إعـــــــلان

**rajaa salameh** **rajaa salameh** · 03-13-2014, 10:44 AM

سحابة عشق تمطر في سما دنياك
تعطر قلبك الصافي
وتقول يسعد صباحك
يسعد صباح احلى منى
وصباح اجمل والذ قهوه
مريت علي جميع المواضيع
اكثر من رائعه
فتسلمي لنا لتنوري قهوتك دائما
ولا انسى ان ارحب بالاخت امال فاروق
فاهلا وسهلا بك في احلى قهوه

**منى سامى** **منى سامى** · 03-13-2014, 02:15 PM

احبابى واهلى واصحابى
اروع قلوب اهدها لى الله
اشكر كل من دخل قهوة ألهندسة الصناعية
وترك اجمل حروف مضيئة بنور قلبه
تزين جدان القهوة وتنعش روحى المشتاقه دائما لكم
ناانو----مرفت-----امانى----امال فاروق اجاباتك رائعه كروحك وقلبك الندى
هالة ----سمر ----رجاء
والدى الغالى جابر الخطاب الذى اسعدنى باروع كلمات ومشاعر
جعلتنى انتشى فرحا وادعو الله لكم ان يالصحة والسعادة
وان يجمعنى معكم فى جنته ويرضى عنا جميعا

ازف لكم خبر جميل اكيد هيسعدكم زى ما اسعدنى
يوم الاثنين الموافق 17 مارس سوف اذهب لزيارة بيت الله الحرام
لمده 12 يوم باذن الله
عقباللكم احبابى واتمنى ان يتقبلها الله سبحانه وتعالى خالصة لوجهه
اركم بعد عودتى باذن الله بين احضان قهوة ألهندسة الصناعية
مش هقول هتوحشونى لانكم بداخل شرايينى تسبحون فى دمائى
اتنفس هواكم مع كل شهيق وزفير
انا بقى لو لوحشتكم هتلاقونى بين حروف وكلمات قهوتى اناديكم

اترككم فى رعايه الله وحفظه والقاكم على خير ولن انساكم فى الدعاء
فانتم نعمه انعم الله على بها واجمل هديه من الخالق

**Mrvatbishr** **Mrvatbishr** · 03-13-2014, 02:28 PM

الرائعه منى سامى
تحياتى لك ولكل الصحبه
الغائبه الحاضره
مع قهوتك الرائعه والف مبروك
على الزياره إلى البيت الحرام
وعقبال الحج إن شاء الله
وتحيه لكل ضيوف القهوه
حقا احلى وأغلى صحبه
دمتم جميعا فى صحه وعافيه

**Amany Ezzat** **Amany Ezzat** · 03-13-2014, 03:16 PM

الغاليه منى سامى الف الف مليون مبروك
يا يارب عمرة مقبولة باذن الله
متنسيناش بالدعاء

**امل نيازى** **امل نيازى** · 03-13-2014, 05:49 PM

اجمل ترحيب بضيوف قهوتنا الكرام
مضيفه قهوتنا الرائعه
منى سامى
امتعتينا بكل جميل وراقِ
جزاكِ الله خيرا لمجهودك النافع
اتمنى لك زياره جميله بصحبه طيبه
لبيت الله الحرام
عمره مقبوله ان شاء الله
ولاتنسينا من صالح دعائك
ترجعى لنا بالف سلامه يارب
فى انتظارك حبيبتى

**rajaa salameh** **rajaa salameh** · 03-17-2014, 07:08 AM

الله يسهل كل امورك ويسر امرك ويرجعك بالسلامه يا رب والف مبروك وعقبال الحج ان شاء الله

**هالة** **هالة** · 03-17-2014, 08:26 AM

دعواتنا لكِ بعمرة مقبولة
ان شاء الله
وييسر لكِ سُبُلها
نسألكِ الدعاء برفع مقته وغضبه عنا
وان يفك اسر وكرب كل مكروب
في انتظارك حبيبة قلبي
اتمها الله عليكم
بكل خير

**Mrvatbishr** **Mrvatbishr** · 03-28-2014, 05:59 PM

حببتى منى سامى
وحشتينى ووحشتنى قهوتك الرائعه
بجد مفتقدين حضرتك
ترجعى بألف سلامه
وعمره مقبوله بإذن الله

**منى سامى** **منى سامى** · 04-03-2014, 08:39 AM

ليلة جديدة من ليالى قهوة ألهندسة الصناعية
بعد الاشياق والبعد عن الاحباب
اعود احمل اشواقى بين حنيا الروح
اهديها لاغلى الاحباب
كل من بحث عنى داخل مقهانا
وعطر اركانها بعطر هواه
اهديه محبتى وخالص مودتى

امانى عزت --- رجاء ----امولة ----مرفت بشر----هالة
كل الود والمحبه ودعواتى الصادقة لكن بالصحة والسعادة
اشرقت مقهانا بنور ضياكم

اول فقرة هنستمتع بها
نصيحه جميلة من القلب

1

الفقرة الثانيه
مع كلمات لدكتور مصطفى محمود
تفسير لكلمه الرحمه وانها اوسع واشمل من الحب

1

الرحمه اصفى من الحب واعمق واطهر
فيها الحب وفيها التضحية وفيها انكار الذات
وفيها التسامح وفيها العطف وفيها العفو
وفيها الكرم وكلنا قادرون على الحب بحكم الجبلة البشريه
ولكن قليل منا هم القادرون على الرحمة

الفقرة الثالثة تعالو نثقف نفسنا بنفسنا

1

**منى سامى** **منى سامى** · 04-03-2014, 09:00 AM

لملمت اوراقى المبعثرة
فوجتها تقول

وحشتنى
لو تعرف اد ايه وحشتنى
وحشنى احساسك ولمسه كلامك وناسك
وحشنى عبير الورد وهالة الود المفتوحه قبالك
وليالى سمر وتنهيدة القمر على بابك
كان كل املى ارجع وابوس ترابك
وقطف زهر الكاميليا اجبر بيها خاطر عشاقك
وحشتنى يا اجمل مكان فينا ساكن
لجأت لك مكسورة الخاطر
وجدتك بقلبى وروحى حاضر
محوت ملل السنين وابدلت بقلبى الحنين
واودعت فى روحى امل لبكرة الجاى
فجرت ينابيع العطاء فلم تعد ايامى هباء
وجعلتنى اسبح فى عالم الغرباء وقصرت بيننا المسافات
واعطيتنى مفاتيح السعادة وابدلتها بعمرى اللى فات
فاغلقت عليك قلبى الذى احييته بعد الممات
فكيف اليك لا اشتاق وانت حبيب القلب والفؤاد
يا مكان عايش فينا غالى علينا
صنعناه بايدينا ليسكن فينا
يااجمل منتدى فى الكون
عمرى بدونك لن يكون

رباعيات الا ربع
1

وسع وسع للحلوين اللى فى القعدة منوريين
مبتسمين ومبتهجيين وسحرهم يعمى العين
بس ياااخسارة شكل وصورة
وقلوب على الغل مقفولة
الخيانه فى طبعهم
والطبع غالب
حتى لو حطيت اخلاقهم فى قالب
لو قابلتهم فى حياتك اديهم ضهرك
واطلب العوض من الله
والله غالب

1

بيسألونى بحبك ليه
وفيك ايه ابقى عليه
بحبك
رغم انقطاع النور
ورغيف العيش اللى بطابور
وانبوبه البوتجاز اللى بينى وبينها الف سور
بس برضو بحبك
رغم صناديق القمامه المقلوبه
وعشوائياتك ومبانيها المهدومه
وزحمة شوارعك وميادينها المخنوقة
بحبك رغم كل عيوبك
ياللى واخدة روحى لابعد حد
يا وطن كل ماتبعد عنه ليه تتشد
بحب فيكى قلوب صافيه سكناكى
عربيه عم كامل بتاع الفول وهو بينادى ويقول
شمس الاصيل وهى بتشرب من ميه النيل
صوت العندليب وقت الغروب
ولا رمضان ولمه الجيران
وريحة شوارعك وسحرها الخلاب
رغم القمامه ليكى فى قلبى الف علامة
ياسحرانى باصالة شعبك
وساحرة روحى برقة مشاعرك
ياامصر ياحته منى انا حته منك
عرفت قيمتك لما بعدت عنك
وبيسالونى بحبك ليه

هنقضى اجمل استراحة
مع اغنيه اهداء لكل احبابى
ناانسى عجرم 2014

بقى كل ده ومش ناسي وبقاسي وبعيش علي حس هواك
ايام تفوت وليالي ولا بنساك
بقى كل ده جوايا وهوايا فكراك
و باقي عليك عمال تزيد فيا حنيني واتريني مستنيك
رغم البعاد والله حفضل شريك
و انشالله عمري يضيع يالله يالله وايه يعني فداك
نفسي اشوفك مرة باليوم بموت ميت مرة
وحشة الحياة ومرة لو مش هعيشها معاك
بشتاق اليك في العادي وقصادي وما بالك وانت بعيد
علي طول بعيش في عذابي وتملي قلبي وحيد
و ازاي هواك بقي ذكري دانا فاكره حبك ومابنساكش
والدنيا دي ما هعيش فيها يا معاك يما بلاش
رغم البعاد والله حفضل شريك
و انشالله عمري يضيع يالله يالله وايه يعني فداك
نفسي اشوفك مرة باليوم بموت ميت مرة
وحشة الحياة ومرة لو مش هعيشها معاك

**منى سامى** **منى سامى** · 04-03-2014, 09:25 AM

ضيفى اليوم ضيف فنان بدرجه ماجستير
ومنتظر الدكتوراه قريب
حاطه ايدى على قلبى ازاى احاوره
ويشهد له دكاتره كبار على فنه
حضرت مناقشة رسالته
وكنت فخورة انى بقربه
حبيبتى سمر فنانه دارسة وممارسة للفن

س 1 عرفينا بنفسك؟

س 2- كلمينا عن الفن وكيف طرقتى بابه وفيما تخصصتى فيه؟

س3- فن الحلى وصباعه الاكسسوارات المعدنيه
عالم واسع ايه اللى عجبك فيه؟

س4- كيف تعرفتى على ألهندسة الصناعية ؟

س5- هل جربتى فن الديكوباج كلمينا عن تجربتك؟

س6 ماهى اهم الموضوعات التى جذبتك لمنتدى المطبخ؟

س7- شخصية اثرت فيكِ فى ألهندسة الصناعية
من تكون وكيف اثرت فيكى؟

س8- ماهو الفن الذى تحلمين بتنفيذه واتقانه؟

س9- كلمه تقوليها لكل عشاق الفن
كيف نتقنه وننتج منه افضل واجمل الاعمال؟

س10 خطواتك لانتاج عمل فنى كيف تكون
كلمينا عن طقوسك لاخراج عمل فنى جميل؟

شكرا حبيبتى نورتى القهوة باجمل طلة
يااا اجمل سمر

**SaMaR_ BakR** **SaMaR_ BakR** · 04-03-2014, 09:44 AM

السلام عليكم ورحمة الله
أهل ورد الكرام
منمن حبيبتى

يارب تكونوا جميعا بخير

فى البداية ,,, عجبتنى جدا جدا فقرات القهوة
ولفت نظرى أوراقك المبعثرة
التى جمعت اسامى احباء ورد
وسعدت كثيرا كثيرا بوجودى ضمن صحبة الورد
التى نسقتيها بوحي خيالك ونظم كلماتك الساحرة
فشكرا لك على بصيص السعادة
الذي تفتحيه لنا كلما دخلنا قهوتك المميزة
فيتسرب الأمل لقلوبنا ,, عسى يوما يملأه

حمدلله على سلامتك من عمرة يارب تكون متقبله
أعلم تمام العلم أنك لم تنسينا بالدعاء
وأعلمى اننا لم ننساك فى سفرك
فقد كنا ندعو لك بسلامة الوصول
والعود الأحمد لك ولكل أفراد عائلتك السعيدة
يارب بعودة

منى سامى
ضيفى اليوم ضيف فنان بدرجه ماجستير
ومنتظر الدكتوراه قريب
حاطه ايدى على قلبى ازاى احاوره
ويشهد له دكاترة كبار على فنه
حضرت مناقشة رسالته وكنت فخورة انى بقربه
حبيبتى سمر فنانه دارسة وممارسة للفن

حبيبتى ,, كنت اسعد بشكل لا يوصف
بوجودك ووجود حبايبى هالة ونانو
أكاد أجزم أنه كان من اهم و اسعد الأيام فى حياتى
مش بس علشان يوم مناقشتى
لكن علشان اللمة الرائعة
وأحساسي بالحب قبل النجاح
فشكرا لك على هذا الحضور مرارا وتكرارا
وتسلمولى حبايبى هالة ونانو

**هالة** **هالة** · 04-03-2014, 10:20 AM

يا فراش علق مناديلك
على باب قهوتنا
رجعت بالسلامة حبيبة القلب
تنور صُحبتنا
صباح الود والاماني
رجعت قهوتنا من تاني
تفتح ابوابها
لكل احبابها
نورت الدنيا بالحبيبة
منى
عود حميد وكلام جميل م القلب
في انتظار دكتورتي الحلوة
سمورة

**SaMaR_ BakR** **SaMaR_ BakR** · 04-03-2014, 10:31 AM

س 1 عرفينا بنفسك؟

سمر بكر
معلم تربية فنية
أدرس بمرحله الدكتوراه - تخصص معادن
زوجة وأم لطفلين - كلكلم عارفينهم كويس
وعارفين عمايلهم البيضا - هههههه

س 2- كلمينا عن الفن وكيف طرقتى بابه وفيما تخصصتى فيه؟
الفن بالنسبه لى ,, موجود فى كل شئ من حولنا -
أعتبره لغة يستخدمها الإنسان
لترجمة احاسيسه ومشاعره سلبيه كانت أو إيجابية -
لا يوجد فى العالم إنسان لا يتذوق الفن
ولكن لكل انسان درجة لهذا التذوق
طرقت بابه منذ ان كنت صغيره فى مرحله ابتدائي
كنت اجلس بجوار اخى الأكبر لأشاهده وهو يرسم
وكنت انبهر بقدرته على تمثيل وتوصيف الأشياء بالقلم رسما
بدأت شخصيا بالرسم - وبدأ التشجيع من مدرسيي فى مراحل التعليم المختلفه
إلا أن بدأت دراسته الأكاديميه فى تربية نوعيه بورسعيد
ومن بعدها ابيت التوقف عن الدراسة

تخصصت لفترة قصيرة فى النحت
ثم استقريت على التخصص فى مجال المعادن

س3--فن الحلى وصباعه الاكسسوارات المعدنيه عالم واسع ايه اللى عجبك فيه؟

فن صياغة الحلى والأكسسوارت
فرع من أصل علم تشكيل المعادن
عجبنى فيه هذا الكم الهائل من التنوع فى التقنيات
فدارس الحلى فى الغالب يدرس معظم تقنيات تشكيل المعادن
بما فيها التقبيب والطرق والصب
تقنيات قليله يختص بها علم المعادن
وتطبق على فروع أخرى مختلفه عن الحلى

كما أنه يمكنك اختيار 20 طالب من طلاب كلية التربية الفنية
وطرح نفس الخامات بنفس المقاسات
ولن تجدى منتوج أحدهم يشبه الآخر
هذا وقد وحدتى الخامات
مابالك لو تركتى لهم حرية الأختيار

بالإضافه إلى ,, جميل أن تتزيني بما تصنعه يديك

س4- كيف تعرفتى على ألهندسة الصناعية ؟

قصه طويلة شوية
ههههههههههه
واحدة صاحبتى قالتلى عليه فى البداية
ووصفتلى قد ايه انه رائع وخطير وهيعجبنى
المهم صاحبتى دى مش عضوه فيه اصلا
هههههههههههه

لكن كتبت اسمه غلط ومادخلتش على المنتدى ونسيت

بعدها قابلت استاذ محمد ورد
وقالى عليه وبرضه كتبته غلط ونسيت
ههههههههههههه

لغايه لما مرة اتفرجت على فيديو على اليوتيوب
فيه اعمال احد الأعضاء
كان عامل مجموعة جداريات رائعة
والفيديو كان مكتوب فيه اسم الموقع صحيح
فدخلت الحمدلله ,, وحمدلله على سلامتى
ههههههههههههه

س5- هل جربتى فن الديكوباج كلمينا عن تجربتك؟

أنا اتعرفت على الفن ده من المنتدى
اقصد التقنية والطريقة
وزودتنا بيه خبرة نانو الواسعة فى المجال ده
عرفت من موضوعاتها ومن لقاءاتها التليفزيونية
كمان الطريقة الصحيحة للصق
جربت بعدها وشاركت فى المنتدى باعمالى فيه
مثل :

فراشاتى تزور ورود العام الجديد

ديكوباج وعجينة سيراميك وحدات ديكور من اعمالي

طبعا الشئ بالشئ يذكر
فكرة أن شخص خبير فى عمل أو فن معين
وبيحاول نشر خبرته فى المجال ده دون بخل
دى من اروع الأحاسيس فى ورد
وما انساش طبعا استضافه نانو ليا
علشان اختار من النابكنز الخاصة بها
ومعاودة العرض تانى بعد وصول اى نابكنز جديدة
تستحق الذكر والشكر
شكرا لك نانو

س6 ماهى اهم الموضوعات التى جذبتك لمنتدى المطبخ؟

اقولك يا ستى
موضوع اتعلمت منه الشيكولاته المروار والدوناتس

حلويات شرقيه وغربيه فى دوره تعليميه بالصور
وكتير موضوعات لكن ده له ذكرى جميلة عندي
شكل انبهار اولادى بالحلويات مش بيروح من بالى

س7- شخصية اثرت فيك فى ألهندسة الصناعية من تكون وكيف اثرت فيكى؟

بصي يا منمن
كل فاكهه لها طعمها وتأثيرها عليكِ
ده مش رد دبلوماسي لكنه حقيقي

استاذ محمد ,, ايقونه المنتدى استاذي بيعلمنى كتير
آخد باله من بيتنا اللى ما نقدرش نستغنى عنه حتى لو يوم

زهرة الكاميليا وهذا الفيض المبهر من نظم الكلام
وصياغة الموضوعات الأكثر جفافا بطريقه مشوقه
لا يمكن تشعري بصحبتها بملل

هالة حبيبتى - مش عاوزة اكبرها
لكن احساسي بيها ام وحنيه جامدة جدا
مثقفه وفنانة وجواها كتير - لسه ما استغلتوش

نانو ,, دماغى
أو أنا دماغها زى ما بنقول لبعض
كتير اوى بنفكر زى بعض
مع فارق الخبره فى صالحها طبعا
ونشطاها المحمود ربنا يحميها
وضحكها اللى هى عارفه بيعمل فيا ايه
هههههههههههههه

أنت ,, المضيفه الأكثر روعة فى ألهندسة الصناعية
يعنى تعزمى كده بقلب جامد
وأنت عارفه انك تقدري تسدى
مش أكل وشرب ,, لأ
ترحيب واستهلال
مش بخيلة ,, وبرضه مش أكل وشرب
لأ مساعدة ومواساه - يعنى ما انساش أكتر من مرة
بتحسي من صوتى أن فيا حاجه
وتسالى وتحاولى تعرضى المساعدة

وكل الحبايب ,, من ورد
مبدعتى وهنوده ,, هناء ربنا يرجعها بالسلامة
وكل حبايبى الأعضاء لكل منهم نكهه وطعم خاص
بارك الله فيكم جميعا

س8- ماهو الفن الذى تحلمى بتنفيذه واتقانه؟
هى تقنية اتمنى ان اتقنها
تفنية الجمع فى المعادن
وهى باختصار تحويل المعدن المسطح لآنية ثلاثية الأبعاد

بدأت فعلا فى تعلمها ,, والله المستعان

س9- كلمه تقوليها لكل عشاق الفن
كيف نتقنه وننتج منه افضل واجمل الاعمال؟
لكل عشاق الفن ..
الفن يغدو أقوى وأكثر ثراءا
بتعديد التفكير فيه وفى رؤيته
زى ما بيقولوا كده رأيين افضل من رأى واحد
فكثير منا دارسين أو لا
يحسن من عمله الفنى بمجرد تلقى الآراء فيه
ومعرفه نقاط القوة والضعف فى كل عمل
برؤية انطباعات الآخرين فيه
ليس من الضرورى تنفيذ هذه الآراء
إلا أن اثراء العمل يتطلب تعديد التفكير
من خلال ثقافات مختلفة

تتقنيه إزاى :
تقرى كتير فى مجالات الفنون بشكل عام
تقرى اكتر فى مجال مستهويكِ جدا
تبدئى اى عمل بتخطيط
يعنى تصميم ,, تبقى قبل ما تبدئى فيه
عارفه خطوات واستراتيجيه العمل
وايه الأدوات والخامات اللى هاتحتجيها
فى مجال للتلقائيه فى العمل
لكن بنسبه مش متروكه على المشاع
حاولى تاخدى آراء المتخصصين
أو الهواه أو حتى المتذوقين
فيه افادة كبيرة جدا من تلقى الآراء

س10 خطواتك لانتاج عمل فنى كيف تكون
كلمينا عن طقوسك لاخراج عمل فنى جميل؟
فى البداية برسم تصميم
أو مجموعة تصميمات
اختار احسنهم وأقربهم تنفيذا لوجهه نظري
وبكتب على التصميم كل حاجه
الخامات، التقنيات، الطريقة ، الخطوات
بحضر الأدوات وببدأ التنفيذ
ممكن اثناء العمل اغير حاجات وممكن لأ
ولازم اعدل فيه بعد الأنتهاء منه
او حتى بعد انتهاءه وعرضه بفتره يتم التعديل فيه
ثقافة الأنسان بتجبره يتطور ويطور تعبيره
علشان كده ممكن تشيلى لوحتك من على الحيطه
وتحطيها بعد سنة على استاند التعديل

شكرا حبيبتى نورتى القهوة باجمل طلة
يااا اجمل سمر

الشكر كله لك
ولأهل الورد
فنور طلتكم تنير حياتى
تسلمى

**Mrvatbishr** **Mrvatbishr** · 04-03-2014, 03:44 PM

ياالف هلا وسلام
للغاليه منى سامى
الثلج هديه الشتاء
والشمس هديه الصيف
والزهور هديه الربيع
وانت هديه العمر
انت وكل صحبه ألهندسة الصناعية
سعدت كل السعاده اليوم
بمذاق قهوه ألهندسة الصناعية
وازدت سعاده بإنضمام
الاستاذه سمر
نورت ألهندسة الصناعية استاذه سمر
وزاد البستان بزهره جديده
ذات رائحه رائعه ولون جديد
من الوان الفنون
مرحبا بك

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك