان منكِ
اجعلي لون الصفاء
يشتهي لون الوفاء
اجعلى لون المحاسن في فؤادك يتقي
أي لونٍ زئبقيتعليق
-
اوراق مبعثرة تحمل كلماتى
1
احببتك ولم اكن اعرف معنى الحب
ولم افقه شئ عند الحزن وما يدمى القلب
ولدت بداخلى جزء من تكوينى
نبضة من نبضات قلبى التى تحينى
عرفتك اولا كلمات تتوالى بتسبيحة جدتى
وتردد اسمك على مسامعى يبارك خطوتى
فستشعرت ببراءة الاطفال عظمتك
فكنت اقرب الاقربين الي
اناجيك فى سرى وفى علنى
واضع رضاك امام عينى
تعلمت من والدى تكرار اسمك لازرع جنتى
وكيف اعبدك طوعا وحبا لتضئ دنيتى
فأنعمت علي بعطاءك السخى
وزدتنى من الخير حتى ارتضيت
واهديتنى من المحن مايمحى ذنوبى ويقربنى اليك
فكلما ضاق بى الحال لا اجد غيرك ملجأ وملاذا
وطرقت قبلك الف باب فلم اسمع صدا لندايا
فكيف لا اهواك يامن ملكت الروح والفؤاد
رباعيات الا ربع
فضفضة قلب ملاه الهم
1
الكداب بيروح النار
ده كلام جد مش هزار
خلى بالك راجع نفسك
انا بديك يادوب انذار
انت عارف الكدب مالوش رجلين
يعنى اكيد حياتك هتبقى دمار
عشان كدا الكداب انا ما بحبوش
حتى لو كان اللى بيكدب له وش بشوش
وبعدين يعنى هو الصدق ماله؟
واللى قال الصدق ايه جراله؟
عايش وتهنى براحة باله
كلمه بقولها لك فى ودنك
قول الصدق ولو على رقبتك
مذكرات ثائرة
1
مش همل حتى لو صوتى اتنبح وذراعى اتشل
هفضل انادى واقول بصوت جهور للظلم غور
ولو كسرو قلمى وكمموا فمى وجابولى هم فوق همى
هفضل انادى واقول يا ظلم غور
هنزل كل شارع وكل حارة واسلم عالناس الامارة
اهل بلدى الطيبين وابوسهم فوق الجبين
واخد ايديهم وانادى يا ظلم غور
او اروح اجيب ربابهزى الغلابة واسرح واقول يا ظلم غور
مش هكره بلادى عشان فيها كام عاصى غادر
بواقى لنظام فاسد اتاصل فينا من سنين
مسيره يروح ويغور ويفضل الناس الطيبين
مصر هتفضل بهيه بطرحه حمرا وجلابيه
وتاج على راسها ينور الدنيا
بايدين ولادها المخلصين
بايدين ولادها المخلصين
اترككم مع هذه الكلمات
واستعدادا لاستقبال ضيفنا الغالى
اتأملوا حرمه ومن باع بماله خان
واللى يهين حرمه لا هو راجل و لا انسان
ازاى عماكو الخوف و خلى عينكم
تشوف الطلم شئ مألوف و تدفعوا عنوا كمان
يا اهلنا نظرة و اتأملو الصورة
عايشين بقالنا سنين عيونا مكسورة
قالو ع الاصيل بلطجى وخونوا الثورجى
واهتمو بأونطجى وبلدنا مقهورة
لو صوتى كان عورة سكوتكم عورتين
ازاى تكون ثورة والدم ف الميادين
وبناتنا مسحوله ..وشيوخنا مقتلوه .
ورد الجناين راح يا مصر معقوله يشوفوا دول خاينين
يا اهلنا نظرة و اتأملوا الصورة
عايشين بقالنا سنين عيونا مكسورة
قالو ع الاصيل بلطجى وخونوا الثورجى
واهتمو بأونطجى وبلدنا مقهورةتعليق
-
ضيفى اليوم ضيف صديق غالى
اتمنيت انضمامه لصحبة الورد لانه عاشق الورد
ومبدع فى تكوينه ومتفنن فى ابرازه باروع مايكون
حبيبتى طيبه الروح وكريمه الاخلاق الفنانه امال فاروق
اسعدنى قبولك الدعوة للانضمام الى منتدانا ومقهانا العامر
س1 عرفينا بنفسك يا امولة؟
س2- عجينه السيراميك تحكى قصص عشق من بين اصابعك
عرفينا كيف كانت البدايه؟
س3- متى يستغرق من الوقت عمل تابلوه من الورد من اعمالك؟
س4- لماذا استجبتى لدعوتى للانضمام لمنتديات ألهندسة الصناعية
مع انك ترفضى الانضمام للمنتديات عامة؟
س5 تكوين الورده تكوين صعب حتى تصلى للشكل الاقرب من الطبيعى
فكيف اتقنتى عملها وما الخطوات التى تنصحى بها المبتدئين؟
س6 عجينه الورق كلمينا عنها واعرضى علينا اروع اعمالك منها؟
س7 توظيف خامات البيئة شئ رائع وفن جميل كيف ابدعتى فيه؟
س8 لك من البراويز اعمال من ابتكارك بعجينه القماش كلمينا عنها ؟
س9 عاوزة اعرف رأيك بصراحة فى قهوتى
بعد دعوة لتصفحها طبعا وبصراحة مش هزار يا امولة؟
س10 كما اطلب رايك فى موضوع كورس ناانو
لتعليم فن الديكوباج بعد تصفحه طبعا؟
س11 ده اضافه منى ليكى سؤال اجبارى طبعا ---
هل عندك مانع انك تعملى ورشه تعليميه او كورس
لتعليم ابداعات عجينه السيراميك فى ألهندسة الصناعية
يكون لك زكاه علم فى ميزان حسناتك؟
واخيرا اشكرك لقبولك الدعوة ربنا يسعد حبيبتىتعليق
-
القهوة النهاردة رائعه بكل المقاييس
وهذا يعوضنا عن غيابك الاسبوع الماضى
الله لايحرمنا منك حبيبة قلبى
ما اروعك عندما تكتبى مابداخلك
وتوصفى حال من الاحوال الموجودة وعايشينها
الاوراق المبعثرة لملمتيها بكلمات ومعنى رائع
وفضفضتك جميلة بمعنى صدقها
وثورتى بمذكرات كلنا ثائرين معكِ بها
معانى جميلة وكلمات حلوة
استمتعت بها مع فنجان قهوتك المحوجة
وانا جالسة منتظرة ضيفتك وضيفتنا الجميلة
الفنانة امال فاروق المبدعه فى اعمالها الحلوة
اتمنى انها لاتتأخر
الطريق الى القهوة معروف
ومواصلاته سهلة وبسيطة
فى انتظارك امولةتعليق
-
وهلت انور الأحبه
قهوه الاستاذه منى سامى
بعد أشتياق دام أسبوع
تروى ظمائي عطشى الاحبه
جزاكِ الله كل خير
دائما ما تطلى علينا بحكمك
و اشعار الأصدقاء
ومذكرات ثائره
وننتظر الضيوف على أحر من الجمرتعليق
-
القهوة النهاردة بقهوتين
اكيد بتعوض غيبه اسبوعين
يارب دايما موجودين
ماليين علينا حياتنا ومنورينتعليق
-
كل شيء في القهوة جميل وجذاب
يزرع الفرح في النفوس
ويجمع القلوب المتباعدة على بساط الود والصفاء
لقد كان الخميس الماضي مقفرا حالك الظلام
اشاع فينا القلق وكانت اضواء القهوة مطفأة والنوافذ حزينة
تصفر فيها رياح الخريف العاتية
فكنت اعد الأيام المثقلة بالكآبة وهي تمضي ببطء شديد
وها نحن اليوم نستقبل انوار واحتنا الحبيبة
بشوق يجدد فرحة اللقاء ويعوضنا عن الغياب
بحضور ابداعي ثقافي وإيماني عميق المعاني غزير العطاء
فكل فقرة تضاهي أختها بالروعة والرقة والبلاغة
فتحية لسيدة الإبداع ومهندسة برامج القهوة الراقية
ابنتي الغالية الطيبة منى وعذرا ان كنا نحملها هذا الجهد الثقيل
الذي عودتنا على قطف ثماره من اشهى غصون الفن والفكر
في اطار من التقوى والقيم دمت مباركة اصيلة وطابت ايامك
بالخير والسعد والهناءتعليق
-
السلام عليكم
انا سعيدة جدا ﻻنضمامى معكم اصدقائى
فى اجمل منتدى للفنون
واتمنى التوفيق للجميع
وجمعة مباركة عليكم جميعا
تحياتى وتقديرى للجميع
س1 عرفينا بنفسك يا امولة؟
اسمى امال فاروق ابراهيم انا فنانة تشكيلية واعشق الفن
س2- عجينه السيراميك تحكى قصص عشق من بين اصابعك
عرفينا كيف كانت البدايه؟
2عجينة السيراميك انا كنت فى البداية استخدم عجينة الملح
وبعدين كانت هشة وسهلة الكسر لى اخت حبيتى دودو دعاء عزت
طبعا يا جماعة هى روح قلبى اشارت لى بعجينة السيراميك
وبالفعل بدأنا نجربها طبعا نتيجتها زى ما انتم شايفين
فعلا طبقت الورد بيها واصبح هدفى لتحقيق الاعمال
ومعها عجينة الورق عامل مساعد فى تشكيل اعمالى
س3- كم يستغرق وقت عمل تابلوه من الورد من اعمالك؟
3-يستغرق عمل تابلوة ممكن 3او اربع ايام
مثلا حسب الحجم ومقاس التابلوه
س4- لماذا استجبتى لدعوتى للانضمام لمنتديات ألهندسة الصناعية
مع انك ترفضى الانضمام للمنتديات عامة؟
4- سبب انضمامى للمنتدى هم احب اصحاب ربنا كافئنى بيهم
واكون فى صحبتهم وبالنسبه لى اساسا
كان حلم انى اكون مع ناس افاضل
وفنانين مثلهم مثلا الفنانة منى سامى ونانو وهالة
والله ده كان اكتر من احلامى انى اكون معاهم
س5 تكوين الورده تكوين صعب حتى تصلى للشكل الاقرب من الطبيعى
فكيف اتقنتى عملها وما الخطوات التى تنصحى بها المبتدئين؟
5-انا بدأت عمل الورد طبعا ماكدبش عليكم
هو توفيق من عند ربنا واحساسى بالطبيعة من حولنا
وكمان بدأت انفذها من دماغى او الورد فى الطبيعة
بعد كدة لجأت لكى اتقن الورد بانواعة للنت
وهناك شخصية انسب لها الفضل بعد ربنا
الاستاذة سمو الروح ربنا يجزيها خير لما استفدنا منهاتعليق
-
س6 عجينه الورق كلمينا عنها واعرضى علينا اروع اعمالك منها؟
يرجع الفضل لعجينة الورق وتعلمها لله قبل اى حد وبعدين انا عرفتها
من خلال النت ايضا للاستاذ الفاضل صاحب المدرسة الجميلة
بناسها وفنانيها الافاضل اولهم الاستاذ محمد طمارة
تعلمتها من خلال فديوهاته جزاة الله عنا كل خير
س7 توظيف خامات البيئة شئ رائع وفن جميل كيف ابدعتى فيه؟
7-توظيف خامات البيئة هنا بقى بفضل الله
لعبتى شمرو بقى وبصو اموت فى لم خامات البيئة
وانظر لها بنظرة اخرى وعليها ربنا بيوحيلى بتنفذها
وشىء بديهى وعبرة احب اضفها
استحاله انتى ناويه تحافظى على نعمة ربنا
وهو سبحانة هيخذلك ابدا دى نعمة
لازم نستفيد كل ما هو حولنا
وعلى رآى المثل نطلع من الفسيخ شربات
ونحول التراب الى دهب جربو مش هتندمو
س8 لك من البراويز اعمال من ابتكارك بعجينه القماش كلمينا عنها ؟
8-ايوه عجينة القماش فكرتها تجنن بس شفتها فى برنامج جميل
كان اسمة تحفة ام اية جابت قطعة قماش قطن وغمستها فى حاجة
طبعا اللبنانيات بيتكلمو مصطلحات انسى اننا نترجمها
بس انا استنتجت انها مهلبية بالنشا
والله اعلم هى كانت بتقول اية ههههه
عملت المهلبية وشربت قطعة القماش بيها كويس
وزوجى جزاه الله كل خير قال لى اعملى بيها برواز لصورة
ربنا اوحالى بانى اوظفها اطار لمرايا افضل
فى حين هى عملت بيها على زجاجة بس كانت البداية
وبدأت اشكل واعطانى ربى الافكار لله الف مليون شكر
س9 عاوزة اعرف رأيك بصراحة فى قهوتى
بعد دعوة لتصفحها طبعا وبصراحة مش هزار يا امولة؟
9-رآيى فى القهوة جميل ورائع جدا وسعيدة جدا
وانا بحكى بدياتى لكِ اوفى شكرى لله قبل اى حد
وكل من شجعنى واوحى لى بالافكار الجميلة
س10 كما اطلب رايك فى موضوع كورس ناانو
لتعليم فن الديكوباج بعد تصفحه طبعا؟
10-كورس نانو للديكوباج حبيبتى انا كنت اتصفح النت فى بدايتى
اقول من الفنانة الرائعة الجميلة دى حلمت
وكنت اتمنى انى اكون من اصدقائها
واذا بربك وكرمة على انها تصبح من اصدقائى
بل اكتر من اخت واحن حبايى مثلك منى والله وهاله ميرسى ليكم حبايبى
خلاص هعيط من كتر كرمة عليا بحبكم ليا
س11 ده اضافه منى ليكى سؤال اجبارى طبعا ---
هل عندك مانع انك تعملى ورشه تعليميه او كورس
لتعليم ابداعات عجينه السيراميك فى ألهندسة الصناعية
يكون لك زكاه علم فى ميزان حسناتك؟
11-ليس عندى اى مانع انى اعطى ما منة ربى لى
لانة مش من عندى هو من فضل ربنا عليا
ولو بخلت بية اخاف يغضب عليا
وانا احب ان اعطى وانا فاتحة صفحتى
صدقة جارية عنى وعن والدى
ولا استطيع ولا اقدر ارد اى سؤال
واجاوب من يريد التعلم بكل دقة
وتفاصيل للعمل فى اى شىء خاص بالفن التشكيلى
عموما وليس عجينة السيراميك فقط
ويارب اقدر اوفى فضلة عليا واخاف ابخل تزول نعمتة عليا
تعليق
-
نورتى صحبتنا الجميله الغاليه
امال فاروقتعليق
-
نورتى يا امولة ياعسل
اجاباتك رائعه ماشاء الله
اولا ارحب بكِ فى منتديات ألهندسة الصناعية
اسعدنى جدا انضمامك لقهوتنا الجميلة
وصحبتنا الرائعه
فى انتظار اعمالك الرائعه
تظهر بجمالها على صفحات ألهندسة الصناعية
منورة حبيبتىتعليق
-
وسع للعسل
الحلو للقهوة وصل
لا مش حلو واحد
دول اثنين
صاحبة القهوة اللي طلت علينا
بعد غياب
وضيفة القهوة السكرة
اللي جمعتنا حواليها
قهوة محوجة بالمحبة
وسكرها زيادة قول
مليون حبة
رغم هموم الدنيا
الا انها بتهون وسط الحبايب
والقلوب الطيبة
امولة الجميلة
ام قلب ابيض
وروح حلوة
واعمال " خمسة وخميسة"
نورتي الدنيا بحروفك
وصُحبتك الهنية
اما الست منى
فدايما يا رب
مجمعانا ودايما معانا
في خير وعلى حب
تعليق
-
القهوة منورة بأصحابها وأحبابها وضيوفها
روعه كالعادة يا منمن
عودا حميدا حبيبتى
برافو عليكِ عرفتى تقنعى حبيبتنا آمال فاروق بالإنضمام لأسرة ورد
نورتِ المنتدى ,, ونورتِ القهوة
تسلمولنا يا حبايبتعليق
-
ميرسى جدا ليكم اعز احبابى
انا اللى ليا الشرف
تواجدى معاكم وصحبتكم الحلوة
يا ارق وارقى من عرفتهم بحياتى
يارب ديمها صحبة ما تحرمنى منهمتعليق
تعليق