إعـــــــلان

**نااانو** **نااانو** · 04-03-2014, 04:22 PM

الله يا اطيب واحن قلب
واجمل واروع انسان عرفته
بحبك يا منمونتى يا اختى وصاحبتى
وحشتينى اكتر مما تتخيلى
كنت بدونك عاملة زى الطفل بعيد عن امه
ربنا مايحرمنى منك يا اغلى واحب منى على قلبى
وقهوتك النهاردة اكثر من رائعه
بكل الشوق والحب محوجة
وبمشروب السعادة مقدمة
وبنكهة الجمال معروضة
وبكل الحب منسوجة
بخيوط من ذهب مجدولة
روعة كلماتك المبعثرة
وجميلة رباعياتك واستراحتك مختارة بجمال روح

اما ضيفتك الجميلة
وحبيبتنا جميعا
سمورة الامورة
فعلا دماغى فى دماغها ودماغها فى دماغى
كما وصفت بشكل جميل
تسلمى لى يا اجمل سمورة
وربنا يخليلك اولادك الحلوين
وتعملى لهم اجمل الاصناف
وبالتوفيق لك يارب لنيل الدكتوراه
ومازلت منتظراكِ للسطو المسلح على اوراقى الجديدة
ههههههههههههههه
نورتى القهوة بخفة دمك وردودك الحلوة

تسلمى لنا يا اجمل منى فى الكون

**جابر الخطاب** **جابر الخطاب** · 04-03-2014, 05:23 PM

عمرة مباركة وعودة ميمونة
تهنئة الى ابنتي الغالية منى سامي
تفتحت في واحة القلب زهور جديدة مثقلة
بالعطر والزهو والفرح وتنورت ليالي الورد
بأقمار المحبة والصفاء وتوشحت قهوة الفن
والإبداع بثوب جديد يزين جدرانها الأنيقة
وهي تحتفل بالعودة الميمونة لسيدة الإبداع
وهي تحط رحالها بين خفقات القلوب المتطلعة
الى لمسات الفن والجمال وهي تنساب من قلمها
الزاخر بالعطاء كان غيابك ثقيلا موحشا وكانت
عيوننا مشرعة نظراتها تستطلع طريق العودة
فألف مبروك لك رحلتك الإيمانية هذه في رحاب المسجد
الحرام والمسجد النبوي الشريف ونطمح أن نقرا
مشاهداتك على صفحات الورد وهي تحملنا الى
تلك الأجواء الروحاتية السامية ويسعدنا ان نتواصل
من جديد مع فقرات القهوة الحبيبة بصفحاتها الرائعة
واستضافة ابنتي المبدعة سمر التي جمعت بين التفوق
الأكاديمي والإبداع العملي فألف تحية وتهنئة على اجتماع
شمل أسرة الورد من جديد في رحاب الفن والفكر والثقافة

**Amany Ezzat** **Amany Ezzat** · 04-03-2014, 09:51 PM

الغالية منى سامى نورتى الدنيا كلها
عمرة مقبولة بإذن الله
بالفعل افتقدناك وافتقدنا لمتنا الحلوة على القهوة
يارب دايما متجمعين يا أحلى وأجمل ناس عرفتهم
سعدنا بالقهوة و بقراتها وضيفتها الرائعة samar77
التى اسعدتنا بحضورها الرائع وردودها الجميلة المتميزة

**امل نيازى** **امل نيازى** · 04-04-2014, 06:45 AM

حمد لله على سلامتك منى الجميله
نورتى بيتك يامنى
عمره مقبوله وبعوده ان شاء الله
تقبل الله سعيك ودعائك الطيب للجميع بكل الخير
عوده جميله واستضافه رائعه
للغاليه سمر
كلماتك بعثرت قلوبنا
ورباعياتك الجميله امتعت استراحتنا معك
منى الغاليه
اجمل تحيه لذوقك ومجهودك
نورتى ياسموره وامتعنى حديثك الجميل
بارك الله فيكم اهل ورد الغاليين ودمتم جميعل بكل خير

**SaMaR_ BakR** **SaMaR_ BakR** · 04-04-2014, 11:53 AM

أحبائي أحباء ورد
مع حفظ الألقاب لكل الأحباء
هالة ، مرفت بشر ،نانو ،جابر خطاب ، أمانى عزت ، مبدعة
أشكر حضوركم وأهتمامكم بقراءة أجابات ضيافتى فى القهوة
تسلمولى وأدام الله تواجدكم العطر

فى سؤال عن اشخاص مؤثرين فى المنتدى
قد اكون نسيت احباء فليسامحوني
فقد تجولت داخل القهوة اثناء تتبعي من أحبائي الصغار
وهم فى الحقيقة يتمتعون بالقدرة على ارباكي فى ثانية
علا الإسلام ,, غالية على قلبي لك طابع وبصمة
لا يمكن محوها فى المنتدى الإسلامي
فلك منى كل اعتذار وتقبلي ودي ومحبتى
وكثير من الأعضاء الغائبين الحاضرين
لا اريد ذكر اسماء بعنيها
حتى لا اقع فى نفس الخطأ مرة أخرى
لذا يكفى ان اقول كل من يتلقى
ايميلات موقعة من ألهندسة الصناعية
فهو عضو فى اسرتي الكبيرة
له معزة قد لا اتمكن يوما من توضيحهها بشكل مرضي
كل الشكر لكم ,, حفظكم الله

**منى سامى** **منى سامى** · 04-10-2014, 09:53 AM

اسعد صباح فيه الفجر لاح شاور عالحلوين
نشر عبير الورد وتاج الفل ينور عالجبين
صباحكم فل وياسمين يااا اغلى من ضى العين

ليلة جديدة من ليالى قهوة ألهندسة الصناعية

ابدأها بشكر خاص لحبيبة قلبى الغالية سمر
اسعدنى اسلوبك الجميل فى اجاباتك ورقتك وذوقك العالى
شكرا حبيبة قلبى نورتى القهوة وزينتيها
كما اقدم اخلص عبارات التهانى لكل احبابى
هالة مرفت نااانو امانى مبدعه
نورتولى القهوة بنور ضياكم واشراق مشاعركم
والدى الغالى جابر الخطاب اشكرك لكلماتك الرائعه المميزة
وعقبال حضرتك نتقابل على جبل عرفات باذن الله
شكرا لك ونورت اركان القهوة الغالية

اول فقرة هنذكر نفسنا باشياء

1

تانى فقرة ثقف نفسك بنفسك

1

ثالث فقرة مع اوراقى المبعثرة

1

احيانا يتهمونى بالكبرياء والغرور
اؤلائك الذين ينعدم لديهم الشعور
بايديهم خناجر وسيوف يوجهونها لصدرى
ولا يريدون منى التصدى
فيظنون دفاعى عن كرامتى كبرياء
فاضحك ولا ابالى بكل هذا الهراء
لاننى لم اقل يوما للارض تحتى اتهدى
ولم ادخل بين احد تحدى
ولن اعطى فرصة لشخص ان يجرح كرامتى
فسوف اتركهم بغيظهم يموتون
فانا ابدا يوما لم اخون
ساضع قلبى تاج على راسى
لا اعطيه الا لمن يستحق
وعقلى هو رصيدى ازن به من يستحق
اعتز بذاتى --- وافتخر بخصالى ---- واقدس قلبى
فهو كنزى وكل ما املك

**منى سامى** **منى سامى** · 04-10-2014, 10:09 AM

رباعيات الا ربع

1

احجز مجلسك جانب النبى صلى الله عليه وسلم
تذاكر تذاكر مين يشترى منى تذكرة
القعدة فيها حلوة منورة
بس ياترى عاوزها بريمو ولا ترسو
ولا عاوزها فوق القنطرة
بايدك تختار مجلسك يوم القيامه
بايه ياترى؟
تشترى منى تذكرة
خلى اخلاقك حلوة مسكرة
سنة نبينا بين ايدينا ادب وذوق
اختاره بيها ربنا يهدى بيها قلوب
اتمسك بسنته وخد من خصالة الطيبه
تحجز مكانك جنبه فوق
قالها واضحة صريحة
اقربكم منى مجلسا هو اللى اخلاقه تفوق

1

تعيش مصر الحبيبة ازهى العصور وهو عصر انقطاع النور
فكرت اكتب كلامى واقول للراجل الجميل اللى فى مكانه مسؤول
يا عم يا بتاع النور الله يخليك
عوزة اقولك كلام اياك يهديك
اجهزة البيت هتدعى عليك
ده لو فضل فيها جهاز شغال
انت ماتعرفش ان الجهاز بيبوظ بنقطاع التيار
ولا ده اصلا مش فى دماغك و واخده هزار
لا حقيقى ومش بهزار انا خلاص عقلى طار
ليه واخدها عند معانا ده احنا يااعم الحاج غلابه
شاربين المر وساكتين وانتو مش قادرين الا على الغلبانيين
يااعم ارحمنا كفيانا ضلمه
بنتى بتطلب منك بادب وذوق يكون عندك شويه ذوق
التيرم خلاص مافيهوش ولا يوم يستحمل كمان قطع النور
وام حسن الست الغلبانه اللى مكفيه على ماكينه الخياطه
بتقولك اكل العيش مش بالساهل
وما بقتش حاجة تستاهل
نقضى نص اليوم فى ضلام
نورها خلى العيشة تهون
يااعم ارحمنا الله يخليك

1

**منى سامى** **منى سامى** · 04-10-2014, 10:21 AM

هنستمع للخال الابنودى
وهو بيقول احلى كلام
احنا الشعب

من كل جهات المدن الخارسه.. ألوف شبان
زاحفين يسألوا عن موت الفجر
استنوا الفجر .. ورا الفجر
ان القتل يكف .. ان القبضه تخف
ولذلك خرجوا يطالبوا بالقبض على القبضه و تقديم الكف

الدم.
الدم قلب الميدان و عدله كأنه
دم نحاس مصهور
انا عندي فكرة عن المدن يكرهها النور
والبات اللي بات مش مسرور
عندي فكرة عن العار
وميلاد النار..
و السجن في قلبي مش على رسم السور

قلتله لأ يا بيه.. أنا اسف
بلدي بربيع و صباح
لسه في قلبي هديل الينابيع..
لسه في صوتي صهيل المصباح
لسه العالم حي
رايح .. جاي
بيفرق بين الدكنه.. وبين الضي
بلدي مهما بتتضيع .. مش هتضيع
ما ضايع الا ميدان وسيع.. يساع خيول الجميع
يقدم المقدام .. ويفرفر الفارس
ويترك الشجاعه للشجيع

ولا بعرف أبكي اصحابي غير في الليل..
انا اللي واخد عالقمر و مكلمه أطنان من الشهور
وعلى النظر من خلف كوة السور
واللي قتلني ما ظهرله دليل

وفي ليلة التشييع كان القمر غايب.. ما جاش
و النجم كان حافل.. لا بطل الرقصه ولا الارتعاش
لما بلغني الخبر اتزحم الباب
واتخاطفوني الأحباب..
ده يغسل .. ده يكفن.. و ده يعجن كف تراب

وانا كنت موصي لا يحملني الا كتوف اخوان
أكلوا على خوان
وما بينهمش خيانه ولا خوان
والا نعشي ما حينفدش من الباب

ما أجمل نومه على كتوف أصحابك
تنظر صادقك من كذابك
تبحث عن صاحب أنبل وش .. في الزمن الغش
و الرؤيه قصادي أتسعت

بصيت.. وحاسد نفسي بين خلاني
تعالوا شوفوا الدنيا من مكاني
حاشتني اغراض الحياة عن النظر
بالرغم من نبل الألم و الانتظار
اتعلمنا حاجات .. اقلها الحذر
و نمنا سنوات مدهشه.. نحلب ليالي حلمنا المنتظر

و امتلأت الاسواق بالمواكب
تبيع صديد الوهم و المراكب
وفارشه بالوطن على الرصيف..
بالفكر و الجياع و العناكب .. ومذلة الرغيف

يا عم الظابط انت كذاب.. واللي بعتك كذاب
مش بالذل هشوفكم غير.. أو استرجى منكم خير
انتوا كلاب الحاكم.. واحنا الطير
انتوا التوقيف .. واحنا السير
انتوا لصوص القوت.. واحنا بنبي بيوت
احنا الصوت ساعة ما تحبوا الدنيا سكوت
احنا شعبين شعبين شعبين
شوف الأول فين .. والتاني فين
وادي الخط ما بين الاتنين بيفوت

انتوا بعتوا الارض بفاسها.. بناسها
في ميدان الدنيا فكيتوا لباسها..
بانت وش وصدر.. بطن و ضهر
ماتت والريحه سبقت طلعت انفاسها

واحنا ولاد الكلب الشعب..

احنا بتوع الأجمل و طريق الصعب
و الضرب ببوز الجزمة و بسن الكعب
والموت في الحرب

لكن انتوا خلقكم سيد الملك
جاهزين للملك
إيدكم نعمت من طول ما بتفتل و بتفتل ليالينا الحلك
انتوا الترك.. واحنا الهلك سواق حكمته صاحب الملك
أنا المسجون المطحون اللي تاريخي مركون
وانت قلاوون و ابن طولون و نابليون

الزنزانه دي مبنيه قبل الكون
قبل الظلم ما يكسب جولات اليوم

يا عم الظابط احبسني
رأينا خلف خلاف
سففني الحنظل و اتعسني
رأينا خلف خلاف
احبسن أو اطلقني و ادهسني
رأينا خلف خلاف

و اذا كنت لوحدي دلوقت..
بكرة مع الوقت هتزور الزنزانه دي أجيال..
واكيد فيه جيل اوصافه غير نفس الأوصاف..
ان شاف يوعى وان وعي ما يخافش..
انتوا الخونه حتى لو خانني ظني..
خد مفاتيح سجنك وياك و أتركلي وطني..

وطني .. غير وطنك
ومشي..
وقلت لنفسي.. ما خدمك إلا من سجنك

الان مع دعوة قدمتها لحبية قلبى رانيا جمال(حبى الوحيد)
تنور قهوتنا الغالية فنانه جميلة رقيقة
اعمالها من الورق الملفوف تشهد على فنها
اسعدنى قبولك الدعوة ياقمر

س 1 اهلا بيك عرفينا بنفسك؟

س2 لماذا اخترتى ألهندسة الصناعية دون غيره تسكنين اليه وفيه ؟

س3 فن الاورجامى فن جميل محتاج ايه لكى نتقنه ؟

س4ما هو الموضوع الذى جذبك فى منتدى الاقتصاد .. الاشغال الفنية؟ ولماذا؟

س5 ماهى السلبيات التى وجدتيها فى ألهندسة الصناعية وتتمنى ان تختفى؟

س6- اى الفنون تفضلى ولماذا
فن صناعه الاكسسوار---فن الديكوباج--الاعمال الفنيه من الورق الملفوف ؟

س7-ماهى الادوات والخامات المطلوبه منى لانفذ تابلوه من الورق الملفوف ؟

س8 - احلامك لكل هواة الاشغال الفنية ؟

س9 ايه هو العمل الفنى الذى تتمنين اتقانه ؟

س10 تقدمى الدعوة لمين من اصدقائك ن خارج المنتدى
لدخول ألهندسة الصناعية ويكونو ضيوف قهوتى ؟

وشكرا لك

**Amany Ezzat** **Amany Ezzat** · 04-10-2014, 03:23 PM

مساء الورد على اهل ورد الغاليين
يوم جديد سعيد على الجميع بإذن الله
يارب دايما متجمعين على قهوتنا
ومستمتعين بكل فقراتها
فى انتظار الغالية رانيا جمال
صديقتى الجميلة

**Mrvatbishr** **Mrvatbishr** · 04-10-2014, 04:01 PM

مساء الخير على أحلى صحبه طيبه
مساء الأشعار الرائعه للخال الابنودى
مساء النسيان من آهات الزمان
مساء الانوار واللمبه الجاز
اللى بتفكرنى بليالى زمان
واصبر نفسى واقول للنور
مع ألف سلامه أهلى منورين
الحال بيزيد من صله الارحام كلنا مجتمعين
يزيد من طلب على الشمع والكبريت
بيشجع الصناعه المحلى
يقرب العبد الى ربه
لأنه بأنقطاع الكهرباء بيقول استغفر الله
و عندما تأتى يقول الحمد لله
واهلا بالزهره الجديده فى الأنتظار
الأستاذه رنيا جمال

**حبي الوحيد** **حبي الوحيد** · 04-10-2014, 10:07 PM

السلام عليكم ورحمة الله وبركاته
شكرا حبيبتي واستاذتي استاذة مني سامي

س 1 اهلا بيك عرفينا بنفسك؟
انا رانية جمال الدين طة مصرية ولي الفخر
مسلمة والحمد لله متزوجة ولا اعول
خريجة المعهد العالي للخدمة الإجتماعية
اعمل في جامعة القاهرة ( الحسابات )
وحاليا في اجازة بدون مرتب

س2 لماذا اخترتى ألهندسة الصناعية دون غيره تسكنين اليه وفيه ؟
وجدت فيه الحب الإخلاص ، كل من فيه يعطي بلا حدود

س3 فن الاورجامى فن جميل محتاج ايه لكى نتقنه ؟
الحب ، لو احببت الفن دة حنعطي فيه كل ما لدينا

س4 ما هو الموضوع الذى جذبك فى منتدى الاقتصاد .. الاشغال الفنية؟ ولماذا؟
كان موضوع االراحل ملك - الله يرحمه - كان عن اجمل 30 طريقة اشغال يدوية بالزجاجات البلاستيك لأني من عاشقي اى عمل فني يدوي

س5 ماهى السلبيات التى وجدتيها فى ألهندسة الصناعية وتتمنى ان تختفى؟
الحمد لله لم اجد اي سلبيات فالكل متعاون

س6- اى الفنون تفضلى ولماذا
فن صناعه الاكسسوار---فن الديكوباج--الاعمال الفنيه من الورق الملفوف ؟
والله انا بحب 3 لكن حاليا انا بميل اكتر لفن لف الورق
لأنه من خامة بسيطة وفي متناول الجميع
نقدر نطلع تحفة فنية

س7-ماهى الادوات والخامات المطلوبه منى لانفذ تابلوه من الورق الملفوف ؟
ورق ولاصق شفاف
وابرة وهي متوفرة بسعر زهيد 5 جنية
كرتونة او قطعة خشب لعمل التابلوة

س8 - احلامك لكل هواة الاشغال الفنية ؟
ان يتم تقدير العمل اليدوي
وان يتم عمل معارض خاصه باللأشغال الفنية اليدوية
وان تنظر إلينا الدولة بعين الإعتبار

س9 -ايه هو العمل الفنى الذى تتمنين اتقانه ؟
مفارش الخرز شغلة رائع

س10 - تقدمى الدعوة لمين من اصدقائك ن خارج المنتدى
لدخول ألهندسة الصناعية ويكونو ضيوف قهوتى ؟
في فنانين كتير
في مي عبدالرحمن فنانة مجسمات من الرمال
سارة سعيد مني ثروت

**نااانو** **نااانو** · 04-10-2014, 10:48 PM

من الخميس الى الخميس
ننتظر لمتنا الحلوة وصحبتنا الجميلة
على فنجان قهوتنا المحوجة
مع رباعياتك ولملمت كلماتك
وضيوفك وغنوتك المختارة
كله منتقاه بعناية
وبحب مغزول بحلاوة
مع رائحة ونكهة مميزة
بنسعد بقهوتنا المميزة ومضيفتها الرائعه
منى سامى
والان نرحب بضيفتك وضيفتنا
صاحبة القلب الطيب
الجميلة رانيا
نورتى قهوتنا ونسعد بصحبة صديقاتك الفنانات الرائعات
نورتى القهوة يارونى
واجاباتك جميلة ومنسقة
نسعد بوجودك معنا وتنورى صحبتنا كل خميس
بخفة ظلك وروحك الحلوة تنورينا
فا اهلا بكِ فى قهوتنا المميزة

**حبي الوحيد** **حبي الوحيد** · 04-10-2014, 11:08 PM

حبيبتي نانو اسعدني ردك
ربنا يخليكي ليا
وانتِ صاحبة الفضل بعد ربنا
بتعريفي ألهندسة الصناعية ربنا ميحرمنيش منك
ولا من الصحبة الجميلة التي لا تعوض

**هالة** **هالة** · 04-11-2014, 04:54 AM

صباح طيب جديد
على اهل المنتديات
ورواد قهوتنا
يا رب يكون سعيد
قهوة محوجة للاسف
بنشربها في الضلمة
لكن نورها طالل
من عيون حلوة
قلوب مليانة بالحب
في بلد ضناه الغلب
على رجع كلمات الخال
ورباعيات وحكم تتقال
تحلى لمتنا
ونرحب بضيفتنا
صاحبة بيت مفيش كلام
رنوش الحلوة
القلب الجميل والفن الراقي
قهوة مميزة دايما
بدفى الود والصحبة الهنية
وفي انتظار الحبيبات
حتفضل قهوتنا فاتحة ابوابها
تسلموا حبيباتي
مون مون
ورانيا

**حبي الوحيد** **حبي الوحيد** · 04-11-2014, 08:47 AM

تسلميلي لولو ومنمن
علي الإستضافة الجميلة

إعـــــــلان

قهوه ألهندسة الصناعية ثقافه من كل لون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك